Morgunblaðið - 19.02.2005, Blaðsíða 8

8 LAUGARDAGUR 19. FEBRÚAR 2005 MORGUNBLAÐIÐ
FRÉTTIR
Þá geta nú blessuð hjónakornin látið sig hverfa í skíðatúr á heimalandinu þegar næstu stór-
afmæli þjóðarinnar verða.
Kjör og vinnuskil-yrði blaðburðar-fólks hafa verið í
umræðunni undanfarin
misseri, enda ýmsum þótt
sem réttindi sumra hafi
verið brotin í þeim efnum,
einkum hafa foreldrar
blaðburðarbarna látið í sér
heyra, t.d. í blaðagreinum.
Meðal annars hefur verið á
það bent að blaðberar
Fréttablaðsins og DV
vinna enn án formlegs
kjarasamnings.
Morgunblaðið samdi ár-
ið 2003 við Verzlunar-
mannafélag Reykjavíkur
um kjör sinna blaðbera.
Forsvarsmenn Pósthúss-
ins ehf., sem annast dreifingu
Fréttablaðsins og DV, hafa sagt að
viðræður séu að hefjast við Póst-
mannafélag Íslands og Verzlunar-
mannafélag Reykjavíkur um gerð
kjarasamnings. Þegar rætt var við
forsvarsmenn beggja félaga voru
svörin þau að engar formlegar við-
ræður hefðu enn farið fram milli
aðila það sem af er þessu ári en
fulltrúar VR og Pósthússins ætla
að hittast í næstu viku.
Verður gripið til dagsekta
Í október sl. voru kjör blaðburð-
arfólks rædd á Alþingi.
Í svari félagsmálaráðherra við
fyrirspurn Jóhönnu Sigurðardótt-
ur þingmanns um þessi mál kom
fram að fyrir nokkrum misserum
var atvinnurekendum, sem annast
útgáfu og dreifingu dagblaða, sent
bréf frá Vinnueftirlitinu þar sem
vakin var athygli á þeirri skyldu
þeirra að gera svonefnt áhættu-
mat vegna starfa blaðburðarfólks
með tilliti til heilsu og öryggis.
Fyrirtæki hafi brugðist misjafn-
lega við erindinu.
Steinar Harðarson, umdæmis-
stjóri Vinnueftirlitsins á höfuð-
borgarsvæðinu, segir að enn séu
fyrirtæki sem ekki hafi skilað
áhættumati, þ.m.t. Pósthúsið, en
lokafrestur til að skila því rennur
út í lok mánaðarins. Eftir það verði
gripið til dagsekta.
Í áhættumatinu er litið til lík-
amlegs álags við útburð og hvort
fylgt sé eftir ákvæðum um vinnu-
tíma. Þá er í tilvikum, þar sem
börn 13–17 ára eiga í hlut, miðað
við að þau geti án vandræða dreift
blöðum og tekið sé tillit til að-
stæðna, s.s. hvort fólk er á leið
heim af skemmtistöðum í tiltekn-
um hverfum þegar útburður
stendur yfir, o.s.frv.
Að sögn Arnar Þórissonar,
áskriftarstjóra Morgunblaðsins,
skilaði Morgunblaðið áhættumati í
desember 2003.
Sjálfsagðar leikreglur
Elías Magnús Guðmundsson,
forstöðumaður kjarasviðs VR,
segir fulltrúa félagsins og Póst-
hússins hafa hist tvisvar á síðasta
ári í þeim tilgangi að koma á kjara-
samningi en viðræður hafi engu
skilað. Pósthúsið hafi t.a.m. ekki
fallist á að gera samning við VR,
sams konar þeim sem Árvakur
gerði árið 2003 vegna Morgun-
blaðsins. Elías segir að þegar slík-
ur samningur liggi fyrir sé mest
um vert að orlofsréttur, veikinda-
réttur, uppsagnarfrestur, o.þ.h. er
mun sterkari en ef réttarstaða við-
komandi byggist eingöngu á lög-
um, auk þess sem engin lágmarks-
laun gildi um þá sem ekki eru í
stéttarfélagi.
Samningur VR og Árvakurs frá
2003 nær til um 600 blaðbera. Örn
Þórisson segir að flest þau réttindi
sem samningurinn feli í sér hafi
raunar gilt áður, en verið staðfest
með samningnum. Í fyrra var svo
gengið frá nýjum samningi milli
Árvakurs og VR. Örn segir að
kostir samningsins séu ótvíræðir,
engin óvissa ríki um réttarstöðu
blaðbera sem starfa fyrir Morgun-
blaðið, kjarasamningar um kaup
og kjör launþega séu sjálfsagðar
leikreglur á vinnumarkaði.
Vilja gera samning
Einar Þorsteinsson, fram-
kvæmdastjóri Pósthússins, segir
það eindreginn vilja fyrirtækisins
að koma á kjarasamningi milli
þess og stéttarfélaga. Á annað
þúsund blaðberar, eða póstberar,
eins og þeir nefnast hjá fyrirtæk-
inu, sjá um að dreifa Fréttablaðinu
og DV. „Í okkar huga eru hlutirnir
í sjálfu sér í lagi eins og þeir eru,
við störfum í meginatriðum eftir
samningum Verzlunarmanna-
félagsins þótt við séum ekki með
formlegan samning. Í mínum huga
er það hins vegar ekki spurning
hvort heldur hvenær við gerum
samning. Ég er sammála þeirri
meginlínu að auðvitað eiga þessir
starfsmenn að hafa kjarasamning
eins og allir aðrir,“ segir Einar.
Engin tímamörk liggi þó fyrir í
þeim efnum.
Nú hafið þið ekki viljað skrifa
undir samning eins og Árvakur
gerði við VR á sínum tíma. Tengist
það eitthvað því að þið eruð að
gera annað og fleira en að dreifa
dagblöðum?
„Ekki endilega. Þetta er meira
spurning um formið,“ segir Einar,
en vill ekki ræða það nánar. „Við
erum með samning um dreifingu
við fyrirtækið 365 prentmiðla. Við
tókum við boltanum eins og hann
var og erum að vinna úr því. Við
stefnum að því að verða sérhæft
dreifingarfyrirtæki og þar af leið-
andi skiptir það okkur miklu máli
að hafa alla þessa hluti í lagi.“
Fréttaskýring | Kjör og vinnuskilyrði
blaðburðarfólks
Yfir 1.000 án
samnings
Frestur til að skila Vinnueftirlitinu
áhættumati fyrir blaðbera að renna út
Fjöldi ungs fólks starfar við blaðaútburð.
Gagnrýnir blaðamenn
fyrir áhugaleysi

Faðir blaðburðardrengs,
Gunnlaugur Júlíusson, sem
gagnrýnt hefur blaðburðarmál
Fréttablaðsins og DV, gagnrýndi
nýlega í bréfi til Morgunblaðsins
þátt blaðamanna í umfjöllun um
kjör blaðburðafólks, sem hann
sagði að virtust ekki hafa tekið
eftir umræðunni. Í greininni seg-
ir að vinnuveitandinn (Frbl. og
DV) ákveði kjör og vinnuálag
blaðburðarfólks einhliða, auk
þess sem öryggismálum hafi ekki
verið veitt nauðsynleg athygli.
kristjan@mbl.is
H
V
ÍT
A
H
Ú
S
I‹
/
S
ÍA
Á dagskrá fundarins verða eftirtalin mál:
1. Aðalfundarstörf skv. 14. gr. samþykkta félagsins.
2. Tillaga um heimild stjórnar félagsins til að kaupa
hluti í félaginu skv. 55. gr. hlutafélagalaga.
3. Önnur mál, löglega upp borin.
Tillögur frá hluthöfum sem bera á upp á aðalfundi skulu
vera komnar skriflega í hendur stjórnarinnar eigi síðar
en sjö dögum fyrir aðalfund.
Framboð til stjórnar skulu vera komin skriflega í hendur
stjórnar eigi síðar en fimm dögum fyrir aðalfund.
Dagskrá, endanlegar tillögur og ársreikningar félagsins
ásamt skýrslu endurskoðenda munu liggja frammi á
skrifstofu Burðaráss, Sigtúni 42, viku fyrir aðalfund.
Ennfremur verður hægt að nálgast þær á vefsíðu
félagsins, www.burdaras.is.
Fundargögn verða afhent hluthöfum eða umboðs-
mönnum þeirra á fundarstað frá kl. 13.00.
AÐALFUNDUR BURÐARÁSS HF.
Burðarás • Sigtúni 42 • 105 Reykjavík • Sími 578 7800 • www.burdaras.is
VERÐUR HALDINN Á GRAND HÓTEL REYKJAVÍK
FÖSTUDAGINN 4. MARS 2005 OG HEFST HANN
KL. 14.00.
Fáðu fréttirnar
sendar í símann þinn