Morgunblaðið - 02.08.2005, Blaðsíða 23
MORGUNBLAÐIÐ ÞRIÐJUDAGUR 2. ÁGÚST 2005 23
MINNINGAR
Atvinnuhúsnæði
Iðnaðarhúsnæði
Leitum að iðnaðarhúsnæði á höfuðborgar-
svæðinu fyrir traustan leigjanda. Um er að
ræða fyrirtæki með léttan iðnað sem þarf gott
100-200 m² iðnaðarbil með innkeyrsludyrum
undir starfsemi sína.
Höfum einnig á skrá leigjendur að iðnaðarbil-
um frá 200 til 2000 m².
Sími 511 1600
Atvinna óskast
Kröftugur
og kappsamur
Hver hefur sjópláss fyrir góðan og kröftugan
mann sem vill skipta um vinnu og kynnast sjó-
mennskunni? Sími 896 1837.
Raðauglýsingar 569 1100
Raðauglýsingar
sími 569 1100
an hennar gerði sér heldur grein fyr-
ir því, enginn lét a.m.k. nokkru sinni
slíkt á sér finna. Svo sjálfsagt þótti
þar að vera jafnan þeim til taks sem á
þurfti að halda.
Það lætur nærri að hver einasti
Mývetningur sem nú er milli ferm-
ingar- og sjötugsaldurs hafi verið í
skóla hjá Þráni, og að auki allmargir
unglingar utan sveitar sem koma
skyldi til nokkurs þroska. Og sam-
vistirnar héldu áfram eftir að skóla
lauk – við vinnu og félagsstörf. Hvert
sem hann fór og hvar sem hann kom
var eftir honum tekið og hann setti
mark sitt á hópinn: hafði vit á hest-
um, fé og mönnum og setti það
feimnislaust fram, gerði kröfur um
góðan söng – söng enda sjálfur flest-
um betur – og í landsmálum leyndi
hann ekki skoðunum sínum. Kunni
vel að njóta fagurs ljóðs og ekki síður
góðrar sögu – ekki örgrannt um að
átt hafi hann stundum hlut að hönn-
un sumra þeirra er frásagnarverð-
astar þóttu. Athafnir hans stundum
umdeildar, en þó jafnan vel vinsæll.
Hann var vel til forystu fallinn og allt
var fas hans eftirminnilegt.
Þróttmikil röddin vekur ei lengur
bergmál fjallhringsins forna. En
hljómur hennar lætur í eyrum svo
lengi sem heilsast engjar og heiði á
bökkum Baldursheimstjarnar þar
sem hún ómaði fyrst í hópi bræðra
fyrir meira en áttatíu árum.
Farðu vel frændi.
Þótt oss skilji hábrýnd heiðin,
heyrum vér á hverjum degi
hver í öðrum hjartað slá.
Erlingur Sigurðarson
frá Grænavatni.
Fleiri minningargreinar um Þrá-
in Þórisson bíða birtingar og munu
birtast í blaðinu næstu daga. Höf-
undar eru: Margrét og Brynhildur;
Þórir; Margrét Lára Höskulds-
dóttir; Margrét Bóasdóttir; Sig-
urður Rúnar Ragnarsson.
✝ Svandís Guð-mundsdóttir
fæddist á Kleifa-
stöðum í Kollafirði í
Austur-Barða-
strandarsýslu 6.
september 1924.
Hún lést á líknar-
deild Landakots-
spítala 25. júlí síð-
astliðinn. Foreldrar
hennar voru Þórey
Jónsdóttir, f. 6.11.
1900, d. 14.6. 1965
og Guðmundur
Jónsson, f. 14.6.
1896, d 25.8. 1973.
Bræður Svandísar eru: Jón, f.
24.2. 1923, Oddur, f. 14.12. 1925,
d. 6.11. 2004, Ástvaldur, f. 28.5.
1940 og Júlíus, f. 30.3. 1942.
Svandís giftist í nóvember 1950
Jóni Páli Ágústssyni, f. 23.10.
1919, d. 13.6. 1999. Börn þeirra
eru: 1) Eyþór Guðmundur, f. 3.12.
1949, kvæntur Bryndísi Gísladótt-
ur, f. 5.10. 1950, þau eiga þrjú
börn, Ínu Dögg, f. 19.4. 1975,
hennar maður er Björn Ingvar
Einarsson, Katrínu Svönu, f. 24.8.
1979 og Eyþór Pál, f. 26.2. 1984.
2) Sveinn, f. 13.8. 1951, kvæntist
Margréti Magnúsdóttur, f. 5.1.
1951, þau eiga tvo
syni, Magnús Björn,
f. 30.11. 1972, unn-
usta Auður Harpa
Andresdóttir, sonur
hennar er Róbert
Andri, og Jón Pál, f.
2.11. 1973, kona
hans er Bíanca E.
Treffer, dóttir
þeirra er Svandís
Rós. Sveinn og Mar-
grét slitu samvistir.
3) Sigríður, f. 10.1.
1958, giftist Stein-
ari Jónssyni, f. 13.4.
1958, börn þeirra eru Steinunn
Ósk, f. 15.4. 1980, maður hennar
er Björn Róbertsson, dætur
þeirra eru Emilía Ósk og Embla
Nótt, og Sigurður Atli, f. 16.12.
1985. Sigríður og Steinar slitu
samvistir.
Fyrir átti Jón Páll soninn
Björn, f. 3.7. 1944, kona hans er
Kerstin Wallquist Jonsson, f. 23.7.
1955, börn þeirra eru Einar Ingi,
f. 18.9. 1982, Sólveig María, f.
17.2. 1984 og Ingrid Cecilia, f.
14.11. 1986.
Svandís verður jarðsungin frá
Áskirkju í dag og hefst athöfnin
klukkan 13.
Þá er hún elsku móðir okkar búin
að kveðja þetta jarðlíf.
Hún ólst upp í sveitinni á Kleifa-
stöðum við Kollafjörð fram til ung-
lingsára. Þá var hún einn vetur í
Flatey til að læra á orgel og vann
þar sem stofustúlka. Eftir að hún
flutti til Reykjavíkur vann hún við
heimilishjálp (passa hús og börn)
einnig á kaffihúsi, þar sem hún
kynntist Jóni Páli eiginmanni sín-
um. Fyrstu hjúskaparárin sín
bjuggu þau í Efstasundi 48, síðan
stutt á Hringbraut 69 í Hafnarfirði
en í Kópavoginum frá 1953 til ’73.
Fyrst í Skólagerði 4 fram til 1960
við að ala upp strákana sína og
rækta gulrætur og jarðarber, sem
voru miklar kræsingar á þeim tíma
og ef það var snjór um jólin var bú-
inn til heimagerður ís sem var al-
gjört lostæti.
Það voru líka fyrstu störf okkar
bræðranna að taka upp gulræturnar
og þvo og síðan að ganga í hús og
selja.
Síðan eftir að systirin kom í heim-
inn var flutti í austurbæinn að
Digranesvegi 41 sem síðar breyttist
í 73. Þar héldu garðyrkjustörfin
áfram ásamt trjárækt, sem vel má
sjá í dag. Árið 1973 fluttu foreldrar
okkar til Reykjavíkur og bjuggu á
ýmsum stöðum, en lengst af að Álf-
heimum 13, en að Norðurbrún 1 frá
1997. Þar bjó hún ein síðustu 6 árin
eftir andlát föður okkar.
Svandís vann lengi í Kópavogs-
skóla við skúringar, síðan vann hún í
Flatkökugerð í Kópavogi. Síðustu
starfsárinn vann hún í þvottahúsinu
Fönn, þar tók hún einnig með sér
heimavinnu við að sauma svuntur.
Þegar við vorum ung prjónaði
hún á prjónavél föt fyrir fólk eftir
pöntunum. Hún var einnig dugleg
að sauma og prjóna fötin á okkur.
Og þótt það væri komið gat á nýju
buxurnar að kveldi litu þær sem
nýjar að morgni næsta dags.
Eitt sem hún stritaði við var að
koma börnunum sínum menntaveg-
inn og lagði hún á sig ómælda vinnu
til þess.
Á síðustu árum las hún mikið, þá
aðallega ævisögur. Voru ófáar bæk-
urnar sóttar í Bókasafnið í Sólheim-
um og átti hún örugglega lestrar-
metið þar, og því fáar bækur eftir
sem hún var ekki búin að lesa.
Svandís var mikið fyrir kveðskap
og þessa vísu samdi hún um fram-
kvæmdir sem stóðu yfir fyrir utan
gluggann hennar á Norðurbrúninni
í febrúar 2003.
En sú himneska hljómsveit
sem heyrist alla daga
þá er svo ljúft að leggjast
á litla koddann og hafa
þann indæla hljóm í eyrum
en aðeins hlé milli laga.
Hún fór oft með kveðskap fyrir
fólkið á Norðurbrún og hafði gaman
af og eins þegar einhver kom í heim-
sókn til hennar sem hafði sama
áhuga á kvæðum, þá voru rifjaðar
upp vísur. Hún skrifaði niður vísur
sem henni fundust áhugaverðar og
geymdi hjá sér.
Við þökkum móður okkar fyrir
allt sem hún hefur gert fyrir okkur.
Við systkinin viljum þakka starfs-
fólkinu á Norðurbrún fyrir frábæra
umönnun undanfarin ár. Einnig vilj-
um við þakka Sigurði Oddssyni á
Norðurbrún fyrir allt sem hann hef-
ur gert fyrir móður okkar. Svo ekki
síst starfsfólki líknardeildarinnar á
Landakoti, þar sem hún dvaldi síð-
astliðna þrjá mánuði.
Eyþór, Sveinn og Sigríður.
SVANDÍS
GUÐMUNDSDÓTTIR
Helluhrauni 10, 220 Hfj.
Sími 565 2566
www.englasteinar.is
Fallegir legsteinar
á góðu verði
Englasteinar
Sendum
myndalista