Morgunblaðið - 05.10.2005, Blaðsíða 15
MORGUNBLAÐIÐ MIÐVIKUDAGUR 5. OKTÓBER 2005 15
ERLENT
INDVERSKU systurnar Sabah og
Farah eru tíu ára gamlar og sam-
vaxnar á höfði. Komu þær fram á
fréttamannafundi í Nýju Delhí í
gær en læknar telja, að unnt sé að
skilja þær að. Biðu þeir eftir að for-
eldrar þeirra og þær sjálfar sam-
þykktu aðgerðina.
Reuters
Samvaxnar á höfði
MIÐALDRA fólk, sem hreyfir sig
vel eða leggur á sig einhverja lík-
amlega áreynslu í hálftíma tvisvar
í viku, getur með því dregið veru-
lega úr líkum á heilabilun síðar á
ævinni.
Fyrir fólk um fimmtugt minnkar
þetta líkurnar um 50% og fyrir þá,
sem eru erfðafræðilega líklegir til
að fá Alzheimer-sjúkdóminn, um
60%. Um er að ræða niðurstöður
sænskrar rannsóknar, sem sagt er
frá í læknavísindatímaritinu Lan-
cet.
Kenningar um þetta hafa verið
settar fram áður en sænska rann-
sóknin er sú fyrsta þar sem fylgst
hefur verið með fólki í langan tíma.
Hollusta hreyfingarinnar felst
meðal annars í því, að blóð-
streymið eykst og þar með heil-
brigði æða í heila. Hreyfingin vinn-
ur líka gegn háum blóðþrýstingi og
sykursýki og kann að draga úr
samsöfnun sykurhvítu í heila en
hún er ein af einkennum Alzheim-
er-sjúkdómsins.
Jafngóð fyrir alla
Fólk, sem stundar einhverja lík-
amsþjálfun, er oft líklegra en ann-
að til að lifa heilbrigðu lífi, til
dæmis að reykja ekki og drekka í
hófi, en í sænsku rannsókninni
voru niðurstöðurnar þær sömu,
hvort sem fólk daðraði við áð-
urnefnda lesti eður ei. Sem sagt,
hreyfing er holl fyrir alla.
Hreyfing aftrar heilabilun
Morgunblaðið/Ómar
Bagdad. AFP. | Sjítar og Kúrdar,
sem hafa meirihluta á íraska þinginu,
breyttu kosningalögunum í Írak um
síðustu helgi en það þýðir, að í raun er
það útilokað fyrir súnníta að fella
stjórnarskrárdrögin í þjóðarat-
kvæðagreiðslu 15. þessa mánaðar.
Súnnítar og ýmsir óháðir stjórnmála-
menn segja, að þetta jafngildi því, að
kosningaúrslitin hafi verið fölsuð fyr-
irfram.
Í lögunum sagði, að yrðu stjórn-
arskrárdrögin felld með tveimur
þriðju hluta atkvæða í þremur hér-
uðum, væru þau þar með fallin. Súnn-
ítar, sem eru mjög andsnúir ákvæð-
um um sambandsríki í Írak, eru í
góðum meirihluta í fjórum héruðum
og voru viðbúnir því að fella drögin.
Lagabreytingin felst hins vegar í
því, að nú þarf tvo þriðju atkvæða
„allra skráðra kjósenda“ til að fella
drögin en ekki bara þeirra, sem
kjósa. Það þýðir, að til að fella drögin
þarf kjörsókn meðal súnníta að slaga
upp í 100%, sem engar líkur eru á.
Lagabreytingin var samþykkt á
íraska þinginu um helgina án þess þó
að hafa verið á dagskrá.
Erfitt fyrir
Bandaríkjamenn
„Með þessu er verið að hæðast að
lýðræðinu, hæðast að lögunum,“
sagði Adnan al-Janabi, einn þing-
manna súnníta. „Margir súnnítar
segjast hafa litla trú á þeirri lýðræð-
isþróun, sem nú er sögð eiga sér stað,
og ég sé ekki betur en þeir hafi rétt
fyrir sér.“
Lagabreytingin getur valdið
Bandaríkjamönnum alvarlegum
vandræðum en þeir hafa gert mikið
til að fá súnníta til að styðja stjórn-
arskrárdrögin og reynt að fá þeim
breytt í því skyni. Fulltrúar Samein-
uðu þjóðanna hafa líka lýst vanþókn-
un sinni á lagabreytingunni og sagt
var, að þingið ætlaði að koma saman
til að ræða málið betur.
Sjítar og Kúrd-
ar breyttu
kosningalögum
Súnnítar segja að verið sé að falsa
fyrirfram úrslit þjóðaratkvæðisins
Reuters
Bagdad-búi við vegg með kosningaspjöldum þar sem mælt er með stjórn-
arskránni sem lögð verður í þjóðaratkvæði 15. október. Margir súnnítar
eru taldir munu greiða atkvæði gegn stjórnarskránni.