Morgunblaðið - 04.11.2005, Qupperneq 18

18 FÖSTUDAGUR 4. NÓVEMBER 2005 MORGUNBLAÐIÐ
ERLENT
Acer CR-8530
8.3
Megapixel
6.3
Megapixel
Acer CR-6530
Kr. 24.900
Kr. 23.900Kr. 14.900
Kr. 34.900
Acer CS-5530Acer CE-5330
8.3 Megapixlar
Frábært
verð!
Tekur ljósmyndir og videomyndir(320x240)
2.5" LCD skjár, 201.096 pixlar
ISO stillingar: 50, 100, 200 Auto
Myndáferðir: Svart/Hvítt, Brúntóna, Sterkir litir
Innbyggt flash, tíma-taka, nærmynda stilling
3x Optical Zoom, 5x Digital Zoom
Linsa 7.2 - 21.6mm, ljósop f/ 2.8 - 4.8
64mb minniskort fylgir
Stærð: 94 x 57 x 27mm
Þyngd: 150gr.
5.0
Videoupptaka (320x240)
2” LCD skjár
Iso stillingar: 50, 100, 200 Auto
3 x Optical Zoom, 4 x Digital Zoom
4x AA hleðslurafhlöður, hleðslutæki fylgir
Stærð: 91x61x27 mm.
Þyngd: 130 gr.
Taska fylgir
ArcSoft Photo Suite hugbúnaður fylgir
RÉTTARHÖLDIN vegna ákærunn-
ar á hendur I. Lewis „Scooter“
Libby, fyrrverandi skrifstofustjóra
Dick Cheneys, varaforseta Banda-
ríkjanna, fyrir meinsæri og fleiri af-
brot í tengslum við Valerie Plame-
málið, hófust í gær og lýsti Libby yf-
ir sakleysi sínu. Málið verður afar
sérstætt að einu leyti: ákæruvaldið
styðst fyrst og fremst við vitnisburð
fréttamanna um einkasamtöl þeirra
við Libby þar sem ekki var ætlast til
að heimildarmaður yrði tilgreindur.
Í grein í blaðinu The New York Tim-
es segir að afar sjaldgæft sé að
fréttamenn rjúfi þannig trúnað við
heimildarmenn sína.
„Þetta er nákvæmlega það sem
fréttamenn óttast mest – að þeir
verði rannsóknaraðilar fyrir ríkis-
valdið og verði þvingaðir til að bera
vitni gegn heimildarmönnum sem
þeir hafa lagt rækt við,“ segir Jane
Kirtley, prófessor í fjölmiðlasiðfræði
og lögum við Minnesota-háskóla.
Lekinn og Libby
Libby hefur orðið tvísaga þegar
hann hefur verið spurður af mönnum
Patricks Fitzgeralds, sérskipaðs
saksóknara í rannsókninni á lekan-
um í Hvíta húsinu, hver hafi sagt
honum frá starfi CIA-starfsmanns-
ins Valerie Plame. Embættismönn-
um er samkvæmt bandarískum lög-
um bannað að skýra frá nöfnum
CIA-manna sem stunda njósnir.
Grunur leikur á því að háttsettir
embættismenn í Hvíta húsinu, Libby
og ef til vill fleiri, hafi lekið af ásettu
ráði upplýsingum um starf Plame í
fjölmiðla til að ná sér niðri á eigin-
manni hennar, Joseph Wilson, sem
gagnrýnt hafði Íraksstríðið. Sjálfur
sagðist Libby í fyrstu hafa heyrt um
Plame í samtali við Tim Russert,
fréttamann hjá NBC-sjónvarpsstöð-
inni. En síðar komst saksóknarinn
að því að Dick Cheney varaforseti
hafði áður minnst á hana við Libby.
Lucy Dalglish, framkvæmdastjóri
nefndar sem beitir sér fyrir fjöl-
miðlafrelsi, segir að málið geti orðið
hættulegt fordæmi. „Mér rann kalt
vatn milli skinns og hörunds þegar
ég las ákærurnar [á hendur Libby],“
segir hún. „Allt þetta mál byggist á
framburði Russerts.“
Talið er nær víst að Fitzgerald
saksóknari muni láta a.m.k. suma af
þeim þrem fréttamönnum sem komu
við sögu, Tim Russert, Matthew
Cooper hjá tímaritinu Time og Jud-
ith Miller hjá The New York Times,
bera vitni í sjálfum réttarhöldunum.
Annað mál er hvort þeir verða taldir
trúverðug vitni.
Fjölmiðlar njóta ekki hylli
William E. Lawler III, fyrrver-
andi saksóknari í Washington, segir
að ýmislegt geti orðið til að draga úr
vægi vitnisburðar fréttamannanna
en kviðdómur mun, þegar þar að
kemur, úrskurða í málinu. Russert
sé að vísu þekktur fyrir að tjá sig
skilmerkilega og sé sennilega vin-
sæll maður. „Hins vegar njóta fjöl-
miðlar ekki beinlínis sérstakrar hylli
núna,“ segir Lawler.
Lögfræðingur Coopers, Richard
A. Sauber, sagði að réttarhöldin
myndu ekki snúast um persónuleika
þeirra sem kæmu við sögu. „And-
rúmsloftið getur skipt máli þegar um
er að ræða mál þar sem niðurstaðan
er óviss. Ég held að þetta sé ekki mál
af því tagi.“
„Alger undantekning“
Fitzgerald segist gera sé vel grein
fyrir því hve viðkvæmt málið sé og
það eigi að heyra til undantekninga
að fréttamönnum sé gert að bera
vitni um samskipti við heimildar-
menn sína. Hann hafi hugsað málið
vel og lengi áður en hann stefndi
fréttamönnunum til sín til að bera
vitni í rannsókninni en ekki átt ann-
ars úrkosta, ella hefðu mikilvæg mál
verið áfram óleyst.
„Þetta ætti að vera alger undan-
tekning,“ sagði Fitzgerald á blaða-
mannafundi í vikunni. „En þegar
menn eru að rannsaka glæp – og það
sem gerir þetta ólíkt öðrum málum
er samskipti einstaklings og frétta-
manns, þeir eru sjónarvottar að
glæpnum – ef menn láta þetta eiga
sig og ræða ekki við sjónarvottinn
væri það kæruleysi að ákæra ein-
hvern fyrir glæp sem ef til vill hefur
ekki verið framinn. Og þetta veldur
mér ugg vegna þess að sumt af því
sem hægt væri að fá að vita hjá
fréttamanninum gæti sýnt fram á að
ekki hafi verið framinn glæpur,“
sagði Patrick Fitzgerald.
Libby-málið veldur
fréttamönnum ugg
Reuters
Lewis Libby (t.h.) á leið í dómsal í Washington í gær en réttarhöld eru haf-
in vegna ákæru gegn honum fyrir meinsæri og fleiri brot. Libby var skrif-
stofustjóri Dick Cheneys, varaforseta Bandaríkjanna.
Allt málið sagt byggjast á framburði fréttamannsins
Tim Russerts hjá bandarísku sjónvarpsstöðinni NBC
Patrick
Fitzgerald
Tim
Russert
Eftir Kristján Jónsson
kjon@mbl.is
’Mér rann kalt vatnmilli skinns og hörunds
þegar ég las ákær-
urnar.‘
ir, ungir menn
sem hafa ekki við
mikið að vera og
eru fljótir að taka
við sér þegar ólga
skapast. Þeir
hlaða þá vígi og
kveikja í dekkj-
um, segir okkur
fólk sem hér hefur
dvalist lengi.
Það sorglegasta
er að það virðist vera skotið með
byssum á hvern sem er þegar grjót-
kast eða eitthvað þess háttar byrjar.
Saklaust fólk og börn verða fyrir
þessu.“
– Eru þetta illa þjálfaðir lögreglu-
menn, kunna þeir engin önnur við-
brögð en að skjóta?
„Fyrstu viðbrögð þeirra virðast
vera þannig, eftir því sem við höfum
heyrt og séð, en í gær [á miðvikudag]
var sagt að þeir hefðu notað táragas.
En sum börnin hafa verið með skot-
sár á maga. Þeir eru ekki endilega að
skjóta til að hræða fólk heldur hrein-
lega til að drepa, eftir því sem við höf-
um heyrt. Sumar af þessum frásögn-
um höfum við fengið staðfestar og
aðrar ekki.
Mannfallið gæti verið meira en gef-
ið hefur verið upp á sjúkrahúsunum.
Vörður sem gætir hússins okkar og
fleiri húsa hér sagði okkur að lögregl-
an hefði skotið tvo unga menn og tek-
ið líkin með sér.“
HÖRÐ átök hafa verið milli stjórn-
arandstæðinga og vopnaðra lögreglu-
manna í Addis Ababa, höfuðborg Eþí-
ópíu, síðustu daga og hafa hátt í 40
manns látið lífið. Stjórnarandstaðan
hefur skipulagt mótmæli vegna deilna
um meint kosningasvik stjórnarliða í
þingkosningum í maí. Andstaðan hef-
ur m.a. hunsað þingstörfin.
Nokkrir íslenskir kristniboðar búa
í borginni og Morgunblaðið ræddi í
gær við einn þeirra, Kristbjörgu
Gísladóttur. Hún býr ásamt eigin-
manni sínum, Ragnari Schram, og
tveimur börnum í borginni og stunda
hjónin nú nám í málaskóla. Síðar fara
þau til starfa í afskekktu héraði syðst
í landinu.
„Við búum í borgarhluta sem heitir
Mekanisa en við erum töluvert langt
frá Merkato-hverfinu þar sem mest
átök hafa verið,“ sagði Kristbjörg.
„En við heyrðum skothvelli á mið-
vikudag og þegar skothríðin fór að
aukast var ákveðið að loka skólanum,
bæði kennarar og nemendur fóru
heim til sín. Við heyrðum um einn
sem var annað hvort barinn til ólífis
eða skotinn rétt hjá lóðinni okkar. Við
vitum líka að hér hafa verið hand-
teknir hópar af ungum mönnum.
Stjórnarandstaðan hvatti til frið-
samlegra mótmæla alla vikuna og þau
hófust á mánudag, þetta byrjaði allt
rólega. Við höfum á tilfinningunni að
óróaseggir, ekki endilega menn sem
berjast gegn stjórnvöldum, séu alltaf
reiðubúnir að standa fyrir ólátum. En
atvinnuleysi er mikið og víða eru reið-
Virðast skjóta
til að drepa
Íslenskur kristniboði í Eþíópíu segir
börn á meðal fórnarlamba átakanna
Kristbjörg
Gísladóttir
kjon@mbl.is
NORSKIR tollgæslu- og lögreglu-
menn lögðu í gær hald á 190 kíló-
grömm af kókaíni sem fundust í suð-
ur-amerísku flutningaskipi. Að sögn
norskra fjölmiðla er þetta mesti kók-
aínfundur í sögu Noregs.
Norska lögreglan sagði að sölu-
verðmæti kókaínsins væri áætlað um
80-90 milljónir norskra króna, sem
samsvarar um 740 til 830 milljónum
íslenskra króna. Öll áhöfn flutninga-
skipsins, 25 menn, var handtekin.
Fíkniefnin fundust við venjulega
tollskoðun í súrálsskipinu Crusader í
Mosjøen í Norður-Noregi. Skipið
kom frá Súrinam og flutti súrál í ál-
verksmiðju Elkem í Mosjøen.
Vopnaðir lögreglumenn voru
sendir um borð í skipið þegar fíkni-
efnin fundust, að sögn fréttavefjar
norska dagblaðsins Aftenposten.
Norska lögreglan sagði að ekki
væri talið að ætlunin hefði verið að
selja kókaínið í Noregi. Ekki væri
vitað hvaðan það hefði komið.
Crusader kom hingað til lands í
nóvember 2003 með súrál fyrir
Norðurál á Grundartanga en hefur
ekki verið í reglulegum siglingum til
Íslands, að sögn Smára Guðjónsson-
ar, framkvæmdastjóra Klafa, sem
annast afgreiðslu skipa í Grundar-
tangahöfn. Hann sagði í samtali við
Morgunblaðið að hann teldi ólíklegt
að hægt væri að smygla kókaíni í
súrálskipum í gegnum Grundar-
tangahöfn þar sem gæslan þar væri
mjög öflug.
Mesta kókaínsmygl
í sögu Noregs