Morgunblaðið - 29.10.2005, Síða 59

MORGUNBLAÐIÐ LAUGARDAGUR 29. OKTÓBER 2005 59
KIRKJUSTARF
Nýfundin aría eftir
Bach frumflutt í
Langholtskirkju
HINN 17. maí 2005 fannst í
geymslum bókasafns greifynj-
unnar Önnu Amalíu í Weimar áður
með öllu óþekkt aría eftir J.S.
Bach. Ber hún heitið Alles mit
Gott und nichts ohn’ ihn (Allt með
Guði og ekkert án hans), BWV
1127.
Þóra Einarsdóttir sópr-
ansöngkona syngur þessa aríu við
messu í Langholtskirkju sunnu-
daginn 30. október kl. 11 ásamt
strengjakvartett. Það er skemmti-
leg tilviljun að flutninginn ber upp
á sama dag og arían var frumflutt
á sínum tíma, 30. október 1713.
Forsaga verksins er sú að þegar
hertoginn af Weimar, Wilhelm
Ernst, hélt upp á 52 ára afmælið
sitt þann 30. október 1713 ákvað
Johann Anton Mylius (Buttstädter
superintendant) að leggja eitthvað
af mörkum í tilefni dagsins. Myl-
ius, sem var þekktur fyrir áhrifa-
miklar predikanir og fagran
skáldskap, valdi einkunnarorð
hertogans, Omnia cum Deo et nihil
sine eo, (Alles mit Gott und nichts
ohn’ ihn) og samdi ljóð í tólf erind-
um út frá þýskri þýðingu á orð-
unum. Á síðustu tveimur blaðsíð-
unum á öðru af tveimur eintökum
ljóðsins sem til eru í dag er að
finna nótnahandrit Bachs af arí-
unni (Soprano solo è ritornello).
Fríkirkjan í Hafn-
arfirði: poppmessa og
æðruleysismessa
Á MORGUN, sunnudaginn 30.
október, hefst dagurinn með
barnaguðsþjónustu kl. 11. Popp-
messa tekur svo við kl. 13 þar sem
Fríkirkjubandið heldur uppi fjör-
inu ásamt Þorvaldi Þorvaldssyni
söngvara. Poppmessur hafa reynst
öllum hressandi tilbreyting frá
hefðbundnu helgihaldi.
Um kvöldið kl. 20 er æðruleys-
ismessa, en vitnisburður að þessu
sinni er á vegum 12 spora – and-
legs ferðalags. Fríkirkjubandið
leiðir söng. Helgihald er því með
fjölbreyttu sniði í Fríkirkjunni á
morgun og ættu allir að geta fund-
ið eitthvað við sitt hæfi.
Prestvígsla
í Dómkirkjunni
PRESTVÍGSLA verður í Dóm-
kirkjunni sunnudaginn 30. nóv-
ember kl. 16.
Biskup Íslands vígir cand. theol.
Hólmgrím Elías Bragason, sem
ráðinn hefur verið héraðsprestur í
Austfjarðaprófastsdæmi. Séra
Davíð Baldursson prófastur lýsir
vígslu. Vígsluvottar auk hans eru
dr. Einar Sigurbjörnsson prófess-
or, séra Guðmundur Karl Ágústs-
son sóknarprestur og séra Sig-
urður Kr. Sigurðsson
sóknarprestur.
Séra Karl V. Matthíasson þjónar
fyrir altari. Dómkórinn syngur,
organisti er Marteinn H. Frið-
riksson dómorganisti.
Söngfuglar í
guðsþjónustu
Árbæjarkirkju
„SÖNGFUGLARNIR“, kór eldri
borgara, heiðrar Árbæjarsöfnuð
með nærveru sinni og söng í guðs-
þjónustu sunnudagsins 30. október
kl. 11. Eldri borgarar úr starfi Ár-
bæjarsafnaðar, „Opna húsinu“,
lesa ritningarlestra og flytja al-
menna kirkjubæn. Sólrún Gunn-
arsdóttir leikur á fiðlu.
Viljum við hvetja sem flesta til
að koma og eiga skemmtilega
stund með skemmtilegu og hressu
fólki. Krisztina Kallo, organisti
okkar, spilar og stjórnar kórnum.
Sr. Þór Hauksson þjónar fyrir alt-
ari. Á sama tíma er sunnudaga-
skólinn í safnaðarheimilinu með
sína góðu gesti.
Kaffihúsastemning í safn-
aðarheimilinu á eftir messunum
þar sem boðið er upp á kaffi/
ávaxtasafa, gulrætur og kex.
Láttu sjá þig og þína.
Kór Snartarstaða-
kirkju á Akranesi
KIRKJUKÓR Snartarstaðakirkju
á Kópaskeri syngur við guðsþjón-
ustu í Akraneskirkju nk. sunnudag
kl. 14. Organisti og kórstjóri er
Björn Leifsson. Prestarnir, sr. Jón
Ármann Gíslason, sóknarprestur á
Skinnastað, og kona hans, sr. Hild-
ur Sigurðardóttir, þjóna fyrir alt-
ari ásamt heimapresti, sr. Eðvarði
Ingólfssyni, sem er fyrrum sókn-
arprestur á Skinnastað. Kirkjukór
Snartarstaðakirkju syngur einnig
við guðsþjónustu á Dvalarheim-
ilinu Höfða á Akranesi kl. 12.45.
Sr. Jón Ármann predikar á báðum
stöðum. Akurnesingar eru hvattir
til þess að fjölmenna í báðar þess-
ar guðsþjónustur. Brottfluttir
Norður-Þingeyingar eru einnig
velkomnir.
Ensk messa
í Hallgrímskirkju
Á SUNNUDAG, 30. október nk. kl.
14.00, verður haldin ensk messa í
Hallgrímskirkju. Prestur verður
sr. Bjarni Þór Bjarnason. Org-
anisti verður Steingrímur Þór-
hallsson. Guðrún Finnbjarn-
ardóttir mun leiða almennan
safnaðarsöng. Fjórða árið í röð er
boðið upp á enska messu í Hall-
grímskirkju síðasta sunnudag
hvers mánaðar. Messukaffi.
Service in English
SERVICE in English at the
Church of Hallgrímur (Hallgríms-
kirkja), 30th of October, at 2 pm.
Holy Communion. The Twenty
Fourth Sunday after Pentecost.
Celebrant and Preacher: The
Revd Bjarni Þór Bjarnason. Org-
anist: Steingrímur Þórhallsson.
Leading singer: Guðrún Finn-
bjarnardóttir. Refreshments after
the Service.
Fyrirlestur í Landa-
koti um hettumunka
BRÓÐIR Davíð OFM Cap flytur
erindi um hettumunka (Kapús-
ínamunka) úr reglu heilags Frans
frá Assisi. Fundurinn hefst kl.
20.15 í safnaðarheimili kaþólskra
á Hávallagötu 16 og eru allir sem
áhuga hafa hjartanlega velkomnir.
Afmælishátíð í
Landakirkju
MESSA verður kl. 14 í Landa-
kirkju á 225 ára afmælishátíð
kirkjubyggingarinnar. Sr. Sig-
urður Sigurðarson, vígslubiskup í
Skálholti, predikar. Kór Landa-
kirkju syngur undir stjórn Guð-
mundar H. Guðjónssonar. Gengið
verður að borði Drottins. Prestar
sr. Kristján Björnsson og sr. Þor-
valdur Víðisson þjóna fyrir altari.
Strax eftir athöfnina mun Kven-
félag Landakirkju bjóða kaffi og
meðlæti í safnaðarheimili kirkj-
unnar. Litlir lærisveinar og
Stúlknakór Landakirkju munu þar
syngja nokkur lög undir stjórn
kórstjóra sinna.
Hátíð í
Hallgrímskirkju
UM þessar mundir fagnar Hall-
grímssöfnuður 65 ára afmæli sínu.
Söfnuðurinn hefur frá upphafi
minnst séra Hallgríms með svo-
nefndri Hallgrímsmessu á dán-
ardægri hans, 27. október, en nú
er liðið 331 ár frá láti hans. Þessi
dagur hefur jafnframt verið minn-
ingardagur um stofnun safnaðar-
ins. Fyrir nokkrum árum var þessi
minningarmessa flutt á þann
sunnudag sem næstur er þeim 27.
hverju sinni. Í hátíðarmessunni
nk. sunnudag kl. 11.00 mun fyrsti
prestur safnaðarins, dr. theol. Sig-
urbjörn Einarsson biskup, predika
og dr. theol. Karl Sigurbjörnsson,
sem þjónaði söfnuðinum um ald-
arfjórðungsskeið, þjóna fyrir alt-
ari ásamt prestum safnaðarins,
þeim séra Jóni Dalbú Hróbjarts-
syni og séra Sigurði Pálssyni. Í
messunni mun biskup Íslands setja
Hörð Áskelsson kantor í Hall-
grímskirkju inn í embætti söng-
málastjóra Þjóðkirkjunnar. Að
messu lokinni verður boðið upp á
kaffi.
Á undan messunni, kl. 10.00, er
fræðslumorgunn að venju og mun
Steinunn Jóhannesdóttir rithöf-
undur flytja erindi sem hún nefnir
„Hallgrímur og Brynjólfur, uppal-
endur á 17. öld“, en Steinunn hef-
ur öðrum fremur rannsakað líf
þeirra séra Hallgríms og Guð-
ríðar.
Textinn, túlkunin
og sorgin í Jobsbók
ÞRIÐJUDAGINN 1. nóvember
hefst á vegum Leikmannaskóla
þjóðkirkjunnar námskeið um Jobs-
bók, textann, túlkunina og sorg-
ina.
Kennarar á námskeiðinu eru
þau dr. Kristinn Ólason guðfræð-
ingur og Gunnbjörg Óladóttir,
guðfræðingur og doktorsnemi við
Edinborgarháskóla.
Á námskeiðinu verður fjallað
um efni Jobsbókar út frá ýmsum
sjónarhornum.
Hugað verður að niðurröðun
efnis Jobsbókar og hvort að tilefni
sé til að ætla að meðferðarsjón-
armið búi þar að baki. Á nám-
skeiðinu verður skoðað hvernig
sorgin og meðhöndlun hennar
endurspeglast í textanum. Í ljósi
innihalds Jobsbókar verður síðan
fjallað um gildi nærverunnar, vin-
áttunnar, samræðunnar og sátt-
arinnar.
Námskeiðið verður í safn-
aðarheimili Grensáskirkju og
hefst kl. 20.00. Kennt er í tvo tíma
í senn í fjögur skipti. Skráning fer
fram í síma 535 1500 eða á vef
Leikmannaskólans, www.kirkj-
an.is/leikmannaskoli.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa heldur
lifandi steinar, manneskjur af
holdi og blóði. Þess vegna er hægt
að fara út úr kirkjubyggingum
með helgihald og fagnaðarerindið
og mæta fólki í dagsins önn. Í til-
efni af því bjóðum við til guðsþjón-
ustu í Kolaportinu næsta sunnu-
dag, 30. október, kl. 14.00.
Sigrún Óskarsdóttir, prestur í
Árbæjarkirkju, flytur hugleiðingu
og þjónar ásamt Ragnheiði Sverr-
isdóttur djákna.
Tónlistarmaðurinn Þorvaldur
Halldórsson mun leiða lofgjörðina,
en hann mætir kl. 13.30 til að
gleðja fólk með söng og spjalli. Þá
er hægt að leggja inn fyrirbæn-
arefni til þeirra sem þjóna í guðs-
þjónustunni áður en stundin hefst,
en í lok stundarinnar verður bless-
un með olíu.
Guðsþjónustan fer fram í kaffi-
stofunni Kaffiporti í Kolaportinu,
þar er hægt að kaupa sér kaffi og
dýrindis meðlæti og eiga gott sam-
félag við Guð og menn. Það eru
allir velkomnir.
Miðborgarstarf KFUM/KFUK
og Þjóðkirkjunnar.
Tómasarmessa í
Breiðholtskirkju
ÖNNUR Tómasarmessan á þessu
hausti verður í Breiðholtskirkju í
Mjódd sunnudagskvöldið 30. októ-
ber kl. 20.
Tómasarmessan hefur unnið sér
fastan sess í kirkjulífi borg-
arinnar, en slík messa hefur verið
haldin í Breiðholtskirkju í Mjódd
síðasta sunnudag í mánuði, frá
hausti til vors, síðustu átta árin og
verður sami háttur hafður á í vet-
ur. Framkvæmdaaðilar að þessu
messuhaldi eru Breiðholtskirkja,
Kristilega skólahreyfingin, Félag
guðfræðinema og hópur presta og
djákna.
Tómasarmessan einkennist af
fjölbreytilegum söng og tónlist,
mikil áhersla er lögð á fyr-
irbænaþjónustu og sömuleiðis á
virka þátttöku leikmanna. Stór
hópur fólks tekur jafnan þátt í
undirbúningi og framkvæmd
messunnar, bæði leikmenn, djákn-
ar og prestar.
Fjölskyldumessa
á Grund
FJÖLSKYLDUM heimilismanna á
Grund er sérstaklega boðið til
messunnar á sunnudaginn í hátíð-
arsal Grundar kl. 14.00
Við messuna syngur kór aldr-
aðra, Gerðubergskórinn.
Stjórnandi kórsins er Kári Frið-
riksson, en organisti er Kjartan
Ólafsson.
Prestur er sr. Hjálmar Jónsson
og meðhjálpari Þorsteinn Sigurðs-
son.
Morgunblaðið/Árni Sæberg
FRÉTTIR
KIA Rio verður frumsýndur hjá
Kia-umboðinu við Laugaveg 172
um helgina. Sýndar verða tvær
gerðir, fjögurra dyra stallbakur og
fimm dyra hlaðbakur. Báðar gerðir
eru með bensínvélum en í lok nóv-
ember eru bílar með díselvél vænt-
anlegir.
Sala á Kia Rio hófst í sumar í
mörgum Evrópulöndum. Með þess-
ari nýju gerð af Rio stefnir Kia-
fyrirtækið að því að ná sterkari
stöðu á Evrópumarkaði. Kyung-Soo
Lee, forstjóri Kia í Evrópu, sagði á
blaðamannafundi þegar bíllinn var
kynntur bílablaðamönnum í júlí að
fyrirtækið hefði allt frá árinu 1990
sótt æ meira á Evrópumarkað.
Hefði fyrirtækið gefið þörfum þess
markaðar sérstakan gaum hvað
varðaði tækni, gæði, getu og útlit.
Opið verður hjá Kia-umboðinu á
morgun, laugardag, milli kl. 10 og
16. Kaffi og kleinur verða í boði.
Morgunblaðið/jt
Kia-umboðið
frumsýnir
Kia Rio
FÉLAG framsóknarkvenna í
Reykjavík heldur upp á 60 ára af-
mæli sitt 1. nóvember nk. á Hall-
veigarstöðum, Túngötu 14, kl. 16–
18.
Í fréttatilkynningu segir að fé-
lagið hafi frá upphafi haft það að
markmiði að stuðla að kynnum og
samstöðu framsóknarkvenna og
m.a. styðja ýmis velferðarmál og
líknarstarfsemi. Þá hefur félagið
verið virkur þátttakandi í pólitísku
starfi flokksins. Félag framsókn-
arkvenna í Reykjavík átti frum-
kvæði að stofnun Landssambands
framsóknarkvenna fyrir 24 árum.
Framsóknarkonur fagna þessum
tímamótum á Hallveigarstöðum og
flutt verður m.a. stutt ágrip af sögu
félagsins, en Halldór Ásgrímsson
forsætisráðherra flytur ávarp. Auk
þess verður söngur framsókn-
arkvenna og Jóhannes Kristjánsson
flytur gamanmál.
Afmælisfagnaður
framsóknar-
kvenna
UNA María Óskarsdóttir sem gefur
kost á sér 1. sæti í prófkjöri fram-
sóknarmanna í Kópavogi hefur
opnað kosningaskrifstofu í Bæj-
arlind 2, á 3. hæð (lyfta), Löðurs-
húsinu. Boðið verður upp á léttar
veitingar og tónlist. Skrifstofan
verður opin frá kl. 17 virka daga og
frá kl.13 um helgar.
Opnar kosninga-
skrifstofu
SKÁTAFÉLAGIÐ Garðbúar stend-
ur fyrir Íslandsmeistaramóti skáta í
keilu sunnudaginn 6. nóvember í
Keiluhöllinni í Öskjuhlíð og hefst
mótið kl. 9.
Keppt er í þremur flokkum: ylf-
ingar (8–11 ára) mæta kl. 9, skátar
(12–14 ára) mæta kl. 9 og DS og
eldri (15+) mæta kl. 11. Verð á
mann er 1.300 kr. Mótsstjóri er Sig-
urður Már.
Skráning þarf að berast á net-
fangið: siggimar@visir.is í síðasta
lagi fimmtudaginn 3. nóv. Frekari
upplýsingar má fá í símum
893 5469, 568 5469, 896 0889.
Íslandsmeistara-
mót skáta í keilu