Morgunblaðið - 17.11.2005, Qupperneq 49

MORGUNBLAÐIÐ FIMMTUDAGUR 17. NÓVEMBER 2005 49
DAGBÓK
Samtökin ’78 starfrækja félags- ogmenningarheimili á Laugavegi 3, 4.hæð. Um þessar mundir stendur þaryfir metnaðarfull skemmtidagskrá
undir yfirskriftinni Fimmtudagsfjör í Regn-
bogasal – í anda fröken Rósu.
Hvert fimmtudagskvöld stíga á svið lista-
menn úr ýmsum áttum og bjóða gestum upp á
fjölbreytt efni sem sérstaklega höfðar til sam-
kynhneigðra og þeirra sem vilja kynna sér
menningu, sögu og líf þess hóps.
„Hefð er fyrir dagskrá af þessu tagi, en það
sem einkennir hana í ár er mikil fjölbreytni og
frumleiki,“ segir Hrafnkell Tjörvi Stefánsson,
framkvæmdastjóri Samtakanna ’78. Meðal við-
burða síðustu vikur má nefna tónleika Andreu
Gylfadóttur og ljóðalestrarkvöld helgað ást-
arljóðum karlmanna til karlmanna en fullt var
út úr dyrum bæði skipti.
„Fram að jólum verða fleiri tónleikar og
ljóðalestrarkvöld auk þess að rithöfundar koma
og lesa upp úr verkum sínum. Ekki má gleyma
hinu ár lega jólabingói þar sem veglegir vinn-
ingar verða í boði. Jólabingó Samtakanna ’78
hefur fest sig í sessi sem mikill fjölskyldu-
viðburður og hefð fyrir að hommar og lesbíur
fjölmenni með maka og börn upp í samtök og
taki þátt í því.“
Yfirskrift viðburðarins í kvöld er „Lifi sauðfé
í drottins náð“ þar sem Ingrid Jónsdóttir, Jón
St. Kristjánsson og Viðar Eggertsson flytja ís-
lensk átthagaljóð með laufléttu erótísku ívafi.
Hinn 24. nóvember flytur Kristjana Stef-
ánsdóttir djasssöngkona lög af nýútkominni
geislaplötu sinni. 1. desember mun Jódís
Skúladóttir syngja eigin lög og 8. desember
verður jólabókakvöld. Loks er jólabingóið 11.
desember.
Aðgangur að Fimmtudagsfjörs-kvöldunum er
ókeypis en gestum er frjálst að láta framlög af
hendi rakna til starfseminnar.
Samtökin ’78 eru hagsmunafélag samkyn-
hneigðra á Íslandi: „Samtökin hafa það að
markmiði að berjast fyrir lagabótum í mál-
efnum þessa hóps og fyrir viðhorfsbreytingu
hjá þjóðinni alls staðar þar sem þörf er á,“
segir Hrafnkell. „Við horfum fram á miklar
réttarbætur sem skipa munu Íslandi í fremstu
röð ríkja hvað varðar jafnrétti samkyn-
hneigðra. Hins vegar sýnir mannréttinda-
barátta annarra hópa okkur að formlegt laga-
legt jafnrétti er aðeins nauðsynlegur grunnur
til að ná fram fullu jafnrétti á öllum sviðum.
Enn leynast fordómar í atvinnulífinu, lítið er
tekið á þessum málum í skólakerfinu og
íþróttahreyfingin er svo til óplægður akur hér
á Íslandi, svo dæmi séu nefnd.“
Nánari upplýsingar um dagskrá Fimmtu-
dagsfjörs og um aðra starfsemi Samtakanna
’78 má finna á heimasíðunni www.samtokin78.is
Menning | Fjölbreytt menningardagskrá á fimmtudögum hjá Samtökunum ’78
Fimmtudagsfjör í Regnbogasal

Hrafnkell Tjörvi
Stefánsson fæddist
29. janúar 1975 og
ólst upp í Garðabæ.
Hann lauk BA-prófi í
stjórnmálafræði frá
Háskóla Íslands árið
2000 og MA-prófi í
stjórnmálafræði frá
Universiteit van
Amsterdam árið
2003.
Hrafnkell hefur starfað sem framkvæmda-
stjóri Samtakanna ’78 frá júní 2003 og sit-
ur í stjórn Mannréttindaskrifstofu Íslands.
Maki Hrafnkels er Davíð Jóhannsson, hóp-
stjóri hjá Símanum.
Velvakandi
Svarað í síma 5691100 frá 10–12
og 13–15 | velvakandi@mbl.is
Burt með karlaklúbbana!
KARLAKLÚBBAR eru klúbbar
um ýmis málefni sem eru lokaðir
öðru kyninu. Þeir eru oft fáum til
leiðinda, og vinna lítið ógagn, og
erfitt að amast við því að sumt fólk
eigi í erfiðleikum með að umgang-
ast bæði kynin samtímis, af hvaða
ástæðum sem það nú er. En, þegar
svona klúbbar hafa það að mark-
miði, að koma ár síns eigin kyns
vel fyrir borð, á kostnað hins, jafn-
vel þar sem síst hallar á þetta eigið
kyn, þá er illt í efni. Nýlega var
slíkur karlaklúbbur stofnaður innan
Samfylkingarinnar, þótt hann sé
reyndar kenndur við annað kyn en
karla.
Megi þessi klúbbur lifa sem
skemmst, svo skömm stofnendanna
verði sem minnst.
Einar Steingrímsson.
stærðfræðingur, einlægur jafn-
réttissinni og líklega meðlimur í
Samfylkingunni.
Eddu-verðlaunin
ÉG horfði á Eddu-verðlaunin sl.
sunnudagskvöld í sjónvarpinu – og
þessi útsending var ekki mönnum
bjóðandi og blöskraði mér mikið.
Bæði var þetta langdregið og leið-
inlegt og kynnirinn ekkert fyndinn.
Sú sem var kosin sjónvarpsmaður
ársins varð sér til skammar, bæði í
orðbragði og öðru. Það á ekki að
láta svona viðgangast og finnst mér
að það ætti að endurskoða þessa
verðlaunahátíð því þetta var fyrir
neðan virðingu þessa fólks sem
þarna var statt.
Veit ég að þessi útsending gekk
fram af fólki.
Finnst mér að ég eigi að fá verð-
laun fyrir að nenna að horfa á
þetta.
Sonja.
Lyklakippa týndist
í Elliðaárdal
LYKLAKIPPA, stálhringur, með 3
lyklum og póstkassalykli, týndist í
Elliðaárdalnum milli gömlu brúar-
innar og stíflunnar sl. sunnudag.
Skilvís finnandi hafi samband í
síma 893 6038.
Barnagleraugu
í óskilum
BARNAGLERAUGU í svartri um-
gjörð fundust í Hólmasundi í
Reykjavík.
Ef einhver vill vitja þeirra þá er
velkomið að hringja í Sesselju í
gsm-síma 865 5984 eða heimasíma
568 7458.
Stíflugerð.
Norður
♠ÁKG2
♥G
♦ÁG32
♣D643
Vestur Austur
♠76 ♠D1085
♥107652 ♥KD9
♦D876 ♦1094
♣K2 ♣G98
Suður
♠943
♥Á843
♦K5
♣Á1075
Suður spilar þrjú grönd og fær út
smátt hjarta.
Er hægt að fá níu slagi með bestu
vörn?
Spilið er frá raðkeppni HM í Portú-
gal og þrjú grönd voru spiluð á báðum
borðum í sýningarleik Ítala og Egypta.
Ítalinn Claudio Nunes dúkkaði
hjarta tvisvar í byrjun og hlaut því að
fara niður, því vestur komst inn á lauf-
kóng til að taka fríhjörtun.
Hinum megin var Tarek Sadek í suð-
ursætinu með Lauria og Versace í
vörninni. Sadek dúkkaði hjartadrottn-
ingu Lauria í fyrsta slag, en lagðist
undir feld í öðrum slag þegar Lauria
spilaði hjartakóngnum.
Hjartaáttan gerir það að verkum að
hægt er að stífla litinn í 5-3 legunni ef
austur er með tíu eða níu með hjón-
unum. Eftir nokkra yfirlegu þótti Sad-
ek það sennileg lega og tók hjarta-
kónginn með ás. Spilaði svo laufás og
laufi.
Versace fékk á laufkónginn og valdi
að spila spaða. Sadek drap með ás, tók
tvo slagi á lauf og spilaði síðan litlu
hjarta að heiman sjálfur!
Glæsilegt. Ef vestur hoppar upp
með tíuna, fellur nían og átta suðurs
fríast. Í reynd lét Versace smátt hjarta
og Lauria varð að spila spaða eða tígli
upp í gaffal.
BRIDS
Guðmundur Páll Arnarson | dagbok@mbl.is
1. d4 Rf6 2. c4 e6 3. Rc3 Bb4 4. Dc2 d5 5.
a3 Bxc3+ 6. Dxc3 Re4 7. Dc2 c5 8. dxc5
Rc6 9. cxd5 exd5 10. Rf3 Bf5 11. b4 O-O
12. Bb2 He8 13. Db3 Ra5 14. Dd1 Rc4
15. Dd4 Rf6 16. e3 He4 17. Dc3 b6 18.
Rd4 Bg6 19. Bxc4 dxc4 20. O-O bxc5 21.
bxc5 Dd5 22. Hfc1 Hg4 23. f3 Hh4 24. g3
Hxd4 25. Dxd4 Dxf3 26. Hf1 De4 27.
Hf4 De6 28. De5 Dc6 29. Hxc4 Hd8 30.
Hd4 He8 31. Dd6 Db5 32. Hb4 De2 33.
Df4 Rh5 34. Df2 Da6 35. Df3 Dc8 36. c6
a5 37. Hh4 Rf6 38. Bxf6 gxf6 39. Hc1
Dc7 40. Dxf6 He6 41. Df4 Dc8 42. c7
He8 43. Dg4 He6
Rússar tryggðu sér með ævintýra-
legum endaspretti sigur í heimsmeist-
arakeppni landsliða þegar þeir lögðu
Kínverja að velli 3½-½ í lokaumferðinni.
Staðan kom upp í úrslitaviðureigninni
þar sem gamla brýnið Evgeny Bareev
(2675), hvítt, gulltryggði sér sigurinn
gegn Zhang Zhong (2608). 44. Dxe6! og
svartur gafst upp enda fátt til varnar
eftir 44... fxe6 45. Hd4.
SKÁK
Helgi Áss Grétarsson | dagbok@mbl.is
Hvítur á leik.
60 ÁRA afmæli. Sturla Böðv-arsson samgönguráðherra
verður sextugur 23. nóvember nk. Af
því tilefni bjóða þau Sturla og Hall-
gerður kona hans og börn til móttöku
laugardaginn 19. nóvember í Hótel
Stykkishólmi kl. 17–19. Þau vonast til
að sjá sem flesta.
Árnaðheilla
dagbók@mbl.is
Sverrir Kristinsson lögg. fasteignasali
Traustur kaupandi óskar eftir 300-800 fm
skrifstofuplássi í Reykjavík. Góð bílastæði æskileg.
Eignin þarf ekki að vera innréttuð. Staðgreiðsla.
Nánari uppl. veitir Sverrir Kristinsson.
SKRIFSTOFUPLÁSS ÓSKAST
Fræðslufundur Minja og sögu verður haldinn í dag fimmtudaginn 17. nóvember
í fyrirlestrasal Þjóðminjasafns Íslands við Suðurgötu og hefst kl. 17.00.
Að þessu sinni flytur Guðjón Friðriksson sagnfræðingur fyrirlestur er hann nefnir
„Hannes Hafstein og konurnar“. Um þessar mundir er að koma út ævisaga
Hannesar eftir Guðjón er hann nefnir Ég elska þig stormur. Í fyrirlestri sínum
mun Guðjón ræða um konurnar í lífi Hannesar og áhuga hans og forgöngu fyrir
kvenréttindum.
Að loknum fyrirlestri mun Guðjón svara fyrirspurnum.
Félagsmenn eru hvattir til að mæta og taka með sér gesti. Allir velkomnir.
Ókeypis aðgangur.
Stjórnin.
Fræðslufundur Minja og sögu
Ég elska þig stormur -
Hannes Hafstein og konurnar
Fyrirlesari: Guðjón Friðriksson
HUGVÍSINDADEILD, Hugvís-
indastofnun og Guðfræðideild og
Guðfræðistofnun standa fyrir Hug-
vísindaþingi í Aðalbyggingu Há-
skóla Íslands á morgun.
Dagskráin, sem verður í gangi
frá kl. 8.30-17.30, samanstendur af
um 80 erindum sem flutt verða í 22
málstofum. Glögglega má sjá á titl-
um erindanna hversu vítt svið hug-
vísindin spanna en meðal þess sem
fjallað verður um má nefna stöðu
þjóðkirkjunnar fyrr og nú, mál-
töku, talmein og tvítyngi, orða-
tiltæki í ýmsum málum, hjónaband
og orðræðu á 19.öld, færeyskar
þurlur, fótbolta í bandarískum bók-
menntum, Vesturíslensk fræði,
Hollywoodsöngleiki, líftækni og
bókmenntir, barna- og unglinga-
bækur samtímans, karlmennsku í
kreppu, og fleira og fleira.
Dagskráin er birt í heild á heima-
síðu Hugvísindastofnunar
www.hugvis.hi.is. Aðgangur er
ókeypis.
Hugvísindaþing í HÍ
DAGSKRÁ verður á Súfistanum
Laugavegi 18 í kvöld klukkan 20.
Höfundar Eddu útgáfu lesa úr
nýjum bókum. Reynir Traustason –
Skuggabörn, Guðrún Eva Mín-
ervudóttir – Yosoy – Af líkams-
listum og hugarvíli í hryllingsleik-
húsinu við Álafoss, Óttar M.
Norðfjörð – Barnagælur; Hreinn
Vilhjálmsson – Bæjarins verstu.
Bókakvöld á
Súfistanum
Demantsbrúðkaup | Í dag, 17. nóv-
ember, eiga 60 ára brúðkaupsafmæli
hjónin Guðrún Bjarnadóttir og Jó-
hann Sveinsson, Hjallabraut 33 í
Hafnarfirði. Þau eyða þessum merk-
isdegi í faðmi fjölskyldunnar.
Brúðkaup | Gefin voru saman 2. júlí
sl. í Hafnarfjarðarkirkju af sr. Gunn-
þóri Ingasyni þau Gunnur Sveins-
dóttir og Brynjar Eldon Geirsson.
Heimili þeirra er á Tjarnarbraut 11,
Hafnarfirði.
BÓKAÚTGÁFAN Hólar mun í dag
kl. 17.15 kynna sérstaklega sex af
útgáfubókum sínum þetta árið, sem
fjalla um eyfirsk málefni og/eða eru
eftir eyfirska höfunda á Amts-
bókasafninu. Björn Ingólfsson Bank-
inn í sveitinni – Sparisjóður Höfð-
hverfinga 1879–2004; Birgir
Snæbjörnsson Því ekki að brosa –
minningabrot; Valgarður Stef-
ánsson Myndlist á Akureyri – að
fornu og nýju; Bjarni E. Guðleifsson
Úr dýraríkinu. Þessir höfundar lesa
upp úr bókum sínum og fjalla um
þær. Einnig verða til umfjöllunar:
Gæfuleit, ævisaga Þorsteins M. Jóns-
sonar eftir Viðar Hreinsson og Um
verkmenntun við Eyjafjörð og Verk-
menntaskólann á Akureyri 1984–
2004, eftir Bernharð Haraldsson.Bókakynning á
Amtsbókasafninu