Morgunblaðið - 22.06.2005, Blaðsíða 37

MORGUNBLAÐIÐ MIÐVIKUDAGUR 22. JÚNÍ 2005 37
DAGBÓK
Hið árlega Shellmót 6. flokks karla íknattspyrnu verður haldið í Vest-mannaeyjum dagana 22. til 26. júníog er þetta í 21. fyrsta sinn sem það
er haldið.
„Upphaflega hét það Tommamótið og hóf
göngu sína sumarið 1984 en nafninu var breytt í
Shellmótið sjö árum síðar,“ segir Einar Frið-
þjófsson, framkvæmdastjóri mótsins.
Einar hefur komið að mótshaldinu í sautján
ár og segir fjölda gesta þetta árið líklega verða
eitthvað í kringum hálft þriðja þúsund.
„Leikmenn, þjálfarar og fararstjórar telja
eitthvað um ellefu hundruð. Síðan er auðvitað
fjöldinn allur af foreldrum sem fylgja börnunum
sínum, og auðvitað afar og ömmur og vinir og
vandamenn. Þarna er því kominn stór og mynd-
arlegur hópur af fólki sem vel verður tekið á
móti eins og Vestmannaeyinga er von og vísa,“
segir Einar. Eins og þessar tölur gefa til kynna
er skipulag afar mikilvægur þáttur í mótshaldi
sem þessu.
„Það er mikil vinna í að koma öllu heim og
saman svo vel sé en það er gott fólk sem vinnur
að þessu og það er auðvitað komin góð reynsla á
mótshaldið,“ segir Einar og bætir aðspurður við
að dagskráin sé fjölbreytt og ekki snúist allt um
fótbolta.
„Það er boðið upp á fríar báts- og rútuferðir,
það er bæði frítt í sund og á Fiska- og náttúru-
gripasafnið og svo verður farið að spranga. Síð-
an verða kvöldvökur og til að mynda verður stór
grillveisla á laugardagskvöldinu þar sem farið
verður í margskonar leiki. Þannig að það verður
meira en nóg að gera fyrir strákana og ég á von
á því að fullorðna fólkinu komi ekki til með að
leiðast; það verður líf og fjör frá morgni til
kvölds alla dagana.“
Einn af föstum punktum Shellmótsins er
koma stjörnuliðs Ómars Ragnarssonar og á því
verður engin breyting í ár:
„Ómar hefur komið með liðið sitt á öll mótin
nema eitt og ekki minnkar fjörið og sprellið við
komu hans,“ segir Einar og hlær. Hann tekur
undir með blaðamanni um að slíkt mótshald hafi
mikið félagslegt gildi:
„Svo sannarlega, þetta hefur heilmikið fé-
lagslegt gildi, og ég vil nú einfaldlega kalla
þetta stóra og mikla fjölskylduskemmtun – um-
fangið er orðið það mikið og þróunin hefur verið
á þann veg að það er óhætt að kalla mótið fjöl-
skylduskemmtun. Nú, svo skilar þetta sér einn-
ig með áþreifanlegum hætti fyrir okkur hér í
Vestmannaeyjum. Það eru öll gistirými löngu
upppöntuð og þetta er góð vítamínsprauta fyrir
bæjarfélagið,“ sagði Einar Friðþjófsson að lok-
um.
Íþróttir barna | Shellmótið í knattspyrnu haldið í 21. sinn í Vestmannaeyjum
Allsherjar fjölskylduskemmtun

Einar Friðþjófsson er
framkvæmdastjóri
Shellmótsins í knatt-
spyrnu, sem fram fer
dagana 22. til 26. júní í
Vestmannaeyjum.
Einar útskifaðist með
BA-próf í ensku frá Há-
skóla Íslands og starfar
sem kennari við Fram-
haldsskólann í Vest-
mannaeyjum.
Einar hefur komið að Shellmótinu með ýms-
um hætti allt frá árinu 1988.
Hann er giftur Katrínu Freysdóttur og eiga
þau þrjú börn sem eru á aldrinum átján ára til
þrítugs.
Yfirþyrmandi
tónlistarnotkun
HORFÐI í kvöld á íslenska kvik-
mynd. Laxá. Hlakkaði til því ég
hafði sjálfur gert myndina „Lax í
Laxá“ fyrir ABU 1969, sem hlaut
verðlaun í gömlu Tékkó. Hvílík von-
brigði. Hver íslenska myndin á fæt-
ur annarri er eyðilögð með hljóð-
setningu.
Síðasta mynd Þorsteins Jóns-
sonar var gersamlega rústuð með
yfirþyrmandi tónlistarnotkun og
sama er að segja um myndina Laxá.
Frábærar tökur, alger öræfakyrrð,
spegilslétt áin, syndandi fuglar þar
sem aðeins ætti að heyrast gjálfrið í
ánni og kvak fuglanna er eyðilagt
með ískrandi flaututónum og víða í
myndinni yfirgnæfir tónlistin mál
mannanna sem eru í mynd.
Ungu menn, hafið í huga að þögn-
in er gulls ígildi þar sem hún á við.
Beið eftir kreditlistanum, og sjá:
tónlistar-kaflinn var langlengstur.
Kveðja,
Ásgeir Long.
Myndavél týndist
í Hveragerði
MYNDAVÉL týndist í Hveragerði,
líklega hjá fánastöngunum í brekk-
unni á leiðinni í sundlaugina. Í
myndavélinni var filma með mynd-
um af skírn og er hún því eiganda
mikils virði. Skilvís finnandi hafi
samband við Rut í síma 552 7725 og
699 7725.
Vínrautt hjól týndist
VÍNRAUTT antikhjól týndist fyrir
utan Rangá í Skipasundi fyrir 3
mánuðum. Hjólsins er sárt saknað.
Þeir sem vita um hjólið eru beðnir að
hafa samband í síma 553 1223.
Kíra týndist í Grafarvogi
KÍRA er 2ja
ára brún-
bröndótt, fín-
gerð og sér-
lega mannelsk
læða sem
týndist 17.
júní sl. Hún
gæti hugs-
anlega hafa lokast einhvers staðar
inni og er fólk beðið að athuga
kompur, skúra og bíla. Hennar er
sárt saknað. Þeir sem geta gefið
upplýsingar hafi samband við Bryn-
dísi í síma 587 9368 eða 847 4503.
Fundarlaun.
Páfagaukur fannst
LÍTILL páfagaukur (gári) fannst í
Einihlíð í Hafnarfirði 14. júní s.l.
Upplýsingar í síma 698 4925.
Velvakandi
Svarað í síma 5691100 frá 10–12
og 13–15 | velvakandi@mbl.is
90 ÁRA afmæli. Á morgun, 23.júní, er níræð Björg Krist-
mundsdóttir, Lindasíðu 4, Akureyri.
Hún tekur á móti vinum og vanda-
mönnum föstudaginn 24. júní í Húsi
aldraðra, Lundargötu 7, Akureyri,
milli kl. 15–19.
Árnaðheilla
dagbók@mbl.is
Í KVÖLD verður Dómkórinn með tónleika í Dómkirkjunni þar sem
hann lýkur vetrarstarfinu. Samkvæmt Marteini H. Friðrikssyni
stjórnanda kórsins hefur kórinn ávallt haldið tónleika á þessum
árstíma, stundun erlendis eða úti á landsbyggðinni, en í kvöld
syngur kórinn á heimavelli í Dómkirkjunni.
Í fyrri hluta tónleikanna flytur kórinn þjóðlög og madrigala sem
að sögn Marteins bera með sér það fjör og þá gleði sem fylgir
þessum tíma ársins. Síðan verður flutt verkið Missa cum populo
eftir tékkneska tónskáldið Petr Eben. „Tónskáldið, sem er ennþá
á lífi, var sem unglingur sendur í fangabúðir nasista. Sú reynsla
hefur haft mikil áhrif á tónsmíðar hans. Petr Eben hefur samið
mikið af kirkjutónlist sem hefur verið flutt út um allan heim,“
segir Marteinn um tónskáldið og heldur áfram:. „Í tónlistinni og
textunum endurspeglast vonin um bætta og betri.“ Flytjendur
eru alls um 100 manns, kór, trompet og básúnur, slagverks-
hljóðfæri, orgel og einsöngvari. Þá er verkið einnig skrifað með
þátttöku safnaðarins eða tónleikagesta í huga og hefur Dómkór-
inn fengið nokkra vini auk félaga úr kór Menntaskólans í Reykja-
vík til að taka þátt í flutningnum. Auk Dómkórsins syngur Hall-
veig Rúnarsdóttir einsöng, Guðný Einarsdóttir leikur á orgel og
hljóðfæraleikarar úr Sinfóníuhljómsveit Íslands leika.
Tónleikarnir hefjast kl. 20.30 og aðgangseyrir er 1.000 kr.
(C) MOTIV-MYND/Jón Svavarsson
Sumartónleikar Dómkórsins í Reykjavík
BÓKA- og byggðasafn N-Þing-
eyinga opnaði sýninguna: „Að
koma ull í fat“ 19. júní sl.
Á sýningunni eru vettlingar og
sokkar sem fengnir hafa verið að
láni hjá ýmsum aðilum við Öxar-
fjörð auk þess sem dregnir eru
fram vettlingar og sokkar í eigu
safnsins.
„Aðalsérkenni Bóka- og byggða-
safns Norður-Þingeyinga er
óvenjulega fjölbreytt safn hand-
verks, t.d. útsaumur, vefnaður,
brúðarbúningar frá 19. öld, verk-
færi og útskurður. Hér höfum við
stórt ljósmyndasafn frá bæjum og
íbúum héraðsins. Er hér merkt safn
norrænna bóka, auk bókasafns
Helga frá Leirhöfn.“ segir í tilkynn-
ingu frá safninu um það sem hægt
er að skoða á safninu.
Byggðasafnið er opið til 31.
ágúst, þriðjudaga til sunnudaga frá
kl. 13–17. Á öðrum tíma eftir sam-
komulagi við starfsfólk. Sýningin
verður opin til 1. ágúst 2005.
Vettlingar og sokkar til sýnis
Hálendishand-
bókin eftir Pál
Ásgeir Ásgeirs-
son var fyrst gef-
in út 2001. Árið
2004 kom hún út
í nýrri og end-
urbættri útgáfu
og fylgdi geisla-
diskur með
myndskeiðum af 80 vöðum á há-
lendinu.
Heimur hf., útgefandi bókarinnar
hefur nú látið þýða hana.
„Hálendishandbókin hefur þá sér-
stöðu meðal leiðsögubóka um Ís-
land að þar er lýst jöfnum höndum
ökuleiðum, gönguleiðum og áhuga-
verðum áfangastöðum á vinsælustu
hálendisleiðum á Íslandi. Í bókinni
er fjöldi vandaðra ljósmynda eftir
fjölda höfunda og kort af einstökum
svæðum sem lýst er bæði fyrir öku-
menn og göngugarpa,“ segir enn
fremur í kynningunni.
Bókin heitir á ensku Adventure in
Iceland og er í nokkuð styttri útgáfu
en íslenska bókin en útlit og upp-
setning er óbreytt. Það var Daniel
Teague sem þýddi.
Handbók
ÚT er komin bók-
in Saga svína-
ræktar á Íslandi
frá landnámi til
okkar daga eftir
Friðrik G. Olgeirs-
son sagnfræðing.
Saga svína-
ræktar á Íslandi
skiptist í tíu
kafla. „Viðfangsefni þessa rits er
saga svínaræktar á Íslandi frá land-
námi til okkar daga. Landnámsmenn
komu með svín og önnur húsdýr
með sér til landsins. Fyrstu aldirnar
skipti svínahald töluverðu máli og
færð eru fyrir því rök að fyrstu árin
meðan landnámsmenn voru að
koma sér fyrir í hinu nýja landi hafi
svínakjöt verið ein helsta fæða
þeirra vegna miklu meiri frjósemi
svína en annarra húsdýra.“ segir í
kynningu um bókina. Friðrik G.
Olgeirsson er sjálfstætt starfandi
sagnfræðingur og Saga svínaræktar
er 12. bók höfundar.
Bókin er 272 blaðsíður, prýdd um
200 ljósmyndum, teikningum og
myndritum. Bókin var unnin í prent-
smiðjunni Gutenberg.
Bók