Morgunblaðið - 20.09.2005, Síða 18

18 ÞRIÐJUDAGUR 20. SEPTEMBER 2005 MORGUNBLAÐIÐ
MINNSTAÐUR
Vatnsmýrin | Verðmæti þess lands
sem fer undir bílastæði við Háskóla
Íslands gæti verið um 1,2 milljarðar
króna og margt sem mælir með því
að tekið verði gjald fyrir notkun
þeirra, að mati Óskars Dýrmunds-
sonar, fulltrúa í stýrihópi Sam-
gönguviku. Þetta kom fram í máli
hans á umræðufundi í HÍ við upphaf
Samgönguviku í gær.
Óskar sagði að reikna mætti með
því að hvert bílastæði við háskólann
tæki um 25 fermetra, sem gerði um
4,25 hektara fyrir þau 1.700 stæði
sem nemendur og kennarar gætu
nýtt í dag. Þar sem lóðaverð á þess-
um stað í Reykjavík væri afar hátt
mætti reikna með að andvirði hvers
hektara lands þar væri um 280 millj-
ónir króna. Því tækju bílastæðin
pláss sem væri virði um 1,2 milljarða
króna, auk þess sem það hefði verið
lagt í kostnað upp á um 850 milljónir
króna við að leggja þau. Virði stæð-
anna væri því um 2 milljarðar þegar
allt væri talið.
Gjaldtaka í höndum stúdenta?
Ólafur lagði það til að gjald yrði
tekið af þeim sem notuðu stæðin við
HÍ, og sagði að fram hefði komið sú
hugmynd að gjaldtakan yrði alfarið í
höndum stúdenta. „Félagsstofnun
stúdenta tæki að sér rekstur bíla-
stæðanna, greiddi Háskóla Íslands
leigu fyrir landið, en hefði svo svig-
rúm til að ákveða hvernig afgang-
inum [af því fé sem fæst með gjald-
töku] verði varið. Honum gæti verið
varið til að greiða niður bílastæða-
gjöld, eða til ýmissa framfaramála
sem snerta velferð og menntun nem-
enda, t.d. til leikskólamála og ann-
arra slíkra verkefna sem Fé-
lagsstofnun stúdenta stæði nú þegar
fyrir.“
Um 3% Reykvíkinga nota reiðhjól
reglulega sem samgöngutæki, sem
er afar lágt hlutfall samanborið við
borgir sem liggja á sömu breidd-
argráðu, þar sem 10–30% íbúa nota
reiðhjól, segir Óskar. Hann nefnir
sem dæmi að um 10–15% íbúa í
Þrándheimi noti reiðhjólið reglulega
til að komast milli staða, og 25% íbúa
í Oulu í Finnlandi geri slíkt hið
sama.
Stúdentar sýni gott fordæmi
„Ég vil skora á nemendur við Há-
skóla Íslands að sýna okkur hinum í
þessu íslenska samfélagi að þeir séu
að leiða þetta land áfram með góðu
fordæmi, og sýna hvernig við getum
tekið það skref sem við þurfum að
taka til þess að stunda hér umhverf-
isvænar samgöngur,“ sagði Ólafur.
Ásdís Hlökk Theódórsdóttir
skipulagsfræðingur tók undir orð
Ólafs og sagði mikilvægt að gera sér
grein fyrir því hvernig fyrirkomulag
byggðar hefði áhrif á mannlífið sem
þrifist á milli bygginganna. Hún
nefndi sem dæmi að eldri byggingar
HÍ, Oddi, Lögberg og aðalbyggingin
færu vel saman, þar væri auðvelt
fyrir fólk að komast á milli og bygg-
ingarnar mynduðu eina heild. Askja,
nýtt náttúrufræðihús HÍ, og verk-
fræðideildin handan Suðurgötu
væru hins vegar úr öllu samhengi
við eldri húsin og tengslin þar á milli
léleg þar sem bílastæði umkringdu
byggingarnar.
Land sem liggur undir 1.700 bílastæðum við HÍ um 1,2 milljarða króna virði
Gjaldtaka á bílastæðunum rædd
Morgunblaðið/Ásdís
Gjaldskylda? Tekist er á um hvort taka eigi gjald fyrir afnot af bílastæðum við Háskóla Íslands.
Eftir Brján Jónasson
brjann@mbl.is
AKUREYRI
HÖFUÐBORGARSVÆÐIÐ
Stúdentar
vilja ekki
gjaldtöku
ELÍAS Jón Guðjónsson, formaður
stúdentaráðs HÍ, sagði á umræðu-
fundinum að ekki væri rétt að
taka upp gjaldtöku á bílastæðum
háskólans. Með því væri verið að
reyna að þvinga stúdenta til þess
að koma ekki á eigin bíl í skólann,
og ekki tekið tillit til þeirra sem
ekki ættu möguleika á öðru, svo
sem þeirra sem kæmu langt að.
Kynning á leiðakerfi Strætó
Í stað þess að beita þvingunar-
aðferðum af þessu tagi væri rétt-
ara að bjóða upp á aðra valkosti
sem stúdentar og starfsfólk gætu
valið í stað þess að koma á einka-
bílnum, svo sem betri og ódýrari
strætisvagnasamgöngur, sagði
Elías.
Bent var á það á fundinum að
stúdentaráð hefði óskað eftir því
að fá ýtarlega kynningu á nýju
leiðakerfi Strætó bs. þegar það
var tekið í notkun, og jafnvel væri
höfð ein vika þar sem nemendur
HÍ fengju ókeypis í vagnana til
þess að sem flestir kynntust kerf-
inu, en stjórn Strætó hefði ekki
sýnt slíku kynningarátaki í HÍ
áhuga.
Lögfræðitorg | Endurskoð-
unarvald dómstóla á Norð-
urlöndum er heiti á erindi sem
Kári frá Rógvi flytur á Lög-
fræðitorgi í dag, þriðjudaginn 20.
september kl. 12 í stofu L203 á
Sólborg.
Í erindi sínu fjallar hann um
endurskoðunarvald dómstóla á
Norðurlöndum. Kári gerir grein
fyrir rannsóknum sínum á þessu
sviði og ber saman þróun á Norð-
urlöndunum.
Þótt hugtakið endurskoð-
unarvald skírskoti venjulega til
úrskurðarvalds dómstóla um
stjórnskipulegt gildi laga fjallar
Kári um hugtakið í víðara sam-
hengi og lýsir því hvernig ýmsar
stofnanir í þjóðfélaginu meti hvort
æðri reglur í lagakerfinu gangi
framar öðrum lögum og reglum.
  
Akureyrarflugvöllur | Þrjú til-
boð bárust í framkvæmdir á Ak-
ureyrarflugvelli en tilboð voru opn-
uð hjá Ríkiskaupum í vikunni. Um
er að ræða vinnu við akbrautir og
hlöð.
Eitt tilboðanna var undir kost-
naðaráætlun en það kom frá GV
gröfum ehf. og hljóðaði upp á rúm-
ar 15,1 milljón króna, sem er rúm-
lega 91% af kostnaðaráætlun. Ice-
fox ehf. bauð tæpar 18,5 milljónir
króna, eða rúmlega 111% af kostn-
aðaráætlun og Benedikt Hjaltason
bauð tæpar 19,4 milljónir króna
eða rúmlega 116% af kostnaðar-
áætlun, sem hljóðaði upp á um 16,6
milljónir króna.
  
Sundlauginni snúið | Fram-
kvæmdir við endurnýjun bún-
ingsklefa við sundlaug og
íþróttahús Hrafnagilsskóla í
Eyjafjarðarsveit hófust í byrjun
september í kjölfar útboðs. Tvö
tilboð bárust í verkið og var
samið við B. Hreiðarsson ehf . í
framhaldi þess. Búist er við að
framkvæmdum við þennan
áfanga ljúki um miðjan október.
Þá er búið að fjarlægja gamla
laugarkarið, sem orðið var bjag-
að og lekt eins og þeir vita sem
laugina hafa heimsótt segir í
frétt á vef sveitarfélagsins. Gert
er ráð fyrir að framkvæmdir við
byggingu laugarkarsins ásamt
aðstöðu utanhúss verði boðnar
út á næstunni en áætlað er að
þeim verði lokið í maí á næsta
ári. Nýja sundlaugin verður 25
m löng eins og sú eldri en henni
verður snúið, hún mun liggja í
norður og suður vestast á laug-
arsvæðinu en austan við laugina
er gert ráð fyrir vaðlaug o. fl.
RAGNAR Sverrisson forsvarsmað-
ur verkefnisins Akureyri í öndvegi
segir skynsamlegt af Umhverfis-
ráði að vísa umsókn Landflutninga-
Samskip um 8000 fermetra lóð á
Oddeyri, við Tangabryggju, norðan
við núverandi lóð Eimskips, til
stýrihóps verkefnisins. Stýrihópur-
inn varð til í framhaldi af íbúaþingi
um skipulag miðbæjarsvæðisins,
sem efnt var til í september í fyrra
og um 10% bæjarbúa sóttu. Í kjöl-
farið var efnt til alþjóðlegrar arki-
tektasamkeppni þar sem hliðsjón
var höfð af vilja íbúa bæjarins. Alls
barst 151 tillaga í keppninni, en í
öllum verðlaunatillögum sem og
þeim sem keyptar voru að auki er
gert ráð fyrir að á þessu svæði við
Oddeyrartanga verði íbúðarbyggð
og eða útivistarsvæði. „Ég treysti
því að stýrihópurinn muni benda á
þá niðurstöðu sem íbúaþingið
komst að og lýst er í forskrift sem
arkitektarnir fengu,“ segir Ragnar,
en í forskrift sem arkitektar fengu
segir: „Ljóst er að Akureyringar
telja Oddeyrartanga fýsilegan kost
fyrir bryggjuhverfi. Þannig myndi
Strandgatan tengjast miðbænum
frekar, ekki síst eftir að fyrirhugað
Menningarhús verður risið.“
Vilji íbúanna að þarna rísi
íbúðarbyggð og útivistarsvæði
Ragnar segir að arkitektar sem
þátt tóku í keppninni hafi kunnað
vel að meta þetta veganesti, enda
hafi margir þeirra komið með
snjallar tillögur um skipulag Odd-
eyrar, sunnan Gránufélagsgötu.
„Einkenni þeirra flestra er að nýta
þetta svæði í samræmi við vilja
íbúaþingsins með íbúðabyggð í
bland við útivistar- og bryggjuað-
stöðu. Nú er það eitt af verkefnum
stýrihópsins að nýta þessar góðu
tillögur og setja saman í heild-
stæða mynd með hliðsjón af öðrum
niðurstöðum á því sem ég myndi
skilgreina sem stórmiðbæjar-
svæði.“
Ragnar segir að það myndi því
koma sér verulega á óvart, og sé í
raun fráleitt, að taka ákvörðun á
þessu stigi um viðbót við athafna-
svæði á þessum stað við það sem
Eimskip hefur nú. „Nær væri,“
segir Ragnar „að finna þessum
ágætu fyrirtækjum stað á strand-
lengjunni norðan bæjarins þar sem
flutningar frá sjó og landi liggja
beint við. Þau þyrftu þá ekki að
fara með alla sína gáma í gegnum
stórmiðbæjarsvæðið til eða frá með
þeirri þungaumferð sem því myndi
fylgja.“
Að mati Ragnars væri það næst-
um móðgun við bæjarstjóra og
bæjarfulltrúa að spyrja hvort hann
teldi að tillagan um lóð fyrir Sam-
skip niður á tanga verði samþykkt í
bæjarkerfinu. „Allt þetta ágæta
fólk hefur unnið mjög gott starf
með okkur í verkefninu Akureyri í
öndvegi og fylgt fast eftir vilja
íbúaþingsins í einu og öllu. Ég ætla
þeim ekki að óreyndu að sam-
þykkja neitt sem fer í bága við vilja
bæjarbúa. Þau vita líka mætavel að
stjórnmálamenn sem ekki taka
mark á niðurstöðum fjölmenns
íbúaþings taka þá áhættu að kjós-
endur hætti að taka mark á þeim.“
Forsvarsmaður verkefnisins Akureyri í öndvegi um umsókn Samskipa um lóð
Fráleitt að taka ákvörðun nú
Morgunblaðið/Margrét Þóra
Akureyri í öndvegi „Ég ætla þeim ekki að óreyndu að samþykkja neitt sem fer í bága við vilja bæjarbúa,“ segir
Ragnar Sverrisson. Hann stendur hér við lóð sem Landflutningar-Samskip hafa sótt um á Oddeyrartanga.
 S+&=,/
<,, 9 18

#88)&
/&#1
!
"#



$ %&!!
 %!'!
?6&%&
<+$*G#)$
+ ""
3
!'
"()
* 


„Treysti því að stýri-
hópurinn muni benda
á þá niðurstöðu sem
íbúaþingið komst að“
Eftir Margréti Þóru Þórsdóttur
maggath@mbl.is
Bættur árangur í rekstri |
Íþrótta- og tómstundaráð tók fyrir
erindi frá Þresti Guðjónssyni, for-
manni ÍBA, á fundi sínum í vikunni
en þar kynnti hann áætlanir
íþróttafélaga innan vébanda ÍBA
um rekstur árið 2006.
Forustumenn ÍBA mættu á
fundinn. Í bókun ÍTR kemur m.a.
fram að mikilvægt sé að fjárhags-
áætlanir aðildarfélaga bandalagsins
geri almennt ekki ráð fyrir halla-
rekstri.
Ráðið telur vert að hæla for-
svarsmönnum íþróttahreyfing-
arinnar á Akureyri fyrir bættan
árangur í rekstri félaganna sem
þau sýna með góðri afkomu rekstr-
arársins 2004.