Morgunblaðið - 06.12.2005, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 6. DESEMBER 2005 VERÐ Í LAUSASÖLU 220 KR. MEÐ VSK.
KARLMAÐUR á sextugsaldri fórst í eldsvoða á
Ísafirði í gær þegar eldur kom upp í tvíbýlishúsi
við Aðalstræti 25. Eldsupptök eru í rannsókn
hjá lögreglunni á Ísafirði. Þegar eldsvoðinn var
tilkynntur kl. 15:49 og slökkviliðið á Ísafirði
mætti á vettvang með allt sitt lið var töluverður
eldur í húsinu. Þrátt fyrir það tókst slökkviliðs-
mönnum fljótlega að ná tökum á eldinum.
Að sögn Þorbjörns Sveinssonar slökkviliðs-
stjóra voru 20 slökkviliðsmenn sendir á staðinn.
Þegar að var komið logaði mikill eldur á neðri
hæð hússins í herbergi fjær götunni. Reykkaf-
arar voru sendir inn í íbúðina og fundu þar íbú-
ann látinn í herberginu.
Eldur hafði þá brotið sér leið milli þilja og
farið upp á efri hæð hússins með þeim afleið-
ingum að rjúfa varð þiljur til að ná tökum á hon-
um. Slökkvistarfið stóð yfir í tvær klukkustund-
ir og var vakt höfð við húsið fram eftir kvöldi í
gær.
Morgunblaðið/Halldór Sveinbjörns
Slökkviliðinu tókst fljótlega að ná tökum á eld-
inum og slökkti hann á tveimur tímum.
Karlmaður
fórst í eldsvoða
á Ísafirði
LÖGREGLUNNI á Akureyri
barst í gær niðurstaða úr þvag-
prufu 12 ára drengs frá föður
hans þar sem í ljós kom að
drengurinn hafði neytt kannab-
isefna og bensodiazepin, sem er
svefn- og taugalyf. Daníel
Snorrason lögreglufulltrúi segir
föðurinn hafa grunað son sinn
um eitthvað misjafnt, taldi hann
vera í slæmum félagsskap og
fékk hann því til að taka þvag-
prufu. Því miður staðfesti nið-
urstaða þvagprufunnar áhyggjur
föðurins. Máli drengsins verður
komið áfram til barnavernd-
arnefndar og skólayfirvalda.
Daníel segir þetta tvímæla-
laust vera þann yngsta sem hann
hafi heyrt um að væri í fíkniefn-
um en svo virðist sem aldur neyt-
enda sé að lækka. „Forvarn-
arfulltrúinn okkar, sem er í
nánum tengslum við skóla og
foreldra, hefur verið að heyra
orðróm þess efnis að fíkniefna-
neyslan sé að færast niður í
þennan aldurshóp, fjórtán og
jafnvel þrettán ára,“ segir Daníel
en lögreglan á Akureyri lagði
hald á 1,5 kíló af fíkniefnum um
liðna helgi í tveimur aðskildum
málum.
„Fyrir utan það fékk ég upp-
lýsingar um að það væru sölu-
menn að bjóða þetta ungum
börnum efni og jafnvel að bjóða
það frítt til að byrja með,“ segir
Daníel og lýsir yfir þungum
áhyggjum sínum af þessari þró-
un. Hann segir þessar fréttir gefa
tilefni til þess að höndum verði
tekið saman og barist gegn þess-
ari þróun. „Þetta er nokkuð sem
ekki er hægt að sætta sig við.
Foreldrar sérstaklega verða að
vera á varðbergi og fylgjast með
börnum sínum. Ef grunur vaknar
er hægt að leita til lögreglunnar,
skólayfirvalda eða barnavernd-
arnefndar,“ segir Daníel og bætir
við að einnig sé hægt að kaupa
þvagprufur í lyfjaverslunum.
Færði lögreglunni á Akureyri niðurstöðu úr þvagprufu 12 ára sonar síns
Hafði neytt kannabisefna
og svefn- og taugalyfja
Eftir Andra Karl
andri@mbl.is
RÍKISÚTVARPIÐ verður hluta-
félagavætt, samkvæmt nýju frum-
varpi menntamálaráðherra sem
þingflokkar stjórnarflokkanna
samþykktu fyrir sitt leyti í gær.
Gert er ráð fyrir að ríkið eigi allt
hlutafé í Ríkisútvarpinu hf. og að
sala félagsins eða eignarhluta
þess, svo og slit félagsins, verði
óheimil. Menntamálaráðherra á að
fara með eignarhlut ríkisins í fé-
laginu.
Þorgerður K. Gunnarsdóttir
menntamálaráðherra segir að til-
ekki til sölu. Einn þingmaður
flokksins, Kristinn H. Gunnarsson,
gerði fyrirvara við samþykkt þess.
Hann vill vera viss um að Ríkisút-
varpið verði ekki einkavætt.
Páll Magnússon útvarpsstjóri
segist treysta því að Alþingi og rík-
isstjórn gefi nýju hlutafélagi annan
heimanmund en neikvæða eigin-
fjárstöðu frá fyrsta degi. Hann
segir að heildarskuldir stofnunar-
innar séu um 5 milljarðar króna og
að nærri helmingur sé lífeyris-
skuldbindingar. Að öðru leyti fagni
hann frumvarpinu.
staðinn komi stjórn Ríkisútvarps-
ins hf., sem kjörin verður hlut-
bundinni kosningu á Alþingi.
Stjórnin á m.a. að ráða útvarps-
stjóra, en aðrar mannaráðningar
verða í höndum útvarpsstjóra.
Hann verður æðsti stjórnandi Rík-
isútvarpsins hf.
Nokkuð góður einhugur
Hjálmar Árnason, formaður
þingflokks framsóknarmanna,
segir að nokkuð góður einhugur
ríki innan þingflokksins um frum-
varpið. Hann segir skipta miklu
máli að í frumvarpinu sé kveðið
skýrt á um það að Ríkisútvarpið sé
gangurinn með hlutafélagavæð-
ingunni sé sá að auka rekstrarhag-
ræði, skilvirkni og snerpu
Ríkisútvarpsins. Hún segir sömu-
leiðis aðspurð að það sé algjörlega
skýrt af hálfu beggja stjórnar-
flokkanna að ekki eigi að selja Rík-
isútvarpið.
Í frumvarpinu er, eins og í fyrra
frumvarpi um Ríkisútvarpið, gert
ráð fyrir því að reksturinn verði
m.a. fjármagnaður með nefskatti í
stað afnotagjalda. Gert er ráð fyrir
því að sá skattur verði innheimtur
frá og með 1. janúar 2008. Þá er í
frumvarpinu gert ráð fyrir því að
útvarpsráð verði lagt niður og að í
Sala á RÚV óheimil sam-
kvæmt nýju frumvarpi
Eftir Örnu Schram
og Örlyg Stein Sigurjónsson
 Ríkisútvarpið | 10
Mývatnssveit | Jólasveinarnir eru komnir á
kreik í Dimmuborgum og reyndar voru þeir
á ferð um alla sveit um helgina, meðal ann-
ars þeir öldnu fjallabræður Kertasníkir og
Stúfur, synir þeirra skötuhjóna Grýlu og
Leppalúða.
Jólasveinar fjölmennir
Morgunblaðið/Birkir Fanndal
KRISTJÁN Loftsson, stjórnarformaður Fisk-
veiðihlutafélagsins Venusar, er ósáttur við þá
niðurstöðu yfirtökunefndar Kauphallar Íslands,
að félaginu sé skylt að gera yfirtökutilboð til
annarra hluthafa í Hampiðjunni. Telur hann
nefndina vera „andvana fædda“.
Niðurstaða yfirtökunefndar er til komin
vegna aukningar Venusar á hlutafjáreign sinni í
Hampiðjunni úr 9,9% í 12,55%, sem tilkynnt var
18. nóvember síðastliðinn. Telur nefndin að við
þá aukningu hafi hlutur Venusar og tengdra að-
ila í Hampiðjunni farið yfir 45% af heildar-
hlutafé félagsins, eða í 45,65%.
Kristján segir að Venus hefði aldrei keypt
eins stóran hlut í Hampiðjunni og raun varð á ef
legið hefði fyrir með hvaða hætti yfirtökunefnd
tekur tillit til lítilla eignarhluta tveggja systra
Árna Vilhjálmssonar, stjórnarmanns í Hampiðj-
unni, og fleiri félaga. | 14
Telur yfirtöku-
nefndina „and-
vana fædda“
NÝJASTA skáldsaga Árna Þórarinssonar, Tími
nornarinnar, kemur út í Danmörku, Svíþjóð,
Noregi og Finnlandi næsta haust en útgefandi
hennar hérlendis, JPV út-
gáfa, gekk um helgina frá
samningum við forlög í þess-
um löndum. Þetta er önnur
bók Árna sem seld er utan en
Nóttin hefur þúsund augu
var seld til Danmerkur og
Þýskalands á sínum tíma.
Að sögn Jóhanns Páls
Valdimarssonar hjá JPV út-
gáfu hafa útgefendur víða
um heim verið með bókina til skoðunar síðustu
vikur. Fleiri samningar við útgefendur eru á
viðræðustigi og frétta að vænta af þeim á næst-
unni, segir Jóhann Páll. | 29
Tími nornar-
innar til Norð-
urlandanna
Árni Þórarinsson
EIGNARHLUTUR Straums-Burðaráss Fjár-
festingabanka hf. í finnska flugfélaginu Finna-
ir er orðinn 10,7% eftir kaup á 1% hlut í félag-
inu í gær. Heildarfjárfestingar félagsins í
Finnair nema um átta milljörðum króna.
Samkvæmt upplýsingum sem Finnair sendi
frá sér í gær hefur Straumur-Burðarás aukið
hlut sinn úr 8,7% frá því í október í 10,7% með
kaupunum nú. Finnska ríkið á 57% hlut í félag-
inu sem flýgur til 40 áfangastaða um heim all-
an auk annarra leiða innanlands. Spurður um
viðskiptin sagði Þórður Már Jóhannesson, for-
stjóri Straums-Burðaráss, að Finnair væri álit-
legur fjárfestingakostur. „Það hefur gengið
mjög vel hjá þeim að undanförnu og við lítum á
þetta sem góða fjárfestingu fyrir bankann,“
sagði hann. „Félagið hefur skilað okkur góðum
arði hingað til og við erum bjartsýnir vegna
fjárfestingar í félaginu.“
Straumur-
Burðarás með
10,7% í Finnair
♦♦♦
MAÐURINN sem úrskurðaður hafði verið í
gæsluvarðhald vegna líkamsárásar á Lauga-
vegi aðfaranótt laugardags játaði í gær þær
sakir sem á hann eru bornar. Hörður Jóhann-
esson, yfirlögregluþjónn, segir að málið liggi
ljóst fyrir og því hafi ekki verið þörf á að halda
manninum lengur, en maðurinn hafði verið úr-
skurðaður í gæsluvarðhald til 7. desember.
Maðurinn sem varð fyrir árásinni lá meðvit-
undarlaus í öndunarvél á gjörgæsludeild Land-
spítalans í Fossvogi þangað til í gær. Er hann á
hægum batavegi að sögn vakthafandi læknis
og laus úr öndunarvél.
Játaði líkamsárás