Morgunblaðið - 17.09.2005, Side 12

12 LAUGARDAGUR 17. SEPTEMBER 2005 MORGUNBLAÐIÐ
FRÉTTIR
„SEM ráðherra kvikmyndamála var
ég mjög stolt af öllu því kvikmynda-
gerðarfólki sem hér hefur verið
landi og þjóð til sóma, hvort sem
það voru leikarar, leikstjórar, kvik-
myndatökumenn eða aðrir,“ segir
Þorgerður Katrín Gunnarsdóttir
menntamálaráðherra um nýaf-
staðna kvikmyndahátíð í Toronto.
„Þetta er stærsta kvikmyndahá-
tíð Norður-Ameríku og það að við
skulum vera með ekki aðeins eina
mynd heldur þrjár segir náttúrlega
mikið um stöðu íslenskrar kvik-
myndagerðar,“ segir Þorgerður og
tekur fram að hún telji þessa góðu
stöðu ákveðna afleiðingu þess að vel
hafi verið haldið utan um kvik-
myndamálin hérlendis fram til
þessa. Leggur hún áherslu á að
brýnt sé að læra af því sem aðrir í
geiranum séu að gera þar sem hlut-
irnir í kvikmyndaheiminum breytist
hratt.
Að sögn Þorgerðar hefur hún
m.a. fundað með forsvarsmönnum
hjá Telefim í Kanada og ljóst sé að
sífellt aukist þrýstingurinn á að Ís-
lendingar komi sér upp kerfi í
tengslum við samframleiðslu
mynda. „Ég held að við þurfum að
búa kerfið okkar þannig að við get-
um tekið á móti öllum nýjungum
sem eru að gerast í kvikmynda-
heiminum þannig að við missum
ekki verkefni úr landi. Það verða
allir möguleikar að vera innbyggðir
í kerfið, þannig að við getum verið
virkir þátttakendur í þessum mark-
aði sem kvikmyndagerðin er,“ segir
Þorgerður og segir brýnt að íslensk
kvikmyndagerð sé efld enn frekar.
Þurfum að tryggja sveigj-
anleika innan kerfisins
Spurð hvernig hún sjái fyrir sér
að hægt verði að efla íslenska kvik-
myndagerð enn frekar segir Þor-
gerður liggja ljóst fyrir að samning-
urinn sem gerður var við
Kvikmyndamiðstöð Íslands og kvik-
myndagerðarfólk á sínum tíma sé
runninn út og hann þurfi að end-
urnýja. „Í tengslum við fyrirhugaða
samningsgerð velti ég fyrir mér
hvort ekki þurfi að gera breytingar
á samningnum með það í huga að
við séum ekki að missa þessi verk-
efni frá okkur,“ segir Þorgerður og
nefnir í því samhengi spurningar
þess efnis hvort Slóð fiðrildanna sé
íslenskt verkefni eða ekki.
„Það er erfitt að skilgreina það
eins og staðan er í dag hvar sú
mynd fellur inn í kerfið. En auðvit-
að viljum við að t.d. sú kvikmynd sé
tekin upp heima. Við eigum að hafa
metnað til þess og þá verður kerfið
að vera þannig uppbyggt að það
geti laðað að kvikmyndagerð-
armenn hvaðanæva úr heiminum til
þess að taka upp myndir hér heima
á Íslandi og gera það vel,“ segir
Þorgerður og segir ekki verra ef
myndir séu með íslensku ívafi eða
íslenskri undirstöðu eins og fyrr-
nefnd mynd.
„En annars eru kvikmyndir orðn-
ar afar alþjóðlegar. Við sjáum það
t.d. með mynd Baltasars Kormáks
A Little Trip to Heaven þar sem
um er að ræða íslenska hugmynd,
íslenskan leikstjóra og kvikynda-
tökumann auk þess sem hún er tek-
in á Íslandi. Hún gerist þó í Minne-
sota og er leikin á ensku, engu að
síður er myndin í mínum huga ís-
lensk. Ég held að þetta sé einmitt
það sem við þurfum að passa upp á,
þ.e. að við getum tryggt sveigj-
anleika innan þessa kerfis þannig að
við höfum sem mesta framleiðslu
heima.“
Menningarleg fjárfesting
Aðspurð segist Þorgerður telja
brýnasta verkefnið í dag á sviði
kvikmyndalistar að byggja upp inn-
lent sjónvarpsefni. Segist hún gera
sér vonir um að með endur-
skipulagningu á rekstri Rík-
isútvarpsins verði innlend dag-
skrárgerð bæði meiri og
fjölbreyttari en verið hefur til
þessa. Spurð hvort aukið fjármagn
verði sett í málaflokkinn segir Þor-
gerður menn verða að bíða og sjá,
því sjá verði hvernig mál gangi eftir
innan ramma fjárlaga. „En auðvitað
geri ég mér vonir um að menn átti
sig á því að það felst hreinn og klár
efnahagslegur gróði í því að efla og
styrkja kvikmyndagerð í landinu,
auk þess að átta sig á því að fjár-
festing í kvikmyndagerð er um leið
menningarleg fjárfesting þar sem
hugað er að menningararfi okkar
sem mun efla og styrkja innviði
landsins jafnt sem sjálfsvitund okk-
ar. Því það má segja að kvikmynda-
gerðin sé tungumál nútímans til að
efla þjóðarvitund okkar og menn-
ingarvitund.“
„Kvikmyndagerðin
tungumál nútímans“
Morgunblaðið/Jim Smart
Þorgerður Katrín Gunnarsdóttir
menntamálaráðherra var afar
ánægð með frammistöðu íslenska
kvikmyndagerðarfólksins á kvik-
myndahátíðinni í Toronto.
Eftir Silju Björk Huldudóttur
silja@mbl.is
ÁRLEGRI haustráðstefnu kaþ-
ólskra biskupa á Norðurlöndum er
nýlokið í Reykjavík, þar sem meðal
þátttakenda var Jóhannes Gijsen
Reykjavíkurbiskup. Helsta verkefni
ráðstefnunnar var að fjalla um prest-
lega þjónustu við innflytjendur og
var samin sérstök yfirlýsing um far-
andfólk.
Í yfirlýsingunni er m.a. talað um
„kvíðvænleg tákn um að á Norður-
löndum skorti nokkuð á að flóttafólk
og hælisleitendur njóti gestrisni, og
að meira beri á ótta við útlendinga og
einangrunarstefnu en áður. Við
hvetjum því allt fólk sem hefur góð-
an vilja að vinna að því að efla opið og
gestrisið þjóðfélag þar sem sérhverj-
um einstaklingi er sýnt réttlæti og
sönn virðing.“ Kaþólsku biskuparnir
segja ennfremur í yfirlýsingunni að
flutningar fólks í leit að atvinnu séu
einkennandi í hnattvæddum heimi
nútímans. Samkvæmt félagsmála-
kenningum kirkjunnar eigi þjóðirn-
ar að taka á móti innflytjendum og
flóttamönnum og auðsýna þeim rétt-
læti og kærleika. Einsetja biskupar
Norðurlanda sér að gera allt sem í
þeirra valdi stendur til að bjóða inn-
flytjendum alla þá sálgæslu sem þeir
þarfnist, og á móðurmáli þeirra ef
nauðsyn krefji.
Samkvæmt fréttatilkynningu frá
kaþólska biskupsdæminu í Reykja-
vík þá hafa þær breytingar orðið í
hópi norrænna biskupa að Óslóar-
biskup hefur sagt af sér, Gerhard
Schwenzer, og tók sú afsögn einnig
til formennsku hans í biskupa-
ráðstefnunni. Anders Arborelíus
Stokkhólmsbiskup hefur tekið við
formennsku og Czeslaw Kozon
Kaupmannahafnarbiskup tekið við
varaformennsku. Þá var ákveðið á
ráðstefnunni að skrifstofa hennar
muni hér eftir dreifa upplýsingum
um ýmis félags- og siðferðismál til
stjórnmálamanna, ríkisstjórna
o.s.frv., fremur en að þau verk séu á
hendi hvers biskups fyrir sig.
Kaþólsku biskuparnir ræddu
einnig skýrslur um líknardauða, líf-
vísindi, sálgæslu götukvenna og
mansal. Næsti fundur biskupa-
ráðstefnunnar verður haldinn í Dan-
mörku í mars árið 2006.
Ljósmynd/Hörður Arinbjarnar
Kaþólsku biskuparnir á Norðurlöndum við messu sem haldin var í Landakotskirkju í tengslum við fundinn.
Kaþólskir biskupar á Norðurlöndum funduðu í Reykjavík
Skortur á gestrisni við
flóttafólk og hælisleitendur
á morgun
Kjörþokkinn
kortlagður
ÍSLENDINGAR, Austurríkismenn
og Lúxemborgarar eru hreyknastir
af þjóðerni sínu samkvæmt könnun,
sem Gallup hefur gert fyrir breska
ríkisútvarpið, BBC. Í úrtaki voru 50
þúsund manns í 68 löndum víða um
heim. Yfir helmingur þátttakenda í
þremur löndum fyrrnefndu kvað
þjóðernið vera sér afar mikilvægt.
Könnunin miðaði að því að leiða í
ljós viðhorf í mismunandi löndum
til stjórnvalda og stjórnenda. Í
könnuninni var spurt um traust,
völd, athafnafrelsi og ímynd.
Fram kom í könnuninni, að Evr-
ópubúar eru einna tortryggnastir í
garð valdamanna. Þeir treysta
fæstir fjölmiðlum og margir vildu
sjá fræðimenn taka virkari þátt í
mótun þjóðfélagsins.
Könnunin var gerð í 23 Evr-
ópuríkjum og þriðjungur að-
spurðra þar sagðist ekki treysta
stjórnmálamönnum í viðskipta-,
trú- og hermálum. Í könnuninni í
heild var þetta hlutfall um fjórð-
ungur.
Aðeins einn af hverjum fimm
Evrópubúum treystir blaðamönn-
um samkvæmt könnuninni.
Afkoma virðist hafa áhrif á það
hvort fólk telji að það geti sjálft
ráðið því hvernig líf þess þróast. Í
Bretlandi, Danmörku, Noregi og á
Írlandi sögðust yfir 75% aðspurðra
telja að þeir gætu breytt eigin lífi
en innan við helmingur í austur-
hluta Evrópu var þeirrar skoðunar.
Íslending-
ar hreykn-
ir af þjóð-
erni sínu