Morgunblaðið - 01.03.2005, Qupperneq 2
2 ÞRIÐJUDAGUR 1. MARS 2005 MORGUNBLAÐIÐ
FRÉTTIR
SAMNINGAR NÁÐUST
Skrifað var undir kjarasamning
ríkisins og Bandalags háskólamanna
í gærkvöldi en undirritun samnings-
ins tafðist vegna tilrauna fulltrúa
ríkisins til að fella samninga félaga
náttúrufræðinga, lyfjafræðinga,
tæknifræðinga og verkfræðinga inn
í hann.
Þremur sagt upp
Sjö leikarar Þjóðleikhússins hafa
ákveðið að losa leikarasamninga sína
að fyrra bragði. Sökum þessa kom,
að sögn Tinnu Gunnlaugsdóttur
þjóðleikhússtjóra, aðeins til upp-
sagna þriggja fastra samninga og er
þar um að ræða leikara sem komust
á fastan samning í Þjóðleikhúsinu
leikárið 2002–2003 eða síðar.
Blóðug árás í Írak fordæmd
Kofi Annan, framkvæmdastjóri
Sameinuðu þjóðanna, og leiðtogar
margra ríkja fordæmdu í gær
sprengjutilræði sem kostaði að
minnsta kosti 114 manns lífið í borg-
inni Hilla í Írak. Er þetta mann-
skæðasta sprengjutilræðið í Írak frá
því að stjórn Saddams Husseins féll
eftir innrásina í landið fyrir tæpum
tveimur árum.
Stjórn Líbanons segir af sér
Stjórn Omars Karamehs, for-
sætisráðherra Líbanons og banda-
manns sýrlenskra stjórnvalda, sagði
af sér í gær eftir að tugir þúsunda
manna efndu til mótmæla við þing-
húsið í Beirút. Mikill fögnuður var á
götum borgarinnar eftir afsögn
stjórnarinnar og fólkið krafðist þess
að Sýrlendingar færu með her sinn
frá Líbanon þegar í stað.
Y f i r l i t
Í dag
Sigmund 8 Forystugrein 22
Úr verinu 12 Viðhorf 24
Viðskipti 13 Minningar 25/29
Erlent 14/15 Skák 30
Minn staður 16 Dagbók 32/34
Akureyri 17 Myndasögur 32
Austurland 17 Víkverji 32
Suðurnes 18 Staður og stund 34
Landið 18 Fólk 38/41
Daglegt líf 19 Bíó 38/41
Listir 20, 35/36 Ljósvakar 42
Umræðan 20/24 Veður 43
Bréf 21 Staksteinar 43
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Skarphéðinn Guðmundsson, skarpi@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
%&' (
)***
ÞAÐ VAR ævintýralegur afli í gær hjá dragnótabátn-
um Steinunni SH sem kom með um 50 tonn að landi í
Ólafsvík eftir aðeins fimm köst sem fengust á suður-
kantinum. Var aflinn þorskur og ýsa. Vestri BA fékk
einnig mjög góðan afla eða um 35 tonn eftir tvö köst,
og kom hann að landi með fullfermi, svo það var
sannkölluð vertíðarstemning hjá sjómönnunum á
þessum bátum, en fiskverðið á fiskmörkuðunum
skyggði þó aðeins á gleði þeirra, því fiskverð hefur
hrunið að undanförnu, og sjómenn ekkert allt of
hrifnir af því að vera að róa og hafa margir haldið
sig í landi.
Hér er áhöfnin á Steinunni SH að landa aflanum í
gærkvöldi.
Morgunblaðið/Alfons
Ævintýralegur afli í dragnótina
HÉRAÐSDÓMUR Reykjavíkur
dæmdi í gær tæplega tvítugan pilt í
30 daga skilorðsbundið fangelsi og
svipti hann ökuréttindum í eitt ár
fyrir að hafa ekki sýnt nægjanlega
aðgæslu þegar hann bakkaði bíl
sínum út úr stæði við Spítalastíg í
maí sl. með þeim afleiðingum að
bíllinn lenti á tæplega níræðri konu
sem skall í götuna. Við fallið hlaut
konan svo alvarlega höfuðáverka að
hún lést nokkrum klukkustundum
síðar.
Pilturinn var ásamt þremur
skólafélögum sínum í bílnum þegar
slysið varð. Þau höfðu setið saman í
bílnum í dágóða stund og talað
saman áður en hann gangsetti bif-
reiðina. Kvaðst hann hafa fullvissað
sig um að engin umferð væri fyrir
aftan bílinn áður en hann bakkaði
af stað og hefði hann litið bæði í
hliðarspegla og baksýnisspegil.
Kona sem varð vitni að atvikinu
sagðist hafa séð gömlu konuna
ganga mjög hægt eftir gangstétt-
inni þegar bifreið piltsins var
skyndilega ekið af stað. Hún hróp-
aði að konunni að víkja sér frá bíln-
um en sagðist hafa séð að það
myndi ekki takast þar sem konan
hefði gengið svo hægt. Konan hefði
síðan lent á farangursrými bifreið-
arinnar og síðan fallið á götuna.
Í niðurstöðum dómsins segir að í
ljósi framburðar vitna og stroku-
fars á bílnum sé hafið yfir skyn-
samlegan vafa að pilturinn hafi
bakkað á konuna. Taldi dómurinn
að pilturinn hefði ekki sýnt nægj-
anlega aðgæslu og tillitssemi þegar
hann ók bílnum. Hann hafði aldrei
áður gerst sekur um refsiverða
háttsemi, hann er ungur að árum
og í dómnum segir að atvikið hafi
án efa reynst honum þungbært.
Ingveldur Einarsdóttir kvað upp
dóminn. Þorsteinn Skúlason sótti
málið f.h. lögreglustjórans í
Reykjavík og Eiríkur Elís Þorláks-
son hdl. var til varnar.
Bakkaði bíl á aldraða konu sem lést af áverkunum
Sýndi ekki nægj-
anlega aðgæslu
SAMNINGAR tókust milli Félags
sjálfstætt starfandi sjúkraþjálfara
og heilbrigðis- og trygginga-
málaráðuneytisins í gærkvöldi.
Að sögn Kristján Guðjónssonar,
framkvæmdastjóra sjúkratrygg-
ingasviðs Tryggingastofnunar, er
samningurinn „á líkum línum og
samið var um við sérfræðilækna“ og
gildir til loka mars 2008.
Samningurinn nær til um 250
sjúkraþjálfara. Kristján Ragn-
arsson, formaður Félags sjálfstætt
starfandi sjúkraþjálfara, segir að
samningurinn feli í sér breytingar á
tilhögun sjúkraþjálfunar og fleiri
liðir séu í samningnum að þessu leyti
en áður. Þá er m.a. aukið mat á
þeirri vinnu sjúkraþjálfara sem felst
í skoðun og skráningu gagna um
sjúklinga. Að sögn Kristjáns verður
samningurinn kynntur félagsmönn-
um á næstu dögum og stefnt að því
að atkvæðagreiðsla um hann liggi
fyrir eftir hálfan mánuð.
Sjúkraþjálfarar
og TR sömdu
LYFJAFYRIRTÆKIÐ Merck
Sharp & Dohme á Íslandi, MSD,
hefur ákveðið að greiða rúmar 4,5
milljónir króna til Tryggingastofn-
unar ríkisins (TR) vegna kostnaðar
sem stofnunin hafði af niðurgreiðslu
gigtarlyfsins Vioxx til sjúklinga.
Lyfið var tekið af markaði sl. haust
að frumkvæði framleiðandans
vegna of tíðra og hættulegra auka-
verkana á æðar í hjarta og heila.
Samkvæmt upplýsingum frá TR
bauðst lyfjafyrirtækið til að end-
urgreiða sjúklingahlutann þegar
lyfið var innkallað en féllst síðan á
að endurgreiða lyfið að fullu. Pétur
Magnússon, markaðs- og sölustjóri
MSD á Íslandi, segir þetta hafa
verið sameiginlegt samkomulag
málsaðila, þ.e. fyrirtækisins, Trygg-
ingastofnunar og heilbrigðisráðu-
neytisins. Koma fjármunirnir að
sögn Péturs frá fyrirtækinu í heild
sinni, en endurgreiðslur sem þessar
hafa ekki verið reiddar fram í öllum
löndum þar sem umrætt gigtarlyf
var selt.
Fjárframlag MSD samsvarar
greiðsluhluta TR í pakkningunum
sem sjúklingar skiluðu inn frá því
lyfið var innkallað til sl. áramóta. Í
frétt frá heilbrigðisráðuneytinu
fagnar Jón Kristjánsson heilbrigð-
isráðherra þessum tíðindum og því
frumkvæði sem fyrirtækið MSD
hafi sýnt.
Pétur Magnússon segir að ekki
standi til að gera breytingar eða
þróa lyfið Vioxx áfram. Það hafi
verið endanlega tekið af markaði en
MSD framleiði áfram gigtarlyfið
Arkoxia í sama lyfjaflokki.
Lyfjafyrirtæki
endurgreiðir TR
FLYTJA þurfti dreng á sjötta ári
með hraði frá sumarbústað í Gríms-
nesi á slysadeild Landspítalans í
Fossvogi þar sem legókubbur stóð í
honum.
Samkvæmt upplýsingum frá lög-
reglunni á Selfossi er talið að kubb-
urinn hafi óvart lent ofan í kókglasi
og þegar drengurinn saup á hafi
hann fest í öndunarvegi hans og olli
það honum öndunarerfiðleikum.
Var því ekki annað að gera en að
flytja hann með hraði á slysadeild
þar sem tókst að losa kubbinn.
Legókubbur
festist í hálsi
SVEIN Ludvigsen, sjávarút-
vegsráðherra Noregs, hefur
ákveðið einhliða að aflahlutdeild
Norðmanna í norsk-íslensku
síldinni aukist úr 57% í 65% á
þessu ári. Norðmenn ætla sér
um 578.500 tonn af heildarkvóta
sem er 890 þúsund tonn. Árni M.
Mathiesen sjávarútvegsráð-
herra segir ákvörðun kollega
síns óskynsamlega, enda hætt
við að aðrar veiðþjóðir muni þá
auka sinn kvóta á sama hátt.
Árni segist þó ekki vera búinn
að ákveða hvernig bregðast
skuli við ákvörðuninni sem hann
segir að beri þess merki að nú
nálgist kosningar í Noregi.
Norðmenn
auka síld-
arkvótann
Norðmenn/12