Morgunblaðið - 04.11.2005, Síða 22

22 FÖSTUDAGUR 4. NÓVEMBER 2005 MORGUNBLAÐIÐ
MINNSTAÐUR
HÖFUÐBORGARSVÆÐIÐ
SUÐURNES
SENDUM Í PÓSTKRÖFU
Laxalýsi
fyrir stirð liðamót
www.simnet.is/heilsuhorn
Glerártorgi, Akureyri, sími 462 1889,
fæst m.a. í
Maður lifandi Borgartúni og Hæðarsmára,
Yggdrasil Skólavörðustíg,
Fjarðakaup,
Hagkaup,
Lyfja Selfossi,
Studio dan Ísafirði.
Sérleyfi verði afnumin | Stjórn
Heimis, félags ungra sjálfstæðis-
manna í Reykjanesbæ, hefur sent
frá sér ályktun þar sem samgöngu-
ráðherra er hvattur til að afnema
sérleyfi hópferðabifreiða á milli höf-
uðborgarsvæðisins og Flugstöðvar
Leifs Eiríkssonar.
„Það er með öllu óviðunandi að á
einni af fjölförnustu samgönguæð
landsins skuli ríkja einokun sem
kallar einvörðungu á aukin útgjöld
almennings sem nýta sér þessa
þjónustu. Reykjanesbraut tengir al-
þjóðaflugvöll við höfuðborgarsvæðið
sem og land allt og mikill fjöldi far-
þega fer þessa leið daglega. Því er
eðlilegast að á þessari leið ríki eðli-
leg samkeppni,“ segir í ályktuninni.
Helguvík | Sorphirðu- og sorpeyð-
ingargjöld íbúa Suðurnesja hækka
um 10% um áramót, ef sveitarstjórn-
irnar samþykkja tillögur Sambands
sveitarfélaga að fjárhagsáætlun
samrekinna stofnana. Ástæðan er
minni afköst brennslustöðvar Kölku
og stóraukið sorpmagn sem aka þarf
með til eyðingar hjá Sorpu í Reykja-
vík.
Vandi vegna fjölgunar
Enn eru byrjunarörðugleikar við
rekstur sorpbrennslustöðvar Kölku í
Helguvík. Þannig er útlit fyrir að þar
verði brennd 10.500 tonn af sorpi í
stað 12 þúsund eins og áætlað var í
fjárhagsáætlun ársins. Magnið sem
berst stöðinni eykst aftur á móti
stöðugt og er meira en gert var ráð
fyrir. Líklegt er talið að 18 þúsund
tonn af sorpi berist í ár sem er 2 þús-
und tonnum meira en á síðasta ári.
Þessi mismunur þýðir að aka þarf
3.500 tonnum af sorpi til eyðingar
hjá Sorpu í Reykjavík, umfram það
sem áætlað var í upphafi ársins. Þar
að auki er farið með töluvert af
óbrennanlegu sorpi til endurvinnslu
og eyðingar hjá Sorpu og víðar á höf-
uðborgarsvæðinu. Í þessu felst tölu-
verður auka kostnaður og er útlit
fyrir halla af rekstri Sorpeyðingar-
stöðva Suðurnesja, að sögn Jóns
Gunnarssonar, formanns stjórnar.
Jón segir að í fjárhagsáætlun sem
gerð var fyrir ári hafi ekki verið gert
ráð fyrir þeirri miklu lóðaúthlutun í
öllum sveitarfélögunum og fjölgun
íbúa á svæðinu sem orðið hefur.
Nefnir hann að töluvert sorp berist á
gámastöðvarnar frá nýbygginga-
svæðum þótt íbúar séu ekki fluttir í
húsin og því komi tekjur ekki á móti.
Gísli R. Eiríksson stöðvarstjóri bæt-
ir því við að aukið sorp fylgi góð-
ærinu í þjóðfélaginu.
Hefur þetta að sögn Jóns komið
bæði fram í aukinni sorphirðu frá
heimilum, meðal annars vegna fjölg-
unar íbúa, og ekki síður í aukningu á
gámaplön fyrirtækisins. Þannig hef-
ur sorpið sem komið er með á gáma-
plönin aukist um meira en þriðjung.
Þegar starfræksla Kölku hófst
hækkuðu sveitarfélögin mjög sorp-
hirðu- og sorpeyðingargjöld til að
mæta auknum rekstrarkostnaði. Jón
Gunnarsson segir að gjöldin dugi
ekki fyrir kostnaðinum og falli því
hluti hans á sveitarfélögin. Sorp-
hirðu- og eyðingargjöldin hafa verið
óbreytt í tvö ár, samtals liðlega
18.600 krónur. Með 10% hækkun
verða gjöldin tæplega 20.500 krónur
á hvert heimili. Jón segir að þessi
hækkun sé í takt við hækkun vísitölu
á þessum tíma.
Lagt til að sorphirðu- og sorpeyðingargjöld hækki um 10%
Aka þarf þúsund-
um tonna til Sorpu
Morgunblaðið/Helgi Bjarnason
Meira rusl Kalka í Helguvík er fullkomnasta sorpbrennslustöð landsins.
Hún hefur þó ekki undan nú þegar sorpið eykst.
Vogar | Hreppsnefnd Vatnsleysu-
strandarhrepps hefur samþykkt
að óska eftir því að sveitarfélagið
verði bæjarfélag. Íbúatalan er að
ná þúsund íbúa markinu um þess-
ar mundir en það er einmitt skil-
yrði þess að af formbreytingunni
geti orðið.
Jón Gunnarsson, oddviti Vatns-
leysustrandarhrepps, segir að til-
laga um breytinguna hafi verið
lögð fram í ljósi þess að fjölgað
hafi í sveitarfélaginu og íbúarnir
verði komnir vel yfir þúsund íbúa
markið við útgáfu næstu stað-
festu íbúatölu, 1. desember.
Þessu fylgi að gera þurfi til-
teknar breytingar á samþykktum
um stjórn sveitarfélagsins, svo
sem um fjölda fulltrúa í hrepps-
nefnd og hugsanlega einnig
stofnun hreppsráðs. Talið hafi
verið skynsamlegt að stíga þá
skrefið til fulls og stofna bæj-
arfélag. Nefnir hann að flest, ef
ekki öll, sveitarfélög með yfir
þúsund íbúa séu bæjarfélög.
Með formbreytingunni mun
bæjarstjórn og bæjarstjóri fara
með stjórn sveitarfélagsins í stað
hreppsnefndar og sveitarstjóra
og oddviti verður forseti bæj-
arstjórnar. Þá verður kosið bæj-
arráð til að fara með fjármál og
fleiri mál milli funda bæjar-
stjórnar.
Tillaga um að óska eftir breyt-
ingunni var samþykkt í hrepps-
nefnd með fjórum atkvæðum
gegn einu.
Vogar
vilja
verða bær
Kópavogur | Gert er ráð fyrir að
áætlaður rekstrarafgangur sam-
stæðureiknings A og B hluta
Kópavogsbæjar aukist úr 1.056 m.
kr. í 2.210 m. kr. eða um rúm 100%
í endurskoðaðri fjárhagsáætlun
bæjarins. Sem hlutfall af skatt-
tekjum eykst því rekstrarafgang-
urinn úr því að vera 13% í 28% en
þetta hlutfall endurspeglar svig-
rúm Kópavogsbæjar til að fjár-
festa og greiða niður skuldir.
Þetta kemur fram í fréttatilkynn-
ingu frá Kópavogsbæ.
Rekstrarbatinn skýrist aðallega
af hagnaði af úthlutun bygging-
arréttar. Kópavogsbær hefur á
undanförnum árum gjaldfært allan
kostnað vegna landakaupa og
samninga við lóðahafa á óskipu-
lögðum svæðum, án þess að tekjur
hafi komið á móti. Segja bæjaryf-
irvöld þessar fjárfestingar nú bera
ávöxt með úthlutun lóða í nýjum
hverfum.
Niðurgreiðsla skulda
Veltufjárhlutfall stóð í 0,8 um
áramót en er áætlað um 1,01 um
næstu áramót. Lögð verður
áhersla á að nota hinn aukna
rekstrarafgang til uppgreiðslu
skammtímaskulda og að einhverju
leyti til greiðslu langtímaskulda.
Þannig er gert ráð fyrir að heild-
arskuldir Kópavogsbæjar muni
lækka um 2,1 milljarða króna mið-
að við upprunalega áætlun 2005
eða úr 12,8 í 10,7 milljarða króna.
Þrátt fyrir góðan rekstrarbata
hefur rekstrar- og framkvæmda-
kostnaður hækkað umfram vænt-
ingar. Launakostnaður í grunn- og
leikskólum reyndist um 150 m. kr.
hærri en ráð var fyrir gert, en
kjarasamningagerð við leikskóla-
kennara var ekki lokið þegar vinnu
við fjárhagsáætlun 2005 lauk á
árinu 2004. Framkvæmdakostnað-
ur fór um 300 m. kr. fram úr áætl-
un við einstök verk þar sem samið
var um að flýta framkvæmdum
vegna örrar uppbyggingar. Þetta á
við um eftirfarandi framkvæmdir:
Leikskólann Baugakór, Salaskóla,
Kóraskóla, Sundlaug Sölum, Ung-
lingahús, Gatnagerð á hafnar-
svæði, breikkun Smárahvamms-
vegar, gatnagerð Kórahverfi, gerð
Vatnsenda- og Rjúpnavegar og
innlausn lóða. Þessum frávikum
hefur að hluta verið mætt með
hagræðingu í rekstri og fram-
kvæmdum þar sem því verður við
komið en að hluta með aukafjár-
veitingu.
Rekstrarafgangur hjá
Kópavogi 2 milljarðar
Hafnarfjörður | Sérstök sýning var í Hafnar-
fjarðarleikhúsinu sl. miðvikudag fyrir vel-
unnara og styrktaraðila á leikverkinu hvað EF
skemmtifræðslu. Höfundar texta, ljóða og tón-
listar eru Einar Már Guðmundsson og Valgeir
Skagfjörð. Gestir sýningarinnar voru Þor-
gerður Katrín Gunnarsdóttir mennta-
málaráðherra, nemendur Garðaskóla o.fl.
Verkið var frumsýnt 20. október sl. og hafa
þegar um 1800 ungmenni séð sýninguna í boði
fyrirtækjanna Actavis, Vífilfells og Kjöríss.
540 Gólf leikhús og SÁÁ standa að sýning-
unni í samstarfi við Hafnarfjarðarleikhús. Hægt
er að sjá umsagnir um verkið á www.saa.is. Morgunblaðið/Árni Sæberg
Leikverkið Hvað
EF sýnt fyrir
velunnara og
styrktaraðila
HOLRÆSAGJALD í Reykjavík
lækkar á næsta ári úr 0,115 í 0,105 af
fasteignamati, sem er um það bil 10%
lækkun, samkvæmt tillögu Steinunnar
Valdísar Óskarsdóttur, borgarstjóra,
sem lögð var fram á fundi í borgarráði
í gær. Þá er ekki gert ráð fyrir að
hækkun fasteignamats í ár vegna
hækkunar fasteignaverðs auki tekjur
borgarinnar frá því sem var í ár.
Steinunn Valdís sagði í samtali við
Morgunblaðið, að samkvæmt forsend-
um fjárhagsáætlunar næsta árs væri
gert ráð fyrir að holræsagjaldið lækk-
aði úr 0,115% í 0,105% af fasteigna-
mati. Það jafngilti því að gjöld lækk-
uðu um 2.000 kr. af fasteign með 20
milljón króna fasteignamati.
Steinunn sagði að borginni væri
kleift að gera þetta þar sem fyrir dyr-
um stæði að flytja fráveituna yfir til
Orkuveitunnar, en af því skapaðist
ákveðið hagræði. „Þrátt fyrir að við
sjáum mjög mikla uppbyggingu í frá-
veitukerfinu á næstunni er okkur
þetta kleift,“ sagði Steinunn Valdís.
Hún sagði ennfremur að fasteigna-
mat eigna frá Fasteignamatinu lægi
ekki fyrir. Það kæmi aldrei fyrr en í
desembermánuði, sem skapaði mikið
óhagræði fyrir sveitarfélögin, þar sem
undirbúningur fjárhagsáætlunar
stæði yfir, en hún myndi leggja hana
fram í næstu viku. Ljóst væri hins veg-
ar að fasteignamatið myndi hækka og
fyrir lægi að meirihlutinn ætlaði ekki
að hafa auknar tekjur af fasteigna-
sköttum þess vegna og því myndi
álagningarprósentan væntanlega
lækka sem næmi hækkun matsins.
Horft yrði einungis til þess að borg-
arsjóður væri jafnsettur og áður.
Holræsagjald
lækkar í Reykjavík
Áfram uppbygging í fráveitukerfinu