Fréttablaðið - 25.01.2003, Blaðsíða 33
33LAUGARDAGUR 25. janúar 2003
Kevin Spacey og Elton John:
Syngja saman dúett
TÓNLIST Leikarinn Kevin Spacey
ætlar að syngja dúett með Sir
Elton John á góðgerðartónleikum.
Óskarsverðlaunahafarnir munu
koma fram til að safna fé fyrir
Old Vic leikhúsið í Lundúnum
ásamt Ms. Dynamite, Sharleen
Spiteri úr Texas, Sinead O´Connor
og Elvis Costello.
Listamennirnir ætla að syngja
saman nokkur lög eftir Elton
John. „Þeir eru búnir að setja
saman einstaka dagskrá með frá-
bærum listamönnum,“ sagði einn
aðstandenda tónleikanna.
Elton John er forstöðumaður
góðgerðasjóðs fyrir leikhúsið
sem vinnur að því að tryggja
rekstrargrundvöll þess. Tón-
leikarnir verða haldnir þann 5.
febrúar og aðgangseyrir að
þeim er um 135 þúsund krónur
fyrir miðann. ■
UPPÁTÆKJASAMUR
Kevin Spacey hefur verið duglegur við að
syngja opinberlega á síðustu árum. Söng
meðal annars nokkur Bítlalög.
Jerry Springer:
Íhugar framboð
OHIO, AP Sjónvarpsþáttastjórnand-
inn alræmdi Jerry Springer íhug-
ar nú að fara í framboð til öld-
ungadeildar Bandaríkjaþings.
Springer segir að störf hans í
sjónvarpi verði tvíbent vopn í
kosningabaráttunni. „Kosturinn
er sá að það þekkja mig allir.
Ókosturinn er sá að það þekkja
mig allir.“ ■
Aðstöðuleysi hrjáir
unga hönnuði
Sýning ungra norrænna hönnuða stendur yfir í Norræna húsinu. Ein-
faldleiki einkennir hönnun frá Norðurlöndum. Aðstöðuleysi hrjáir ís-
lenska hönnuði, sem eiga erfitt með að koma verkum sínum í framleiðslu.
HÖNNUN Sýningin Young Nordic
Design – Generation X stendur nú
yfir í Norræna húsinu. Á sýning-
unni má finna verk eftir unga nor-
ræna hönnuði.
Sýningin var upphaflega opnuð í
nóvember árið 2000 í New York.
Hún hefur komið víða við en enda-
stöðin er Ísland. Verk unga fólksins
endurspegla norræna hönnun með
einfaldri formtúlkun þar sem efnis-
notkun er einföld.
„Áður fyrr voru mjög sterk ein-
kenni á norrænni hönnun. Það var
ákveðin léttleiki og notast við ljóst
timbur auk keramiks og glers.
Formin voru gjarnan hrein og ein-
föld,“ segir Guðný Magnúsdóttir,
sem tók þátt í að koma sýningunni á
fót. „Það má segja að nútímahönnun
sé mjög alþjóðleg og norrænir
hönnuðir noti öll efni. Ég veit ekki
hvort það er eitthvað sem einkennir
norræna hönnuði sérstaklega en
það eimir enn af þessari eldri mynd
á sýningunni.“
Guðný segir að skólakerfið á
Norðurlöndum hafi ýtt undir til-
raunastarfsemi hönnuða og að það
einkenni þá hönnuði sem eru á sýn-
ingunni.
Sjö Íslendingar taka þátt í sýn-
ingunni, þau Ásmundur Hrafn
Sturluson, Bergþóra Guðnadóttir,
Guðbjörg Kr. Ingvadóttir, Karolína
Einarsdóttir, Linda Björg Árnadótt-
ir, Sesselja H. Guðmundsdóttir og
Tinna Gunnarsdóttir.
Guðný segir ákveðið aðstöðu-
leysi einkenna íslenska hönnuði.
Annars staðar á Norðurlöndum
bjóðist ungum hönnuðum fleiri
tækifæri til að koma verkum sínum
á framfæri og atvinnutækifærin
eru mun fleiri. Hér á landi þekkist
það varla nema í húsgagnasmíði.
„Þetta er mjög áberandi og við
fundum fyrir því þegar við vorum
að velja inn á sýninguna. Þá voru
verk Íslendinganna frumgerðir en
ekki í framleiðslu eins og hjá hin-
um,“ segir Guðný.
Young Nordic Design - Gener-
ation X er unnin af Design Forum
Finland og haldin í samvinnu við
Dansk Design Center, Norsk Form,
Svensk Form og Form Island.
Sýningin er opin á þriðjudögum
til sunnudaga frá klukkan 12 til 17
og stendur til 2. mars. ■
ÍSLENSK HÖNNUN
Á sýningunni má líta íslenska hönnun, til
dæmis föt og skartgripi. Linda Árnadóttir
hannaði þessa flík en hún er meðal þátt-
takenda.
ÚTVARPSSTJARNA
Þetta verk eftir Sesselju H. Guðmundsdóttir heitir Radiostar eða Útvarpsstjarna.
INNHVERF LAUTARFERÐ
Þessi skemmtilega hugmynd er frá
Karolínu Einarsdóttur.