Morgunblaðið - 20.03.2005, Síða 61

MORGUNBLAÐIÐ SUNNUDAGUR 20. MARS 2005 61
MENNING
er níu ára og er með K R A B B A M E I N
Hún er einlægur O F V I T I
Hún er F Y N D I N og H E I L L A N D I
Hún E L S K A R óperutónlist
og Þ R Á I R að deyja eins og dívan á sviðinu
Ausa
Ausa er einþáttungur
Miðaverð aðeins kr. 1.500
Börn 12 ára og yngri fá frítt
í fylgd forráðamanna
„Ilmur Kristjánsdóttir
er hreint frábær
í þessu hlutverki“ /EB DV
N
æ
st
„Til hamingju Ilmur“ /AB Fréttablaðið
Ekki missa
af henni!
MÚSÍK í Mývatnssveit er yfirskrift
tónlistarhátíðar sem haldin hefur
verið um páska undanfarin sjö ár.
Eins og nafnið gefur til kynna er
það einmitt í Mývatnssveitinni sem
hátíðin er haldin, og verða tvennir
tónleikar haldnir að þessu sinni,
þeir fyrri á skírdagskvöld kl. 20 og
þeir síðari að kvöldi föstudagsins
langa kl. 21. „Ástæðan fyrir því að
við höldum tónleikana á þessum
tíma dags er að undanfarin ár hefur
komist sú hefð á við Mývatn, að
ganga hringinn í kring um vatnið á
föstudaginn langa. Við viljum gefa
fólki tækifæri til að fara í gönguna
og hvíla sig og fá sér að borða áður
en það heldur á tónleikana um
kvöldið,“ segir Laufey Sigurð-
ardóttir fiðluleikari, sem hefur tek-
ið þátt í hátíðinni frá upphafi.
Ásamt henni eru flytjendur á hátíð-
inni Sigurlaug Eðvaldsdóttir fiðlu-
leikari, Þórunn Ósk Marinósdóttir
lágfiðluleikari, Sigurður Bjarki
Gunnarsson sellóleikari og Hávarð-
ur Tryggvason kontrabassaleikari,
auk karlakvartettsins Út í vorið,
sem skipaður er þeim Ásgeiri Böðv-
arssyni, Einari Clausen, Halldóri
Torfasyni og Þorvaldi Friðrikssyni,
ásamt Bjarna Þór Jónatanssyni
undirleikara og aðalþjálfara.
Góð hljóðfæri í Mývatnssveit
Á fyrri tónleikum hátíðarinnar,
sem fara fram í félagsheimilinu
Skjólbrekku, kemur söngkvartett-
inn fram ásamt strengjaleik-
urunum, sem flytja strengjakvin-
tett eftir Antonín Dvorák.
Söngkvartettinn mun hins vegar
flytja vinsæl íslensk og erlend söng-
lög, meðal annars í útsetningum
Atla Heimis Sveinssonar. „Þetta
eru lög sem flestir kannast við, á
borð við Rokkarnir eru þagnaðir,
Hún amma mín það sagði mér og
Við gengum tvö,“ segir Laufey.
„Skjólbrekka skartar þar fyrir utan
góðum flygli af gerðinni Petroff
sem við munum nota á tónleik-
unum, sem vonandi verða líflegir og
skemmtilegir.“
Á síðari tónleikum hátíðarinnar
að kvöldi föstudagsins langa, sem
haldnir eru í Reykjahlíðarkirkju,
verður hins vegar öllu hátíðlegri
stemning að sögn Laufeyjar. Þá
verður leikin ýmis þekkt, kirkjuleg
tónlist í anda dagsins, þar á meðal
Adagio eftir Bach, Ave Maria eftir
Bruckner og kirkjusónötur Moz-
arts, auk íslenskra og erlendra
sálmalaga. „Við tökum mið af þess-
um degi og veljum tónlistina með
tilliti til hans. Í Reykjahlíðarkirkju
er auk þess pósitífum – lítið pípuor-
gel – sem verður leikið á á tónleik-
unum,“ segir hún.
Aðalstyrktaraðili hátíðarinnar í
ár er Hótel Reynihlíð. Laufey segir
aðstandendur vona að tónleikagest-
ir kunni að meta það sem er á boð-
stólum í ár, en von er á stórum hóp
að sunnan á hátíðina. „Við vonum
að Mývetningum og ferðafólki þyki
gaman að því að heyra í kvart-
ettinum Út í vorið,“ segir Laufey.
„En þar fyrir utan hlökkum við öll
mikið til hátíðarinnar og bindum við
vonir við að aðsóknin verði eins góð
og hún hefur verið undanfarin ár.“
Tónlist | Hátíðin Músík í Mývatnssveit um páskana
Söngkvartettinn Út í vorið er skipaður þeim Ásgeiri Böðvarssyni, Einari Clausen, Halldóri Torfasyni og Þorvaldi
Friðrikssyni, en Bjarni Þór Jónatansson píanóleikari er undirleikari og aðalþjálfari kvartettsins.
Páskastemning við Mývatn
Þau leika á hátíðinni: Laufey Sigurðardóttir og Sigurlaug Eðvaldsdóttir
fiðluleikarar, Þórunn Ósk Marinósdóttir lágfiðluleikari, Sigurður Bjarki
Gunnarsson sellóleikari og Hávarður Tryggvason kontrabassaleikari.
ER NOKKUÐ til fallegra en full-
ur salur af eftirvæntingarfullum
börnum sem bíða eftir að tjaldið
lyftist? Bak við það leynist æv-
intýrið sem bráðlega birtist þeim í
allri sinni dýrð og veruleikinn
gleymist eins og hönd strjúki
móðu af rúðu. Í hugarheimi
barnsins er nægilegt rými fyrir
allt sem það sér og heyrir án allra
fyrirfram ákveðinna
skoðana.
Í sjálfsævisögu
sinni Séð og lifað segir
Indriði Einarsson frá
því þegar hann fjórtán
ára gamall og nýkom-
inn til Reykjavíkur sá
sýningu á leikriti
Matthíasar Joch-
umssonar Úti-
legumennirnir árið
l865. Svo mikil áhrif
hafði sýningin á hann
að honum þótti sem
þetta væri „það mesta
í heimi“.
Við sem ólumst upp
utan Reykjavíkur átt-
um þess lítinn kost að sækja leik-
hús, enda voru þær fáu leiksýn-
ingar sem í boði voru sjaldnast
ætlaðar börnum. Og ef til vill var
lítill skilningur á að börn ættu er-
indi við slíkt. Á skemmtunum af
öllu tagi var mest um skrautsýn-
ingar, og ein er vissulega minn-
isstæð. Kvenfélag í bænum sýndi
leikgerð af kvæðinu um Lorelei,
og til að auka vandræði hinna ráði
firrtu sæfara var reykur látinn
liðast um sviðið eins og dimm
þoka. Svo fór hins vegar að þokan
lagðist þétt yfir salinn allan og
menn þustu út að köfnun komnir.
Einhverjir sáu í nærbuxurnar á
einni leikkonunni. Þetta nægði
bæjarbúum til skemmtunar lengi
á eftir og voru konurnar kærkom-
ið bitbein húsmæðra sem ekki
létu hafa sig í svona vitleysu. Ann-
að skildi þetta ekki eftir.
En eins og Indriði var ég á
fermingaraldri þegar ég sá fyrst
„alvöru“ leiksýningu. Og það var
ekki einfalt mál. Fyrst þurfti að
fara með Hafnarfjarðarstrætó til
Reykjavíkur til að kaupa miða,
sem var klukkutímaferð hvora
leið og ferðir strjálar og síðan aft-
ur í leikhúsið alein um kvöld. En
hér var heldur ekki um neitt smá-
mál að ræða. Sýn-
ingin var Hamlet
með Lárus Pálsson í
hlutverki Dana-
prins. Og þá gerðist
þetta sem Indriði
talar um: Þetta var
„það mesta í heimi“.
Ég man ekkert eftir
heimferðinni né
næstu dögum á eft-
ir. En lífið hafði
breyst og varð aldr-
ei aftur eins og það
hafði verið. Svo
miklu betra.
Þau börn sem nú
eru að alast upp
eiga kost á fjöl-
breyttara leikhúsi, en miklu
meira þarf til. Helst ættu börn að
fara jafnoft í leikhús og fullorðnir.
Allt starf leikhúsanna fyrir börnin
ber samt að þakka, en þau þurfa
stuðning yfirvalda til að geta
haldið úti blómlegri leikstarfsemi
í þágu barnanna.
Börnin okkar eru það besta í
heimi. Opinn hug þeirra þyrstir í
ævintýrið sem leikhúsið er. Og
leikhúsið getur ef vel er að verki
staðið aukið þeim skilning og
gleði svo að þau fari heim og finn-
ist þau hafa séð það mesta í heimi.
Frá góðu leikhúsi kemur betra
fólk.
Alþjóðlegi barnaleikhúsdagurinn
Það mesta
í heimi
Eftir Guðrúnu Helgadóttur
Höfundur er rithöfundur.
Guðrún Helgadóttir
Fáðu fréttirnar
sendar í símann þinn