Morgunblaðið - 01.03.2005, Blaðsíða 14
14 ÞRIÐJUDAGUR 1. MARS 2005 MORGUNBLAÐIÐ
ERLENT
AÐ minnsta kosti 114 manns biðu
bana og meira en hundrað til við-
bótar særðust alvarlega í sjálfs-
morðsárás í borginni Hilla í Írak í
gærmorgun. Þetta er mannskæðasta
einstaka sprengjutilræðið í Írak á
þeim tveimur árum sem liðin eru síð-
an Bandaríkjamenn steyptu stjórn
Saddams Husseins í landinu.
Tilræðismaðurinn sprengdi bíl
sinn í loft upp þar sem fjöldi Íraka
stóð í biðröð og beið þess að und-
irgangast læknisskoðun í því skyni
að geta sótt um starf hjá hinu op-
inbera. Meðal annars mun hafa verið
um að ræða störf hjá írösku örygg-
issveitunum en liðsmenn þeirra hafa
verið eitt helsta skotmark uppreisn-
armanna í Írak.
Borgin Hilla er um 100 km sunnan
við Bagdad og flestir eru íbúarnir af
kvísl sjía-múslíma, en talið er að
þorri uppreisnarmanna í Írak séu
hins vegar súnní-múslímar. Þetta er
ekki í fyrsta sinn sem skæruliðarnir
láta til sín taka í Hilla en markmið
þeirra virðist að hluta til vera að
magna upp spennu milli sjíta og
súnníta í Írak – en sjítar munu senn
taka við völdum í landinu í kjölfar
þingkosninga eftir að hafa um ára-
tuga skeið verið haldið niðri af
súnníta-stjórn Saddams.
Líkamshlutar á víð og dreif
Aðstæður á vettvangi sjálfsmorðs-
árásarinnar í Hilla í gær voru hrika-
legar. Talið er að bíll ódæðismanns-
ins hafi verið hlaðinn sprengiefnum
sem bendir til að markmiðið hafi ver-
ið að valda sem mestu mannfalli. Var
sprengingin svo öflug að bíllinn nán-
ast leystist upp í frumeindir sínar,
aðeins vélarhluti hans var eftir. Lög-
reglan í Babil-héraði, sem Hilla til-
heyrir, sagði að „nokkrir menn“
hefðu verið handteknir í tengslum
við sprengjutilræðið en fór ekki nán-
ar út í þá sálma.
„Þetta glæpsamlega athæfi beind-
ist gegn óbreyttum borgurum sem
engin tengsl höfðu við herinn eða
lögregluna og sem kosið hafa að lifa í
friði við aðra menn,“ sagði Walid
Janabi, héraðsstjóri í Babil-héraði.
Næstráðandi hans, Hassun Ali
Hassun, kallaði tilræðið „andstyggi-
legasta glæp sem nokkurn tíma hef-
ur verið framinn í borginni“. Sagði
hann að þeir sem ábyrgð báru á
ódæðinu hefðu drepið „saklausa
borgara sem vantaði vinnu og búðar-
eigendur sem voru að reyna að sjá
fyrir sér“.
Versta einstaka hryðjuverkið
Gatan á þeim stað þar sem ódæð-
ismaðurinn sprengdi bíl sinn í loft
upp var lituð blóði. Sundurtættir lík-
amshlutar lágu þar á víð og dreif.
Fólk þusti að til að veita særðum að-
stoð en útlimum og illa förnum líkum
fórnarlamba var safnað saman og
teppi sett yfir. Stökum skóm og
klæðnaði var safnað í eina hrúgu.
Haft var eftir starfsmanni björgun-
arsveita á staðnum að hendur
sprengjumannsins hefðu fundist
fastar við stýri bifreiðarinnar sem
sprengd var upp.
Ódæðisverkið í Hilla í gær er
versta einstaka hryðjuverkið í Írak á
undanförnum tveimur árum. Meira
en 180 manns biðu að vísu bana í
hrinu sprengjutilræða er beindust
gegn sjítum í Karbala og Bagdad í
mars á síðasta ári og 105 dóu í nokkr-
um sprengingum í Erbil í febrúar í
fyrra er beindist gegn stjórnmála-
flokkum Kúrda.
Mannskæðasta einstaka hryðju-
verkið í Írak fram til þessa átti sér
stað í Najaf 29. ágúst 2003 en þá fór-
ust 85 manns þegar bílsprengja
sprakk fyrir framan mosku þar í
borg, þ.á m. Ajatollah Mohammed
Baqir al-Hakim, einn áhrifamesti
trúarleiðtogi sjíta í landinu.
Hrikalegt blóðbað í Hilla
Að minnsta kosti
114 biðu bana í
mannskæðasta
einstaka hryðju-
verkinu í Írak
Reuters
Írakar hreinsa burtu blóð síðdegis í gær á vettvangi tilræðisins í Hilla. Óttast er að tala látinna eigi eftir að hækka enn.
Hilla. AFP.
-./012.""03+
''( % )
# % * " , ,
%& - .. *
/
.QR6
+ :N
=SR*+ :N
'R :
.TN@6
R ' *U>?@=
" / !
*
=&
9/
%%5)8&8%/%%8
05#5&$/)$8)
$#
G8
$ 5 /
#0"
8%V/$
G$/ #&$%/ /%%
(59
0 . .
0
*
Reuters
Á þessari mynd, sem tekin er af sjónvarpsskjá, sést hvar verið er að flytja
særðan mann á brott eftir sprengjutilræðið í írösku borginni Hilla í gær.
Enskur jarl
ráðinn af
dögum?
Nice. AFP.
EIGINKONA jarlsins af Shaftes-
bury í Englandi og mágur voru
handtekin á sunnudag, grunuð um
að hafa ráðið Anthony Ashley-
Cooper af dögum.
Djamilia M’Barek, þriðja eig-
inkona jarlsins, er sögð hafa við-
urkennt að hafa tekið þátt í að
myrða hann. Hún mun hins vegar
ekki hafa veitt upplýsingar um
hvar lík hans væri að finna.
Bróðir hennar, Mohammed
M’Barek, bíður þess að vera fram-
seldur frá Þýskalandi til Frakk-
lands. Samþykki hann framsalið
sjálfur mun það taka um tíu daga.
Neiti hann að láta flytja sig til
Frakklands verður að fara með
málið í gegnum dómskerfið sem
tekið getur nokkrar vikur. Talið er
að hann hafi hjálpað systur sinni að
koma aðalsmanninum fyrir katt-
arnef.
Jarlinn hvarf sporlaust í Cannes í
Frakklandi 6. nóvember. Daginn
áður átti hann fund með eiginkonu
sinni. Mun jarlinn hafa tjáð henni
að hann vildi skilnað en þau höfðu
þá slitið samvistum. Lögreglufor-
ingjar sem rannsaka málið telja að
eiginkonan og bróðir hennar hafi
ákveðið að myrða jarlinn og komast
þannig yfir eigur hans.
Leit hófst ekki fyrr en nokkru
síðar þar sem jarlinn átti það til að
ferðast á milli heimila sinna, í
Frakklandi og Englandi, án þess að
láta fjölskyldu sína vita.
Upplýsingar sem fengust í des-
ember voru þess efnis að lögreglan
taldi að um morðmál væri að ræða.
Vitað er að jarlinn átti vingott við
aðra konu á meðan á skilnaðinum
stóð og er jafnvel talið að hún sé
hvatinn að honum. Kynntist hann
henni við svipaðar kringumstæður
og eiginkonu sinni, en þær störfuðu
báðar á næturklúbbi.
Anthony Ashley-Cooper sem var
sextíu og sex ára, erfði titil sinn
ungur að árum sem og 3.600 hekt-
ara landareign. Hann var þekkt-
astur fyrir sérvitran lífstíl og fyrir
að stunda næturlífið grimmt. Þrátt
fyrir að nálgast eftirlaunaaldurinn
virðist það ekki hafa hamlað honum
í ástarlífinu en eiginkona hans var
tuttugu og níu árum yngri og enn
yngdi hann upp með nýju kærust-
unni sem var þrjátíu og þremur ár-
um yngri en aðalsmaðurinn.
Líðan páfa
sögð góð
Páfagarði. AFP.
LÍÐAN Jóhannesar Páls páfa II
hefur batnað og eru læknar bjart-
sýnir á, að þeir geti gefið honum
aftur röddina eftir uppskurð á
barka.
Joaquin Navarro-Valls, talsmaður
Páfagarðs, sagði, að líðan páfa væri
„almennt góð“ eftir atvikum. Hann
nærðist reglulega og væri tekinn til
við æfingar til að endurheimta
röddina og eðlilega öndun.
Í fjölmiðlum hafa ýmsir efast um,
að páfi nái aftur nægum styrk til að
tala eðlilega en við þær aðstæður
yrði hann varla fær um að leiða
kaþólsku kirkjuna. Það mun þó lík-
lega koma í ljós fljótlega hver bati
hans verður en páfi er einnig illa
haldinn af Parkinsons-veiki.
Javier Lozano, heilbrigðisráð-
herra Páfagarðs, sagði í gær, að
páfi yrði á sjúkrahúsi svo lengi sem
þyrfti en lagði mikla áherslu á, að
hann væri og yrði höfuð kirkjunnar
hvort sem hann gæti talað eður ei.
Háttsettur preláti í Páfagarði
blessaði fólk á Péturstorginu á
sunnudag í stað páfa og hefur það
ekki gerst fyrr í 26 ára löngum
páfadómi Jóhannesar Páls II. Hann
kom hins vegar út í glugga, veifaði
til fólks og gerði yfir því krossmark.
FÉLAG í Bretlandi, Fathers 4
Justice, sem berst fyrir auknum
réttindum og aukinni umgengni
forsjárlausra feðra við börn sín
eftir skilnað, stóð fyrir mótmæl-
um við utanríkisráðuneytið
breska í gær. Klifruðu þrír liðs-
menn félagsins upp á syllu á hús-
næði ráðuneytisins í London
íklæddir búningum teiknimynda-
hetjanna Batmans, Robins og
Kafteins Ameríku til að leggja
áherslu á kröfur sínar.
Þetta er ekki í fyrsta skipti
sem félagið beitir þessu bragði, á
síðasta ári klifraði óánægður fað-
ir upp á syllu á Buckinghamhöll
íklæddur Batman-búningi og
vakti sú uppákoma spurningar
um öryggisviðbúnað í höllinni.
Forsjárlausir
feður með mótmæli
Reuters
♦♦♦