Fréttablaðið - 23.08.2003, Page 20

20 23. ágúst 2003 LAUGARDAGUR
Eins og leikurinn þróaðist er égsáttur við niðurstöðuna enda
annað vart hægt. Auðvitað vildi
ég að við hefðum gert út um leik-
inn þá strax. En við settum okkur
það markmið að ná 9 stigum í
þessum þremur leikjum sem nú
eru að baki. Það tókst. Nú eigum
við möguleika í riðlinum, mögu-
leika sem nánast voru horfnir eft-
ir leikina við Skota.“
Fréttablaðið náði tali af knatt-
spyrnulandsliðseinvaldinum Ás-
geiri Sigurvinssyni á Kastrup-
flugvelli þaðan sem hann var að
koma frá Færeyjum þar sem Ís-
lendingar lögðu heimamenn 1-2 í
fremur erfiðum leik.
Ekki í felur með miklar
kröfur
Ísland er nú í efsta sæti 5. rið-
ils í undankeppni Evrópumótsins
sem fram fer í Portúgal næsta
sumar. Flestir gera ráð fyrir sigri
Þjóðverja í riðlinum en annað
sætið, sem Íslendingar berjast um
við Skota, gefur kost á aukaleik
um sæti í úrslitakeppninni. Fyrir
dyrum standa tveir erfiðir leikir
við Þjóðverja, 6. september hér
heima og 11. október ytra.
„Þetta verða erfiðir leikir og
við erum litla þjóðin í því sam-
bandi. En okkur hefur sem slíkum
tekist að stríða stórþjóðum.
Reyndar þekki ég Þjóðverjana vel
og þeir eru þekktir fyrir að toppa
þegar þeir þurfa á því að halda.
Og ekki má gleyma því að þeir eru
silfurhafar frá síðasta HM.“
Ásgeir hefur ekki farið dult
með það í fjölmiðlum fyrir leiki að
hann gerir kröfur til íslenska
landsliðsins, fer hiklaust fram á
sigur, nokkuð sem forverar hans
hafa varast.
„Jájá... eftir að ég var beðinn
um að taka við liðinu vildi ég
koma því inn í höfuð leikmanna að
við værum nógu góðir til að klára
þessa þrjá leiki. Ég breytti áhersl-
um og lagði áherslu á liðsheildina.
Samt er ég ekki algerlega ánægð-
ur með leik liðsins. En að spila
þetta slakan leik en ná samt þrem-
ur stigum – það hefur ekki komið
fyrir áður.“
Þegar Ásgeir var ráðinn lands-
liðsþjálfari var líkt og hringlanda-
háttur væri ráðandi hjá KSÍ. Í
fyrstu var hann ráðinn tímabund-
ið, eins og það var kallað, meðan
verið væri að leita eftir einhverj-
um erlendum þjálfara til að taka
við liðinu.
„Þetta var á þeim tíma og ég
skil það vel. Þegar Eggert [Magn-
ússon] hafði samband við mig
spurði hann hvort ég vildi koma
að þessu tímabundið á þeim for-
sendum að það tæki tíma að finna
rétta manninn. Ég féllst á það. Ég
var ekkert að sækjast eftir þessu
starfi. Síðan fékk ég Loga Ólafs-
son til liðs við mig, sem er frábær
‘partner’, og svo fór þetta að
ganga. Ég hef á tilfinningunni að
leikmönnum líki vel hvernig við
leggjum þetta upp og eftir leikinn
við Litháa, sem var mjög góður,
var talað um að þetta væri góður
kostur. Þá var breytt um stefnu.
Við Logi skoruðumst ekki undan
verkefninu og þykir gaman að
standa í þessu. Fótboltinn hefur
verið mitt hugðarefni alla tíð og
ég hef reyndar ágætis menntun
sem þjálfari, nám sem ég lagði
stund á í Þýskalandi á sínum tíma.
Þegar þetta kom, þá kannski
kviknaði á perunni, en ekkert
fyrr.“
Óeðlilega miklir peningar í
boltanum
Ekki fer hjá því að Ásgeir verði
var við mikla ánægju með gengi
landsliðsins og hann miðar að því
að hleypa auknu sjálfstrausti í liðið
og að fá meira út úr því en undan-
farin ár. En oft virðist, þegar Ís-
lenska landsliðið er annars vegar,
að þegar vonirnar eru mestar sé
hrunið á næsta leiti.
„Jú, það hefur oft gerst að okk-
ur hefur ekki lánast að taka síð-
asta skrefið í svona keppni. Ég
dreg ekki dul á að þetta verður
erfitt en við eigum möguleika á 2.
sæti í riðlinum og stefnum á það.
Ég tel líklegt að Skotar vinni Fær-
eyinga og Litháa. Þetta þýðir í
raun að við þurfum þrjú stig út úr
leikjunum við Þjóðverja. Úrslitin
eru ekki ráðin fyrir fram.“
Ásgeir lagði skóna á hilluna
árið 1990 og ekki úr vegi að spyrja
hann hvort mikið hafi breyst frá
þeim tíma.
„Reglurnar hafa breyst lítil-
lega, sérstaklega með markmenn-
ina, sem gerir að boltinn er meira
í leik. Stökkbreytingin er hins veg-
ar að peningar í íþróttinni hafa tí-
faldast frá því sem þá var. Þetta
eru orðnar þvílíkar upphæðir að
manni finnst það óeðlilegt. En slík-
ar eru vinsældirnar. Þetta er vin-
sæl söluvara og áhuginn er fyrir
hendi, sem er frábært. Vonandi
geta knattspyrnumenn bara þénað
eins mikið og klúbbarnir geta
borgað. En maður skilur reyndar
ekkert í þessum upphæðum sem
eru slíkar að venjulegur maður
kann ekkert að fara með.“ Ásgeir
segist vissulega hafa verið vel
launaður á sínum tíma en ekkert í
líkingu við það sem þekkist núna.
Eftirminnilegasta leikinn í
tengslum við landsliðið segir Ás-
geir frægan leik við Austur-Þjóð-
verja á Laugardalsvellinum árið
1975 þar sem Ísland hafði sigur,
2-1. Jóhannes Eðvaldsson og Ás-
geir skoruðu mörkin.
„Það var vendipunktur, óvænt
og kom okkur á blað. Þá tók að
rofa til hjá landsliðinu og við töp-
uðum ekki stórt eftir það í mörg-
um leikjum þar á eftir. Þá voru
menn að byrja að fara í atvinnu-
mennsku. Og þeim mun fleiri sem
gátu æft markvisst, þeim mun
fleiri komu til baka sterkari og
smituðu út frá sér.“
Í hávegum hafður meðal
Þjóðverja
Ásgeir segir alls ekki hafa ver-
ið erfitt að koma heim sem at-
vinnumaður til að spila með
áhugamannaliði Íslands, ávallt
hafi ríkt sérstakur og skemmtleg-
ur mórall í landsliðshópnum.
Jürgen Klinsmann, fyrrum lands-
liðsmiðherji Þýskalands, sagði
Ásgeir þann besta sem hann hefði
leikið með í frægu samtali við
Morgunblaðið árið 1994: „Hvaða
þjóð sem er; Ítalía, Þýskaland ...
öll stóru knattspyrnulöndin hefðu
ólm viljað hafa leikmann eins og
Ásgeir. Hann hefði getað gengið
inn í hvaða landslið sem er!“
„Jájá... það er önnur hlið á
þessu. Eflaust hefði verið gaman
að taka þátt í landsleikjunum með
sterkari þjóð. En ég er nú Íslend-
ingur og aldrei annað staðið til.“
Ásgeir segist aldrei hafa íhug-
að að gerast þýskur ríkisborgari
og það þrátt fyrir að Frans Beck-
enbauer, landsliðsþjálfari Þýska-
lands, hefði látið þess svo getið á
sínum tíma að Ásgeir væri einn
besti, ef ekki albesti, miðjumaður
í heimi og væri í sínu liði væri
hann Þjóðverji.
„Nei, ég hugsaði ekkert út í
það. Þetta höfðaði ekki til mín þó
að ég væri að spila með þýskum
landsliðsmönnum í deildinni á
þeim tíma og þetta hefði kannski
ekki verið neitt risastökk. Ætli
það sé ekki bara Íslendingurinn í
mér. Maður er stoltur af því og ég
hafði ekki áhuga á að huga það
þessu máli.“
Einungis nýlega orðinn 18 ára
fór Ásgeir sem atvinnumaður til
Standard Liege í Belgíu. Hann
segir það hafa verið stórt stökk.
„En það var bara að bíta á jaxlinn.
Ég komst fljótlega inn í aðalliðið,
spilaði þarna í átta ár og hafði
gaman af. Mér líkaði mjög vel við
Belgana og sérstaklega franska
hlutann.“
Þaðan fór Ásgeir til Bayern
München, sterkasta liðs Þýska-
lands á þeim tíma, en staldraði til-
tölulega stutt við. Hann lék þó
fjölda Evrópuleikja með liðinu en
sat á bekknum þegar Bayern tap-
aði fyrir Aston Villa í úrslitaleik
Evrópukeppninnar. Ásgeir keppti
um stöðu í liðinu við landsliðsfyr-
irliðann Paul Breitner – sem var
fastur fyrir. Ásgeiri þótti ekki
viðunandi að vera ekki fastamað-
ur og tók tilboði frá Stuttgart. Há-
punkturinn á ferlinum var líklega
árið 1984 þegar Stuttgart endur-
heimti meistaratitilinn eftir 32
ára bið og Ásgeir var kosinn
knattspyrnumaður ársins af leik-
mönnum deildarinnar.
Landsliðið mun selja sig
dýrt
Ásgeir neitar því aðspurður að
vera pólitískur þó hann fylgist
með. Hann jánkar því að falast
hafi verið eftir nafni hans á ýmsa
pólitíska lista. Áhugamálin eru
einkum golf og svo reynir hann
að veiða og fer einnig á skytterí.
Ásgeir kom á fót drykkjarvöru-
markaði í Þýskalandi, fyrirtæki
sem hann á enn og leigir út rekst-
urinn á. Ásgeir gefur reyndar
ekki mikið út á hvað hann er hlut-
hafi í mörgum fyrirtækjum. Seg-
ir þau ekki mörg en hefur ekki
áhuga á að tína þau til, það komi
engum öðrum við. Þó verður ekki
svo skilið við atvinnurekstur og
Ásgeir án þess að spyrja hann út
í stöðu mála hjá Stoke, þar sem
hann er hluthafi.
„Ég sit þar í stjórn og eftir
tvær umferðir er Stoke í efsta
sæti í 1. deildinni. Það er ánægju-
leg byrjun. Þar hafa verið miklar
breytingar undanfarið. Við höf-
um þurft að lækka launakostnað
hjá félaginu eftir að 1. deildin öll
varð af sjónvarpssamningi og
þar með miklum tekjum. Þá
þurfti að skera niður og það get-
ur reynst erfitt þegar menn eru á
löngum samningum. En rekstur-
inn er að komast í eðlilegt horf
núna.“
Ásgeir er greinilega með hug-
ann við landsliðið en undirbún-
ingi var áfátt fyrir Færeyjaleik-
inn. „Við vorum með eina æfingu
þar sem allur mannskapurinn var
saman. Að sjálfsögðu verður
undibúningur annar og betri fyr-
ir Þjóðverjaleikinn og það verður
allt annað líf. Við þurfum þrjá til
fjóra daga með liðið áður en leik-
urinn fer fram. Hver einasti leik-
ur er möguleiki. Við munum selja
okkur dýrt og landsmenn eiga
ekki að þurfa að veigra sér við að
mæta á völlinn.“
Á það má minna að árið 1974
voru A-Þjóðverjar einir um að
sigra V-Þjóðverja á HM. Það
sama lið lögðu Ásgeir og félagar
árið 1975. Nú er gott að eiga það
á afrekaskrá og í minningunni.
jakob@frettabladid.is
ÁSGEIR SIGURVINSSON
„Ég breytti áherslum og lagði áherslu á liðsheildina. Samt er ég ekki algerlega ánægður með leik liðsins. En að spila þetta slakan leik en
ná samt þremur stigum – það hefur ekki komið fyrir áður.“
STIKLAÐ Á STÓRU Í FERLI
ÁSGEIRS SIGURVINSSONAR
• Ásgeir Sigurvinsson er að margra
mati besti knattspyrnumaður sem Ísland
hefur alið. Hann fæddist 8. maí árið
1956 í Vestmannaeyjum og fljótlega
komu hæfileikar hans á sviði knatt-
spyrnu í ljós. Aðeins 16 ára gamall var
hann farinn að spila í 1. deild fyrir ÍBV.
• Atvinnumannaferill Ásgeirs hófst
með Standard Liege í Belgíu en þang-
að fór hann aðeins 18 ára.
• Hann spilaði með Standard Liege
1973-81.
• Varð bikarmeistari í Belgíu með
Standard Liege 1981.
• Valinn íþróttamaður ársins árið 1974
og 1984.
• Spilaði með Bayern München 1981-
82.
• Stuttgart 1982-90.
• Varð Þýskalandsmeistari með Stutt-
gart 1984.
• Árið 1984 var Ásgeir kosinn leik-
maður ársins í Þýskalandi.
• Á árunum 1972-1989 lék Ásgeir alls
45 landsleiki, var fyrirliði í sjö þeirra og
skoraði 5 mörk.
• Lagði skóna á hilluna árið 1990 en
hefði getað verið lengur – var með
ýmis tilboð þar um, til dæmis frá Stutt-
gart og Schalke.
• Árið 1993 var Ásgeir þjálfari hjá Fram.
• 2003 tók hann við stöðu landsliðs-
þjálfara Íslands.
Íslenska landsliðið hefur náð frábærum árangri undir stjórn Ásgeirs Sigurvinssonar, sem leitt hefur liðið til sigurs í þremur leikjum.
Sjálfur var hann meðal allra bestu knattspyrnumanna sem Ísland hefur alið. Nú stendur eldraunin fyrir dyrum, landsleikir við
Þjóðverja, en þá þekkir Ásgeir vel. Hann spilaði sjálfur í Bundeslígunni og var í hávegum hafður meðal Þjóðverja.
Ásgeir í eldlínunni
Eflaust hefði verið
gaman að taka þátt
í landsleikjunum með
sterkari þjóð. En ég er nú
Íslendingur og aldrei annað
staðið til.
,,
Fótboltinn hefur
verið mitt hugðar-
efni alla tíð og ég hef
reyndar ágætis menntun
sem þjálfari, nám sem ég
lagði stund á í Þýskalandi á
sínum tíma.
,,
FR
ÉT
TA
B
LA
Ð
IÐ
/R
Ó
B
ER
T