Morgunblaðið - 22.06.2005, Blaðsíða 6

6 MIÐVIKUDAGUR 22. JÚNÍ 2005 MORGUNBLAÐIÐ
FRÉTTIR
ÞRETTÁN manns hafa látist í um-
ferðinni það sem af er þessu ári en
sú tala blasir við ökumönnum á
minnismerki í Svínahrauni við Suð-
urlandsveg sem sýnir fjölda látinna
i umferðinni. Sú hugmynd að koma
upp fleiri slíkum minnismerkjum
hefur ekki verið mikið til umræðu
en minnismerkið í Svínahrauni
virðist hafa þó nokkur áhrif á þá
ökumenn sem það sjá.
Slíkt minnismerki var fyrst sett
upp árið 1998 á Hvalfjarðarströnd
við enda Hvalfjarðarganganna en
árið 2000 var það flutt á núverandi
stað í Svínahrauni.
Ætti að vera víðar
Hörður Jónasson sölumaður, sem
vegna vinnu sinnar ekur töluvert
um vegi landsins, segir það ávallt
óhugnanlegt að keyra fram hjá
minnismerkinu í Svínahrauni.
„Þegar menn eru teknir af lögregl-
unni tala þeir ef til vill ekki mikið
um það en þetta blasir við öllum.
Börnin sjá þetta og fjölskyldan öll,“
segir Hörður en hann telur að slík
minnismerki ætti að setja upp víð-
ar. „Þetta ætti að vera við allar að-
alleiðir til Reykjavíkur og einnig í
öllum landsfjórðungum á þeim stöð-
um þar sem hraðakstur er sem
mestur.“
„Tákn um hörmungar“
Áhrif minnismerkisins í Svína-
hrauni eru mikil að sögn Óla H.
Þórðarsonar, formanns Umferð-
arráðs. „Umferðarráð og trygg-
ingafélögin í landinu sjá um minn-
ismerkið og við höfum fengið
gríðarlega mikil viðbrögð við því.
Þannig hafa margir ökumenn haft
samband við Umferðarráð og lýst
þeirri upplifun sinni að sjá töluna
hækka frá því sem hún var þegar
þeir fóru austur fyrir fjall á föstu-
degi þar til þeir sneru aftur á
sunnudegi. Þetta er orðið eins kon-
ar tákn um hörmungar í umferðinni
og því miður hækkar talan sem sýn-
ir fjölda látinna í umferðinni sí-
fellt,“ segir Óli og bendir á að þrátt
fyrir að vonir manna standi til þess
að þurfa að sinna skiltinu sem
minnst sé raunin sú að þar sé oft á
tíðum aðgerða þörf.
Aðspurður segir Óli það ekki
hafa komið til tals að koma fyrir
slíkum merkjum á fleiri stöðum en
óvíst sé hvað framtíðin beri í skauti
sér í þeim efnum.
Björn Jósef Arnviðarson, sýslu-
maður á Akureyri, segist ekki vita
til þess að til standi að setja upp
minnismerki, líkt og það sem er í
Svínahrauni, á Akureyri. „Ég hefði
hins vegar ekkert á móti því að hafa
slíkt minnismerki hér ef þetta leiðir
til þess að það dragi úr hraðakstri.
Við fögnum öllu slíku en því miður
virðast menn ekki láta sér segjast.“
Merkið í Svínahrauni sýnir að 13 hafa farist í umferðinni það sem af er árinu
Hefur mikil áhrif á ökumenn
Morgunblaðið/Þorkell
Eftir Þóri Júlíusson
thorirj@mbl.is
BORGARFULLTRÚAR Sjálfstæðisflokks og
Frjálslyndra og óháðra lögðu fram tillögu í borg-
arstjórn í gær þess efnis að óskað verði eftir form-
legu samstarfi við lögregluna í
Reykjavík um að efla inn-
brotsvarnir í þágu almennings
og koma á fót skipulagðri ná-
grannavörslu. Var samþykkt
að vísa tillögunni til sérstakr-
ar samstarfsnefndar um lög-
gæslumálefni á vegum dóms-
málaráðuneytisins, sem í eiga
sæti fulltrúar borgarinnar.
Kjartan Magnússon, borg-
arfulltrúi og flutningsmaður
tillögunnar, segir ljóst að of mikið sé um innbrot í
hús og bíla í borginni þótt lögregla hafi náð tals-
verðum árangri í að stemma stigu við innbrotum.
Óviðunandi sé að nokkur þúsund manns séu
fórnarlömb innbrota í einni eða annarri mynd á
hverju ári.
„Þegar ráðist er inn á heimili fólks er ráðist inn
á það sem fólki er kærast. Fólk verður ekki bara
fyrir fjárhagslegu tjóni heldur líka tilfinninga-
legu. Varðandi þetta atriði þá held ég allir verði að
taka höndum saman,“ segir Kjartan.
Hann vill að borgaryfirvöld og lögregla taki
höndum saman, boðað verði til funda úti í hverf-
unum þar sem hugmyndin verði kynnt og hvernig
best verður staðið að samstarfinu.
Gefist vel erlendis
Í greinargerð með tillögu Sjálfstæðisflokks og
Frjálslyndra segir að viðurkennt sé að nágran-
navarsla sé eitt öflugasta vopnið gegn innbrotum.
Hverfalögregluþjónar séu nú í öllum hverfum
borgarinnar og sérstakt gleðiefni sé að ákveðið
hafi verið að efla hverfalöggæslu enn frekar með
lögregluþjónum af almennum vöktum.Með efl-
ingu hverfalöggæslu gefist margvísleg tækifæri
til aukinnar samvinnu almennings og lögreglu í
baráttunni gegn glæpum. Bent er á að nágranna-
varsla hafi gefist vel víða erlendis.
„Með skipulagðri nágrannagæslu skapast
margir nýir möguleikar til að tryggja öryggi
borgaranna. Með útgáfu bæklings, opnun vefsíðu
og fundahaldi í hverfum borgarinnar geta borg-
aryfirvöld og lögregla komið leiðbeiningum til al-
mennings um innbrotsvarnir og nágrannavörslu
og hvernig best sé að halda henni innan skyn-
samlegra marka. Íbúar í götum eða afmörkuðum
hverfum með nágrannavörslu geta síðan sótt um
að sett séu upp skilti sem gefa slíkt til kynna til að
fæla frá óboðna gesti.“
Vilja efla nágrannavörslu
í hverfum borgarinnar
Kjartan
Magnússon
TILLÖGU Ólafs F. Magnússonar,
borgarfulltrúa Frjálslyndra og
óháðra, um að niðurrifsheimildir
gamalla húsa við Laugaveg yrðu
dregnar tilbaka, var vísað til
skipulagsráðs á fundi borgar-
stjórnar í gær.
Tillaga Ólafs miðaði að því að
heimildir til niðurrifs húsanna nr.
35, 36a, 41 og 45 á Laugavegi,
milli Vatnsstígs og Frakkastígs,
yrðu dregnar tilbaka. Jafnframt
að fallið yrði frá niðurrifs-
heimildum húsanna nr. 33 frá
1902, nr. 33b frá 1916, nr. 33a
frá 1911, nr. 38 frá 1905 og nr.
38b frá 1903.
Í greinargerð með tillögu Ólafs
er á það bent að borgarfulltrúar
R-lista hafi ekki viljað greiða at-
kvæði með tillögu Ólafs um að
fallið yrði frá niðurrifsheimildum
fjölda 19. aldar húsa við Lauga-
veg. Borgarfulltrúar R-lista hafi
samþykkt að vísa tillögum Ólafs
til skipulagsráðs sem jafngildi
frávísun þar sem ráðið hafi þegar
ákveðið þá málsmeðferð að end-
urskoða ekki niðurrifsheimildir
heldur láta rýnihóp fjalla um
hvað komi í stað þeirra húsa sem
hverfa.
Sem fyrr segir var samþykkt
með atkvæðum fulltrúa R-lista að
vísa tillögunni til skipulagsráðs.
Fulltrúar Sjálfstæðisflokks sátu
hjá við atkvæðagreiðslu um til-
löguna sem fram fór með nafna-
kalli, að ósk Ólafs F. Magn-
ússonar.
Vísað til
skipulagsráðs
ALFREÐ Þorsteinsson var kjör-
inn forseti borgarstjórnar á fundi
borgarstjórnar í gær. Fráfarandi
forseti er Árni
Þór Sigurðsson,
en í leyfi hans
hefur Stefán Jón
Hafstein gegnt
forsetastörfum
undanfarna mán-
uði. Alfreð mun
gegna starfinu til
loka kjörtíma-
bilsins.
Alfreð Þor-
steinsson tók
fyrst sæti í borgarstjórn fyrir
Framsóknarflokkinn sem aðalmað-
ur 1971 og sat til ársins 1978. Frá
1994 hefur hann átt sæti í borg-
arstjórn fyrir Framsóknarflokkinn
í Reykjavíkurlistasamstarfinu.
Hann situr í borgarráði og er
stjórnarformaður Orkuveitu
Reykjavíkur og Sorpu.
Árni Þór var kjörinn fyrsti vara-
forseti borgarstjórnar og Stefán
Jón Hafstein annar varaforseti. Þá
voru Björk Vilhelmsdóttir og Guð-
laugur Þór Þórðarson kosin í emb-
ætti skrifara og Anna Kristins-
dóttir og Kjartan Magnússon voru
kosin varaskrifarar.
Þá voru kosnir borgarráðs-
fulltrúar og varaborgarráðsfulltrú-
ar auk þess sem kosnir voru þrír
fulltrúar í stjórn innkauparáðs.
Alfreð kjör-
inn forseti
borgar-
stjórnar
Alfreð
Þorsteinsson
♦♦♦
ÁHÖFN á TF-LIF þyrlu Landhelg-
isgæslunnar sótti hjartveikan mann
á Grundarfjörð í gær og flutti hann
til Reykjavíkur. Svo vel vildi til að
þyrluáhöfnin hafði verið á æfingu á
Breiðafirði þegar aðstoðarbeiðnin
kom og var þyrlan skamma stund
að skjótast til Grundarfjarðar og
sækja sjúklinginn. Við komuna til
Reykjavíkur var lent við flugskýli
Landhelgisgæslunnar á Reykjavík-
urflugvelli þar sem sjúkrabíll beið.
Úr flugæfingu
í útkall
AUÐVELT er að hoppa hæð sína í loft upp af kæti á
Ærslabelgnum í Laugardalnum. Um er að ræða nýtt
leiktæki í Fjölskyldu- og húsdýragarðinum sem nýtur
geysimikilla vinsælda hjá yngri kynslóðinni. Greini-
legt var að krakkarnir sem ljósmyndari Morgunblað-
isns rakst á í gær nutu þess að hoppa og skoppa að
vild á uppblásna belgnum. Eins og myndin ber með
sér urðu þó allir að fara úr skónum til að fá að
hoppa á leiktækinu stóra. Vonandi er bara að allir
fari varlega í loftköstunum.
Morgunblaðið/Ómar
Ærslabelgur vekur kátínu
PAUL Gill, einn þremenninganna sem
slettu grænu skyri á ráðstefnugesti á Nor-
dica-hóteli í liðinni viku, hefur verið úr-
skurðaður í farbann til 1. júlí nk. Honum var
sleppt á laugardagsmorgun, rúmlega tveim-
ur dögum áður en gæsluvarðhaldsúrskurð-
ur yfir honum rann út.
Gill var líkt og Arna Ösp Magnúsardóttir
og Ólafur Páll Sigurðsson handtekinn á hót-
elinu þriðjudaginn 14. júní. Daginn eftir var
hann úrskurðaður í gæsluvarðhald til mánu-
dagsins 20. júní en var eins og fyrr segir
sleppt á laugardagsmorgun.
Jóhannes Albert Sævarsson, hrl., verj-
andi Gill, segir að hann hafi verið yfirheyrð-
ur við handtöku og gefið stutta skýrslu þeg-
ar gæsluvarðhaldsúrskurðurinn var
kveðinn upp og þar hefði hann neitað því að
vera atvinnumótmælandi og að hafa skipu-
lagt mótmæli víða um heim. Hann hafi ekki
verið yfirheyrður eftir það en svo virðist
sem lögregla hafi á föstudag aflað sér upp-
lýsinga sem hafi leitt til þess að honum var
sleppt. Væntanlega hafi lögregla ekki leng-
ur talið að hætta væri á áframhaldandi
brotastarfsemi Gills. Farbannsúrskurður-
inn verður ekki kærður til Hæstaréttar.
Í farbanni
til 1. júlí