Morgunblaðið - 20.09.2005, Qupperneq 4

4 ÞRIÐJUDAGUR 20. SEPTEMBER 2005 MORGUNBLAÐIÐ
FRÉTTIR
MANNANAFNANEFND hefur
endurskoðað fyrri ákvörðun um að
hafna kvenmannsnafninu Eleonora.
Nefndin telur í nýjum úrskurði rétt
að nafnið njóti vafans og að það verði
skráð í mannanafnaskrá.
Samkvæmt lögum um mannanöfn
skal nafn ritað í samræmi við al-
mennar ritreglur íslensks máls nema
hefð sé fyrir öðrum rithætti þess. Í
fyrri úrskurðum mannanafnanefnd-
ar telst rithátturinn Eleonora (í stað
Eleonóra) ekki vera í samræmi við
almennar ritreglur íslensks máls.
„Við mat á hefð hefur nefndin stuðst
við vinnulagsreglur samþykktar á
fundi 1. júlí 2004 og uppfyllir rithátt-
urinn Eleonora ekki ákvæði 1. liðs a,
b, c í vinnulagsreglunum. Sam-
kvæmt útgefnum upplýsingum úr
manntali 1910 kemur rithátturinn
Eleonora ekki fyrir þar, heldur að-
eins Eleónóra, en ritháttur í mann-
talinu 1910 og eldri gögnum er um
margt óáreiðanlegur, einkum er
varðar notkun broddstafa. Með tilliti
til þess þykir rétt að láta úrskurð-
arbeiðanda njóta þess vafa sem ríkir
um rithátt nafnsins í þessum gögn-
um,“ segir í úrskurðinum.
Samþykkti að
lokum nafnið
Eleonora
ÍSLENSKU framrásarfyrirtækin
ættu að taka höndum saman og verja
orðstír íslensks viðskiptaumhverfs
og koma þannig í veg fyrir að þau
hitamál sem nú eru uppi skaði meira
en orðið er. Þetta kom fram í ræðu
Björgólfs Guðmundssonar, formanns
bankaráðs Landsbanka Íslands, sem
hann hélt við stofnun dótturfélags
bankans, Lex Life, í Luxemburg á sl.
föstudag.
Í ræðu sinni sagði Björgólfur
ábyrgðarlaust að ætla að velgengni
fyrirtækja á íslenskum fjármála-
markaði á undanförnum árum ríkti
um ókomna framtíð. Sagði hann mik-
ilvægt að hlúa vel að því sem vaxið
hefur á síðustu árum og tryggja
áframhaldandi velgengni með að-
haldssemi í rekstri og útsjónarsemi í
fjárfestingum og vexti.
Hann sagði langtímahagsmuni ís-
lenskra fyrirtækja liggja í tiltrú hins
alþjóðlega viðskiptaheims á ís-
lenskan efnahag, trú hans á íslensk
fyrirtæki og trausti á íslenskt við-
skiptaumhverfi. „Það er mikið hags-
munamál okkar allra að íslensku
framrásarfyrirtækin taki höndum
saman og verji orðstírinn og komi í
veg fyrir að þau hitamál sem nú eru
uppi skaði íslenskt viðskiptaumhverfi
meira en orðið er. Enginn íslenskur
aðili hefur, þegar til framtíðar er
horft, hag af því að draga í efa ágæti
íslenskra stofnana og eftirlitsaðila
því þar með er höggvið að rótum
alþjóðlegrar tilveru okkar, sem bygg-
ist á trausti og trúverðugleika.
Þá er ekki síður mikilvægt að ís-
lenskar valda- og eftirlitsstofnanir
valdi hlutverki sínu og hafi fullan
skilning á eðli nútíma viðskiptahátta.
Smæð okkar samfélags og persónu-
leg nálægð má ekki setja svip sinn á
störf opinberra aðila heima á Íslandi.
Stofnanir, sem hafa nú á tímum í
hendi sér gífurlega hagsmuni fyrir-
tækja og einstaklinga sem ná langt út
fyrir strendur okkar ágæta lands,
verða alltaf að vera hafnar yfir öfund
og flokkadrætti,“ sagði Björgólfur.
Helmingur tekna verði
af starfsemi erlendis
Sagði Björgólfur að á þeim tveim-
ur árum sem liðin eru frá því að
Landsbankinn komst úr forsjá ríkis í
hendur einkaaðila hefði verið sótt
stíft inn á alþjóðamarkað. Nú þegar
væru meira en 25% tekna bankans af
erlendri starfsemi og um þriðjungur
útlána til aðila utan Íslands. Stefnt
væri að því að árið 2007 yrði helm-
ingur af tekjum bankans af starfsemi
erlendis.
Á tímabilinu hefði gengi hlutabréfa
í bankanum hækkað úr 2 í 21 og
markaðsverðmæti hans aukist úr um
25 milljörðum króna í nærri 190 millj-
arða. Rækilega hefði verið þaggað
niður í þeim röddum sem gagnrýndu
hvað mest einkavæðingu bankanna
og spáðu lokunum útibúa og fjölda-
uppsögnum. Raunin væri aftur á
móti sú að starfsemi hefði aukist,
starfsmönnum fjölgað og bankinn
nyti trausts meðal almennings á Ís-
landi.
Björgólfur Guðmundsson vill efla tiltrú og traust á íslensku viðskiptalífi
Framrásarfyrirtækin
taki höndum saman
Morgunblaðið/Þorkell
„Stofnanir, sem hafa nú á tímum í hendi sér gífurlega hagsmuni fyrirtækja
og einstaklinga sem ná langt út fyrir strendur okkar ágæta lands, verða
alltaf að vera hafnar yfir öfund og flokkadrætti.“
Eftir Helga Mar Árnason
hema@mbl.is
FLUGSVEIT Harrier-flugvéla
breska flughersins sem hafði við-
dvöl hér í Reykjavík yfir helgina
hélt brott frá Reykjavíkurflugvelli í
gær. Að ósk foringja bresku flug-
sveitarinnar lentu vélarnar á
Reykjavíkurflugvelli vegna þess
hve lágskýjað var á Keflavíkur-
flugvelli á föstudag.
Þorgeir Pálsson, flugmálastjóri,
segir að herflugvélar séu ekki endi-
lega eins vel búnar til blindflugs og
farþegavélar, sem geti lent þó
skýjahæð sé ekki nema 100 fet.
Skýjahæð mun hafa verið 350 fet í
Keflavík á föstudaginn var þegar
vélarnar komu til lendingar, en
talsvert meiri hér í Reykjavík.
Morgunblaðið/RAX
Harrier-vélarnar farnar
HÆSTIRÉTTUR hefur staðfest
úrskurð Héraðsdóms Austurlands
um að karlmaður frá Litháen, sem
grunaður er um að hafa reynt að
smygla miklu magni af fíkniefnum
hingað til lands, sæti áframhaldandi
gæsluvarðhaldi til 21. október. Mað-
urinn var handtekinn ásamt öðrum
litháískum karlmanni í júní. Sá situr
einnig í gæsluvarðhaldi.
Ákæra hefur verið gefin út á
hendur mönnunum tveimur en þeim
er gefið að sök, að hafa í hagn-
aðarskyni flutt til landsins tæplega
fjögur kíló af metamfetamíni.
Mennirnir voru handteknir á
Seyðisfirði 30. júní sl. þegar þeir
komu hingað til lands með Nor-
rænu. Við leit í bíl mannanna kom í
ljós mikið magn fíkniefna er reynd-
ust vera 3.968,80 g af metamfeta-
míni.
Áfram í gæslu-
varðhaldi
♦♦♦
FLUTNINGASKIPIÐ Haukur
lagðist að nýju landfyllingunni við
höfnina á Bíldudal síðdegis í gær til
að lesta kalkþörung, eða „Bíldu-
dalsgullið“ eins og hann er nú kall-
aður meðal heimamanna, til prufu-
vinnslu í Írlandi. Haugurinn sem
sanddæluskipið Perlan hefur dælt á
land utan af Langanesgrunni í Arn-
arfirði er um 5.000 tonn og fer
helmingur í skip nú.
Eigendur námaréttindanna,
Björgun ehf. og írska félagið Celtic
Minerals, hyggjast byggja verk-
smiðju á Bíldudal innan skamms og
hafa gert skuldbindandi samning
þar um en þessir tveir farmar sem
nú verða sendir til Írlands eru til-
raunaverkefni til að kanna enn
frekar samsetningu og mögulega
úrvinnslu á kalkþörungnum í Arn-
arfirði. Magnið af þörungi í firð-
inum er ekki fullkannað en fullvíst
er að um óhemju magn er að ræða
sem dugar til margra áratuga
vinnslu.
Morgunblaðið/Kristinn Benediktsson
Haugurinn sem dælt hefur verið á
land er um 5.000 tonn og fer helm-
ingur nú í skip.
„Bíldudalsgull-
ið“ til Írlands
ÍSLAND er í fyrsta sæti í les-
endakönnun bresku dagblað-
anna Guardian og Observer yf-
ir vinsælasta ferðamannalandið
og Icelandair var valið fjórða
besta flugfélagið á styttri vega-
lengdum.
Í frétt frá Icelandair kemur
fram að þetta sé mikil viður-
kenning fyrir markaðsstarf fé-
lagsins, en það hafi staðið fyrir
landkynningu í Bretlandi lengi.
Þetta staðfesti árangur í þeim
efnum og skapi jafnframt ný
tækifæri. Undanfarin þrjú ár
hafi félagið verið í einu af þrem-
ur efstu sætunum, auk þess
sem það sé nú í fjórða sæti yfir
bestu félögin en hafi verið í
fjórtánda sæti í fyrra.
Næsta vor mun félagið bæta
við nýjum áfangastað í Bret-
landi, Manchester, og mun þá
fljúga tuttugu og eina ferð á
viku frá Bretlandi til Íslands.
Ísland
í fyrsta
sæti
UNDIRSKRIFTASÖFNUN fyrir því að fá
tvenn jarðgöng á norðanverðum Vestfjörðum
hefur verið í gangi á vefsíðunni www.vikari.is.
Pálína Vagnsdóttir fór af stað með söfnunina
og í gær voru hátt í 1.400 manns búnir að skrá
nafn sitt og kennitölu. Pálína segir við Morg-
unblaðið að ávallt í kjölfar atvika eins og í Óshlíð
um helgina, þegar stórir hnullungar féllu á veg-
inn, komi kippur í söfnunina.
Á vefnum er yfirskriftin „Við viljum jarðgöng“
og þar er skorað á stjórnvöld að setja jarðgöngin
á vegaáætlun. Bent er á að samgöngur séu for-
senda eflingar atvinnulífs, menntunar, menning-
ar og landssvæða. Skorað er á stjórnvöld að beita
sér fyrir gerð jarðganga annars vegar frá Bol-
ungarvík til Ísafjarðar, þ.e. úr Syðridal í Vest-
fjarðagöngin sem fyrir eru, og hins vegar frá
Súðavík til Ísafjarðar við flugvöllinn.
Pálína segir að almenningur á Vestfjörðum
muni ekki ákveða hvort, hvenær eða hvar jarð-
göngin komi. Vonast hún jafnframt til þess að
forráðamenn sveitarfélaganna á norðanverðum
Vestfjörðum muni ljá nöfn sín á undirskriftalist-
ann.
Pálína segist ekki vilja sjá neinar skyndilausn-
ir í samgöngubótum, brýn þörf sé á framtíð-
arlausnum.
„Maðurinn minn keyrir daglega um Óshlíðina
og mér er hreint ekki sama. Þetta er í raun bara
tifandi tímasprengja,“ segir Pálína, sem hvetur
ekki aðeins Vestfirðinga til að setja nöfn sín á
listann heldur einnig ferðamenn um allt land,
sem heimsótt hafa Bolvíkinga og Ísfirðinga.
Samgöngubætur séu fyrir alla sem á svæðið
koma, hvort sem það eru heimamenn eða ferða-
menn.
Safna áskorunum um jarðgöng á Vestfjörðum
Pálína Vagnsdóttir vill ekki neinar skyndilausnir.