Morgunblaðið - 06.12.2005, Blaðsíða 4

4 ÞRIÐJUDAGUR 6. DESEMBER 2005 MORGUNBLAÐIÐ
FRÉTTIR
VIÐRÆÐUR milli Íslendinga og
Bandaríkjamanna um framtíð
varnarstöðvarinnar á Keflavíkur-
flugvelli munu hefjast á nýjan leik
á næstu mánuðum. Bandaríkin
munu eiga frumkvæði að því að
viðræður hefjist á ný, en þær hafa
legið niðri síðan í október. Þetta
var niðurstaðan af fundi Geirs H.
Haarde utanríkisráðherra og
Nicholas Burns, aðstoðarutanrík-
isráðherra, sem fer með pólitísk
málefni í bandaríska utanríkis-
ráðuneytinu í gær, en fundurinn
fór fram að ósk Bandaríkjanna í
Ljubljana í Slóveníu þar sem fram
fer ráðherrafundur ÖSE.
Geir sagði að á fundinum hefði
verið farið yfir næstu skref í varn-
arviðræðunum og niðurstaðan
hefði verið sú að koma þeim í far-
veg á nýjan leik og Bandaríkin
myndu stíga fyrsta skrefið í þeim
efnum. „Það er öllum ljóst að það
eru hagsmunir beggja landanna og
reyndar allra NATO-landa að
hraða viðræðunum og það er eng-
um í hag að gera það ekki,“ sagði
Geir aðspurður hvenær viðræður
gætu hafist að nýju.
Hann benti jafnframt á að svona
hlutir tækju sinn tíma í bandaríska
stjórnkerfinu og því erfitt að full-
yrða hvenær viðræður hæfust, en
ljóst að þar væri alla vega um
nokkrar vikur að ræða.
Geir sagði að það hefði verið
ríkjandi ákveðið tómarúm varð-
andi þessar viðræður eftir mála-
lyktirnar í október. Nú væri málið
komið í ákveðinn farveg og Banda-
ríkjamenn myndu eiga frumkvæði
að því að hefja viðæður að nýju.
„Ég tel að þessi fundur hafi verið
mjög jákvæður,“ sagði Geir.
Hann sagði að Burns hefði und-
irstrikað það mjög ákveðið að það
vekti ekkert annað fyrir Banda-
ríkjunum en að standa við varn-
arsamninginn frá 1951. Geir sagði
að hann hefði mikla sérstöðu hjá
Bandaríkjamönnum og þeir litu á
hann sem alþjóðlega skuldbindingu
sem þeim bæri að virða.
Afgerandi yfirlýsing
Geir sagði að í lok fundarins með
Burns hefði hann tekið upp meint
ólögmætt fangaflug Bandaríkjanna
um íslenskt yfirráðsvæði. Burns
hefði vísað til yfirlýsingar Condo-
leezzu Rice, sem þá var væntanleg,
vegna fyrirspurna ýmissa landa,
þar á meðal Íslands. Sú yfirlýsing
fyrir hönd Bandaríkjastjórnar væri
komin og „ég tel að hún sé mjög
afgerandi og svari þeim spurning-
um sem við höfum haft í þessum
efnum. Þar með tel ég að það sé
kominn ákveðinn botn í það mál,“
Viðræður um framtíð varnar-
samningsins hefjast að nýju
Fundur utanríkisráðherra með aðstoðarutanríkisráðherra Bandaríkjanna
Geir H. Haarde
Eftir Hjálmar Jónsson
hjalmar@mbl.is
Nicholas Burns
BRÁÐAMÓTTAKAN við Sjúkra-
húsið Vog verður opnuð í dag á
nýjan leik eftir að hún var lögð af í
byrjun ársins vegna fjárskorts.
Móttakan var rekin árin 2003 og
2004. Til að byrja með er lagt upp
með þriggja ára reynslutíma en
rekstur bráðamóttökunnar kostar
á milli 40 og 50 milljónir ár hvert.
Opnunin kemur í kjölfar baráttu-
og afmælisfundar Samtaka áhuga-
fólks um áfengis- og vímuefna-
vandann (SÁÁ) sem haldinn var í
byrjun októbermánaðar sl. þar sem
yfirskriftin var „Bráðamóttaka eða
biðlisti“ en á þeim stutta tíma sem
liðinn er frá fundinum hefur tekist
að tryggja næga fjármuni til að
opna á nýjan leik.
Það er ekki síst fyrir tilstilli
tveggja fyrrverandi formanna
SÁÁ, Björgólfs Guðmundssonar og
Hendriks Berndsen ásamt Jóhann-
esi Jónssyni, að opnunin verður að
veruleika en þeir buðu fram krafta
sína til að hrinda verkefninu af
stað og hafa unnið að því að fá fyr-
irtæki til að veita mánaðarleg fjár-
framlög.
„Við höfum lagt upp með þetta
þannig að fyrirtækin gangast við
því að borga ákveðna upphæð á
mánuði í tvö til þrjú ár, sem við
teljum vera upphafstímabilið til að
athuga hvernig til tekst,“ segir Jó-
hannes Jónson en styrktarsjóður
Baugs mun borga 300 þúsund
krónur á mánuði næstu þrjú ár.
SÁÁ hefur þegar lagt til 10 millj-
ónir í verkefnið en samtökin
treysta á styrktarframlög til að
verkefnið geti gengið. Söfnunin er
rétt að hefjast og þegar hafa sex til
sjö fyrirtæki gefið velyrði sitt fyrir
mánaðarlegum fjárframlögum.
Innlögnum fjölgar
um 250 á ári
Með opnun bráðamóttökunnar
munu sjúklingar geta komið á mót-
töku Vogs alla virka daga og ef
ástand þeirra þykir slæmt er
möguleiki á því að leggja þá inn
samstundis. Innlögnum mun fjölga
um 250 á ári miðað við það sem nú
er en bráðainnlögnum mun fjölga
hlutfallslega meira og verða á milli
fimm til sjö hundruð á ári.
Þórarinn Tyrfingsson, yfirlæknir
á Vogi, segir að þegar lagt var af
stað með bráðamóttökuna á sínum
tíma hafi ekki verið tryggur
rekstrargrundvöllur fyrir henni,
enda utan þjónustusamnings við
ríkið. Þegar svo óhjákvæmilegt var
að draga úr þjónustunni í byrjun
árs hafi mikilvægi hennar bersýni-
lega komið í ljós og jafnframt
hversu slæmt var að ganga til baka
þegar búið var að koma ákveðinni
þjónustu á.
Fleiri þurfa að koma að verki
Björgólfur Guðmundsson tók
undir orð yfirlæknisins. Hann
ítrekaði að fleiri þurfi að koma að
söfnuninni og segir þá þremenn-
inga munu verða á ferðinni á næst-
unni að kynna verkefnið.
„Við erum sem sé í þessu til að
koma til móts við ákveðna þörf.“
Morgunblaðið/RAX
Jóhannes Jónsson, Þórarinn Tyrfingsson, Björgólfur Guðmundsson og Hendrik Berndsen hafa unnið ötullega að
því að undanförnu að fá fyrirtæki til að styðja við opnun bráðamóttökunnar við Sjúkrahúsið Vog.
Komið til móts
við ákveðna þörf
Bráðamóttaka fyrir áfengis- og vímuefnasjúklinga verður
opnuð að nýju við Sjúkrahúsið Vog eftir árs hlé
Eftir Andra Karl
andri@mbl.is
FRAMKVÆMDASTJÓRN Evrópu-
sambandsins verðlaunaði síðdegis í
gær fimm verkefni sem þóttu bera af
öllum verkefnum sem hlutu styrk frá
Ungu fólki í Evrópu á árunum 2003
til 2005. Verðlaunin „European
Youth Awards“ voru afhent í Bruss-
el.
Fulltrúar framkvæmdastjórnar
ESB völdu 25 verkefni sem þóttu
bera af hvað varðar gæði, fram-
kvæmd og innihald og voru tvö ís-
lensk verkefni meðal þeirra: ,,Leifur í
loftið“ sem framkvæmt var af Ný-
ung, ungliðahreyfingu Sjálfsbjargar,
og kvikmyndin ,,Þröngsýn“ sem unn-
in var af hópnum Samferða. Athygli
vakti að Íslendingar hlutu tvær til-
nefningar, þar sem Ítalir voru eina
þjóðin sem einnig náði þeim árangri.
Hópurinn Samferða var með eitt af
þeim fimm verkefnum sem voru
verðlaunuð í gær. Verkefnið „Þröng-
sýn“ er teiknuð stuttmynd sem
fjallar um birtingu fordóma í daglegu
lífi. Um 1.350 einstaklingar tóku þátt
í að teikna rammana sem síðan voru
notaðir í myndina. Fimm ungmenni
standa að stuttmyndinni; Guð-
mundur Arnar Guðmundsson, Þór-
gnýr Thoroddsen, Þorsteinn Dav-
íðsson, Freymar Þorbergsson og
Una Lorenzen. Verkefnið hefur áður
hlotið verðlaun og í framhaldi af þess-
ari viðurkenningu var aðstandendum
myndarinnar boðið til Tékklands í
náms- og vinnudvöl í desember.
Ungt fólk í Evrópu er styrkjaáætl-
un Evrópusambandsins. Á tímabilinu
2003–2005 voru um 30.000 verkefni
styrkt af áætluninni og þar af voru
261 verkefni styrkt af íslensku lands-
skrifstofunni. Áætlunin veitir styrki
til verkefna sem unnin eru af ungu
fólki á aldrinum 15–25 ára og geta
þau verið allt frá sjálfboðaþjónustu
einstaklinga til fjölmenningarlegra
hópverkefna. Verkefnin varða marg-
vísleg viðfangsefni, t.d. umhverf-
isvernd, menningu, listir, fordóma og
forvarnir.
Unnu til verðlauna
á Evrópskri
ungmennaviku
Fulltrúar Þröngsýnar sem hlutu
Evrópuverðlaun Ungs fólks í Evr-
ópu, þeir Guðmundur Arnar Guð-
mundsson og Þórgnýr Thoroddsen.
TENGLAR
..............................................
www.ufe.is
TVÖ af aðildarfélögum Landssam-
bands kúabænda (LK), Mjólkurbú
Borgfirðinga og Félag kúabænda á
Suðurlandi, hafa sent Guðna Ágústs-
syni landbúnaðarráðherra bréf í
tengslum við uppgjörsmál mjólkur
vegna tilkomu Mjólku ehf.
Þar kemur fram að vegna kaupa
Mjólku á mjólk af handhafa greiðslu-
marks í mjólk sé Mjólka tvímæla-
laust afurðastöð í skilningi búvöru-
laga og falli þar með undir ákvæði
þeirra, en þetta kemur fram á vef-
síðu LK.
Telja félögin hins vegar að vafi
kunni að leika á því hvernig farið
verði með innlegg sem þetta við
magnuppgjör og fjárhagslegt upp-
gjör mjólkurinnleggs í lok verðlags-
árs. „Sérstaklega á þetta við ef hlut-
aðeigandi leggur inn mjólk umfram
greiðslumark sitt.“
Óska svara
ráðherra
vegna
Mjólku
HÉRAÐSDÓMUR Suðurlands
hefur dæmt karlmann á fimm-
tugsaldri í 30 daga skilorðsbundið
fangelsi fyrir líkamsárás og til að
greiða 25 ára gömlum manni sem
hann réðst á tæplega 750.000
krónur í bætur.
Mennirnir voru í heimahúsi
þegar þeim varð sundurorða.
Þeim ber alls ekki saman um það
sem gerðist, sá sem varð fyrir
árásinni sagði að hinn hefði fyr-
irvaralaust staðið upp frá borði og
slegið hann í andlitið. Hinn ákærði
sagði hjá lögreglu að hann hefði
slegið frá sér í sjálfsvörn en
breytti síðan framburði sínum
fyrir dómi og sagðist ekki hafa
slegið hnefahögg heldur hafi þeir
kútvelst á gólfinu í átökum.
Við höggið sem maðurinn hlaut
kjálkabrotnaði hann vinstra meg-
in og var óvinnufær í 3–4 vikur.
Í niðurstöðu dómsins segir að
enginn annar en hinn ákærði hefði
getað veitt manninum þessa
áverka og hann hafi ekki gefið trú-
verðugar skýringar á breyttum
framburði sínum fyrir dómi. Var
hann því dæmdur til að greiða
honum bætur, þar af voru rúm-
lega 460.000 krónur vegna vinnu-
taps. Einnig var hann dæmdur til
að greiða málskostnað og mál-
svarnarlaun.
Hjörtur O. Aðalsteinsson kvað
upp dóminn. Karl Gauti Hjalta-
son, sýslumaður í Vestmannaeyj-
um, sótti málið og Jón G. Valgeirs-
son hdl. var til varnar.
750.000 krónur í bæt-
ur fyrir höfuðhögg