Morgunblaðið - 20.03.2005, Qupperneq 68

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 20. MARS 2005 VERÐ Í LAUSASÖLU 350 KR. MEÐ VSK.
Heilsukoddar
Heilsunnar vegna
Opið 8-24 alla daga
í Lágmúla og Smáratorgi
ÞEGAR ís er við landið fylgjast Landhelgisgæslan og Veðurstofan vel með hverri hreyfingu og breytingu á
ísreki fyrir vindum. Hér er flugvél Landhelgisgæslunnar á ferð norðvestan við Vatnajökul og stefnir á haf
út austan við land. Enn er ís landfastur við Horn og siglingar þar um slóðir varasamar.
Morgunblaðið/Árni Sæberg
Hafísinn við landið kannaður
LEIKKONAN Aníta Briem leikur um þess-
ar mundir í leikritinu Losing Louis í
Trafalgar Whitehall-leikhúsinu á West
End í Lundúnum ásamt nafnkunnum leik-
konum á borð við Alison
Steadman og Lyndu
Bellingham. Leikritið
var áður sýnt fyrir fullu
húsi í Hampstead-
leikhúsinu í Norður-
Lundúnum.
„Þetta er búið að
ganga rosalega vel og
leikritið hefur fengið
mjög góða dóma, enda
eru Alison Steadman og
Lynda Bellingham frábærar gaman-
leikkonur. Ég hef lært ofsalega mikið af
þessari samvinnu; það jafnast fátt á við að
vera umkringd svona hæfileikaríku fólki,“
segir hún.
Aníta lauk prófi frá Royal Academy of
Dramatic Arts í Lundúnum í fyrra og hef-
ur þegar unnið með fleira góðu fólki, svo
sem óskarsverðlaunahafanum Mike Figgis
í leiksmiðju breska þjóðleikhússins. Figgis
er líklega þekktastur fyrir mynd sína
Leaving Las Vegas með Nicolas Cage en
þeim Anítu er vel til vina.
Aníta er að hasla sér völl í kvikmyndum
líka; lék fyrir skemmstu aðalhlutverk í
spænsk-bandarísku spennumyndinni The
Nun./16
Leikur á
West End
Aníta Briem
VERIÐ er að undirbúa samvinnu
Flugmálastjórnar Íslands og Flug-
málastjórnar Írlands á sviði þjón-
ustu vegna talviðskipta við flug-
vélar á leið um flugstjórnarsvæðin á
Norður-Atlantshafi. Er hún fólgin í
því að stöðvar í Gufunesi og
Ballygirreen verða samtengdar
sem þýðir að nýta má getu hvorrar
stöðvar um sig til að þjóna flug-
umferð bæði á íslenska flugstjórn-
arsvæðinu og því írska, sem er
sunnan við það íslenska, og jafna
álag á hvorri fjarskiptastöð fyrir
sig. Þá er einnig til umræðu að taka
upp slíka samvinnu við Norðmenn.
Brandur Guðmundsson, fram-
kvæmdastjóri Flugfjarskipta ehf.,
sem er dótturfyrirtæki Flugmála-
stjórnar, segir að skrifað hafi verið
undir samkomulag um samrekstur
fjarskiptastöðvanna. Verið er að
prófa hjá Írunum sama fluggagna-
kerfi og Flugfjarskipti nota sem ís-
lenska hugbúnaðarfyrirtækið Flug-
kerfi hannaði. Kerfið verður prófað
í þrjá mánuði og eftir það getur
samvinnan formlega hafist.
Einn meginþátturinn í starfi
Flugfjarskipta eru talsamskipti við
flugvélar sem fara um íslenska flug-
stjórnarsvæðið. Snúast þau sam-
skipti m.a. um að taka við tilkynn-
ingum um stöðu flugvéla, óskum
þeirra um breytingar á flughæð eða
flugleiðum, veðurupplýsingar og
upplýsingar fyrir flugrekendur.
Brandur segir að með þessu sé
hugmyndin að skipta flugumferð
milli stöðvanna en hún er mismun-
andi mikil eftir því hvernig flug-
leiðir yfir hafið liggja, m.a. vegna
veðurs. Sé straumurinn þungur um
annað svæðið má nýta getu hins
svæðisins til að létta álagið. Brand-
ur segir að stöðvarnar geti einnig
þjónað hvor annarri sem varastöð.
Segir hann það geta lækkað stofn-
kostnað og rekstrarkostnað.
Að sögn Brands má búast við að
umsvif í talviðskiptum fari minnk-
andi en í dag er slík þjónusta veitt á
sex stöðvum við Atlantshafið, þ.e.
Íslandi, Noregi, Írlandi, Portúgal,
Bandaríkjunum og Kanada. Hann
segir hugsanlega verða farið í sam-
starf við Norðmenn en það sé þó
allt á frumstigi. Með samstarfinu
við Íra styrkist hins vegar staða Ís-
lands.
Samvinna flugstjórnarsvæða við Atlantshaf í undirbúningi
Miðstöðvar á Íslandi
og Írlandi tengdar
ÍSLENDINGAR eru ein þjóð í sama
landi en skiptast ekki í „höfuðborg-
arbúa“ og „hina“. Þetta er bjarg-
föst skoðun Gísla Einarssonar,
fréttamanns, þáttastjórnanda og
Borgfirðings, sem beitir sér gegn
tvíhyggjunni hvar sem færi gefst,
þótt hann sjái á henni spaugilegu
hliðarnar líka. Gísli er með eftir-
sóttari veislustjórum og ræðu-
mönnum um þessar mundir og ger-
ir þar „sveitamennskuna“ gjarnan
að umtalsefni, við almenna kátínu
gesta. „Reykjavík er eins og sólin.
Það er nauðsynlegt að hafa hana –
en í hæfilegri fjarlægð,“ er haft eft-
ir honum í viðtali við Sigurbjörgu
Þrastardóttur í Tímariti Morgun-
blaðsins í dag, en á alvarlegri nót-
unum játar hann væntumþykju í
garð Reykjavíkur enda sé hún „höf-
uðborg allra landsmanna en ekki
bara Reykvíkinga“.
Hann gerir athugasemdir við þá
tilhneigingu íslensks fjölmiðlafólks
að fara „út á land“ með látum í
þeim tilgangi einum að spyrja um
sérstök landsbyggðarmál.
„Segjum að eitthvað gerist, til
dæmis í Kosovo, og fréttamenn vilja
heyra hvað almenningi finnst. Þá á
að vera jafnsjálfsagt að spyrja fólk
á Hvammstanga eins og á Hverf-
isgötunni,“ segir Gísli í viðtalinu.
„Og fólk í Súðavík hefur alveg jafn-
ar skoðanir á pólitík og gestir
Kringlunnar.“
Smali allra
sjónarmiða
ÞRJÚ fíkniefnamál komu upp í Keflavík í
fyrrakvöld og fyrrinótt skv. upplýsingum
lögreglu. Bifreið var stöðvuð á Njarðar-
braut vegna gruns um fíkniefnamisferli.
Þrennt var í bílnum og var fólkið handtekið
og fært á lögreglustöð. Við leit í bifreiðinni
fundust um þrjú grömm af amfetamíni. Við-
urkenndu tveir að eiga fíkniefnin.
Um kl. 23 var annar bíll stöðvaður á Að-
algötu vegna gruns um fíkniefnamisferli
ökumanns sem var einn í bifreiðinni. Var
hann handtekinn og færður á lögreglustöð.
Við leit í bifreiðinni fannst um eitt gramm af
amfetamíni auk tækja til fíkniefnaneyslu
sem viðkomandi viðurkenndi að eiga.
Um tvöleytið í fyrrinótt voru svo þrír
karlmenn um tvítugt handteknir. Tveir
þeirra voru með um gramm af amfetamíni,
að því er talið er.
Þrjú fíkniefna-
mál í Keflavík
KÆRUNEFND fjöleignarhúsa-
mála hefur komist að þeirri nið-
urstöðu að íbúa í fjölbýlishúsi í
Reykjavík hafi verið óheimilt að
fjarlægja blómabeð úr sameig-
inlegum garði án samþykkis annarra
eigenda.
Í beðinu voru liljur og rósir sem
íbúinn hafði keypt í útlöndum, plant-
að í garðinum en fjarlægt þau er
hann flutti úr húsinu á síðasta ári.
Nágranni íbúans kærði málið til
nefndarinnar eftir að lögreglustjór-
inn í Reykjavík hafði látið það niður
falla. Hafði rannsóknarlög-
reglumaður tekið þá skýringu íbú-
ans gilda að hann hefði sjálfur plant-
að blómunum í garðinn. Í kærunni
kemur m.a. fram að lögð hafi verið
drenlögn við húsið og því þurft að
grafa skurð. Áður en sú framkvæmd
hófst hafi umræddur íbúi fjarlægt
blóm úr beði við húsvegg, án sam-
ráðs við aðra eigendur hússins, en
ekki látið þar við sitja heldur „ráðist
einnig til atlögu við stórt blómabeð í
miðjum húsgarðinum, fjarlægt það
alveg og tyrft svo yfir,“ eins og segir
í kærunni. Nefndin telur sannað að
hinn umdeildi gróður hafi verið sam-
eign eigenda og íbúanum því verið
óheimilt að fjarlægja hann án sam-
þykkis allra eigenda.
Óheimilt að
fjarlægja
blómabeð
TÓLF kennimörk (lógó) eftir Krist-
ján E. Karlsson, sem hannar undir
merkinu Kraftaverk, voru valin í
bandarísku bókina Logolounge II
sem nú er komin út. Þar eru birt tvö
þúsund vöru- og firmamerki sem
dómnefnd þykja skara framúr í
samtímanum, m.a. víðkunn vöru-
merki á borð við Coca Cola, Micro-
soft og Shell. Auglýsingastofan
Nonni og Manni/Ydda sem nú heit-
ir Ennemm á einnig sex lógó í bók-
inni, en þorri merkjanna er eftir
bandaríska hönnuði./Tímarit
Halda uppi
merkjum
Íslands
♦♦♦
♦♦♦