Morgunblaðið - 19.02.2005, Blaðsíða 68

ALLSÉRSTÆÐIR fiðlutónleikar undir heitinu
„Kynslóðabil fiðlunnar“ verða haldnir í dag á Nýja
sviði Borgarleikhússins. Þar mun Hildigunnur
Halldórsdóttir leika fjögur verk á tvær gerðir af
fiðlum, annars vegar barokkfiðlu og hins vegar
fiðlu með nútímastillingu.
Fiðlusmiðurinn Hans Jóhannsson smíðaði
barokkfiðluna sem er nákvæm eftirlíking nútíma-
fiðlunnar, sem smíðuð var af Enrico Catenari árið
1694. Munurinn liggur í stillingunum á fiðlunum
en barokkhljóðfæri bera með sér þýðari blæ en
þau með nútímastillingum, enda var á þau leikið í
mun smærri sölum. Eru tónleikarnir tilraun til að
bera þessa tvo hljóðheima saman./59
„Kynslóðabil
fiðlunnar“
Hans Jóhannsson og Hildigunnur Halldórsdóttir.
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 LAUGARDAGUR 19. FEBRÚAR 2005 VERÐ Í LAUSASÖLU 220 KR. MEÐ VSK.
Heilsukoddar
Heilsunnar vegna
Opi› í dag laugardag
frá kl. 11-16
ÞEIR sem safna vildarpunkt-
um í flugi sem vinnuveitandi
hefur greitt fyrir verða að telja
ígildi punktanna fram til skatts
segir í svari Indriða H.
Þorlákssonar ríkisskattstjóra
vegna fyrirspurnar um skatt-
lagningu flugferða sem fást
fyrir vildarpunkta. Ríkisskatt-
stjóri svarar því til að ekki sé
hægt að líta á söfnun vildar-
punkta sem lið í samningi um
afsláttarkjör þegar vinnuveit-
andi greiðir flugferðir.
Afsláttarkjörin felist nánar
tiltekið í því að kaupandi safnar
fyrir afslættinum t.d. punktum
með því að haga viðskiptum
sínum með ákveðnum hætti og
öðlast á grundvelli samningsins
rétt til úttektar á meiri þjón-
ustu án þess að greiða fyrir
hana sérstaklega. Úttekt á t.d.
flugferð gegn „afhendingu“
punkta sem liður í slíkum af-
sláttarkjörum feli að mati
ríkisskattstjóra ekki í sér
skattskyldar tekjur í hendi
samningsaðila heldur sé um að
ræða afslátt sem veittur sé eft-
ir á.
Punktasöfnun ekki liður í
samningi um afsláttarkjör
Þegar um það er að ræða að
vinnuveitandi greiði fyrir
kostnað vegna ferðar einstak-
lings en einstaklingurinn fær
punktana til sín persónulega sé
ekki unnt að líta á slíka
punktasöfnun sem lið í samn-
ingi um afsláttarkjör. Í því til-
viki skoðast vinnuveitandinn
sem kaupandi þjónustunnar og
þeir vildarpunktar sem safnast
hjá einstaklingum renna því til
vinnuveitandans sem þriðja
manns.
Í því tilviki verði að líta á
flugferð, eða annað sem afhent
er gegn vildarpunktum, sem
gjöf til handa einstaklingnum
enda hafi þeir punktar ekki
safnast vegna samnings ein-
staklingsins og seljandans um
afsláttarkjör. Slíkar gjafir
skoðast sem skattskyldar
tekjur í hendi gjafþega sbr. lög
um tekjuskatt og eignaskatt.
Segir ríkisskattstjóri að telja
beri tekjur sem þessar fram á
skattframtali. Um eftirlitsþátt-
inn í þessu sambandi segir
Indriði H. Þorláksson við
Morgunblaðið að almennt
byggi skattstjóri á upplýsing-
um framteljenda sjálfra og sé
því treyst að þær séu réttar.
„Hins vegar kann alltaf að
reyna á það í eftirlitsaðgerðum
að hlutirnir séu skoðaðir nánar.
Upplýsingar eru e.t.v. fyrir
hendi um að ekki sé allt með
felldu þá gildir sama. Um þetta
gildir það sama og annað þ.e.
að ekki er í gangi nein skipuleg
söfnun á þessum upplýsingum.
Við treystum á að menn geri
grein fyrir þessu eins og öðrum
tekjum eða hlunnindum.“
Vildarpunktar vegna
vinnuferða skattlagðir
JÓNAS Sen, tónlistargagnrýnandi Morgunblaðs-
ins, gagnrýnir Íslensku óperuna harðlega í grein
í Lesbók í dag. Hann telur að listræn stefna
óperunnar sé vanhugsuð. Ekki séu aðstæður í
Gamla bíói til þess að sýna stórfenglegar óperur
á borð við Toscu sem krefjist mikils sviðsrýmis
og voldugrar hljómsveitar.
„Ef þær aðstæður eru ekki fyrir hendi þá er
tilgangslaust að auka opinbera styrki til að
stuðla að „uppbyggingu samfelldrar, fjöl-
breyttrar og metnaðarfullrar óperustarfsemi á
vegum Íslensku óperunnar“ eins og það var orð-
að á heimasíðu menntamálaráðuneytisins haustið
2001. Það er einfaldlega verið að eyða pening-
unum í vitleysu; þá er risaeðlunni svo sann-
arlega betur komið fyrir kattarnef,“ segir Jónas.
Jónas gagnrýnir einnig einhæft val á söngv-
urum og leggur til að Íslenska óperan móti
framsæknari listræna stefnu með því að taka
upp virkara samstarf við íslensk tónskáld, til
dæmis Björk. „Ég er líka viss um að Björk gæti
samið óperu,“ segir Jónas og bætir við: „Það
yrði örugglega áhugaverðara verk en Tosca úr
ferðaútvarpi og á sviði sem er varla stærra en
skókassi.“/Lesbók
Segir listræna stefnu
Íslensku óperunnar
vanhugsaða
BJARKI Sveinbjörnsson, tónlistarráðunautur hjá
Ríkisútvarpinu, segir að tilraunir hefjist með staf-
rænar útvarpssendingar á Faxaflóasvæðinu fyrir
páska. Klassíska útvarpsstöðin Rondó, sem er á
tíðninni 87,7, verður send út með stafrænum
hætti, en þegar fram í sækir verður hægt að ná
öllum rásum RÚV á stafrænu formi.
Til að nýta sér stafrænu útsendingarnar þarf
sérstök tæki, en með þeim verður gert kleift að
senda út margar stöðvar á sömu tíðni./61
RÚV gerir tilraunir
með stafrænt útvarp
SJÓNVARPSSTÖÐIN Skjár einn hefur tryggt sér
einkaleyfi á að gera íslenska útgáfu af hinum
bandarísku sjónvarpsþáttunum Bachelor og
Bachelorette, sem sýndir hafa verið á stöðinni við
allnokkrar vinsældir.
Áætlað er að fyrsta þáttaröðin, þar sem íslensk-
ur piparsveinn mun velja sér kvonfang úr röðum
ungra íslenskra kvenna, hefji göngu sína í haust.
Samkvæmt heimildum Morgunblaðsins er áætl-
að að hér verði um að ræða viðamesta verkefni
sem Skjár einn hefur ráðist í./61
Íslenskur piparsveina-
þáttur næsta haust BÖRNIN á Lindarborg og Barónsborg gengu í gær í kringum stóran stein íLýðveldisgarðinum við Hverfisgötu og sungu til álfanna sem þar kannski búa.
Flest börnin heyrðu svo álfana svara með söng: „Já, ég heyrði þá syngja,“
segir Aron Heimir sem er fjögurra ára, „Stóð ég úti í tunglsljósi stóð ég út við
skóg.“ Mikið líf og fjör var og ábyggilegt að álfarnir hafa haft gaman af.
Leikskólabörn í Reykjavík fóru út af deildum sínum í gærmorgun til að
leita að álfum og huldufólki til að færa þeim góðar gjafir eins og ljóð, sögur,
dansa og fleira. Þessi tilbreytni í starfi leikskólanna tengist Vetarhátíðinni
sem nú stendur yfir í höfuðborginni. Þar er boðið upp á menningarviðburði
fyrir alla borgarbúa, hvort sem þeir eru stórir eða smáir, sjáanlegir eða
ósýnilegir.
Morgunblaðið/Þorkell
Leikskólabörn í Reykjavík fóru í gær á álfaslóðir og sungu og fóru með ljóð og sögur. Álfaleitin var liður í Vetrarhátíð.
Sungið fyrir álfana
LÍTIÐ fannst af loðnu á miðunum suður af
landinu í gær og óttast skipstjórar að vertíð-
inni ljúki senn ef ekki skilar sér ný ganga upp
á grunnið.
Veður var gengið niður við suðurströndina
í gær og var loðnuflotinn að leita austan við
Vestmannaeyjar. En með litlum árangri, að
sögn Jóns Axelssonar, skipstjóra á Júpiter.
„Það finnst engin loðna og mér líst ekki á út-
litið,“ sagði Jón þegar Morgunblaðið ræddi
við hann í gær. Loðnan hefur þó oft verið
dyntótt og skotið óvænt upp kollinum þegar
hennar var síst von.
„Það hefur mjög lítið magn gengið upp á
landgrunnið á vertíðinni og það er búið að
veiða það litla magn sem hefur þó skilað sér.
Það bólar ekkert á annarri göngu og ef hún
lætur ekki á sér kræla fljótlega er vertíðin
bara búin.
Okkur þótti vertíðin í fyrra fremur léleg en
þessi stefnir í að vera ennþá verri,“ sagði Jón
skipstjóri á Júpiter.
Loðnukvótinn á yfirstandandi veiðitímabili
hefur verið aukinn um 22.468 tonn. Heild-
arkvóti íslenskra skipa á vertíðinni er því
803.256 tonn. Þessi viðbót er eftirstöðvar af
leyfilegum afla erlendra veiðiskipa sem þau
náðu ekki að veiða.Heildaraflinn á vertíðinni
er nú orðinn um rúm 392 þúsund tonn og
kvótinn því nærri hálfnaður.
Óttast að loðnuvertíð sé lokið