Fréttablaðið - 25.01.2003, Blaðsíða 4

4 25. janúar 2003 LAUGARDAGURKJÖRKASSINN
Farðu inn á frett.is og segðu
þína skoðun
frétt.is
Óttastu aukið atvinnuleysi?
Spurning dagsins í dag:
Ætlar þú í utanlandsferð í ár?
Niðurstöður gærdagsins
á www.frett.is
31,8%Nei
68,2%
ÓTTAST AT-
VINNULEYSI
Flestir óttast aukið
atvinnuleysi.
Já
HEILBRIGÐISMÁL Í frumvarpi Jóns
Kristjánssonar heilbrigðisráð-
herra um lyfjagagnagrunn er
lagt til að lyfjagagnagrunnar
verði tveir. Annar verði persónu-
greinanlegur.
Lyfsölum verður skylt að af-
henda Tryggingastofnun allar
upplýsingar sem fram koma á
lyfseðlum.
Sigrún Jóhannsdóttir, forstjóri
Persónuverndar, hefur sagt í
Fréttablaðinu að hún telji ekki
nægileg rök fyrir því að Trygg-
ingastofnun hafi yfirsýn yfir alla
lyfjanotkun landsmanna. Hún
telur á hinn bóginn að réttlæta
megi að Tryggingastofnun fengi
upplýsingar um þau lyf sem
stofnunin greiðir að hluta til.
Á Alþingi vakti heilbrigðisráð-
herra athygli á að Persónuvernd
hefði fengið frumvarpið til um-
sagnar og gert við það athuga-
semdir og hvatti hann heilbrigð-
is- og trygginganefnd til að
kanna vel þær athugasemdir. ■
RÚTU EKIÐ Á HÚS Rútu var ekið á
hús og olíutank í þorpinu Slawi í
Indónesíu. Mikil sprenging varð
og eldur braust út með þeim af-
leiðingum að fimmtán farþegar
og tveir þorpsbúar létust. Bíl-
stjóri rútunnar slapp ómeiddur.
GASLEKI Í NÁMU Átján kínversk-
ir kolanámumenn létust þegar
banvænt gas tók að leka í kjölfar
sprengingar sem ætlað var að
opna aðgang að meiri kolum. Alls
voru 39 manns við störf þegar
slysið átti sér stað en eins er enn
saknað. Hættulegustu kolanámur
heims eru í Kína en á síðasta ári
létust yfir 4000 manns í
námuslysum þar í landi.
FRÉTTAVEF LOKAÐ Yfirvöld í
Malasíu hafa gefið út skipun um
að þarlendum fréttavef skuli lok-
að án tafar. Ástæðan sem að baki
liggur er sú að á vefnum birtist
nýverið bréf þar sem fram kom
hörð gagnrýni á hendur stjórn-
völdum landsins. Í bréfinu var
lögum um jákvæða mismunun
líkt við stefnuskrá samtakanna
Ku Klux Klan.
Íraskir stjórnar-
andstæðingar:
Segja efna-
hernað und-
irbúinn
LONDON, AP Íraska þjóðarbandalag-
ið, hópur íraskra útlaga í London,
heldur því fram að Írakar hafi
dreift efnavopnabúnaði og lyfjum
til að vinna gegn efnavopnum til
úrvalsdeilda íraska hersins.
Útlagarnir segjast hafa fengið
sönnun fyrir þessu í handskrifuð-
um gögnum sem var smyglað út
úr Írak í síðasta mánuði. Sömu
gögn eiga einnig að lýsa leiðum til
að ráðast á skip á Persaflóa.
Bill Tierney, fyrrum vopnaeft-
irlitsmaður, sagði gögnin gefa til
kynna að Írakar hygðust nota
efnavopn ef til innrásar kæmi. ■
Löggan skrifar krimmum:
Hagaðu þér
skikkanlega
BRETLAND, AP 22 glæpamenn í
Wiltshire í Bretlandi, með marga
dóma á bakinu, hafa fengið sent
bréf þar sem þeir eru beðnir um
að haga sér skikkanlega í framtíð-
inni og halda sig innan ramma lag-
anna. Undir það skrifar Geoff
Miles lögregluforingi.
„Auðvitað vona ég að þeir segi:
Þú hefur rétt fyrir þér lögreglu-
foringi, ég mun hætta að fremja
glæpi,“ sagði Miles en bætti við að
hann gerði sér ekki vonir um að
svo verði, í það minnsta ekki í öll-
um tilfellum, en vonandi geti til-
tækið orðið fólkinu hvatning til að
taka upp betri siði. ■
FASTEIGNAVIÐSKIPTI Stjórn Íbúða-
lánasjóðs hefur í kjölfar jákvæðr-
ar umsagnar Ríkisendurskoðunar
samþykkt tillögu innra eftirlits
Íbúðalánasjóðs og KPMG ráðgjaf-
ar um aðgerðir til úrbóta við mót-
töku fasteignaveðbréfa og hús-
bréfa hjá sjóðnum.
Úrbæturnar eru gerðar vegna
svikamáls fasteignasölunnar
Holts í Kópavogi, þegar undir-
skriftir fasteignaveðbréfa voru
m.a. falsaðar. Sjóðnum bárust alls
fimmtán kærur vegna Holtsmáls-
ins, sem hefur kostað Íbúðalána-
sjóð tæpar 30 milljónir króna.
Markmið aðgerðanna, sem
stjórn Íbúðalánasjóðs hefur sam-
þykkt, er að draga úr hættu á
fjársvikum vegna viðskipta með
fasteignaveðbréf og húsbréf án
þess að skerða viðskiptafrelsi
kaupenda og seljenda eða draga
úr þjónustustigi sjóðsins.
Á meðal þess sem á að bæta er
að útbúa á skýrar skriflegar
vinnuleiðbeiningar um meðhöndl-
un á framsali fasteignaveðbréfa
og viðbrögð sjóðsins verði frávik
þar á. Einnig á að innleiða form-
legt ferli vegna móttöku og með-
höndlunar á kvörtunum og ábend-
ingum. Sjóðurinn hyggst einnig
taka mánaðarlegt úrtak fasteigna-
veðbréfa til þess að ganga úr
skugga um hugsanlegt misferli.
Íbúðalánasjóður afgreiðir rúm-
lega tíu þúsund fasteignaveðbréf
á ári og í fyrra var meðal-
afgreiðslutími húsbréfalána innan
við fjórir dagar. ■
ÍSHUG TAPAR Tap Íslenska hug-
búnaðarsjóðsins hf. á árinu 2002
nam 362 milljónum króna en
1.589 milljónum á árinu 2001. Tap
á rekstri félagsins má að stórum
hluta rekja til óinnleystrar lækk-
unar á matsverði óskráðra verð-
bréfa en lækkun ársins nemur
392 milljónum króna. Heildar-
eignir félagsins námu 2.328 millj-
ónum í árslok sem er hækkun um
791 milljón frá upphafi ársins.
Eigið fé nam 2.316 milljónum
króna.
Konu saknað:
Árangurs-
laus leit
LEIT Guðrún Björg Svanbjörns-
dóttir, 31 árs, sem fór úr landi til
Kaupmannahafnar 29. desember
síðastliðinn, hefur enn ekki komið
í leitirnar. Jónas Hallsson aðstoð-
aryfirlögregluþjónn segir engar
nýjar upplýsingar hafa borist eft-
ir að sást til Guðrúnar á járn-
brautarstöðinni í Malmö 16. janú-
ar síðastliðinn. Búið sé að senda
lýsingu á Guðrúnu til allra lög-
reglustöðva í Svíþjóð. Þá hafi
sænsk yfirvöld farið þess á leit
við dagblöð þar ytra að lýsa eftir
Guðrúnu.
Vinir Guðrúnar sendu frá sér
tölvupóst fyrir skömmu þar sem
óskað er eftir aðstoð við leitina. Í
bréfinu er fólk hvatt til að áfram-
senda tölvupóstinn sem víðast og
sérstaklega ef tengsl eru í Svíþjóð
og Danmörku. Þá segir að Guðrún
hafi frá fjórtán ára aldri þjáðst af
alvarlegu lystarstoli. Óttast sé að
hún fari nú huldu höfði til þess
eins að svelta sig. Hver dagur
skipti því miklu máli. ■
Nýr aðalritari NATO:
Danir reyna
í þriðja sinn
KAUPMANNAHÖFN, AP Paul Nyrup
Rasmussen, fyrrum forsætisráð-
herra Dana, hefur ákveðið að gefa
kost á sér í emb-
ætti aðalritara
Atlantshafsbanda-
lagsins þegar
Skotinn George
Robertson lætur
af störfum í des-
ember. Danir hafa
tvisvar áður sóst
eftir embættinu
en án árangurs og
Nyrup hefur við-
urkennt að hann
sé ekki bjartsýnn
á að hann verði
fyrir valinu.
Anders Fogh
Rasmussen for-
sætisráðherra hefur lýst því yfir
að ríkisstjórnin styðji framboð
Nyrups. Poul Nyrup var forsætis-
ráðherra í níu ár áður en ríkis-
stjórn Anders Fogh komst til
valda eftir síðustu kosningar. Lét
hann þá til sín taka í ýmsum mál-
um sem snertu NATO og hafa ver-
ið leiddar líkur að því að það gæti
reynst honum fjötur um fót. ■
Á gjörgæslu eftir árekstur:
Haldið
sofandi
SLYS Karlmaður liggur þungt hald-
inn á gjörgæsludeild Landspítal-
ans eftir harðan árekstur tveggja
fólksbíla á móts við Úlfarsfell á
Vesturlandsvegi laust fyrir klukk-
an níu á fimmtudagskvöld. Að
sögn vakthafandi læknis á gjör-
gæsludeild er ástand mannsins
mjög alvarlegt og hefur hann ver-
ið meira og minna í skurðaðgerð-
um frá því slysið varð. Honum er
nú haldið sofandi í öndunarvél.
Konan sem var ökumaður á hinum
bílnum slasaðist mun minna.
Loka þurfti Vesturlandsvegi í
hátt á annan tíma á meðan á
björgunaraðgerðum stóð. ■
EES-VIÐRÆÐUR „Ég vona að það sem
við segjum fari að síast inn í höf-
uðið á gagnaðilanum,“ sagði
Kjartan Jóhannsson, sendiherra
Íslands og aðal-
s a m n i n g a m a ð u r
gagnvart Evrópu-
sambandinu, eftir
fund samninga-
manna ESB og
EFTA-ríkjanna um
stækkun evrópska
efnahagssvæðisins
samhliða stækkun
ESB til austurs.
Lítið breyttist á
fundinum í gær og sagðist Kjart-
an ekki hafa átt von á öðru enda
aðeins um framhald fyrstu um-
ræðu að ræða. Menn hafi svarað
þeim tillögum sem voru lagðar
fram á fyrsta samningafundi og
sagt hvaða breytingar þeir vildu
fá. Þar lagði Kjartan áherslu á að
viðræður sem ættu að snúast um
einfalda tæknilega útfærslu hefði
snúist upp í samninga um pen-
ingakröfur á hendur Íslendingum
sem væri engan veginn hægt að
kalla sanngjarnar.
Kjartan vísar ábyrgðinni á
óvissu um að samningar náist al-
farið á hendur framkvæmda-
stjórn ESB. „Framkvæmdastjórn-
in nálgast þetta mál með röngum
hætti og fær því ranga niður-
stöðu,“ segir hann og bætir við að
það standi upp á samningamenn
Íslands og hinna EFTA-ríkjanna
að koma viðmælendunum frá Evr-
ópusambandinu „niður úr skýjun-
um“.
Það er skýr lagaskylda um að
samningamenn skuli finna við-
unandi niðurstöðu um tæknilega
útfærslu vegna stækkunarinnar,
segir Kjartan. Það eigi hins vegar
ekki við um peningakröfurnar
sem ESB hefur lagt fram. „Fram-
kvæmdastjórnin er að stefna
þessu í óefni með kröfum sínum.“
Gerhard Sabathil, sendiherra
ESB á Íslandi og í Noregi, sagði í
viðtali í síðustu viku að EES-
samningurinn væri í uppnámi ef
ekki semdist. Hann sagðist þó
ekki hafa trú á því, samninga-
menn væru í raun „dæmdir til ár-
angurs“ sagði hann og vísaði til
þess að ESB vill staðfesta stækk-
un EES samhliða stækkun ESB á
fundi þjóðarleiðtoga í Aþenu í
apríl. Kjartan er líkt og íslenskir
ráðamenn svartsýnn á að það tak-
ist og kennir um harðri afstöðu
Evrópusambandsins. Hann segir
að það sé þó ekki öll nótt úti ef það
tekst ekki. „Mikilvægast er að
þetta komist fyrir þingin á réttum
tíma svo hægt sé að staðfesta
þetta.“
brynjolfur@frettabladid.is
ESB stefnir samn-
ingum í hættu
Aðalsamningamaður Íslands gagnvart Evrópusambandinu segir sam-
bandið stefna samningum um Evrópska efnahagssvæðið í óefni með
kröfum sínum. Segir ekki alla nótt úti þó ekki semjist fyrir miðjan apríl.
KJARTAN JÓHANNSSON
Framkvæmdastjórn Evrópusambandsins
flækir það sem ættu að vera einfaldar
samningaviðræður um tæknilega útfærslu
stækkunar með því að gera kröfur um
stóraukin framlög Íslands og hinna
EFTA-ríkjanna.
BÆKISTÖÐVAR FRAMKVÆMDASTJÓRNAR ESB
Hvorugur aðili gaf eftir á fundum samningamanna EFTA-ríkjanna og ESB í gær. Næsti
fundur fer fram 6. febrúar og má búast við meiri tíðindum þá.
„Fram-
kvæmda-
stjórnin
nálgast
þetta mál
með röngum
hætti og fær
því ranga
niðurstöðu.“
Íbúðalánasjóður reynir að draga úr hættu á fjársvikum:
Úrbætur vegna Holtsmálsins
FASTEIGNASALAN HOLT
Úrbætur Íbúðalánasjóðs eru gerðar vegna
svikamáls fasteignasölunnar Holts í Kópa-
vogi, þegar undirskriftir fasteignaveðbréfa
voru m.a. falsaðar.
VIÐSKIPTI
ASÍA
VARFÆRINN
FRAMBJÓÐ-
ANDI
Poul Nyrup
Rasmussen viður-
kennir að á bratt-
ann sé að sækja í
framboði sínu til
embættis aðalrit-
ara NATO.
Heilbrigðisráðherra á Alþingi:
Vill persónugreind-
an lyfjagagnagrunn
JÓN KRISTJÁNSSON
Lagði fram frumvarp um breytingu á lyfjalög-
um sem felur meðal annars í sér að stofnað-
ir verði tveir lyfjagagnagrunnar. Persónu-
vernd gerir athugasemd við frumvarpið.