Morgunblaðið - 17.03.2005, Page 22

22 FIMMTUDAGUR 17. MARS 2005 MORGUNBLAÐIÐ
MINNSTAÐUR
Samvera eldri borgara í Glerárkirkju
fimmtudaginn 17. mars
kl. 15.00
Örn Viðar og Stefán Birgissynir syngja nokkur lög
við undirleik Guðjóns Pálssonar. Hjörtur
Steinbergsson leikur undir almennum söng.
Kaffiveitingar og helgistund að venju
Glerárkirkja
GLERÁRKIRKJA
Mosfellsbær | Tillaga frá Teikni-
stofu Gylfa Guðjónssonar og fé-
laga varð hlutskörpust í hönn-
unarsamkeppni að rammaskipulagi
Helgafellslands, en það er annað
tveggja svæða þar sem meginupp-
bygging verður á næstu árum í
Mosfellsbæ, og gert ráð fyrir rúm-
lega 800 íbúðum á svæðinu.
Alls vildu 17 aðilar taka þátt í
forvali, og voru fjórir hópar valdir
úr til þess að fullvinna tillögur sín-
ar; Arkís, Kanon og Tröð, Teikni-
stofa Gylfa Guðjónssonar og fé-
laga, og VA arkitektar. Í hverjum
hópi voru sérfræðingar í skipu-
lagsmálum, umferðarmálum og
landmótun. Tillögurnar fjórar eru
nú til sýnis í Listasal Mosfells-
bæjar.
Í rökstuðningi dómnefndar fyrir
vali á tillögu Teiknistofu Gylfa
Guðjónssonar og félaga segir m.a.:
„Heildaryfirbragð tillögunnar er
gott, hugkvæmni hennar er
skemmtileg og gefur tillögunni
mjög sterkan hverfisbrag. [...]
Höfundar gera tillögu um að
mynda skjólbelti með skógi utan
um byggðina. [...] Byggingar
liggja vel við sólu og halli í landi
er vel nýttur. [...] Gatnakerfi er
áhugavert og styrkir hverf-
isímynd.“
Tillaga um skipu-
lag Helgafells-
lands samþykkt
Helgafellsland Tillaga Teiknistofu Gylfa Guðjónssonar og félaga að rammaskipulagi í Helgafellslandi.
HÖFUÐBORGARSVÆÐIÐ
AKUREYRI
REKSTUR Akureyrarbæjar gekk
vel á síðastliðnu ári. Ársreikningur-
inn var til umræðu á fundi bæjar-
stjórar, en samkvæmt honum var
niðurstaðan sú að rekstur sveitarfé-
lagsins var jákvæður um 240 millj-
ónir króna.
„Útkoman er í öllum meginatrið-
um góð, reksturinn gekk í heildina
tekið mjög vel,“ sagði Kristján Þór
Júlíusson bæjarstjóri. Reikningur-
inn er nú í þriðja sinn gerður með
sambærilegum hætti og tíðkast með-
al fyrirtækja í landinu. „Við erum
ágætlega sátt við niðurstöðuna, hún
er mjög vel viðunandi, skatttekjur
hafa aukist, íbúum fjölgar og fast-
eignamarkaðurinn er mjög virkur,
þannig að við erum bjartsýn,“ sagði
Kristján Þór.
Miklar framkvæmdir voru á liðnu
ári og var framkvæmt fyrir um 1.820
milljónir króna á árinu. Handbært fé
frá rekstri nam 1.908 milljónum
króna og hækkaði um 533 milljónir.
Fjármagnsliðir eru jákvæðir um 73,4
milljónir.
Akureyrarkaupstaður og Hríseyj-
arhreppur sameinuðust á árinu og
var gerður einn ársreikningur fyrir
hið sameinaða sveitarfélag. Starf-
seminni er skipt upp í tvo hluta, A-
hluta annars vegar og B-hluta hins
vegar. Til A-hluta telst starfsemi
sem að hluta eða öllu leyti er fjár-
mögnuð með skatttekjum en í B-
hluta eru fyrirtæki sem að hálfu eða
meirihluta eru í eigu sveitarfélagsins
og eru rekin sem fjárhagslega sjálf-
stæðar einingar.
Hagnaður af rekstri sveitarfé-
lagsins var meiri en áætlanir gerðu
ráð fyrir, rekstrarniðurstaða var já-
kvæð um ríflega 239,9 milljónir en
áætlun hafði gert ráð fyrir 146,7
milljóna króna hagnaði á árinu.
Gjaldfærðar lífeyrisskuldbindingar
voru hærri en gert hafði verið ráð
fyrir og voru gjaldfærðar nærri 439
milljónir króna í samstæðunni. Ef
ekki hefði komið til mikil hækkun líf-
eyrisskuldbindinga hefði orðið um
verulegan rekstrarafgang á árinu að
ræða.
Samkvæmt yfirliti um sjóðstreymi
nam veltufé frá rekstri 1.555,9 millj-
ónum króna og handbært fé frá
rekstri 1.907,7 milljónum. Fjárfest-
ingarhreyfingar voru 1.775,4 millj-
ónir króna. Fjármögnunarhreyfing-
ar námu samtals 400,8 milljónum.
Afborgun langtímalána nam 587,1
milljón en ný langtímalán námu
1.064,1 milljón króna. Hækkun á
handbæru fé á árinu nam 533,1 millj-
ón króna og nam handbært fé sveit-
arfélagsins í árslok 1.488,7 milljón-
um króna.
Heildarlaunagreiðslur án launa-
tengdra gjalda hjá samstæðunni
voru 4.030.973 þúsund krónur. Fjöldi
stöðugilda var að meðaltali 1.420.
Laun og launatengd gjöld sveitarfé-
lagsins í hlutfalli við rekstrartekjur
þess voru 57,7,0% en 52,9% án breyt-
inga á lífeyrisskuldbindingum. Ann-
ar rekstrarkostnaður var 29,4% af
rekstrartekjum. Skatttekjur sveitar-
félagsins voru 260 þúsund krónur á
hvern íbúa en tekjur samtals 550
þúsund krónur á hvern íbúa (510
þús.kr. árið 2003). Árið 2003 voru
skatttekjur 239 þúsund krónur á
hvern íbúa.
Fjármagnsliðir voru jákvæðir um
samtals 73,4 milljónir króna. Vaxta-
tekjur námu 120,8 milljónir króna.
Arður af eignarhlutum nam 66,3
milljónum króna. Verðbætur og
gengismunur var jákvæður um 58,6
milljónir króna og tekjur vegna hlut-
deildarfélaga voru 15,2 milljónir.
Vaxtagjöld námu 187,4 milljónum.
Samkvæmt efnahagsreikningi eru
eignir sveitarfélagsins bókfærðar á
20.782,3 m.kr., þar af eru veltufjár-
munir 2.675,3 m.kr. Skuldir sveitar-
félagsins með lífeyrisskuldbinding-
um nema samkvæmt efnahags-
reikningi 13.302,8 m.kr., þar af eru
skammtímaskuldir 2.077,1 milljónir
króna. Veltufjárhlutfallið er 1,29 í
árslok, en var 1,25 árið áður. Bók-
fært eigið fé nemur 7.479,6 milljón-
um króna í árslok sem er 36,0% af
heildarfjármagni. Árið áður var
þetta hlutfall 37,1%.
Ársreikningur Akureyrarbæjar sýnir traustan fjárhag
Reksturinn jákvæður
um 240 milljónir króna
Ágætlega sátt
við niðurstöðuna 
 

 
 
+ 
, 
 
, - !

 !

.!
  !
#
 !
#
  

/
  !



0012
0&2
324

%55%
064
1&65
4%


7

/

     

/  ,!( 

 8
 
9' '  


3%%0
%66%
44&
:3&
:13


  
0;%5
05%
525


%%20
%6&
1201
6&


5%36
%260
45;
100
;



#
#
<
 

25&;
100;0
= < (  


 <>(  
1336
15&4

2%5;
1%126
 




 !" 




#$%
 


&'()* 











BÆJARSTJÓRN Akureyrar lýsir
miklum vonbrigðum með þá ákvörð-
un Ríkiskaupa að ganga að tilboði
pólskrar skipasmíðastöðvar í við-
gerðir á varðskipunum
Ægi og Tý. „Með þessu verklagi
er vegið að rótum íslensks iðnaðar,
sem hlýtur að vekja furðu, ekki síst í
ljósi þess að íslenskum stjórnvöldum
er fullljóst að skipasmíðar hér á
landi keppa á þessu sviði við ríkis-
styrktan
erlendan atvinnurekstur“, segir í
ályktun bæjarstjórnar.
Einnig að tilboð Slippstöðvarinnar
sýni að íslenskur skipasmíðaiðnaður
stenst erlend tilboð á þessu sviði án
þess að tillit sé tekið til þess óbeina
hagnaðar sem íslenskt samfélag hef-
ur af því að verkið skuli unnið hér á
landi. „Að taka ekki tilboði Slipp-
stöðvarinnar undir þessum kring-
umstæðum sýnir fyrst og fremst
skort á vilja og metnaði til þess að
hlú að þessari mikilvægu atvinnu-
grein í landinu.“
Bæjarstjórn Akureyrar skorar á
fjármálaráðherra, dómsmálaráð-
herra og iðnaðarráðherra að beita
sér fyrir því að ákvörðun Ríkiskaupa
um að taka hinu pólska tilboði verði
endurskoðuð og tryggja að viðgerðir
á varðskipunum Ægi og Tý fari fram
í íslenskum skipasmíðastöðvum.
Morgunblaðið/Kristján
Á þurru Varðskipið Óðinn í flotkvínni við Slippstöðina, þar sem unnið er að
botnhreinsun, málun og minni háttar viðhaldi.
Bæjarstjórn um viðgerð á varðskipum
Vegið að rótum
íslensks iðnaðar
Ökumaður sýknaður af bótakröfu
HÉRAÐSDÓMUR Norðurlands
eystra hefur sýknað ökumann bíls og
tryggingafélag hennar af bótakröfu
manns, sem varð fyrir bílnum í miðbæ
Akureyrar að sumarlagi árið 1998.
Komst dómurinn að þeirri niður-
stöðu, að sá sem fyrir bílnum varð
ætti að bera tjón sitt sjálfur af 2/3
hlutum en hann var ölvaður þegar
þetta gerðist.
Ökumaður bílsins sagðist hafa ekið
austur Strandgötu á afar lítilli ferð.
Þegar bíllinn fór fram hjá féll mað-
urinn skyndilega að bílnum og síðan á
akbrautina. Maðurinn sagði hins veg-
ar að bíllinn hefði stöðvast og síðan
verið ekið aftur af stað og yfir fót sinn
sem brotnaði. Hann sagðist hins veg-
ar lítið muna eftir atvikum vegna ölv-
unar en áfengismagn í blóði hans
mældist 2,44‰.
Tryggingafélag ökumannsins taldi
að lækka ætti bætur til mannsins um
helming vegna þess að hann hefði
sýnt af sér stórfellt gáleysi. Greiddi
félagið manninum rúmar 2 milljónir
króna í bætur og miðaði við niður-
stöðu örorkunefndar. Maðurinn
krafðist hins vegar rúmlega 8,8 millj-
óna króna í bætur.
Héraðsdómur komst að þeirri nið-
urstöðu að maðurinn hefði verið með-
valdur að slysinu með stórkostlegu
gáleysi sínu og rætt væri að hann
sjálfur bæri 2/3 hluta tjónsins. Þá
taldi dómurinn einnig rétt að miða við
úrskurð örorkunefndar um tjón
mannsins og sýknaði því ökumanninn
og tryggingafélagið af bótakröfunni.