Fréttablaðið - 25.01.2003, Blaðsíða 22
22 25. janúar 2003 LAUGARDAGUR
Fallega og fræga fólkið íHollywood heldur árshátíðir
sínar, rétt eins og sauðsvartur al-
múginn á Íslandi, í byrjun hvers
árs. Óskarsverðlaunahátíðin í
mars er vitaskuld hápunkturinn
þar ytra og dauðlegir menn úti um
allan heim bíða þess jafnan í
óþreyju að þessir ólympsguðir nú-
tímans stígi niður á rauða dregil-
inn fyrir framan Kodak-höllina í
Los Angeles, klappi sjálfum sér á
bakið og afhendi þeim sem eru
fremstir meðal jafninga gullstytt-
ur fyrir stórvirki sín á hvíta tjald-
inu árið áður.
Þó þetta ársuppgjör Kvik-
myndaakademíunnar vestra beri
höfuð og herðar yfir önnur partí
hjá stórstjörnunum getur upphit-
unarpartíið sem kennt er við
Gyllta hnöttinn oft gefið góða
mynd af því sem koma skal þegar
stóri dagurinn rennur upp þann
23. mars og það slær enginn hend-
inni á móti Golden Globe-verð-
launum þó lokatakmarkið sé vita-
skuld alltaf sviplausi gullmaður-
inn sem stendur á filmudósinni.
Óskarsverðlaunin eru eldri
og fastari í sessi og þar sem
vestræn menningarvitund bygg-
ir á kristinni tvíhyggju hlýtur
alltaf einhver einn að vera yfir
aðra hafinn og rétt eins og Ósk-
arsverðlaunin verða aldrei jafn
fín og Nóbelsverðlaunin, þá
verður Golden Globe aldrei
jafningi Óskars frænda. Golden
Globe-hátíðin er þar fyrir utan
fyrst og fremst árshátíð sjón-
varpsstöðvanna og eins og al-
þjóð veit er kvikmyndin talin
bæði æðri og eftirsóknarverðari
listmiðill en sjónvarpið og allar
sjónvarpsstjörnur eiga sér þann
draum heitastan að slá í gegn í
bíó. Þá hefur tilhneiging út-
brunninna kvikmyndastjarna til
að hasla sér völl í sjónvarpi á
síðari hluta ferils síns einnig
tekið af öll tvímæli um það að
sjónvarpið er næstbesti kostur-
inn. Þessi áberandi stigsmunur
breytir því þó ekki að þeir sem
hampa Gullhnetti í janúar eru
alla jafna taldir skrefinu nær
því að fá Óskar í mars.
Gullmaðurinn skyggir á
Gullhnöttinn
Árið 2002 höfðu allar myndir
sem tilnefndar voru til Óskars-
verðlaunanna bitist um Golden
Globe-verðlaunin skömmu áður
og A Beautiful Mind hreppti verð-
laun á báðum vígstöðvum. Mögu-
leikarnir á því að hreppa Gull-
hnött fyrir bestu myndina eru þó
öllu meiri, þar sem veitt eru verð-
laun í tveimur flokkum, fyrir
bestu dramatísku myndina og svo
aftur besta söngleikinn eða gam-
anmyndina. Þannig reið til dæmis
Moulin Rouge! feitari hesti frá
Golden Globe en Óskarnum í
fyrra, en þar stóð henni ekki ógn
af A Beautiful Mind þar sem þær
kepptu í sitthvorum flokknum.
Söngleikurinn Chicago, The
Hours, sem vísar stíft í Mrs. Dall-
oway eftir Virginiu Woolf, og
spennudramað Gangs of New
York gerðu það gott á Golden
Globe fyrr í vikunni. The Hours
var valin besta dramatíska mynd-
in, Chicago besti söngleikurinn og
Martin Scorsese var verðlaunað-
ur fyrir leikstjórn Gangs of New
York. Fáir draga það því í efa að
þessar myndir muni blanda sér í
baráttuna um Óskarinn ásamt
risamyndinni Lord of the Rings:
The Two Towers. Ákafir aðdáend-
ur Lord of the Rings eru að vísu
þegar farnir að búa sig undir
áframhaldandi vonbrigði þar sem
fyrsta myndin í bálknum missti
bæði af Óskari og hnetti í fyrra.
The Two Towers náði heldur ekki
hnetti í ár og raunsæir hringvom-
ar sjá því fram á áframhaldandi
eyðimerkurgöngu.
Hvað er Akademíunni
þóknanlegt?
Einhverjir vilja meina að Aka-
demían vilji yfir höfuð ekki verð-
launa mynd eftir nýsjálenskan
leikstjóra á meðan aðrir gera sér
vonir um að það verði gert sóma-
samlega upp við þríleikinn þegar
að lokamyndinni, The Return of
the King, kemur. Það þykir þó
óneitanlega skjóta skökku við að á
meðan risavaxið, illa skrifað en
þokkalega leikið ferlíki á borð við
Titanic skuli hafa sópað að sér
verðalunum árið 1998 sé Hringa-
dróttinssaga sniðgengin nú. Titan-
ic naut feikilegra vinsælda á sín-
um tíma en hefur ekki skilið mikið
eftir sig á meðan þríleikur Peters
Jacksons um Hringadróttinssögu
er óumdeilt stórvirki sem á eftir
að gnæfa yfir kvikmyndasögunni
um ókomin ár.
The Hours er hins vegar dæmi-
gerð mynd sem fellur Akademí-
unni í geð. Hún er alvarleg, bygg-
ir á skáldsögu og er, síðast en ekki
síst, yfirfull af frábærum leikur-
um en auk Nicole Kidman, sem
leikur Virginiu Woolf, fara þær
Julianne Moore og Meryl Streep
með veigamikil hlutverk. Vegur
og virðing söngleikja hefur aukist verulega í kjölfar velgengni
Moulin Rouge! og það er talið
Chicago í hag að söngleikur hefur
ekki verið verðlaunaður síðan
1968 þegar Oliver! var valin besta
myndin.
Gangs of New York er vönduð
stórmynd sem þykir skarta flestu
því sem Óskarsverðlaunamynd
þarf að hafa og þrátt fyrir ýmsa
hnökra vilja margir veðja á hana.
Akademían hefur líka sniðgengið
leikstjóra hennar, Martin Scor-
sese, oftar en góðu hófi gegnir og
það má því verja það að hans tími
sé kominn.
Öll þessi sólarmerki og spá-
dómar þeim tengd breyta svo
engu um það að verðlaunamyndin
gæti þess vegna enn legið í láginni
og sigurvegari Óskarskvöldsins
gæti komið öllum í opna skjöldu.
The Silence of the Lambs er gott
dæmi um slíka mynd, en langt var
liðið frá frumsýningu hennar þeg-
ar það kom að verðlaununum og
hún hirti því óvænt allar helstu
stytturnar.
Nicole Kidman herðir
sóknina
Renée Zellweger og Richard
Gere fengu bæði hnött fyrir
frammistöðu sína í Chicago og
þykja þar af leiðandi ansi líkleg til
þess að fá Óskarstilnefningu.
Catherine Zeta-Jones var einnig
tilnefnd fyrir leik sinn í Chicago
en varð að láta í minni pokann fyr-
ir stöllu sinni Zellweger. Dæmið
gæti þó hæglega snúist við í mars
ef þær blanda sér báðar í Óskars-
slaginn. Flestir veðja þó á að það
verði Nicole Kidman sem fer
heim með Óskarinn í ár fyrir leik
sinn í The Hours. Hún missti af
styttunni í fyrra, óverðskuldað að
margra mati, fyrir leik sinn í
Moulin Rouge! og hefur þar fyrir
utan aflað sér mikillar virðingar
fyrir hlutverkaval sitt undanfar-
ið, sérstaklega í The Others, The
Hours og títtnefndri Moulin
Rouge! Öll eru þessi hlutverk
krefjandi og erfið og hún þykir
hafa gert þeim frábær skil, ekki
síst þegar tekið er tillit til þess að
Golden Globe-verðlaunin þykja jafnan gefa haldgóðar vísbendingar um hvert hin eftirsóttu Óskarsverðlaun fara í mars.
Allt getur þó gerst og þegar upp er staðið er Gullhnötturinn ekki trygging fyrir einu né neinu.
Gullhnötturinn snýst um
CATERINE ZETA-JONES
Missti af Golden Globe í klærnar á sam-
leikkonu sinni í Chicago, Renée Zellweger,
en hefur þó síður en svo verið afskrifuð í
Óskarsverðlaunakapphlaupinu.
ALFRED HITCHCOCK
Einn áhrifamesti leikstjóri síðustu aldar
fékk aldrei Óskar fyrir leikstjórn, þrátt fyrir
sex tilnefningar. Martin Scorsese hefur far-
ið þrisvar tómhentur heim hingað til, en
hans tími gæti komið í ár.
JACK NICHOLSON
Er hálf tuskulegur í hlutverki Warrens
Schmidt en þykir þó líklegur til að landa
fjórða Óskarnum sínum í mars.
Sagan hefur kennt
þeim sem sækjast eftir Ósk-
arsverðlaunum að gæfan er
hverful og þó Golden
Globe-verðlaunin glæði
vonir einhverra gætu þær
hæglega orðið að engu
strax og tilnefningar Aka-
demíunnar verða kynntar.
,,
NICOLE KIDMAN
Vegur þessarar þokkafullu áströlsku leikkonu hefur vaxið mikið frá því Tom Cruise yfirgaf hana fyrir Penelope Cruz. Hún fékk
Golden Globe fyrir leik sinn í Moulin Rouge! í fyrra og fyrir The Hours á þessu ári. Hún var tilnefnd til Óskarsverðlauna fyrir
Moulin Rouge! í fyrra en varð að láta í minni pokann fyrir Halle Berry í Monster´s Ball. Flestir gera þó ráð fyrir að hún hirði styttuna
fyrir The Hours að þessu sinni.