Morgunblaðið - 06.12.2005, Blaðsíða 37

MORGUNBLAÐIÐ ÞRIÐJUDAGUR 6. DESEMBER 2005 37
FRÉTTIR
UM langt árabil hefur Íþrótta- og
tómstundaráð Reykjavíkur og Tafl-
félag Reykjavíkur haldið jólaskák-
mót fyrir grunnskóla borgarinnar.
Hver skóli hefur haft færi á að
senda lið í eldri flokki (8.–10. bekk)
og lið í yngri flokki (1.–7. bekk). Í ár
fór keppnin í eldri flokki fram á full-
veldisdaginn, 1. desember sl. og
tóku sjö sveitir þátt. Rimman um
efsta sætið stóð á milli Norður-
landameistara Laugalækjarskóla
og Rimaskóla. Í innbyrðis viðureign
sveitanna fór jafntefli, tveir vinning-
ar gegn tveimur. Laugarlækjarskóli
missti niður hálfan vinning í viður-
eign sinni gegn Réttarholtsskóla og
það var nóg til þess að Rimaskóli
bar sigur úr býtum í keppninni þar
sem liðið vann allar sínar skákir
nema gegn Laugarlækjaskóla.
Lokastaðan varð því þessi:
1. Rimaskóli 22 vinninga af 24 mögulegum.
2. Laugarlækjarskóli 21½ v.
3. Réttarholtsskóli a-sveit 16½ v.
4. Réttarholtsskóli b-sveit 8½ v.
5. Húsaskóli 7 v.
6. Austurbæjarskóli a-sveit 6 v.
7. Austurbæjarskóli stúlknasveit 2½ v.
Ingvar Ásbjörnsson, Sverrir Ás-
björnsson, Júlía Rós Hafþórsdóttir
og Júlía Guðmundsdóttir skipuðu
sveit Rimaskóla en lið Laugarlækj-
arskóla var skipað þeim Daða Óm-
arssyni, Vilhjálmi Pálmasyni, Matt-
híasi Péturssyni og Einari
Sigurðssyni. Athygli vakti að Aust-
urbæjarskóli hafði á að skipa tveim
sveitum og þar af einni stúlknasveit
en enginn annar skóli hafði sveit
sem eingöngu var skipuð stúlkum.
Jólamótið í yngri flokki fór fram
sunnudaginn 4. desember sl. og var
líkt og eldri flokkurinn haldinn í
húsakynnum Taflfélags Reykjavík-
ur í Faxafeni 12. Alls mættu 14
sveitir til leiks og þar af var meira
en helmingur sveitanna frá tveimur
skólum, þ.e. fjögur lið voru frá
Rimaskóla og fjögur lið voru frá
Engjaskóla. Yfirburðir a-sveitar
Rimaskóla voru miklir en liðið fékk
fullt hús vinninga annað árið í röð
eða 24 vinninga af 24 mögulegum.
Stúlknasveit skólans hafði einnig
mikla yfirburði yfir stallsystur sínar
en sú sveit, b-sveit Rimaskóla, lenti í
öðru sæti í heildarkeppninni. Loka-
staða mótsins varð þessi:
1. Rimaskóli a-sveit 24 vinninga af 24 mögu-
legum.
2. Rimaskóli b-sveit 17 v.
3. Laugarnesskóli 16½ v.
4. Rimaskóli c-sveit 13½ v.
5.–6. Melaskóli og Laugalækjarskóli 12 v.
7. Engjaskóli a-sveit 11½ v.
8. Rimaskóli d-sveit 11 v.
9.–11. Húsaskóli a-sveit, Engjaskóli b-sveit,
Húsaskóli b-sveit 10½ v.
12. Engjaskóli 9½ v.
13. Borgaskóli 7½ v.
14. Engjaskóli d-sveit 2 v.
Það hefur ekki gerst áður í sögu
keppninnar að sami skólinn vinni
hana tvö ár í röð með fullu húsi vinn-
inga. Eins og svo oft áður sá Ólafur
H. Ólafsson um skákstjórn mótsins
og að þessu sinni var Torfi Leósson
honum til halds og trausts en Soffía
Pálsdóttir frá ÍTR var mótsstjóri.
Nánari upplýsingar um keppnina er
að finna á vefsíðunni www.skak.is.
Heimsbikarmót FIDE
Þessa dagana fer fram í Khanty
Mansyisk í Rússlandi Heimsbikar-
mót FIDE. Mót þetta er í öllum
meginatriðum álíkt heimsmeistara-
keppni FIDE sem haldin hefur ver-
ið með útsláttarfyrirkomulagi.
Verðlaunasjóður mótsins er 1,5
milljónir dollara og margir af öflug-
ustu skákmönnum heims taka þátt.
Stigahæsti keppandinn, Vassily Iv-
ansjúk (2748), féll úr leik í annarri
umferð gegn búlgarska stórmeist-
aranum Ivan Cheparinov (2619).
Cheparinov þessi er 19 ára og hefur
á undanförnum misserum verið að-
stoðarmaður heimsmeistarans Ve-
selins Topalovs. Í þriðju umferð
tefldi Cheparinov við undrabarnið
norska Magnus Carlsen en sá
norski hefur vakið mikla athygli fyr-
ir vasklega framgöngu sína þar eð í
fyrstu umferð lagði hann Zurab
Azmaiparashvili (2658) að velli og í
þeirri næstu Farrukh Ammonatov
(2572). Þegar þessar línur eru rit-
aðar er einvígi Cheparinov og Carl-
sen ekki lokið en spennandi verður
að fylgjast með hvort eini fulltrúi
Norðurlandaþjóðanna nái enn
lengra í mótinu. Hægt er að fylgjast
með skákum mótsins í beinni út-
sendingu á skákþjóninum ICC sem
og á heimasíðu mótshaldara á vef-
slóðinni: http://www.worldchess-
cup2005.com/.
Lið Rimaskóla voru fengsæl
SKÁK
ÍTR og TR
JÓLASKÁKMÓT GRUNNSKÓLA
1. og 5. desember 2005
Stúlknasveit Rimaskóla í yngri flokki, talið frá hægri, Ingibjörg Ás-
björnsdóttir, Ingvar Ásbjörnsson liðsstjóri, Hrund Hauksdóttir, Brynja
Vignisdóttir, Eva Rós Birgisdóttir og Elísabet Ragnarsdóttir.
A-sveit Rimaskóla í yngri flokki, talið frá hægri, Hjörvar Steinn Grét-
arsson, Hörður Aron Hauksson, Gunnlaugur Skarphéðinsson, Haukur
Óskarsson og Helgi Árnason liðsstjóri.
HELGI ÁSS GRÉTARSSON
daggi@internet.is
SL. SUNNUDAG var haldið vel
heppnað minningarmót um Gísla
Torfason í félagsheimilinu á Mána-
grund í Keflavík. Rósa Sigurðar-
dóttir ekkja Gísla hélt stutta tölu í
upphafi, bauð spilara velkomna og
setti síðan mótið.
Ómar Olgeirsson og Páll Þórs-
son sigruðu nokkuð sannfærandi
eftir brösótta byrjun en þeir fengu
13 mínusstig í fyrstu umferðinni.
Eftir það lá leiðin upp á við hjá
þeim félögum og tóku þeir foryst-
una í 9. umferð sem þeir héldu til
loka en alls voru spilaðar 11 um-
ferðir.
Lokastaða efstu para varð ann-
ars þessi:
Ómar Olgeirsson – Páll Þórsson 191
Ragnar Magnúss. – Páll Valdimarss. 167
Hermann Láruss. – Þröstur Ingimars. 163
Hermann Friðriks. – Guðjón Sigurjóns.
124
Karl G. Karlss. – Gunnlaugur Sævarss.120
Sveinn R. Eiríkss. – Júlíus Sigurjónss. 107
Garðar Garðarss. – Kristján Kristjánss. 98
Mótið þótti takast mjög vel í alla
staði. Veitt voru peningaverðlaun
fyrir 5 efstu sætin og auk þess var
dreginn út fjöldi vinninga þar sem
allir spilarar, starfsmenn og einn
gesta voru í pottinum. Svo
skemmtilega vildi til að gesturinn
og keppnisstjórinn voru meðal sig-
urvegaranna.
Björgvin Már Kristinsson sá um
keppnisstjórn og útreikning auk
þess að hlaupa í skarðið fyrir yf-
irlögregluþjóninn þegar kanadísk
flugvél kom inn til lendingar á ein-
um hreyfli með hátt á þriðja
hundrað farþega. Þá má og geta
þess að keppnisstjórinn lagði lín-
urnar í upphafi móts þegar hann
sagði einu reglu mótsins þá að spil-
arar hefðu gaman af keppninni.
Gekk það eftir.
Suðurnesjamenn stýrðu mótinu
af krafti og var auðséð bæði á
stjórnendum og keppendum að all-
ir vildu hafa minningu Gísla Torfa-
sonar í hávegum.
Morgunblaðið/Arnór Ragnarsson
Fimm efstu pörin á minningarmótinu um Gísla Torfason sem fram fór á Suðurnesjum um helgina. Frá vinstri:
Hermann Lárusson, Ragnar Magnússon, Þröstur Ingimarsson, Páll Valdimarsson, Páll Þórsson, Hermann Frið-
riksson, Ómar Olgeirsson, Guðjón Sigurjónsson, Karl G. Karlsson og Gunnlaugur Sævarsson.
Minningarmót á Suðurnesjum
BRIDS
Umsjón Arnór G.
Ragnarsson
EINS og undanfarin ár munu
starfsmenn kirkjugarðanna að-
stoða fólk sem kemur til að huga að
leiðum ástvina sinna.
Á Þorláksmessu og aðfangadag
munu starfsmenn vera til staðar í
Fossvogsgarði, Gufunesgarði og
Hólavallagarði (gamla kirkjugarð-
inum við Suðurgötu) og munu þeir í
samráði við aðalskrifstofu í Foss-
vogi og skrifstofu í Gufunesi leið-
beina fólki eftir bestu getu.
Aðalskrifstofan í Fossvogi og
skrifstofan í Gufunesi eru opnar
báða dagana, Þorláksmessu og að-
fangadag, kl. 9–15. Þeir sem ætla
að koma í kirkjugarðana um jólin
og eru ekki vissir um að rata er
bent á að leita sér upplýsinga í að-
alskrifstofu Kirkjugarðanna í Foss-
vogi í síma 585 2700 eða skrifstofu
Kirkjugarðanna í Gufunesi í síma
585 2770.
Hægt er að nálgast upplýsingar
um staðsetningu leiða á vefnum
gardur.is
Einnig getur fólk komið á skrif-
stofuna alla virka daga kl. 8.30–16
og fengið upplýsingar og ratkort.
Lögð er áhersla á að fólk nýti sér
þessa þjónustu með góðum fyr-
irvara, því það auðveldar mjög alla
afgreiðslu. Fólk er beðið að nota
bílastæðin og fara gangandi um
garðana.
Hjálparstarf kirkjunnar verður
með kertasölu í kirkjugörðunum á
Þorláksmessu og aðfangadag, segir
í fréttatilkynningu.
Heimasíða kirkjugarðanna er:
www.kirkjugardar.is
Aðstoða fólk í
kirkjugörðunum
Í TENGSLUM við árveknisátak um
brjóstakrabbamein í haust seldi
Aveda-búðin í Kringlunni og hár-
greiðslustofan Unique á Laugavegi
í Reykjavík handáburð frá Aveda í
sérstökum umbúðum til að gefa við-
skiptavinum Aveda kost á að styðja
baráttuna gegn þessum sjúkdómi.
Handáburðurinn var merktur
bleikri slaufu og var með bleikum
tappa.
Nýlega var allur ágóðinn, eitt
hundrað þúsund krónur, afhentur
til Samhjálpar kvenna, sem eru
samtök til stuðnings konum sem
greinast með brjóstakrabbamein.
Verður gjöfin notuð til að efla sam-
starf við Europa Donna, sem eru
Evrópusamtök félaga sem berjast
gegn brjóstakrabbameini, segir í
fréttatilkynningu.
Á myndinni eru Hrönn Helga-
dóttir eigandi Jafnvægis, sem er
með umboð fyrir Aveda á Íslandi,
Guðný Rún Rúnarsdóttir og Elma
Dögg Gonzales starfsmenn Aveda-
búðarinnar í Kringlunni og Sigrún
Pétursdóttir sem er í stjórn Sam-
hjálpar kvenna.
Morgunblaðið/Ómar
Styrkja
Samhjálp kvenna
Rangt nafn
RANGT var farið með nafn Erlu
Sigurlaugar Sigurðardóttur í um-
fjöllun um jól hjá skilnaðarfjöl-
skyldum í Tímariti Morgunblaðs-
ins síðastliðna helgi. Er beðist
velvirðingar á þessu.
Flugfélag Íslands
er styrktaraðili
EKKI var getið um þátt Flug-
félags Íslands, sem eins styrktar-
aðila skákfélagsins Hróksins í frá-
sögn blaðsins af skákmönnum sem
héldu til Grænlands sl. laugardag.
Flugfélag Íslands hefur í þrjú ár
styrkt Hrókinn og var félaginu af-
hent forláta skákborð á laugardag-
inn sem þakklætisvottur fyrir
stuðninginn og var mynd tekin við
það tækifæri um leið og Hróks-
menn héldu áleiðis til Grænlands.
Rangur
myndatexti
RANGUR myndatexti var birtur
með einni mynd í birtingu á kafla
úr bókinni Ég elska þig stormur
eftir Guðjón Friðriksson. Birtist
myndin hér aftur með réttum
texta. Beðist er velvirðingar á
þessum mistökum.
LEIÐRÉTT
Skúli Thoroddsen meðal íslenskra
og danskra þingmanna við danska
ríkisþinghúsið við Bredgade 29.
júlí. Hann stendur til vinstri en fyr-
ir framan hann er Þórhallur
Bjarnason.