Morgunblaðið - 17.09.2005, Qupperneq 2

2 LAUGARDAGUR 17. SEPTEMBER 2005 MORGUNBLAÐIÐ
FRÉTTIR
Bjóðum frábært tilboð til Costa del Sol í 3 vikur. Þú bókar og tryggir þér
síðustu sætin og 4 dögum fyrir brottför færðu að vita hvar þú gistir.
Skógarhlíð 18 • sími 595 1000 • www.heimsferdir.is
Stökktu til
Costa del Sol
28. september
frá kr. 59.990 m.v. 2
Munið Mastercard
ferðaávísunina
Verð kr.59.990
Netverð á mann, m.v. a.m.k. 2 í herbergi/-
stúdíó/íbúð. Flug, gisting, skattar og íslensk
fararstjórn. Stökktu tilboð 28. sept. í 3 vikur.
Síðustu sætin - 3 vikur
FRAMBOÐ Í UPPNÁMI
Guðni Ágústsson landbúnaðar-
ráðherra segir að framboð Íslands
til Öryggisráðsins sé í miklu upp-
námi enda séu efasemdarmenn um
framboðið í bæði Sjálfstæðis- og
Framsóknarflokki. Hjálmar Árna-
son, þingflokksformaður Framsókn-
arflokksins, segir að yfirlýsing Hall-
dórs Ásgrímssonar í fyrradag hafi
komið á óvart enda hafi málið ekki
verið afgreitt úr þingflokknum.
Hafa stöðu sakborninga
Tveir skipbrotsmanna úr bátnum
sem strandaði á Skarfaskeri hafa nú
stöðu sakborninga, þar sem rök-
studdur grunur er um að þeir hafi
neytt áfengis um kvöldið áður en
báturinn strandaði. Rannsókn lög-
reglu miðar að því að upplýsa frekar
tildrög þess að báturinn lenti á
skerinu og hver hafi þá verið við
stjórnvölinn.
Tvísýnt í Þýskalandi
Ný skoðanakönnun bendir til þess
að tvísýnt sé um hvort kristilegu
flokkarnir í Þýskalandi og Frjálsir
demókratar nái meirihluta í þing-
kosningunum á morgun. Flokkunum
þremur var spáð 48–51% fylgi.
Norskir sjúklingar í aðgerð
Tólf norskir offitusjúklingar
gangast nú undir aðgerð á Landspít-
ala – háskólasjúkrahúsi, en flóknari
offituaðgerðir eru ekki gerðar í Nor-
egi. Með sjúklingunum er hópur
norskra heilbrigðisstarfsmanna,
sem ætla að kynna sér aðgerðirnar.
Rembrandt-verk fundið
Lögreglan í Kaupmannahöfn hef-
ur lagt hald á málverk eftir hol-
lenska málarann Rembrandt, en því
var rænt frá þjóðminjasafninu í
Stokkhólmi fyrir fimm árum. Verkið
er talið vera rúmlega 2,5 milljarða
króna virði.
Y f i r l i t
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri,
asv@mbl.is Viðskipti vidsk@mbl.is Agnes Bragadóttir, fréttastjóri, agnes@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Orri Páll Ormarsson, ritstjórnarfulltrúi,
orri@mbl.is Inga Rún Sigurðardóttir, ingarun@mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkju-
starf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp|Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is

 




 


 
 



  

 

  

 


 


 !

"
# 
$
% 
 





 & 

 
 

'() *

 +,,,



 




 






 





 
FJÓRAR Harrier-herþotur frá breska flughern-
um lentu í Reykjavík um klukkan þrjú í gær. Þot-
urnar voru að koma frá Kinnloss á Bretlandseyjum
á leið til Keflavíkur. Þar gátu þær hins vegar ekki
lent vegna lélegs skyggnis. Þær verða á flugvellin-
um fram á mánudag, en fara ekki til Keflavíkur
eins og upphaflega var áætlað. Engar sprengjur
voru á flugvélunum, en þær báru hins vegar auka-
eldsneytistank til langflugs.
Að sögn Heimis Más Péturssonar, upplýsinga-
fulltrúa flugmálastjórnar, barst töluvert af kvört-
unum frá íbúum í nágrenni flugvallarins, en þeim
hafði brugðið vegna hávaðans frá þotunum sem
myndaðist við lendingu. Sumir þeirra sem kvört-
uðu sögðu jafnframt að þoturnar hefðu flogið of
lágt.
Heimir segir að flugið verði skoðað og athugað
hvort eitthvað hafi verið óvenjulegt við flugferilinn.
Morgunblaðið/Árni Sæberg
Harrier-herþotur á Reykjavíkurflugvelli
Íbúar í nágrenni flugvallarins kvörtuðu undan miklum hávaða í lendingu
TVEIR rúmlega tvítugir karlmenn
voru dæmdir til fangelsisvistar í
Héraðsdómi Norðurlands eystra í
gær, en þá var kveðinn upp dómur í
svonefndu Vaðlaheiðarmáli. Menn-
irnir voru ákærðir fyrir sérlega
hættulega líkamsárás í apríl síðast-
liðnum, en annar þeirra skaut málm-
kúlum úr loftskammbyssu á 17 ára
pilt, þannig að hann hlaut fjölda
skotsára og fjarlæga þurfti kúlur úr
líkama hans.
Hinn maðurinn var ákærður fyrir
að hafa lagt á ráðin um skotárásina
með árásarmanninum, ekið með
honum á vettvang og verið viðstadd-
ur meðan á henni stóð. Sá sem fyrir
árásinni stóð var einnig ákærður
vegna brota á umferðarlögum, alls
fimm brot, m.a. fyrir að aka of hratt.
Pilturinn sem fyrir árásinni varð
krafðist skaðabóta að upphæð 3,2
milljónir króna. Hún var ekki tekin
til greina.
Báðir játuðu mennirnir brot sín.
Árásarmaðurinn hlaut 8 mánaða
fangelsi, en dómurinn vísaði til þess
að árásin var hrottafengin og þótti
ekki fært að skilorðsbinda refs-
inguna að öllu leyti. Með brotinu
rauf hann skilorð. Með vísan til sak-
arferils mannsins, sem 6 sinnum hef-
ur verið dæmdur til refsingar frá
árinu 2001, og þess að árásin hafði
ekki varanlegar afleiðingar fyrir
heilsu brotaþola, þótti mega fresta
fullnustu 5 mánaða af refsingunni og
fellur hún niður að liðnum 3 árum
haldi hann almennt skilorð. Þá var
hann dæmdur til að greiða sakar-
kostnað að upphæð tæplega 120 þús-
und krónur og verjanda sínum 110
þúsund krónur.
Mennirnir rufu skilorð
með brotum sínum
Félagi hans, sem þrívegis hefur
verið dæmdur til refsingar á liðnum
árum, rauf einnig skilorð með broti
sínu. Þótti dómara refsing hans
hæfilega ákveðin 5 mánaða fangelsi
og með vísan til atvika máls þótti
mega fresta fullnustu 3 mánaða.
Manninum var gert að greiða 135
þúsund krónur í sakarkostnað og
verjanda sínum 110 þúsund krónur.
Freyr Ófeigsson, dómsstjóri Hér-
aðsdóms Norðurlands eystra, kvað
upp dóminn. Ragnheiður Harðar-
dóttir, saksóknari hjá Ríkissaksókn-
ara, sótti málið.
Verjandi árásarmannsins var
Sveinn Andri Sveinsson hrl. en Sig-
mundur Guðmundsson hdl. varði fé-
laga hans.
Dæmdir vegna
grófrar árásar
Eftir Margréti Þóru Þórsdóttur
maggath@mbl.is
STURLA Böðvarsson samgöngu-
ráðherra hefur beint því til Vega-
gerðarinnar að samið verði um 14
ferðir á viku, eða tvær ferðir á dag,
í samræmi við útboð vegna siglinga
Herjólfs milli lands og Eyja.
Útboð, sem fór nýlega fram á
Herjólfsferðum, gerði ráð fyrir
bæði 13 og 14 ferðum á vikum. Eim-
skip átti lægsta tilboð í báðum til-
vikum en Samskip, sem rekið hafa
ferjuna að undanförnu, komu þar á
eftir. Vegagerðin hefur ekki gengið
frá samningum við bjóðendur.
Í tilkynningu frá samgönguráðu-
neytinu segir að þegar ferðirnar
verði orðnar 14 á viku hafi náðst sá
árangur að ferðum Herjólfs hafi
fjölgað úr 419 árið 1999 í 720 ferðir
árið 2006. Það sé 72% fjölgun ferða
á því tímabili. Reiknað er með að
Herjólfur fari á þessu ári um 590
ferðir milli lands og Eyja.
Semja á um
14 ferðir á viku
með Herjólfi
MIKIL árekstrahrina reið yfir um-
ferðina í Reykjavík í gær, annan
daginn í röð, þegar 24 árekstrar
urðu á tímabilinu frá klukkan 7 að
morgni til kl. 19.50.
Ekki urðu teljandi slys á fólki að
sögn lögreglu.
Akstursskilyrði voru ekki með
besta móti í gær, en mikil rigning
og dumbungur einkenndi veðrið
auk þess sem umferð var þung eins
og gjarnan er á föstudögum. Lög-
reglan segir þó ekki einhlíta skýr-
ingu á þessum fjölda árekstra því
aðra daga, þegar veður er með
betra móti, geti slíkar hrinur kom-
ið.
Á fimmtudag urðu til að mynda
26 árekstrar sem er nærri þrefalt
meira en meðaltalið segir til um í
Reykjavík. Þann dag voru skilyrði
til aksturs með miklum ágætum í
höfuðborginni.
Árekstrahrina
varð annan
daginn í röð
FJÁRFESTINGAFÉLAGIÐ Wiz-
ard Holding, sem er í eigu Baugs
Group, Árdegis og Milestone, hefur
keypt dönsku raftækjaverslana-
keðjuna Merlin sem rekur 48 versl-
anir í Danmörku. Velta Merlin
nemur um tíu milljörðum íslenskra
króna og hjá fyrirtækinu starfa um
550 manns í fullu starfi.
Kaupverð fæst ekki uppgefið og
heldur ekki hver hlutur hinna ís-
lensku félaga er í Wizard en ekkert
þeirra ræður þó yfir meirihluta
hlutafjár.
Ekki stendur til að loka
verslunum að svo stöddu
Umtalsvert tap hefur verið á
rekstri Merlin á undanförnum
misserum og Sverrir Berg Stein-
arsson, eigandi Árdegis og verðandi
stjórnarformaður Merlin, segir
nýja eigendur munu leggja félaginu
til nýtt fé enda séu skuldir þess of
miklar miðað við núverandi fjár-
streymi þess.
Hann segist telja að það eigi að
vera hægt að reka verslanirnar með
hagnaði og ekki standi til að loka
verslunum að svo stöddu né segja
upp starfsfólki en ráða eigi nýjan
framkvæmda-
stjóra til þess að
stýra Merlin en
að öðru leyti
verði ekki gerðar
breytingar á yfir-
stjórn félagsins.
„Það liggur
fyrir nokkuð ná-
kvæm áætlun um
það hvernig við
ætlum að snúa rekstri Merlin við.
Núna er verkefnið sem sagt að fara
þarna inn og laga til, gera þetta fyr-
irtæki arðsamt. Það þarf að breyta
öllu vinnulagi í fyrirtækinu. Það
hefur verið vandamál að eigandinn
hefur verið mjög fjarlægur og að
mörgu leyti hefur stefnan verið
mjög óljós og viðbrögð við breyt-
ingum á markaðinum hafa tekið allt
of langan tíma,“ segir Sverrir.
„Við sjáum fyrir okkur gríðar-
lega möguleika ef mönnum tekst
ætlunarverkið að snúa þessu við.
Þessar 48 verslanir eru á góðum
stöðum og flestar á afar góðum
stöðum. Merlin-nafnið er mjög
gamalt og þekkt í Danmörku og
þrátt fyrir að manni hafi fundist að
þeir hafi ekki staðið sig eins vel og
þeir hefðu getað þá er samt ótrú-
lega mikill velvilji í garð þessa
merkis.“
Merlin-keðjan í
eigu Íslendinga
Eftir Arnór Gísla Ólafsson
arnorg@mbl.is
Sverrir Berg
Í dag
Fréttaskýring 8 Umræðan 42/47
Úr verinu 16 Kirkjustarf 48/49
Viðskipti 16 Skák 61
Erlent 18/21 Minningar 50/57
Akureyri 25 Myndasögur 62
Suðurnes 25 Dagbók 62
Landið 26 Víkverji 62
Árborg 26 Staður og stund 64
Daglegt líf 36/37 Velvakandi 62
Ferðalög 40/41 Ljósvakamiðlar 74
Menning 32/35 Staksteinar 75
Forystugrein 38 Veður 75
* * *