Morgunblaðið - 05.10.2005, Blaðsíða 9

MORGUNBLAÐIÐ MIÐVIKUDAGUR 5. OKTÓBER 2005 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigi 5
• sími 581 2141
Nýjar ullar- og
vattkápur
Hlíðasmára 11 • Kópavogi • sími 517 6460 • Opið mán.-fös. 11-18, lau. 11-15.
www.belladonna.is
Vissir þú:
• að belladonna er
ítalska og þýðir falleg kona
• að Belladonna er verslun
með föt í stærðum 38-60
Við eigum eins árs afmæli og þér er boðið í veislu!
Veislan stendur frá miðvikudegi 5. okt.
til laugardags 8. okt. og þá verður
20% afsláttur
af öllum vörum í versluninniHvenær megum
við leika, kennari?
Fræðsludeild Þjóðleikhússins efnir til umræðufundar um þátt
leiklistar í listgreinakennslu í skólum í Dómsalnum (gamla
Hæstaréttarhúsinu) við Lindargötu 3, 6. október nk. kl. 20
Flutt verða þrjú framsöguerindi:
· Hvenær megum við leika, kennari?
– Anna Jeppesen, aðjúnkt í KHÍ
· Hafið þið komið til Hafnar í Hornafirði?
– Þórhallur Sigurðsson, leikstjóri og fræðslustjóri
Þjóðleikhússins
· Eftir hverju bíðum við?
– Vigdís Jakobsdóttir leikstjóri
Almennar umræður
Fundarstjóri Ingibjörg Þórisdóttir, verkefnastjóri
fræðsludeildar Þjóðleikhússins
Fundurinn er öllum opinn
meðan húsrúm leyfir.
GEIRÞRÚÐUR Anna Guðmunds-
dóttir, 11 ára, varð stúlknameist-
ari Taflfélags Reykjavíkur, en
mótið fór fram 1. október sl. í
skákhöllinni Faxafeni 12. Geir-
þrúður hlaut 4 vinninga úr 6
skákum og varð efst stúlkna sem
eru félagar í Taflfélagi Reykjavík-
ur, en hlutskörpust á mótinu varð
Jóhanna Björg Jóhannsdóttir sem
hlaut 5,5 vinninga. Mótið var opið
öllum stúlkum 15 ára og yngri. Á
mótinu tefldu 11 stúlkur sem
flestar hafa Íslands-, Reykjavíkur-
eða Norðurlandameistaratitla.
Á eftir Jóhönnu kom Sigríður
Björg Helgadóttir með 5 vinn-
inga. Geirþrúður Anna varð
þriðja með 4 vinninga, hærri á
stigum en Tinna Kristín Finn-
bogadóttir.
Titilinn tryggði Geirþrúður
Anna sér með sigri yfir tvöföldum
Norðurlandamótsfara, Júlíu Rós
Hafþórsdóttur, í skák í síðustu
umferð.
Skákstúlkurnar Geirþrúður Anna Guðmundsdóttir, Sigríður Björg Helga-
dóttir og Jóhanna Björg Jóhannsdóttir með verðlaunagripi sína.
Geirþrúður Anna
stúlknameistari TR
ER hálshnykkur læknisfræðilegt eða
lögfræðilegt úrlausnarefni? verður
spurt á málþingi um hálshnykks-
áverka sem halda á næstkomandi
föstudag á Grand hóteli í Reykjavík.
Að því standa Læknafélag Íslands,
Lögmannafélag Íslands og Við-
skiptaháskólinn á Bifröst og stendur
það daglangt frá kl. 8.20 að morgni.
Á málþinginu er ætlunin að fjalla
almennt um hálshnykksáverka svo og
um mat á miska, örorku og fleiri atriði
sem tengjast læknisfræði og lögfræði.
Í frétt um málþingið í Læknablaðinu
segir að hálshnykkur sé algengur
áverki sem kosti þjóðfélagið milljarða
króna á ári. Slíkir áverkar séu bæði
læknisfræðilegur og lögfræðilegur
vandi; læknisfræðilegur vegna grein-
ingar og meðferðar og lögfræðilegur
þegar komi að bótamálum vegna var-
anlegs miska.
Meðal íslenskra fyrirlesara eru
Ingvar Sveinbjörnsson hrl. og Guð-
mundur Björnsson læknir sem fjalla
um orsakatengsl og sennilegar afleið-
ingar við hálshnykksáverka, Brynj-
ólfur Mogensen fjallar um faraldurs-
fræði hálshnykks í Reykjavík árin
1974 til 2004, Birgir G. Guðjónsson
hrl. fjallar um mat á örorku og Hjör-
dís E. Harðardóttir hdl. fjallar um
bætur fyrir tímabundið líkamstjón
samkvæmt 2. gr. skaðabótalaga
vegna hálshnykks.
Erlendir fyrirlesarar eru þrír:
Terje Mathinsen, lögmaður í Osló,
fjallar um norsku reynsluna, Bent
Mathisen, yfirlæknir hjá danska
vinnuslysaráðinu, fjallar um mat á
miska og Mohammed Manavaya, pró-
fessor frá Bandaríkjunum, fjallar al-
mennt um þessa áverka og miskamat
samkvæmt reglum í Bandaríkjunum.
Málþing um áverka
eftir hálshnykk
STUÐNINGSMENN Vil-
hjálms Þ. Vilhjálmssonar hafa
sett upp vefsíðu til stuðnings
framboði hans í prófkjöri sjálf-
stæðismanna í Reykjavík
vegna borgarstjórnarkosning-
anna. Síðan er til upplýsingar
fyrir almenning um feril Vil-
hjálms ásamt greinarskrifum,
helstu málefnum og fréttum af
baráttunni. Slóð vefsíðunnar er
www.vilhjalmurth.is.
Hefur opn-
að vefsíðu
ANDRÉS Pétursson hefur ákveðið
að bjóða sig fram í 2. sætið í próf-
kjöri framsókn-
armanna í Kópa-
vogi fyrir
komandi bæjar-
stjórnarkosning-
ar. Andrés, sem á
sæti í stjórn
Framsóknar-
félags Kópavogs
og situr í full-
trúaráði fram-
sóknarfélaganna
í Kópavogi, hefur
verið virkur í starfi framsóknar-
félaganna í mörg ár.
Hann hefur m.a. setið sem fulltrúi
Kópavogs í heilbrigðisnefnd Hafn-
arfjarðar og Kópavogssvæðis frá
árinu 1999, lengst af sem formaður.
Andrés var einnig formaður Sam-
taka heilbrigðiseftirlitssvæða á Ís-
landi 2002–2004. Hann var einnig
varamaður í leikskólanefnd áður en
hann tók sæti í heilbrigðisnefndinni.
Þá hefur Andrés tekið þátt í íþrótta-
og æskulýðsstarfi í Kópavogi
Andrés er með M.Sc. próf í hag-
fræði og sögu frá London School of
Economics og starfar nú sem skrif-
stofustjóri Rannsóknaþjónustu Há-
skóla Íslands. Hann er einnig for-
maður Evrópusamtakanna á
Íslandi.
Andrés hefur áhuga á að halda
áfram því uppbyggingarstarfi sem
hefur verið í Kópavogi undanfarin
ár á sviði íþrótta og æskulýðsmála
og að skapa fyrirtækjum og einstak-
lingum svigrúm til að vaxa og dafna
í Kópavogi.
Andrés Pét-
ursson gefur
kost á sér í
annað sætið
Andrés
Pétursson