Morgunblaðið - 19.02.2005, Blaðsíða 24
24 LAUGARDAGUR 19. FEBRÚAR 2005 MORGUNBLAÐIÐ
MINNSTAÐUR
Keflavík | Safnaðarstarf er öflugt í
Keflavík. Safnaðarheimið Kirkju-
lundur er miðstöð þess og tilkoma
heimilisins skapaði forsendur fyrir
öflugu félagslífi, að sögn Önnu
Jónsdóttur, formanns sókn-
arnefndar.
Níutíu ára vígsluafmælis Kefla-
víkurkirkju er minnst um þessar
mundir. Afmælisdagurinn er 14.
febrúar en vígsluafmælisins verður
minnst við guðsþjónustu í kirkj-
unni á morgun, sunnudag, og í
kaffiboði sem verður í safn-
aðarheimilinu á eftir.
Safnaðarheimilið
er miðstöðin
„Það hefur breytt miklu að fá
safnaðarheimilið,“ segir Anna
Jónsdóttir, formaður sóknar-
nefndar, þegar hún er spurð um
safnaðarstarfið. Það sé heimili fé-
lagslífs á vegum safnaðarins og þar
séu auk þess haldnir tónleikar,
fundir og ráðstefnur á vegum ann-
arra félaga, sem og veislur og ýms-
ar samkomur.
Anna byrjar á því að nefna Kór
Keflavíkurkirkju og Barnakór
Keflavíkurkirkju þegar hún fer yf-
ir helstu þætti safnaðarstarfsins.
Segir að kórinn, sem starfar undir
stjórn Hákonar Leifssonar, sé góð-
ur. Þá lofi Barnakórinn góðu en
hann var stofnaður á síðasta ári og
starfar undir stjórn Hákonar og
Bylgju Dísar Gunnarsdóttur. Hún
nefnir öflugan sunnudagaskóla þar
sem hátt í fjögur hundruð börn
taki þátt. Loks segir hún að á veg-
um safnaðarins séu haldin nám-
skeið og fundir og að kapellan í
Kirkjulundi sé mikið notuð
fyrir smærri athafnir.
Þótt starfið sé öflugt segir
Anna að kirkjusókn mætti
vera meiri þar eins og ann-
ars staðar. „Ég tel að fólk
mætti leita meira til kirkj-
unnar, það er þörf á því í
þessu samfélagi sem við búum
við.“
Útbreiðslunefnd starfar á veg-
um sóknarnefndar og hefur hún
unnið að því að auka messusókn.
Anna segir að það hafi gefið góða
raun. Hún segir að starf barna-
kórsins fjölgi kirkjugestum. For-
eldrar komi með börnum sínum til
að fylgjast með þeim syngja við
messu og komi gjarnan aftur. Út-
breiðslunefndin hefur boðið fé-
lögum og samtökum að vera með
sinn dag í kirkjunni. Félagsmenn
taki þátt í messunni og haldi
kannski fund á eftir. „Þetta hefur
mælst vel fyrir og gefið góða
raun,“ segir Anna.
Prestar í Keflavíkursókn eru
Ólafur Oddur Jónsson sókn-
arprestur og séra Sigfús Baldvin
Ingvason.
Tengist uppeldinu
Anna hefur lengi tekið þátt í
starfi Keflavíkursóknar, var fyrst í
kórnum, síðan í safnaðarstjórn og
nú formaður í tvö ár. „Þetta tengist
uppeldinu. Faðir minn og afi
voru báðir í kirkjustarfi. Afi
var lengi hringjari í Kálfa-
tjarnarkirkju og pabbi for-
maður sóknarnefndar. Báð-
ir sungu í kórnum og pabbi
einnig í kirkjukór í Reykja-
vík þegar við bjuggum þar.“
Hún segir að það sé töluvert
starf að vera formaður sókn-
arnefndar í stórri sókn eins
og Keflavíkursókn. Það fari
þó alltaf eftir því hvað sá
sem tekur embættið að sér
vill leggja mikið á sig. Sjálf
segist hún hafa mikla
ánægju af þessu starfi og
reyna að leggja sig fram.
„Ég tel að við mættum
rækta trúna betur, það er
þörf á því í samfélagi okkar.
Það gerir öllum gott. Ég
vildi óska að fólk leitaði
meira til kirkjunnar,“ segir
Anna. Hún bætir því við að
börn hefðu gott af því að
kynnast trúnni betur á
yngstu stigum grunnskóla,
þó ekki væri annað en að
þau lærðu boðorðin tíu strax á
þeim aldri. Hún hefur stungið upp
á því að tekin verði upp samvinna
við Reykjanesbæ um fræðslu fyrir
börnin í Frístundaskólanum og
segir að Árni Sigfússon bæj-
arstjóri hafi tekið því vel. Það kosti
hins vegar töluvert og fjárhags-
legur grundvöllur verði að vera
tryggður áður en út í slíkt yrði far-
ið.
Keflavíkursókn minnist 90 ára vígsluafmælis Keflavíkurkirkju
Fólk mætti leita meira til kirkjunnar
Morgunblaðið/Helgi Bjarnason
Níræð Keflavíkurkirkja var vígð fyrir 90 árum.
Formaður Anna Jónsdóttir
hefur lengi starfað fyrir
Keflavíkursókn.
TENGLAR
..........................................
www.keflavikurkirkja.is
SUÐURNES
Reykjanesbær | Starfsfólk og viðskiptamenn
opinberra stofnana í Reykjanesbæ eiga þess
nú kost að lesa ljóð í afgreiðslum stofnananna.
Á vegum þróunarverkefnisins Lestrarmenn-
ingar í Reykjanesbæ hefur ljóðum verið komið
fyrir víða í opinberum stofnunum í bænum.
Lestrarmenning í Reykjanesbæ er þriggja
ára þróunarverkefni sem ætlað er að efla
lestrarfærni og málskilning barna. Markmiðið
er, að því er fram kemur í fréttatilkynningu,
að fá allt samfélagið til að taka höndum saman
um að efla mál- og lesþroska barna, allt frá
fæðingu til fullorðinsára.
Unnið er að verkefninu í skólum en einnig
víða um samfélagið. Veturinn 2003 til 2004 fór
til dæmis fram lestraráskorun fyrirtækja og
fyrirlestrar voru haldnir í kvenna- og karla-
klúbbum bæjarins. Samfélagsverkefni þessa
vetrar sem kallast „Ljóð um allan bæ“ hófst í
haust.
Á vegum verkefnisstjórnarinnar hefur fjöldi
ljóða legið frammi í vetur í hinum ýmsu fyrir-
tækjum og stofnunum bæjarins. Fyrst var ljóð-
unum komið fyrir hér og þar í matvöruversl-
unum, síðan í verslunum við Hafnargötuna og
nú í febrúar liggja þau frammi í opinberum
stofnunum.
Með þessu verkefni vill verkefnisstjórn
minna á nauðsyn lestrar og ekki síður þá
ánægju sem lesturinn veitir.
Ljóð í opinber-
um stofnunum