Morgunblaðið - 02.08.2005, Blaðsíða 6

6 ÞRIÐJUDAGUR 2. ÁGÚST 2005 MORGUNBLAÐIÐ
FRÉTTIR
www.ibudalan.is
Einfaldari leið
að íbúðakaupum
Að fjármagna íbúðakaup hjá Íbúðalán.is er einfalt,
fljótlegt og þægilegt. Þú ferð einfaldlega inn á
vefslóðina www.ibudalan.is og gengur frá þínum
málum í tveimur einföldum skrefum
- greiðslumatinu og lánsumsókninni.
Fasteignasalinn sendir síðan kauptilboðið
rafrænt til Íbúðalán.is
MIKILL erill var hjá lögreglunni á
Akureyri um helgina en um 30 fíkni-
efnamál komu upp. Samkvæmt upp-
lýsingum lögreglunnar var í öllum
tilvikum um að ræða minniháttar
mál sem teljast upplýst. Þá voru til-
kynntar 18 líkamsárásir til lögregl-
unnar. Níu voru teknir fyrir ölvunar-
akstur og 50 fyrir of hraðan akstur
en sá sem hraðast ók mældist á 171
km hraða á laugardaginn í Öxnadal
og var sviptur ökuréttindum.
28 fíkniefnamál komu upp hjá lög-
reglunni í Vestmannaeyjum um
helgina en mest var lagt hald á af
amfetamíni eða 31 gramm, 13
grömm af hassi, þrjár e-töflur, eitt
gramm af kókaíni og annað eins af
maríjúana. Þá fundust þrír skammt-
ar af LSD. Samkvæmt upplýsingum
lögreglunnar eru þetta færri fíkni-
efnamál en undanfarnar verslunar-
mannahelgar en þá hafa þau verið á
milli 40 og 50.
Þrjú líkamsárásarmál komu til
kasta lögreglu – þar af tvö í gær-
morgun. Í öðru tilfellinu var um það
að ræða að maður var kýldur og síð-
an sparkað í hann liggjandi. Hann
var meðvitundarlaus þegar komið
var að honum og var hann í kjölfarið
fluttur með sjúkraflugi til Reykja-
víkur. Hann hefur nú jafnað sig að
mestu. Í hinu tilfellinu réðst ungur
maður á þrjá nærstadda og lamdi þá
með rörbút í andlit, þannig að tennur
brotnuðu í einum.
Engin kynferðisbrotamál komu til
kasta lögreglu um helgina og sam-
kvæmt upplýsingum frá neyðarmót-
töku vegna nauðgunar í Fossvogi
hafði enginn leitað þangað eftir
helgina. Eyrún B. Jónsdóttir, hjúkr-
unarfræðingur á neyðarmóttökunni,
segir það hins vegar algengt að þeir
sem hafi verið beittir kynferðislegu
ofbeldi leiti ekki þangað fyrr en
nokkur tími sé liðinn frá brotinu.
Ekkert kynferðisbrotamál tilkynnt
Færri fíkniefna-
mál en í fyrra
BRAGI Bergmann, framkvæmdastjóri útihá-
tíðarinnar Einnar með öllu á Akureyri, sagði
hátíðarhöldin hafa gengið vonum framar en
þetta var í fimmta sinn sem hátíðin var haldin.
Hátíðin var jafnframt sú fjölmennasta um
helgina.
„Ég held að það hafi tekið okkur þessi fimm
ár að skapa hina fullkomnu fjölskylduhátíð en
hingað komu um 12.000 gestir þannig að það
hafa verið vel yfir 20.000 manns á Akureyri um
helgina,“ segir Bragi en fjölskyldufólk var í
miklum meirihluta þeirra sem sóttu hátíðina.
„Það var átján ára aldurstakmark á tjald-
svæðin en við vorum með sérstakt tjaldsvæði
fyrir ungt fólk við félagsheimili Þórs og þar
voru um sjö hundruð manns frá átján ára aldri
til þrítugs. Þeir sem búa í nágrenni við það
tjaldsvæði höfðu á orði að fólkið þar hefði verið
til fyrirmyndar.“
Gott veður var á Akureyri alla helgina en að
sögn Braga kom varla dropi úr lofti.
Góðir gestir í Galtalæk
Bindindismótið í Galtalæk fór fram í 45.
skipti um helgina en að sögn Aðalsteins Gunn-
arssonar, framkvæmdastjóra mótsins, fór það
afskaplega vel fram að þessu sinni.
„Þetta var alveg yndislega ljúft mót. Hingað
komu virkilega góðir gestir og veðrið lék við
okkur alla helgina,“ segir Aðalsteinn en um
3.500 gestir sóttu Bindindismótið.
„Hingað kemur fyrst og fremst fjölskyldu-
fólk enda þurfa unglingar undir lögaldri að
koma í fylgd forráðamanns. Fólk er sem betur
fer ekki að senda unglinga sína á útihátíð án
eftirlits – það er liðin tíð hér í Galtalæk.“
3.000 gestir á Neistaflugi
Ívið fleiri gestir voru á fjölskylduhátíðinni
Neistaflugi í Neskaupstað um helgina heldur
en undanfarin ár að sögn Höskuldar Björg-
úlfssonar, framkvæmdastjóra hátíðarinnar.
Um 3.000 manns sóttu hátíðina sem hefur ver-
ið haldin í Neskaupstað síðan árið 1993.
„Þetta hefur gengið vonum framar og það
var frábært veður alla helgina. Yfirleitt hefur
fjölskyldufólk verið í meirihluta á þessari hátíð
en nú var þetta beggja blands. Yfir daginn var
fjölskyldufólk á sveimi í bænum en þegar leið
að kvöldi fór unglingunum fjölgandi,“ segir
Höskuldur og tekur það fram að lögregla og
björgunarsveitir hafi ekki haft í miklu að snú-
ast um helgina enda hafi gestir verið til fyrir-
myndar.
„Allir í sæluvímu“
Kotmót Hvítasunnukirkjunnar í Reykjavík
fór fram í 55. skiptið í Kirkjulækjarkoti um
helgina. Geir Jón Þórisson mótsstjóri segir há-
tíðina hafa gengið ljómandi vel fyrir sig en
aldrei hafa fleiri mætt á mótið en í ár eða 4.000
manns.
„Ekki sást vín á einum manni, ekki sáust
fíkniefni, engin nauðgun átti sér stað, engin
var sleginn og engu var stolið. Það eru allir í
sæluvímu eftir þetta mót – afskaplega glaðir
og ánægðir,“ segir Geir Jón og bætir við:
„Þegar áfengið er ekki haft um hönd og allir
eru allsgáðir er frekar von á því að þetta sé í
góðu lagi. Þannig er fólk hingað komið til þess
að njóta samfélags og samvista við hvort ann-
að.“
Síldarævintýri og Sæludagar
Síldarævintýrið var haldið í 15. sinn á Siglu-
firði um helgina og voru hátíðargestir um
3.500 talsins. Elías Bjarni Ísfjörð, fram-
kvæmdastjóri Síldarævintýrisins, segir hátíð-
ina hafa gengið vel fyrir sig og gesti hafi verið
til fyrirmyndar.
Sæludagar fóru fram í Vatnaskógi um
helgina í 14. sinn en að sögn Guðna Más Harð-
arsonar, mótsstjóra Sæludaga, voru gestir um
1.000 talsins.
„Þetta gekk ljómandi vel fyrir sig en veðrið
hefði mátt vera skemmtilegra. Sæludagar eru
með öllu vímulaus hátíð og það hefur aldrei
verið kallað á lögreglu í sögu Sæludaga,“ segir
Guðni.
Innipúkinn, tónlistarhátíð sem hefur farið
fram í Reykjavík undanfarnar þrjár verslunar-
mannahelgar, var vel sótt að þessu sinni en
uppselt var á hátíðina. Grímur Atlason tón-
leikahaldari segist ekki hafa tölu á því hversu
margir hafi sótt tónleikana en 38 hljómsveitir
komu fram – bæði innlendar og erlendar.
Grímur er þess fullviss að hátíðin sé komin til
þess að vera og ætlar ekki annað en að Inni-
púkinn verði haldinn í fimmta sinn að ári.
Mannfagnaðir um verslunarmannahelgina gengu víðast hvar vel fyrir sig en allt að 25
skipulagðar hátíðir fóru fram. Þeir talsmenn útihátíða sem Morgunblaðið hafði samband
við í gær voru ánægðir með helgina en mikið var um fjölskylduhátíðir.
Flestir gestir á Akureyri
Eftir Þóri Júlíusson
thorir@mbl.is
MILLI sjö og átta þúsund manns voru á ung-
lingalandsmóti UMFÍ í Vík í Mýrdal um
helgina og tókst framkvæmd mótsins vel í
alla staði, að sögn Ómars Braga Stefánssonar
framkvæmdastjóra.
Um 1.000 keppendur voru á staðnum en
krakkar á aldrinum 11–18 ára mega taka
þátt í landsmótinu og er þar keppt í fjölmörg-
um íþróttagreinum.
Unglingalandsmótið gengur þannig fyrir
sig að keppt er í íþróttum fram að kvöldmat
alla daga en á kvöldin er dagskrá í boði fyrir
krakkana og spiluðu hljómsveitirnar Á móti
sól, Svitabandið og Ísafold auk Idol-stjörn-
unnar Hildar Völu fyrir mótsgesti um
helgina.
Ómar segir að ekkert hafi sést af vímuefn-
um um helgina og ljóst að þeir sem séu í slík-
um hugleiðingum fari eitthvað annað.
Morgunblaðið/Jónas Erlendsson
Blíðskaparveður var á Unglingalandsmóti í
Vík í Mýrdal um helgina og góð stemming.
Sjö til átta þúsund
manns á unglinga-
landsmóti
Vestmannaeyjar | Hvað er það sem
dregur fólk á Þjóðhátíð Vestmanna-
eyja ár eftir ár? Er það umgjörðin
sem Herjólfsdalur í allri sinni tign
skapar hátíðinni? Er það brennan á
Fjósakletti á föstudagskvöldinu,
flugeldasýningin á laugardagskvöld-
inu, brekkusöngurinn og blysin 131
sem lýsa upp brekkurnar í Dalnum?
Eru það hvítu tjöldin og gestrisni
heimamanna eða bara þörfin til að
sletta ærlega úr klaufunum þar sem
þetta allt er í boði?
Sennilega er það eitthvað af þessu
öllu saman sem gerir það að verkum
að Þjóðhátíð er ennþá haldin í Herj-
ólfsdal þar sem fólk á öllum aldri,
frá kornabörnum upp í virðulega
eldri borgara, getur skemmt sér
saman. Vestmannaeyingum þykir
líka vænt um þessa hátíð sína og
spara ekkert til að allt fari vel fram
og taka aðkomufólki sem velkomn-
um gestum. Á daginn mætir fólk
með bakkelsi í tjöldin, börnin fá sinn
skammt af skemmtiatriðum og um
kvöldið eru allir saman í brekkunni
til að fylgjast með fjölbreyttri dag-
skrá sem að þessu sinni bauð upp á
Ragga Bjarna, hljómsveitirnar
Grafík, Hoffman, Vagíans, Jónsa og
hina strákana í Svörtum fötum,
Hálft í hvoru, Dans á rósum, Skímó
og svo Árna Johnsen sem mun
syngja sinn þrítugasta Brekkusöng
á næstu hátíð. Þegar búið er að
koma krökkum í ró er haldið á ný í
Dalinn í klæðnaði sem hæfir veðrinu
og sungið, dansað og drukkið fram á
morgun.
Þetta er sú mynd sem Eyjamenn
vilja að birtist gestum og öðrum en
því miður eru alltaf einhverjir sem
ekki kunna fótum sínum forráð og
svo var nú þó hátíðin í heild hafi far-
ið mjög vel fram.
Páll Scheving, framkvæmdastjóri
ÍBV, segir erfitt að giska á fjölda
gesta á hátíðinni en hann sagðist
aldrei hafa séð annan eins fjölda í
brekkunni og á sunnudagskvöldið.
„En ætli við séum ekki að tala um að
milli 8.000 og 9.000 þúsund manns
hafi komið á Þjóðhátíðina í ár,“
sagði Páll sem er ánægður með
hvernig tókst til.
„Veðrið lék við okkur nema hvað
það rigndi á laugardeginum en það
var ekki mikill vindur og milt þannig
að engin vandræði urðu. Það sýndi
sig líka að þetta unga fólk sem hing-
að kemur er vel útbúið. Ég hef feng-
ið mjög jákvæð viðbrögð við dag-
skránni og virtist fólk ánægt með að
sjá Ragga Bjarna, Gylfa Ægis og
Grafík svo einhver dæmi séu tekin
og Bubbi stendur alltaf fyrir sínu.
Þannig að ég get ekki verið annað
en ánægður,“ sagði Páll.
Morgunblaðið/Sigurgeir Jónasson
Hvítu tjöldin eru einkennandi fyrir Herjólfsdal, en talið er að tæplega 10 þúsund manns hafi verið á hátíðinni í ár.
Mikið sungið og dansað
á Þjóðhátíð í Eyjum