Morgunblaðið - 21.03.2005, Qupperneq 17

MORGUNBLAÐIÐ MÁNUDAGUR 21. MARS 2005 17
UMRÆÐAN
NÚ ERU nær 2 ár síðan tveir
menn settu nafn Íslands á svartan
lista yfir staðfastar og viljugar
þjóðir sem vildu koma böndum á
gereyðingarvopn Íraka. Vopn sem
ógnuðu að sögn allri heimsbyggð-
inni. Annar tvímenninganna, Hall-
dór Ásgrímsson, hefur hælt sér af
því að hafa alltaf vitað af gereyð-
ingarvopnunum í Írak.
Staðfestunni og viljanum hefur
þjóðin ekki deilt með tvímenning-
unum. Aldrei hefur stjórnvalds-
aðgerð mælst jafn illa fyrir meðal
þjóðarinnar. 84% þjóðarinnar sáu
ekki brýna nauðsyn á að jafna
þriðju stærstu borg í Írak við
jörðu og drepa þar allar konur,
börn og gamalmenni í leit að ger-
eyðingavopnum sem þó ekki fund-
ust. Áður var af staðfestu og ein-
beittum vilja 100 þúsund Írökum
slátrað í leit að þessum sömu
vopnum.
Niðurstaðan er sú að ástæðan
fyrir innrásinni í Írak, meint ger-
eyðingarvopnaeign Íraka, var til-
búningur. Þá er gripið til þess
sem hendi er næst: Það er þó að
minnsta kosti gott fyrir Íraka að
vera lausa við Saddam Hussein.
Sá gamli vinur okkar braut mann-
réttindi. Lét jafnvel pynta fanga
og drepa óþægt fólk. Vill einhver
styðja aftur til valda slíkt ill-
menni?
Steingrímur Hermannsson tal-
aði – eins og oft áður – fyrir munn
þjóðarinnar þegar hann sagði að
nafn Íslands hefði verið svert. En
hann er nú bara fyrrverandi for-
sætisráðherra. Að vísu vinsæll og
farsæll í því starfi öfugt við Hall-
dór. Hafði þar að auki umfram
Halldór að njóta trausts.
Davíð Oddsson líkir stríðinu við
krabbamein í eigin líkama. Kallar
andstæðinga stríðsins meinfýs-
ishlakkandi úrtölumenn. Það deilir
enginn við Davíð. Meira hefur
mætt á Halldóri. Stjórnarliðar
sverja framvindu málsins af sér í
einkasamtölum, á mannamótum og
í sjónvarpsþáttum en fyllast
endurnýjuðum kjarki á
þingflokksfundum og taka allt aft-
ur.
Þegar menn eru orðnir marg-
saga hellist yfir þá minnisleysi.
Þeir muna ekki hvort Íraksmálið
var á dagskrá á ríkisstjórnarfundi
eða annarsstaðar. Eða hvort þeir
sjálfir voru á ríkisstjórnarfundi.
Nýjasta hálmstráið er að halda því
fram að þetta sé allt ríkisleynd-
armál. Það er til lítils að ræða
leyndarmál. Það hættir að vera
leyndarmál ef það er rætt fyrir
opnum tjöldum.
Þess í stað má alltaf skeyta
skapi sínu á blaðamönnum. Þeir
spyrja óþægilegra spurninga sem
borgar sig ekki að svara. Það er
betra að fara í felur en verða enn
einu sinni margsaga.
Þegar Halldór var orðinn að að-
hlátursefni, fyrst vegna misvísandi
upplýsinga og síðan fyrir að skríða
í felur að hætti Skammkels forð-
um, fékk hann flokksbróður sinn,
Eirík Tómasson, til að semja
lögfræðiálit á sunnudegi til varnar
gjörð tvímenninganna. Til einföld-
unar þótti ekki ástæða til að
hleypa honum í ríkisleyndarmál.
Af því tilefni spurði Sigurjón
Þórðarson, þingmaður Frjáls-
lyndra, í fyrirspurnatíma á Alþingi
forsætiráðherrann hvað þessi
kattarþvottur hefði kostað skatt-
greiðendur? Þjóðin – sem ber ekk-
ert traust til Halldórs – bíður
spennt eftir svari.
JENS GUÐMUNDSSON
skrautritari.
Hvað kostaði
kattarþvotturinn?
Frá Jens Guðmundssyni:
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
Guðmundur Hafsteinsson:
„Langbesti kosturinn í stöð-
unni er að láta TR ganga inn í
LHÍ og þar verði höfuðstaður
framhalds- og háskólanáms í
tónlist í landinu.“
Hjördís Ásgeirsdóttir: „Ég
er ein af þeim sem heyrði
ekki bankið þegar vágest-
urinn kom í heimsókn.“
Vilhjálmur Eyþórsson: „For-
ystumennirnir eru und-
antekningarlítið menntamenn
og af góðu fólki komnir eins
og allir þeir, sem gerast
fjöldamorðingjar af hugsjón.
Afleiðingar þessarar auglýs-
ingar gætu því komið á
óvart.“
Jakob Björnsson: „Mann-
kynið þarf fremur á leiðsögn
að halda í þeirri list að þola
góða daga en á helvítisprédik-
unum á valdi óttans eins og á
galdrabrennuöldinni.“
Jakob Björnsson: „Það á að
fella niður með öllu aðkomu
forsetans að löggjafarstarfi.“
Ólafur F. Magnússon: „Ljóst
er að án þeirrar hörðu rimmu
og víðtæku umræðu í þjóð-
félaginu sem varð kringum
undirskriftasöfnun Umhverf-
isvina hefði Eyjabökkum ver-
ið sökkt.“
Ásthildur Lóa Þórsdóttir:
„Viljum við að áherslan sé á
„gömlu og góðu“ kennsluað-
ferðirnar? Eða viljum við að
námið reyni á og þjálfi sjálf-
stæð vinnubrögð og sjálf-
stæða hugsun?“
Bergþór Gunnlaugsson: „Ég
hvet alla sjómenn og útgerð-
armenn til að lesa sjó-
mannalögin, vinnulöggjöfina
og kjarasamningana.“
Aðsendar greinar á mbl.is
www.mbl.is/greinar
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali
Fréttir á SMS