Morgunblaðið - 13.04.2005, Síða 20

20 MIÐVIKUDAGUR 13. APRÍL 2005 MORGUNBLAÐIÐ
DAGLEGT LÍF
Rósar Eggertsson tann-læknir fagnar í vorfimmtíu ára starfsafmælien hann vinnur enn á
sinni gömlu góðu tannlæknastofu
við Laugaveginn, ásamt tveimur
sonum sínum. Hann er alltaf að
reyna að hætta, eins og hann orðar
það sjálfur, en það er svo gaman
hjá honum í vinnunni að hann
hættir alltaf við að hætta. „Ég er
orðinn svo samgróinn þessu húsi.
Hér fæddist ég og ólst upp og á
margar góðar minningar, bæði frá
uppvextinum og vinnunni. Ég las
undir stúdentspróf í stássstofunni
hérna sem nú er tannlæknastofa.
Laugavegurinn er minn vegur
en vissulega var hann allt öðruvísi
á mínum uppvaxtarárum. Þegar ég
var lasinn lítill drengur gerði ég
mér það að leik að sitja hér við
gluggann og skrá niður númerin á
þeim fáu bílum sem hér óku
framhjá yfir daginn.“
Alltaf á sömu þúfunni
Rósar hóf starfsferil sinn sem
tannlæknir árið 1955 og opnaði þá
tannlæknastofu á neðstu hæðinni í
húsinu góða við Laugaveginn. „En
seinna lét ég breyta íbúð foreldra
minna hér á annarri hæð í tann-
læknastofur og hef því unnið þessi
fimmtíu ár í sama húsi og ég fædd-
ist í.“
Þeir feðgar og tannlæknar, Rós-
ar, Sigurður Eggert og Gunn-
laugur Jón, skipta með sér tím-
anum á tannlæknastofunni en
þriðji sonurinn Gunnar Oddur sem
líka er tannlæknir er með stofu
annars staðar og Hulda Björg Rós-
arsdóttir tannfræðingur vinur á
báðum stofunum.
Íhaldssemin og tryggð við hús
ríður ekki við einteyming hjá þess-
ari fjölskyldu, því Rósar flutti í hús
tengdaforeldra sinna í Bergstaða-
strætinu þegar hann gifti sig fyrir
hálfri öld og þar fæddist Sigurður
Eggert elsti sonur hans en Sig-
urður keypti húsið og bjó í því til
margra ára eftir að afi hans og
amma féllu frá og hefur því fetað í
fótspor föður síns í því að búa
lengi í sama húsi og hann fæddist
í. „Já, við í þessari fjölskyldu höf-
um tilhneigingu til að vera alltaf á
sömu þúfunni.“
Tannlæknateygjan togar stíft
Þeir feðgar segjast svo sem ekki
geta útskýrt hvers vegna fjögur af
fimm börnum Rósars hafi kosið að
ganga sama eða svipaðan veg og
faðirinn. „Konan mín segir að
þetta sé í blóðinu og ekkert við
það ráðið. Sigurður, sem er elstur
sona okkar, fór beint í tannlækn-
ingar en miðbróðirinn, Gunnar
Oddur, byrjaði á því að læra líf-
fræði og kenndi um tíma í því fagi.
En svo fór teygjan að toga í hann
og hann skellti sér í tannlækningar
og vann hér á stofunni fyrst eftir
að hann útskrifaðist. Gunnlaugur
Jón, sá yngsti, reyndi að vera í
uppreisn við fjölskylduhefðina og
fór bæði í læknisfræði og lyfja-
fræði en vissi eiginlega ekki af fyrr
en hann var kominn í tann-
læknadeildina og hann ætlaði aldr-
ei að þora að segja okkur frá því,“
segir Rósar og hlær sínum ein-
staka hlátri. Ragnheiður er eina
barn hans sem ekki starfar við
munnhol í mannfólki, en hún er
efnafræðingur og kennir í Kvenna-
skólanum. „Henni finnst hún
stundum svolítið utangátta en við
höfum ekki gefið upp alla von um
að hún fari kannski í tannlækn-
ingar seinna meir. En þetta bjarg-
ast allt af því að hún veiðir með
okkur,“ segir Sigurður Eggert sem
er forfallinn stangveiðimaður rétt
eins og restin af fjölskyldunni.
Veiðisögur kallaðar
milli herbergja
„Ég er reyndar hættur að veiða,
en keypti samt veiðileyfi í gær,“
segir Rósar sem getur ekki hætt í
veiðinni frekar en tannlækning-
unum. „Við erum að mestu hættir
að veiða lax en veiðum silung.
Strákarnir fóru í fyrsta túrinn á
þessu vori hinn fyrsta apríl eins og
við höfum gert árlega og alltaf á
sama stað (hvað annað!), í Þorleifs-
læk í Varmá. Það var glampandi
sól og logn svo þeir fengu ekki
marga fiska en þó einhvern regn-
bogasilung og sjóbirting.“ Sam-
komulagið er augljóslega gott hjá
þeim feðgum sem láta ekki duga
að vinna saman alla daga, heldur
veiða líka saman. „Við köllumst
mikið á hér á milli herbergja því
við erum auðvitað nokkuð fastir við
stólana þegar við erum að sinna
sjúklingunum okkar. Veiðisögurnar
fljúga hér á milli og svo flautum
við líka mikið við vinnuna.“
Lifandi tónlist hjá tannsa
Fastheldni þessarar fjölskyldu sést
á öllu innanstokks á tann-
læknastofunni, þar er haldið í upp-
runalegar innréttingar eins og
hægt er og Rás eitt hljómar æv-
inlega yfir öllu. „Enda verður mað-
ur bara geðveikur á því að hlusta á
annað sem er í boði á öldum ljós-
vakans,“ segir Sigurður Eggert og
bætir við að eflaust laði það bæði
að og fæli frá að hafa þessa rás yf-
ir sjúklingunum. „Við fáum þó
oftar hrós en last fyrir, það er
helst að unglingarnir kvarti yfir
rásarvalinu. En við gátum á tíma-
bili boðið upp á bráðlifandi tónlist
hér á tannlæknastofunni, því það
er sögufrægur skúr hér á bak við
þar sem platan Lifun með Trúbroti
var samin og æfð. Þá bárust
Trúbrotstónarnir hingað inn til
okkar.“
Rósar Eggertsson tannlæknir ætti að geta tekið heilshugar undir máltækið sem segir að eplið falli ekki langt frá
eikinni. Þrír synir hans eru tannlæknar og önnur dóttirin er tannfræðingur og öll deila þau brennandi áhuga á
stangveiði. Kristín Heiða Kristinsdóttir fór í heimsókn á tannlæknastofu þar sem mikið er hlegið.
Morgunblaðið/Þorkell
Rósar til vinstri ásamt fjórum börnum sínum, Gunnlaugi, Sigurði Eggert, Gunnari og Huldu.
Rósar, Gunnlaugur og Sigurður Eggert gantast við Jóa sem er í stólnum og hefur
verið viðskiptavinur í áratugi. Hann sér líka um að smyrja bílana fyrir þá.
Hér má þekkja Rósar með borinn á lofti og Sigurð Eggert með ham-
arinn, á málverki eftir Gunnar Karlsson sem hangir á biðstofunni.
khk@mbl.is
 SAMHELDNI
Vinna saman og veiða saman
NETIÐ er orðið órjúfanlegur hluti af hvers-
dagslífi milljóna manna í heiminum. Jafnframt
hafa óprúttnir aðilar gert sér ljóst hvaða
möguleikar felast í því og hundruð þúsunda
tölvuveira herja á. Netnotendur neyðast því til
að taka afstöðu til hvernig þeir eigi að verja
tölvur sínar gegn áhlaupi að utan og á vef
danska neytendaráðsins er sagt frá nýrri
könnun á 24 veiruvarnarforritum.
Alþjóðlega prófunarstofan ICRT hefur próf-
að bæði eldveggi og veiruvarnarforrit, ásamt
forritum þar sem þetta tvennt er sameinað.
Eldveggur skráir og varar við ef reynt er að
koma skjölum eða forritum í gegn, en veiru-
varnarforrit fara yfir og kanna hvort tölvu-
póstur og efni sem hefur verið hlaðið í tölvuna
inniheldur veirur. Forritin 24 eru ákaflega
mismunandi að gæðum og verði. Hægt er að fá
sameinað veiruvarnarforrit og eldvegg ókeyp-
is en besta sameinaða forritið kostar mörg
þúsund krónur. Uppfærslur eru einnig dýrar,
en nauðsynlegt er að uppfæra forritin reglu-
lega, ella verða forritin fljótt gagnslaus. Í ljós
kom að sameinaða forritið G-Data Anti-
VirenKit Internetsecurity kom best út í könn-
uninni en það kostaði á fimmta hundrað
danskra króna, eða á fimmta þúsund íslenskra
króna.
Öryggi á Netinu
 KÖNNUN
Morgunblaðið/Ásdís
Sameinaða forritið G-Data AntiVirenKit Int-
ernetsecurity kom best út í könnuninni.
EF MAÐUR er hræddur um að fá flensu, kvef
eða umgangspestir er besta ráðið að stunda
kynlíf, að því er norska Dagbladet hefur eftir
vísindamönnum við Háskólann í Leipzig í
Þýskalandi.
 Kynlíf styrkir ónæmiskerfið.
 Kynlíf er líkamsrækt og sem slíkt gott fyrir
hjartað.
 Kynlíf er reyndar fyrirbyggjandi gagnvart
hjartaáfalli, að sögn Þjóðverjanna.
 Maður brennir einnig jafnmörgum hitaein-
ingum og í hálfri pitsu við 26 mínútna kynlíf.
 Testósterón sem losnar hjá karlmönnum við
ástundun kynlífs er gott fyrir minni og hugsun.
 Kynlíf fyrirbyggir þunglyndi.
 Kynlíf er gott við verkjum því verkjastill-
andi efni losna þegar kynlíf er stundað.
 Og kynlíf er afslappandi og ábyrgst er að
nokkrar klukkustundir eftir kynlíf er líkaminn
laus við streitu og spennu.
Kynlíf allra
meina bót
 HEILSA
Morgunblaðið/Golli