Fréttablaðið - 25.01.2003, Blaðsíða 10

HANDBOLTI Landslið Katar tekur nú
þátt í sinni fyrstu heimsmeistara-
keppni. Fram til þessa hafa þjóðir
á borð við Suður-Kóreu, Japan eða
Kúvæt verið mest áberandi Asíu-
þjóða á HM en nú er ný handbolta-
þjóð komin á kortið.
Katar komst óvænt inn í úrslita-
keppni HM með því að lenda í öðru
sæti í Asíukeppninni sem haldin
var í Íran. Þar með var stigið stórt
skref í handboltasögu þjóðarinnar.
Katar hafði fram að því látið lítið
að sér kveða í handboltaheiminum.
Helst ber að nefna að ungmenna-
landslið þjóðarinnar vann Arabíu-
keppnina árið 1986 og árið 1992
lenti A-landsliðið í fjórða sæti
Asíukeppninnar. Handboltaafrekin
hafa því ekki verið mörg hjá þess-
ari ríku arabaþjóð.
Á fimmtudag gerðist aftur á
móti merkur hlutur þegar Katar
vann sinn fyrsta leik á HM frá upp-
hafi með því að bera sigurorð af
Áströlum 28:23. Þar með komst lið-
ið í fjórða sæti B-riðils með tvö
stig.
Fyrstu tveir leikir Katar á HM
voru hins vegar erfiðir. Fyrst tap-
aði liðið fyrir heimamönnum í
Portúgal með 31 marki gegn 21.
Síðan mættu þeir Þjóðverjum og
voru rótburstaðir 40:17. Svo sann-
arlega ekki besta leiðin til að
hefja þátttöku á HM. Katar náði
aftur á móti að rífa sig upp gegn
Áströlum og mun að öllum líkind-
um berjast við Grænland um
fjórða sætið í B-riðli og um leið
sæti í milliriðlum.
Guðmundur Guðmundsson,
landsliðsþjálfari Íslands, segir að
leikurinn í dag við Katar sé afar
mikilvægur. „Eins og staðan er
núna er þetta lykilleikur. Við þurf-
um að klára hann til þess að sigur-
inn gegn Portúgal nýtist okkur að
fullu. Þess vegna þarf öll einbeit-
ing okkar að fara í þennan leik en
ekki eitthvað annað.“ Guðmundur
segir að leikmenn Katar hafi ver-
ið lengi að þvælast fyrir Portúgöl-
um í fyrsta leik sínum í keppninni
og því þurfi að fara í þennan leik
af fullum krafti.
Aðspurður hvort hann sé búinn
að kortleggja lið Katar segir Guð-
mundur að verið sé að vinna í því.
„Við þurfum líka að skoða sjálfa
okkur í leiðinni. Það var sumt sem
gekk vel og annað ekki eins vel í
leiknum í gær [fyrrakvöld]. Við
byrjuðum gríðarlega vel en það
vantaði stöðugleika í sóknarleik-
inn. Við vorum of fljótir á okkur í
nokkur skipti. Við þurfum að yfir-
fara sóknarleikinn og fínpússa
hann gagnvart því að Ólafur Stef-
ánsson sé tekinn úr umferð.“
Guðmundur hefur fylgst vel
með leikjum Katar á HM. „Þeir
eru snöggir og spila yfirleitt
framliggjandi vörn. Það eru mikil
læti í þeim. Aðalatriðið í svona
leikjum er að við séum tilbúnir í
slaginn. Það þýðir ekkert annað
en að mæta ákveðnir til leiks á
móti svona liði.“
Af leikmönnum Katar segir
Guðmundur af helst þurfi að var-
ast vinstri skyttuna og miðju-
mann liðsins, sem séu mjög góðir
leikmenn.
Á morgun klukkan 16.15 mætir
Ísland svo Þjóðverjum, en það
gæti orðið úrslitaleikur um efsta
sæti B-riðils. Guðmundur vildi
ekki tjá sig um þann leik og sagði
að öll einbeiting íslenska liðsins
færi nú í leikinn við Katar.
freyr@frettabladid.is
10 25. janúar 2003 LAUGARDAGUR
Íslenska landsliðið í handbolta mætir arabaríkinu Katar í fyrsta sinn í fjórða leik B-riðils á HM í dag.
Guðmundur Guðmundsson landsliðsþjálfari segir að það séu læti í leikmönnum Katar.
Lykilleikur Íslands
gegn arabaríkinu Katar
FÓTBOLTI Leikmenn þýska liðsins
Hertha Berlin, sem Eyjólfur
Sverrisson leikur með, hefja brátt
leik að nýju í Bundesligunni eftir
jólafrí. Til að stytta sér stundir
ákváðu nokkrir leikmenn liðsins
að lita hárið á sér rautt. Á mynd-
inni má sjá frá vinstri Brasilíu-
manninn Marcelinho, Marco
Rehmer, Arne Friedrich og Stefan
Beinlich brosa í átt að myndavél-
inni með nýju hártískuna. Ekki
fylgir sögunni hvort Eyjólfur hafi
brugðið á sama ráð og félagar sín-
ir.
Fyrsti leikur Herthu eftir fríið
verður gegn Borussia Dortmund í
dag. Dortmund er í öðru sæti
deildarinnar en Hertha í því ní-
unda. ■
KATAR
ÍBÚAR: 793.341
ÞJÓÐFÉLAGSHÓPAR: Arabar
(40%), Pakistanar (18%), Íranar
(10%), aðrir (14%)
TRÚARBRÖGÐ: Múslimatrú (95%)
HÖFUÐBORG: Doha
STÆRÐ: 11.437 ferkílómetrar
LEGA: Skagi í Mið-Austurlöndum á
vesturströnd Persaflóa. Á landamæri
að Sádi-Arabíu.
NÁTTÚRUAUÐLINDIR: olía, gas
og fiskur
STAÐREYNDIR: Katar öðlaðist sjálf-
stæði frá Bretlandi þann 3. septem-
ber árið 1971. Þjóðin hefur miklar
tekjur af útflutningi á olíu og gasi.
Tekjur á hvert mannsbarn í landinu
eru álíka miklar og hjá ríkustu þjóð-
um Vesturlanda. Katar er fursta-
dæmi. Amir Hamad bin Khalifa Al
Thani hefur setið við völd frá árinu
1995 eftir að hann hrifsaði völdin af
föður sínum.
KATAR GEGN ÞÝSKALANDI
Jan Olaf Immel, leikmaður Þýskalands,
undirbýr skot í leik gegn Katar. Othma,
leikmaður Katar, reynir að stöðva hann. Ís-
land mætir Katar í dag og Þjóðverjum á
morgun. Þess má geta að fyrrverandi
landsliðsþjálfari Sádi-Araba í handbolta
hefur sakað Katar og hinar tvær Asíuþjóð-
irnar sem komust á HM, Sádi-Arabíu og
Kúvæt, um að hafa mútað sér leið inn í
keppnina. Þess vegna væru sterkustu
handboltaþjóðir Asíu, Suður-Kórea og Jap-
an, ekki á meðal keppenda í Portúgal.
GUÐJÓN VALUR
Guðjón Valur Sigurðsson, hornamaðurinn
sterki í íslenska liðinu, hefur staðið sig vel á
HM. Hann er í 6. til 7. sæti yfir markahæstu
menn keppninnar með 22 mörk. Leikurinn í
dag við Katar hefst klukkan 17.15.
ÚRSLIT Í B-RIÐLI
Ísland-Portúgal 29:28
Þýskaland-Grænland 34:20
Ástralía-Katar 23:28
Grænland-Ísland 17:30
Ástralía-Þýskaland 16:46
Katar-Portúgal 21:31
Ísland-Ástralía 55:15
Þýskaland-Katar 40:17
Portúgal-Grænland 34:19
STAÐAN
L S
Þýskaland 3 6
Ísland 3 6
Portúgal 3 4
Katar 3 2
Grænland 3 0
Ástralía 3 0
ÍÞRÓTTIR UM HELGINA
LAUGARDAGUR
12.15 Sýn
Gillingham - Leeds
14.45 Stöð 2
Farnborough - Arsenal
16.35 Sjónvarpið
HM í handbolta (Ísland-Kvatar)
SUNNUDAGUR
12.45 Sýn
Man. Utd. - West Ham
14.00 Ásvellir
Handb. kv. (Haukar-ÍBV)
14.00 Víkin
Handb. kv. (Víkingur-KA/Þór)
15.40 Sjónvarpið
Ísland-Þýskaland
15.45 Sýn
Crystal Palace - Liverpool
18.25 Sýn
Shrewsbury - Chelsea
19.00 Egilshöll
Rvk.mótið í knattsp. (ÍR-Fram)
20.00 Valsheimili
Handb. kv. (Valur-Fylkir/ÍR)
20.00 Framhús
Handb. kv. (Fram-FH)
21.00 Egilshöll
Rvk.mótið (Víkingur-Fylkir)
23.00 Sýn
NFL Superbowl 2003
RAUÐHÆRÐIR
Félagarnir úr Herthu Berlin
virðast vera sáttir við háralitinn.
Leikmenn Herthu Berlin:
Lituðu hárið rautt