Morgunblaðið - 06.12.2005, Blaðsíða 11

MORGUNBLAÐIÐ ÞRIÐJUDAGUR 6. DESEMBER 2005 11
FRÉTTIR
UPPLÝSINGAR OG SKRÁNING Í SÍMA 544 4500 OG Á NTV.IS
Grétar Gíslason
- Kerfisfræðingur NTV
„Ég hlakka til að takast á við
skemmtileg og krefjandi störf á
þessu sviði. Ég gef NTV skólanum
og kennurum hans toppeinkunn!“
Að námskeiði loknu á nemandi að geta séð um rekstur
minni eða meðalstórra tölvuneta. Námið undirbýr
nemendur fyrir próf sem gefur gráðuna:
- MCP / Microsoft Certified Professional -
Meðal efnis námskeiðsins er:
Uppsetningar og uppfærslur í Windows XP, Sjálfvirkar uppsetningar
Meðferð vélbúnaðar og rekla, Umsjón með notendum og notendahópum
Umsjón með skráarkerfinu og kvótaúthlutun, Aðgangsstýringar í skráar-
kerfinu og samnýting gagna , Uppsetning prentara og samnýting þeirra
Afritatökur og endurheimt gagna, Stillingar XP við notkun í netkerfum
Skipulaggning TCP/IP netkerfa og villuleit, DHCP og DNS í Win 2003
Active Directory í Win 2003
Nokkur sæti laus á kvöldnámskeið sem byrjar 9. janúar
Mán. og mið. 18-22 og lau. 8:30-12:30
Byrjar 9. jan. og lýkur 18. feb.
www.feminin.is
Bæjarlind 12, Kópavogi • sími 544 2222
Opið virka daga kl. 11-18, lau. kl. 10-16.
FLAUELS JAKKAR OG
FRAKKAR FRÁ SIMPLY

I
Str. 38 - 56
ÁRNI Magnússon félagsmálaráð-
herra segist telja að Íbúðalánasjóður
muni áfram gegna hlutverki á hús-
næðislánamarkaði, en það hlutverk
geti hugsanlega breyst. Nú sé verið
að skoða hlutverk hans í þessum efn-
um og hann vonist til að niðurstaða í
þeim efnum komi fyrir áramót. Það
sem skipti mestu máli í þessu sam-
bandi sé að fólkið í landinu, hvar sem
það búi, njóti á hverjum tíma hag-
kvæmustu kjara á húsnæðislánum.
Árni sagði aðspurður um ummæli
Seðlabankastjóra í gær út af fyrir sig
geta tekið undir það sem Davíð segi
um það að ríkisstjórnin geti verið
stolt af jákvæðum umskiptum á um-
gjörð húsnæðislánakerfisins.
„Í ljósi reynslunnar má svo sem
velta fyrir sér tímasetningum en þá
verða menn að rifja það upp sem
seðlabankastjóri gerði að á sama
tíma og stjórnvöld höfðu sett niður
fyrir sér áætlun um það að þessar
breytingar tækju gildi á löngum
tíma gengu bankarnir fram fyrir
skjöldu og hækkuðu lánshlutfallið í
100% og höfðu engar takmarkanir á
hámarksláni og ég tel auðvitað að
það hafi haft kannski mest áhrif á
verðmyndina á markaðnum,“ sagði
Árni.
Ekkert útilokað
Hann sagði að nú væri verið að
skoða hlutverk Íbúðalánasjóðs á
þessum markaði og hvort skynsam-
legt væri að ganga til breytinga.
„Niðurstaða í því vona ég að liggi
fyrir áður en árið er liðið. Ég vil ekk-
ert útiloka í þeim efnum. Menn hafa
talað um að fara að draga úr hlut-
verki sjóðsins á smásölumarkaði og
að hann einbeiti sér frekar að heild-
sölumarkaði. Það getur út af fyrir sig
verið ein þeirra leiða sem kemur til
greina.
Það sem ég þreytist ekki á að und-
irstrika og skiptir að mínu viti öllu
máli í þessu er að halda í það mark-
mið, sem um hefur verið pólitísk
samstaða, að fólkið í landinu, hvar
sem það býr, njóti hagkvæmustu
kjara á húsnæðislánum. Til þess höf-
um við notað mismunandi verkfæri í
gegnum tíðina. Verkfærið núna er
Íbúðalánasjóður. Ég held að hann
muni áfram gegna hlutverki á mark-
aðnum, hugsanlegu breyttu hlut-
verki,“ sagði Árni enn fremur.
Árni Magnússon félagsmálaráðherra
Fólk alls staðar á landinu
njóti hagkvæmustu kjara
Eftir Hjálmar Jónsson
hjalmar@mbl.is
MIKILVÆGASTA breytingin í
kjölfar hækkunar stýrivaxtanna í
september var að ávöxtun verð-
tryggðra skuldabréfa tók loks að
hækka en mjög mikilvægt var að
áhrifa peningastefnunnar færi að
gæta þar sem þenslumörkin voru
hvað skýrust, þ.e. á afar hraðan
vöxt einkaneyslunnar. En þrátt fyr-
ir marga jákvæða þætti, s.s. eins og
að óvissu um kjarasamninga hafi
verið eytt, að dregið hafi úr hækk-
un á verði fasteigna, gefa þeir einir
og sér ekki tilefni til breytinga á
þeirri stefnu sem Seðlabankinn hef-
ur fylgt enda enn veruleg spenna í
efnahagslífinu.
Þetta kom fram í erindi Davíðs
Oddssonar seðlabankastjóra á afar
fjölsóttum morgunverðarfundi við-
skiptaráðs í gær. Þar vék Davíð
einnig að íbúðalánamarkaðinum og
sagði blasa við að samkeppnisstaða
á húsnæðismarkaði gengi ekki upp
þegar einn aðili nyti lánstrausts
ríkissjóðs, greiddi ekki ábyrgðar-
gjald og væri undanþeginn ýmsum
gjöldum sem keppinautarnir þyrftu
að bera.
Mismunandi afstaða bankanna
Ingólfur Bender, forstöðumaður
Greiningar Íslandsbanka, sagði 25
punkta vaxtahækkun Seðlabankans
hafa komið á óvart. Hann hefði talið
að bankinn þyrfti að hækka vextina
um 50–75 punkta nú miðað við fyrri
yfirlýsingar bankans en vildi þó
ekki beinlínis tala um stefnubreyt-
ingu og sagði það vera jákvætt að
vaxtaákvörðunardögum hefði verið
fjölgað.
Edda Rós Karlsdóttir, forstöðu-
maður greiningardeildar Lands-
bankans, og Þórður Pálsson, for-
stöðumaður greiningardeildar
Kaupþings banka, töldu vaxta-
hækkun Seðlabankans nú að mörgu
leyti eðlilega og skynsamlega í bar-
áttunni gegn verðbólgunni. Trú-
verðugleiki bankans hefði ekki
rýrnað og þau minntu einnig á að
hann ætti þess nú kost að hækka
stýrivextina strax aftur í janúar.
Katrín Pálsdóttir, framkvæmda-
stjóri Lýsis, telur að Seðlabankinn
hefði átt að lækka vexti um 25
punkta í stað þess að hækka þá. Að
hennar mati er staða útflutnings-
greina orðin það erfið að ekki verð-
ur við það unað.
Davíð Oddsson varaði við hug-
myndum um að hægt væri að kom-
ast hjá erfiðleikum sem óhjákvæmi-
lega fylgdu aðhaldssamri peninga-
stefnu með því að víkja tímabundið
frá verðbólgumarkmiði hans, slík
stefnubreyting myndi umsvifalaust
skila sér í hærri verðbólguvænting-
um, ýta undir meiri launahækkanir
og leiða til gengislækkunar- og auk-
innar verðbólgu og þegar upp yrði
staðið þyrfti að koma til enn meiri
hækkun stýrivaxta.
Þá mætti heldur ekki gleyma að
mikill hluti skulda einstaklinga og
fyrirtækja væri annaðhvort verð-
eða gengistryggður þannig að
skammtímaávinningur heimila og
fyrirtækja kynni að verða lítill og
hugsanlega minni en enginn
Ríkið axli einnig ábyrgð
Davíð benti á að mikill vöxtur eft-
irspurnar og hagnaðar fyrirtækja
hefði skilað ríkissjóði langt umfram
áætlanir og að svipuð staða gæti
orðið upp á næsta ári. „Brýnt er að
stjórnvöld, bæði ríkis og sveitarfé-
laga, bregðist ekki við slíkum tekju-
auka með eftirgjöf á gjaldahlið
heldur með áformum um aukinn
tekjuafgang eins og að virðist
stefnt við afgreiðslu fjárlaga.“
Davíð minnti á að staðan nú væri
í raun einstök, nú stæði yfir mesta
framkvæmdaskeið í sögu þjóðar-
innar. Í annan stað væru menn að
upplifa mestu útrás íslenska banka-
kerfisins með langmestu skulda-
söfnun þess erlendis og innstreymi
fjár. Í þriðja lagi hefði á sama tíma
verið stofnað til umbyltingar á láns-
fjármagnsmarkaði þar sem öllum
sem gætu hreyft sig væri boðið upp
í dans og í fjórða lagi væru skattar
lækkaðir eða slík lækkun boðuð.
Samkeppni sem
ekki gengur upp
Davíð vék sérstaklega að hús-
næðismarkaðinum og sagði að það
væri örugglega auðvelt að færa
sæmileg rök fyrir því að ríkis-
stjórnin hefði mátt hugsa gang sinn
betur þegar róttækar breytingar
voru gerðar á húsnæðisstefnu
stjórnvalda í byrjun uppsveiflunnar
2003 og skynsamlegra hefði verið
að geyma þær til loka hagsveiflunn-
ar. En þrátt fyrir umdeilanlega
tímasetningu hefði engu að síður
verið stofnað til mjög jákvæðra um-
skipta á umgjörð húsnæðiskerfisins
sem ríkisstjórnin gæti verið stolt
af.
„Viðbrögð bankakerfisins komu
hins vegar stjórnvöldum vissulega í
opna skjöldu. Það er, úr því sem
komið er, orðið aukaatriði. Eftir
þau viðbrögð er húsnæðiskerfið í
gömlu myndinni nánast orðið úrelt
á augabragði, hvort sem mönnum
líkar betur eða verr,“ sagði Davíð.
Davíð sagði því ekki að leyna að
sennilega væri stór hluti banka-
kerfisins að greiða niður húsnæð-
islán sín um þessar mundir. „Auð-
vitað kann að vera að það sé
meðvituð áhætta tekin í trausti
þess, þar sem um langtímalán er að
ræða, að þegar vextir verða líkir því
sem annars staðar gerist, þá hagn-
ast lánveitandinn að lokum vel.
Ef við setjum slíka spákaup-
mennsku til hliðar blasir við að
samkeppnisstaða á húsnæðismark-
aði gengur ekki upp, þegar einn að-
ili nýtur lánstrausts ríkissjóðs,
greiðir ekki ábyrgðargjald og er
undanþeginn ýmsum gjöldum sem
samkeppnisaðilar hans bera.
Það er laukrétt að þetta vissu
lánastofnanir fyrir þegar þær opn-
uðu upp á gátt. En það er, sem fyrr
sagði, orðið aukaatriði nú og verk-
efnið hlýtur að vera að koma þess-
ari skipan í eðlilegt horf sem allra
fyrst,“ sagði Davíð Oddsson seðla-
bankastjóri.
Enn mikil spenna í efnahags-
lífinu að mati Seðlabankans
Samkeppnisstaða á húsnæðismarkaði gengur ekki upp, segir Davíð Oddsson
Eftir Arnór Gísla Ólafsson
arnorg@mbl.is
Morgunblaðið/Árni Sæberg
Davíð Oddsson seðlabankastjóri varaði við hugmyndum um að hægt væri að komast hjá erfiðleikum sem óhjá-
kvæmilega fylgdu aðhaldssamri peningastefnu með því að víkja tímabundið frá verðbólgumarkmiði bankans.
Í DAG, þriðjudag, verða þingfestar
í Héraðsdómi Austurlands fjórtán
stefnur á hendur starfsmannaleig-
unni 2B.
Gerðar verða kröfur um að
stefndu greiði vangoldin laun fjór-
tán pólskra starfsmanna Suð-
urverks, en þeir unnu við stíflugerð
í Kárahnjúkavirkjun á vegum fyr-
irtækisins.
Launin nema á milli fimm og sex
milljónum króna og verður einnig
krafist endurgreiðslu kostnaðar
sem 2B dró af pólsku starfsmönn-
unum, svo sem andvirðis flug-
farseðla til Póllands.
Auk þessa eru launatengd gjöld
inni í kröfuupphæðunum en ósann-
að þykir að þeim hafi verið haldið
eftir þar sem launaseðla vantar, að
mati verkalýðsfélagnna, sem
standa að málshöfðuninni.
Fjórtán stefnur
á 2B þingfestar