Morgunblaðið - 01.03.2005, Page 10
10 ÞRIÐJUDAGUR 1. MARS 2005 MORGUNBLAÐIÐ
FRÉTTIR
LÁTINN er, áttræður
að aldri, Björn Þórar-
inn Þórðarson læknir,
sérfræðingur í háls-,
nef- og eyrnalækning-
um.
Björn fæddist 22.
febrúar 1925 í Hvíta-
nesi, Skilmannahreppi,
Borgarfjarðarsýslu, og
var einn fjögurra barna
Þórðar Guðnasonar,
bónda í Hvítanesi, og
konu hans Guðmund-
ínu Þórunnar Jónsdótt-
ur.
Björn varð stúdent frá Mennta-
skólanum í Reykjavík 1946, lauk
prófi í læknisfræði frá Háskóla Ís-
lands 1954 og varð sérfræðingur í
háls-, nef- og eyrnalækningum á Ís-
landi 1959. Eftir læknapróf var
Björn eitt ár héraðslæknir í Höfða-
héraði. Björn var kandídat í lækn-
isfræði í Danmörku á árunum
1955–6 og stundaði framhaldsnám í
háls-, nef- og eyrnalækningum í Sví-
þjóð á árunum 1956 til 1960.
Björn starfaði sem sérfræðingur í
háls-, nef- og eyrna-
lækningum á eigin
stofu í Reykjavík,
lengst af í Vesturbæj-
arapóteki, og Hafnar-
firði frá nóvember 1959
til desember 1995. Þá
var hann starfandi sér-
fræðingur við St. Jós-
efsspítala í Hafnarfirði
frá 1962 til janúar 1996.
Björn sat um árabil í
stjórn ekknasjóðs
lækna. Hann safnaði
mynt og frímerkjum og
tók virkan þátt í fé-
lagsstarfi á þessum sviðum. Viða-
mesta áhugamálið var hins vegar
myndlist, sem hann stundaði sjálfur
af kappi frá miðjum aldri og hélt eina
sýningu á verkum sínum. Naut
Björn leiðsagnar listamanna og vina
sinna, meðal annars Hafsteins Aust-
manns og Einars G. Baldvinssonar.
Björn kvæntist Lilju Ólafsdóttur,
f. 22. ágúst 1926. Lilja lést 11. des-
ember sl. Þau eignuðust fimm börn.
Barnabörnin eru fjórtán og barna-
barnabörnin fimm.
BJÖRN ÞÓRARINN
ÞÓRÐARSON
Andlát
„ÉG er tilbúin til að láta af þing-
mennsku vegna þess að mér fannst
þetta tækifæri sem ég mætti ekki
láta framhjá mér fara,“ sagði
Bryndís Hlöðversdóttir, þingmaður
Samfylkingarinnar, í gær þegar til-
kynnt hafði verið um ráðningu
hennar í stöðu deildarforseta laga-
deildar Viðskiptaháskólans á Bif-
röst.
Bryndís sem tekur við starfinu
1. ágúst næstkomandi af Ingi-
björgu Þorsteinsdóttur, ávarpaði
nemendur og starfsfólk á Bifröst
og sagðist hafa fylgst með upp-
byggingunni á Bifröst á und-
anförnum árum og dáðst að þeim
krafti sem einkenndi starfið þar.
Hún sagðist hafa kynnst starfinu
er hún var stundakennari á Bifröst
síðastliðið sumar þegar meist-
aranámið hófst þar og hlakkaði til
að vinna með starfsfólkinu og nem-
endunum á Bifröst.
„Nemendur við lagadeild Við-
skiptaháskólans á Bifröst hafa
möguleika á að útskrifast sem hæf-
ustu lögfræðingar landsins,“ sagði
hún. „Ég nýt þekkingar Ingibjarg-
ar þar til ég tek formlega við þann
1. ágúst næstkomandi. Margt hefur
verið vel gert og ég mun fylgja því
eftir, en vonandi get ég bætt ein-
hverju við.“
Í samtali við Morgunblaðið sagði
Bryndís að ekki væri svo langt síð-
an ákvörðun hefði verið tekin um
að hún tæki við stöðu deild-
arforseta. „Þetta var rætt á stjórn-
arfundi síðastliðinn fimmtudag og
við getum sagt að við höfum náð
saman. Ég er tilbúin að hætta
þingmennsku vegna þess að mér
fannst ég ekki geta látið þetta
starf framhjá mér fara. Ég hef
verið þingmaður í tíu ár og hafði
hugsað mér að láta af þing-
mennsku eftir þetta kjörtímabil.
Lögfræðin hefur togað í mig, sér-
staklega í seinni tíð, og mér fannst
að í þessu starfi gæti ég sameinað
lögfræðina og stjórnun og tel að
reynsla mín eigi eftir að nýtast
mér vel.“
Tók ákvörðunina á
eigin forsendum
Aðspurð hvort það hefði haft
áhrif á ákvörðun hennar að Ingi-
björg Sólrún Gísladóttir tæki við
þingsæti hennar sagði hún að
þessa ákvörðun hefði hún tekið á
sínum eigin forsendum. „Maður
víkur ekki úr slíkri ábyrgðarstöðu
fyrir neinn annan en sjálfan sig.
Samt er gott að vita að öflugur
kandídat kemur í staðinn fyrir
mig.“
Bryndís sagðist hafa fylgst með
starfinu á Bifröst eins og svo
margir aðrir. „Mér finnst mjög
gaman að hafa tækifæri til að taka
þátt í þessu kraftmikla starfi, en
ég lít á þessa uppbyggingu sem
kraftaverk.“
Ekki segist Bryndís hafa tekið
ákvörðun um hvort hún muni flytja
á Bifröst eða aka á milli. Sú
ákvörðun muni bíða um sinn. „Þeg-
ar svo spennandi starf er annars
vegar skipta vegalengdirnar engu
máli,“ sagði hún.
Ingibjörg Þorsteinsdóttir lætur
af starfi deildarforseta að eigin
ósk. Hún á von á öðru barni sínu
og sagði að starf deildarforseta
væri þannig að ekki væri hægt að
sinna því í hlutastarfi. Henni hefði
því þótt skynsamlegra að segja af
sér, því ekki væri hægt að gera allt
í einu. Í staðinn mun hún koma
aftur til starfa sem dósent og sinna
meira kennslu og rannsóknar-
störfum sem hún hlakkaði til að
geta horfið til að nýju.
Ingibjörg og Runólfur Ágústsson
rektor sögðust bæði binda miklar
vonir við störf Bryndísar. Ingi-
björg sagði meðal annars að hún
hefði trú á að Bryndís hefði þann
eldmóð og hæfileika til að færa
lagadeildina á þann sess sem hún
ætti skilið í framtíðinni og ætti hún
eftir að standa undir væntingum.
Bryndís Hlöðversdóttir lætur af þingmennsku í haust og
tekur við starfi deildarforseta á Bifröst
Gat ekki látið þetta
framhjá mér fara
Morgunblaðið/Ásdís Haraldsdóttir
Bryndís Hlöðversdóttir, nýráðinn deildarforseti lagadeildar Viðskipta-
háskólans á Bifröst, ávarpar starfsfólk og nemendur skólans í gær.
„Maður víkur
ekki úr slíkri
ábyrgðarstöðu
fyrir neinn annan
en sjálfan sig“
INGIBJÖRG Sólrún Gísladóttir,
varaformaður Samfylkingarinnar,
tekur fast sæti á Alþingi 1. ágúst
nk., þegar Bryndís Hlöðversdótt-
ir, þingmaður Samfylkingarinnar í
Reykjavíkurkjördæmi norður,
lætur af þingmennsku. Bryndís
tilkynnti í gær að hún hefði verið
ráðin deildarforseti lagadeildar
Viðskiptaháskólans á Bifröst.
Tekur hún við stöðunni 1. ágúst.
Ingibjörg Sólrún er fyrsti vara-
þingmaður flokksins í kjördæminu
og verður sjálfkrafa aðalþingmað-
ur í stað Bryndísar.
Þessar breytingar voru ræddar
á þingflokksfundi Samfylkingar-
innar eftir hádegi í gær. Margrét
Frímannsdóttir, formaður þing-
flokksins, sagði við Morgunblaðið
að fundi loknum að Bryndís hefði
tekið sér langan umhugsunar-
frest, eftir að henni var boðin
staða á Bifröst. „Við óskum henni
auðvitað innilega til hamingju og
erum ákaflega stolt af því að henni
skuli hafa verið boðið þetta emb-
ætti, en um leið erum við auðvitað
leið yfir því að missa hana úr okk-
ar hópi.“
Styrkir framboðið
Þegar Ingibjörg Sólrún er innt
eftir því hvernig henni lítist á það
að taka fast sæti á þingi segist
hún ekki hafa haft mikinn tíma til
að velta því fyrir sér. Ákvörðun
Bryndísar hafi borið brátt að; hún
hafi ekki vitað af henni fyrr en um
helgina. „Ég hef ekki haft mikinn
tími til að velta þessu fyrir mér.
Þetta er nýtt og ögrandi verkefni
að takast á við og gaman að láta
þessi mál til sín taka.“
Þegar hún er spurð hvort þetta
muni styrkja framboð hennar til
formanns í Samfylkingunni segir
hún: „Ég veit það ekki, ég hef ekki
hugsað það sérstaklega, ég sá allt-
af möguleikana í þeirri stöðu að
vera utanþings. En ég geri mér al-
veg grein fyrir því að það eru
margir sem töldu að það veikti
framboð mitt að ég væri ekki
þingmaður – og væri þá formaður
utan þings. Það má því segja að sú
röksemd sé dottin upp fyrir, þann-
ig að þetta ætti þá, ef eitthvað
væri að styrkja – vonandi – fram-
boðið.“
Ingibjörg segir að það sé að
sjálfsögðu erfitt fyrir þingflokk-
inn að missa Bryndísi; hún hafi
verið mikil kjölfesta í starfi hans.
„En á hinn bóginn er þetta mjög
ögrandi og spennandi verkefni
fyrir hana að takast á við. Þetta
þýðir að hæfileikaríkt og gott fólk
á alltaf margra kosta völ.“
Ingibjörg Sólrún tekur
fast sæti á Alþingi 1. ágúst
Margrét
Frímannsdóttir
Ingibjörg Sólrún
Gísladóttir
„Hæfileikaríkt
og gott fólk á
alltaf margra
kosta völ“
Minn staður
mín stund
daglegar
fréttir af
landinu öllu
líka á Netinu: mbl.is
Morgunblaðið/Golli