Morgunblaðið - 02.08.2005, Blaðsíða 11
MORGUNBLAÐIÐ ÞRIÐJUDAGUR 2. ÁGÚST 2005 11
FRÉTTIR
Mörkinni 6, sími 588 5518.
Stórútsalan
hófst 30. júlí
Yfirhafnir í úrvali
Mörg góð tilboð
20-50% afsláttur
Stuttkápur
Heilsárskápur
Opið virka daga frá kl. 10-18
og laugardaga frá kl. 10-16
VIÐSKIPTI
HEILDARVELTA viðskipta með
hlutabréf í Kauphöll Íslands í júlí
nam ríflega 59,1 milljarði króna og
var hún 60,43% hærri en í júlí í fyrra
en þá var veltan tæplega 36,9 millj-
arðar.
Mest velta í mánuðinum var með
bréf FL Group og nam hún ríflega 12
milljörðum króna. Fyrsta dag mán-
aðarins skiptu bréf í FL Group fyrir
alls 11,5 milljarða um eigendur og
voru viðskipti með bréf félagsins því
dræm það sem eftir var mánaðarins.
Næst mest velta var með bréf KB
banka, tæplega 11,5 milljarðar, og
svo kom Actavis, 9,8 milljarðar.
Rúmlega billjón?
Velta með hlutabréf í Kauphöll Ís-
lands það sem af er ári nemur ríflega
462 milljörðum króna og hefur hún
aukist um 43,69% frá sama tímabili í
fyrra. Fari svo að velta ársins verði
43,69% hærri en velta síðasta árs
mun heildarvelta ársins nema um
1.037 milljörðum króna, eða rúmri
billjón króna. Ómögulegt er að spá
nákvæmlega um það hvort þetta
verði þróunin en velta síðustu mán-
aða síðasta árs var mjög mikil, alls
um 400 milljarðar á síðustu fimm
mánuðum ársins, þar af um 355
milljarðar á síðustu fjórum mánuð-
unum.
Erfitt er að segja fyrir hvort velta
síðustu fimm mánaða þessa árs verði
meiri en svo en í ljósi hinnar miklu
veltuaukningar sem nú þegar er orð-
in á árinu er það þó ekki ólíklegt.
Ef gert er ráð fyrir að veltan það
sem eftir er árs verði sú sama og á
síðustu mánuðum síðasta árs verður
heildarvelta ársins um 862 milljarðar
króna. Heildarvelta síðasta árs var
721,4 milljarðar króna og yrði því um
19,5% veltuaukningu að ræða. Ekki
er víst að svo fari en engu að síður
stefnir allt í nýtt veltumet.
Ríflega 60%
veltuaukning í
Kauphöllinni
Eftir Guðmund Sverri Þór
sverrirth@mbl.is
Velta hlutabréfa í júlí 59,1 milljarður
WIM Duisenberg, fyrrverandi
bankastjóri seðlabanka Evrópu,
fannst látinn í sundlaug við heimili
sitt í suðausturhluta Frakklands á
sunnudag. Hann hafði drukknað eft-
ir að hjarta hans hafði gefið sig, að
sögn BBC.
Duisenberg, sem var sjötugur er
hann lést, var fyrsti bankastjóri
Seðlabanka Evrópu og átti stóran
þátt í sköpun sameiginlegs gjaldmið-
ils tólf Evrópulanda og var því gjarn-
an kallaður „faðir evrunnar“.
Hann settist í helgan stein árið
2003, hafði þá verið seðlabankastjóri
frá árinu 1998.
Duisenberg var Hollendingur og
gegndi embætti fjármálaráðherra í
heimalandi sínu 1973-1977 og gat sér
síðan gott orð sem bankastjóri hol-
lenska seðlabankans um ellefu ára
skeið.
„Faðir evrunnar“
fannst látinn
Wim Duisenberg seðlabankastjóri.
MIKIL vinnutörn hefur verið hjá
húsbændum í Flatey á Skjálfanda
undanfarna daga þegar húseig-
endur í eynni ákváðu að sameinast
um miklar og bráðnauðsynlegar
bryggjuviðgerðir. Flytja þurfti heil
50 tonn af efni frá Húsavík út í
Flatey og var Hríseyjarferjan feng-
in til efnisflutninganna en í viðgerð-
irnar fóru um 20 rúmmetrar af
steypu. Efnið var flutt út í ey í
þremur ferðum mánudaginn fyrir
verslunarmannahelgina og gátu
framkvæmdir því hafist af fullum
krafti á þriðjudeginum.
Björtustu áætlanir gerðu ráð fyr-
ir að framkvæmdum yrði lokið að
kvöldi föstudagsins en þegar upp
var staðið og búið var að slá frá
urðu framkvæmdalok sólarhring á
undan áætlun. Menn voru því allir
mjög sælir og þreyttir í lok vinnu-
tarnarinnar enda skapaðist um
verkið mikil og góð samstaða í
eynni.
Allir þeir sem vettlingi gátu vald-
ið og eiga hús í eynni tóku þátt í
viðgerðunum í sjálfboðavinnu. Flat-
eyjarhöfn, sem er lífhöfn sjófar-
enda, heyrir undir Húsavíkurhöfn
sem veitti smá styrk til efniskaupa.
Þá hyggst landbúnaðarráðuneytið
koma með einhverjum hætti að
uppbyggingu í Flatey. Yfirumsjón
með framkvæmdunum höfðu Hilm-
ar Marínósson, húsasmíðameistari á
Bjargi, og Kristinn Hrólfsson, múr-
arameistari á Sæbergi. Eftir að við-
gerðir á bryggjunni voru í höfn
bættu Flateyingar um betur og
efndu til hreinsunarátaks á laug-
ardaginn með þátttöku stórra sem
smárra.
Dansað undir harmónikuleik
Eyjaskeggjar mættu síðan góð-
glaðir að mikilli brennu sem búið
var að byggja upp í grunni gamla
kaupfélagshússins og kveikt var í á
laugardagskvöldinu. Að því búnu
var arkað upp í samkomuhús eyja-
skeggja þar sem efnt var til árlegs
dansleiks undir harmónikuspili þar
sem yngsti ballgesturinn var
tveggja mánaða.
Mikla atvinnu var að hafa í Flat-
ey hér á árum áður og var þá oft
fjörugt í kringum höfn og bryggju
þegar fiskurinn var verkaður í
hverjum skúr, en nú eru þeir
reyndar sumir horfnir og aðrir
orðnir fremur hrörlegir útlits. En
nú stendur til að byggja upp, bæta
og fegra og hafa verið skipaðar sér-
stakar nefndir í því skyni. Nefna
má hafnarnefnd, umhverfisnefnd og
menningarnefnd.
Flatey á Skjálfanda fór í eyði árið
1967 er síðustu fjölskyldurnar fluttu
í land. En fyrir um 30 árum fóru
eyjaskeggjar að huga að húsum sín-
um í eynni með þá sýn að gera upp
og nýta eignirnar sem sumarhús.
Nú lætur nærri að um tíu hús hafi
verið gerð upp og njóta bæði gamlir
Flateyingar og afkomendur þeirra
verunnar í eynni á hverju sumri.
Morgunblaðið/Jóhanna Ingvarsdóttir
Fjölmargir hjálpuðust að við bryggjuviðgerðir í Flatey. F.v: Guðmundur A. Hólmgeirsson, Hilmar Marinósson,
Kristinn Hrólfsson, Sölvi Jónsson, Gunnar Gunnarsson, Sævar Guðbrandsson, Ingvar Sveinbjörnsson, Jóhannes
Jóhannesson, Gunnar Jóhannsson, Ómar Ingimundarson, Sigurður Kristjánsson og Hermann Ragnarsson.
Flateyingar sameinuðust
um viðgerð á bryggjunni
Mikil samstaða ríkti meðal manna í Flatey á Skjálfanda þegar þeir tóku
í sínar hendur steypuviðgerðir á bryggjunni í eynni. Jóhanna Ingv-
arsdóttir, húseigandi í Flatey, fylgdist með körlunum í vinnuham.
Mikið var um að vera þegar Flateyingar gerðu við bryggjuna.
Traktor var notaður til að knýja hrærivélina, enda ekkert rafmagn í boði.
join@mbl.is