Morgunblaðið - 05.10.2005, Blaðsíða 4

4 MIÐVIKUDAGUR 5. OKTÓBER 2005 MORGUNBLAÐIÐ
FRÉTTIR
BÆNDUR munu fá betri þjónustu
með sín lán eftir að Landsbanki Ís-
lands keypti Lánasjóð landbúnaðar-
ins að mati Guðna Ágústssonar land-
búnaðarráðherra, en skrifað var
undir samning um sölu á eignum og
skuldum sjóðsins í gær.
Lánasjóðurinn hafði aðsetur á Sel-
fossi, en Landsbankinn ætlar að
veita þá þjónustu sem sjóðurinn
veitti í öllum útibúum sínum, og auk
þess vera með átta sérhæfð þjón-
ustuútibú í öllum landshlutum, og
segir Guðni það enga spurningu að
bændur muni fá betri þjónustu nú en
þeir fengu hjá lánasjóðnum áður.
„Ég held að þetta muni hafa mikil
og góð áhrif á bændur og verða land-
búnaðinum til góðs. Þetta er síðasti
sjóðurinn með þessu sniði, áður voru
allir atvinnuvegirnir með svona
sjóði. Ég verð að segja fyrir mig að
eftir að bændur vildu fella sjóða-
gjöldin í burtu, sem sé að þeir sem
ekki væru að framkvæma ættu ekki
að borga til sjóðsins til að styrkja þá
sem væru að framkvæma, þá gat
sjóðurinn ekki gengið lengur,“ sagði
Guðni í samtali við Morgunblaðið.
2,6 milljarðar í
Lífeyrissjóð bænda
Guðni sagði við undirritun samn-
inga í gær að það fé sem fæst fyrir
lánasjóðinn muni allt renna inn í Líf-
eyrissjóð bænda.
„Ég er ánægður með að þessi
breyting skuli vera gerð núna vegna
þess að ef sjóðagjöldin hefðu verið
felld út hefði sjóðurinn gengið á eigið
fé sitt á næstu fimm til tíu árum, en
nú fáum við þarna 2.653 milljónir
króna sem munu styrkja Lífeyris-
sjóð bænda, og þeir munu njóta þess
þegar þeir hætta störfum.“
Guðni segir íslenska bankakerfið
hafa sýnt fram á það undanfarið að
það sækist eftir viðskiptum við
bændur, enda tapist yfirleitt ekki
peningar hjá skilvísu fólki sem kann
sér hóf í fjármálum.
„Ég held að landbúnaðurinn verði
í betri málum, og menn geti náð hag-
stæðari vöxtum á sínar skuldir, svo
þetta verði allt til farsældar fyrir
bændur.“
Sigurjón Þ. Árnason, bankastjóri
Landsbankans, segir að með kaup-
unum á Lánasjóði landbúnaðarins sé
bankinn að styrkja stöðu sína veru-
lega á landsbyggðinni. Lánaumsvif
bankans á landsbyggðinni séu fyrir
um 50 milljarðar króna, og sé því við-
bót um 14 milljarða, eða um 28%,
veruleg aukning á starfseminni.
Fyrsti veðréttur í Íslandi
„Það er ákaflega ánægjulegt að fá
að koma með þessum hætti að þess-
ari atvinnugrein, þetta er sú atvinnu-
grein sem tapast minnst í, það er
bæði mín reynsla og söguleg reynsla.
Bændur almennt eru sá hópur sem
er með skilvísustu viðskiptavinun-
um, svo þetta lítur mjög vel út. Hvað
þessi lán varðar eru þau öll sérstak-
lega góð, því þau eru öll með fyrsta
veðrétti í helstu bújörðum, og í raun
lítum við svo á að við höfum hér feng-
ið „fyrsta veðréttinn í Íslandi“, með
þessum samningi,“ sagði Sigurjón.
Halldór J. Kristjánsson, banka-
stjóri Landsbankans, segir að þrátt
fyrir að boðað hafi verið að lægstu
kjör á lánum sjóðsins myndu hækka
í 5,1% eftir söluna sé búið að ákveða
að ekki verði hækkað svo mikið. Um
3.000 viðskiptamenn sjóðsins, sem
eru með alls 10.000 lán, fái óbreytta
vexti til áramóta, en starfsfólk bank-
ans muni ræða við hvern einstakan
lántaka í framhaldinu og fara yfir
málin.
Þjónustan við bændur ætti að
verða betri eftir kaup Landsbankans
á Lánasjóðinum, að mati Halldórs.
Bankinn hefur ráðið Þorfinn J.
Björnsson, fyrrverandi skrifstofu-
stjóra sjóðsins, og mun hann sam-
hæfa þjónustu viðskiptavina lána-
sjóðsins frá höfuðstöðvum bankans í
Reykjavík.
Samningar um kaup Landsbanka Íslands á Lánasjóði landbúnaðarins undirritaðir
Betri þjónusta fyrir
bændur segir ráðherra
Eftir Brján Jónasson
brjann@mbl.is
Morgunblaðið/ÞÖK
Bankastjórar Landsbanka Íslands undirrituðu samninginn ásamt landbúnaðarráðherra og fjármálaráðherra.




         



    
 
 
  
 ! 

 
RÚMLEGA 7.100 minkar og tæp-
lega 5.700 refir voru veiddir veiði-
árið 2003-04. Útgjöld vegna veið-
anna voru 63 milljónir vegna refs og
45 milljónir króna vegna minks,
samkvæmt upplýsingum veiði-
stjórnunarsviðs Umhverfisstofnun-
ar.
Veiðiárið er frá 1. september ár
hvert til 31. ágúst árið eftir. Ekki
liggja fyrir upplýsingar um fjölda
veiddra dýra veiðiárið 2004-05 sem
er nýlokið, en verið er að skila inn
veiðiskýrslum og fara yfir þær nú og
má gera ráð fyrir að upplýsingar um
veiðarnar geti legið fyrir í næsta
mánuði.
Greiddar eru 7.000 kr. fyrir hvern
veiddan ref, 1.600 kr. fyrir hvern
yrðling og 3.000 kr. fyrir hvern
mink, samkvæmt viðmiðunartöxtum
ríkisins um veiðar á mink og ref.
Ríkið endurgreiddi sveitarfélögun-
um 50% af þeirri upphæð fram til
ársins 2003 að hlutfallið var lækkað í
30%, en færa á endurgreiðslurnar í
fyrra horf í ár og næstu fjögur árin
að því er fram kemur í nýframlögðu
fjárlagafrumvarpi, eins og sagt var
frá í Morgunblaðinu í gær.
Þar kemur einnig fram að gera á
sérstakt átak til útrýmingar á mink
á þremur svæðum á landinu og er
veitt til þess talsverðum fjármunum
næstu þrjú árin.
Þrefaldast á þremur áratugum
Áki Ármann Jónsson, forstöðu-
maður veiðistjórnunarsviðs Um-
hverfisstofnunar, sagði að ekki
væru fyrirliggjandi ábyggilegar
upplýsingar um stofnstærð minks á
landinu. Nú hefði minkanefnd hins
vegar lagt til að stofnstærð minks
yrði metin. Hins vegar væri mun
meira vitað um stofnstærð refsins.
Rannsóknir Páls Hersteinssonar
bentu til þess að stofnstærð refsins
væri 3.500-4.000 dýr að vori og hefði
stofninn að minnsta kosti þrefaldast
á síðustu þremur áratugum, þrátt
fyrir stöðugt veiðiátak. Ekki væru
fyrir hendi upplýsingar um út-
breiðslu minks á landinu með sama
hætti. Mikið væri af honum um allt
land, en þó sennilega minnst af hon-
um austast á landinu þar sem hann
hefði numið land síðast eða ekki fyrr
en árið 1974.
Sjö þúsund krónur greiddar fyrir
refinn og þrjú þúsund fyrir minkinn
Um 13 þúsund
dýr veidd 2004
eftir Hjálmar Jónsson
hjalmar@mbl.is
ATHYGLI hefur verið vakin á held-
ur óskemmtilegum læk sem rennur
í túninu í Eskifirði, rétt neðan
bæjarins. Er þetta opið klóakræsi
og blasir við rétt hjá veginum. Að-
eins er um 50 metra fjarlægð milli
klóaksins og vatnsbóls við ána. Að
sögn heimamanns hefur talsvert
verið reynt til að vekja athygli bæj-
aryfirvalda á þessu ófremdar-
ástandi en ekki borið árangur og
klóakið því runnið hindrunarlaust
um langa hríð.
Morgunblaðið/Helgi Garðarsson
Fúl lækjar-
spræna
„VIÐ höfum ákveðið að átta
kjarnaútibú Landsbankans,
sem staðsett eru í stærstu
landbúnaðarhéruðunum, muni
öll sinna lánveitingum til við-
skiptavina sjóðsins, annast af-
greiðslu og hugsanlega endur-
skoðun á kjörum og fleira sem
óskir geta komið um,“ segir
Halldór J. Kristjánsson,
bankastjóri Landsbankans
sem undirritaði samninginn
ásamt Sigurjóni Þ. Árnasyni
bankastjóra.
„Í öllum þessum útibúum er
mikil og góð reynsla af við-
skiptum við bændur, mikil
þekking og áhugi á því að
treysta þessi viðskiptasam-
bönd, svo við teljum að með
kaupunum munum við flytja
þjónustuna nær viðskiptavin-
unum.
Landsbankinn er með lang-
stærsta útibúanet landsins og
er einstaklega vel í stakk bú-
inn til þess að taka við þessum
mikilvægu verkefnum og
sinna þeim af áhuga og vel-
vilja.“
Góð reynsla
af viðskiptum
við bændur