Fréttablaðið - 23.01.2004, Síða 6

6 23. janúar 2004 FÖSTUDAGUR
GENGI GJALDMIÐLA
Bandaríkjadalur 68.48 -0.48%
Sterlingspund 126.45 0.21%
Dönsk króna 11.71 0.33%
Evra 87.25 0.37%
Gengisvísitala krónu 119,17 -0,36%
KAUPHÖLL ÍSLANDS
Fjöldi viðskipta 448
Velta 4.287 milljónir
ICEX-15 2.368 1,09%
Mestu viðskiptin
Íslandsbanki hf. 596.376.195
Straumur Fjárf.banki hf. 269.746.400
Og fjarskipti hf. 264.128.901
Mesta hækkun
Straumur Fjárfestingarbanki hf. 8,70
Kaldbakur hf. 6,93
Nýherji hf. 5,56
Mesta lækkun
Síf hf. -1,84%
Marel hf. -0,35%
ERLENDAR VÍSITÖLUR
DJ* 10.612,6 -0,1%
Nasdaq* 2.122,4 -0,9%
FTSE 4.478,2 -0,7%
DAX 4.133,9 -0,1%
NK50 1.410,5 0,1%
S&P* 1.145,6 -0,2%
*Bandarískar vísitölur kl. 17.00
Veistusvarið?
1Hvað heitir framkvæmdastjóri Brimssem lætur af störfum í apríl?
2Hvað heitir hundurinn sem bjargaðvar úr rústum Bakka eftir snjóflóðið á
Ólafsfirði.
3Hvaða lið er í efsta sæti 1. deildarkvenna í körfubolta?
Svörin eru á bls. 46
Lögreglan fullyrðir að Rocknes hafi tekið niður:
Lík fjórða skipverjans fundið
NOREGUR Norskir björgunarmenn
fundu í gær lík skipverja sem
fórst þegar flutningaskipinu
Rocknes hvolfdi skammt undan
ströndum Noregs. Lögreglan
fullyrðir að skipið hafi tekið
niðri.
Björgunarmenn höfðu í gær-
kvöldi fundið lík fjögurra skip-
verja en fjórtán var enn saknað.
Fjórða líkið fannst á fimmtíu
metra dýpi með aðstoð fjarstýrðs
kafbáts. Haldið verður áfram að
leita meðfram strandlengjunni
og í sjónum í nágrenni við slys-
staðinn. Þegar tekist hefur að
gera skipið stöðugt verður það
dregið til næstu hafnar og kafar-
ar sendir inn í það.
Skemmdir eru sjáanlegar á
skipsskrokknum og bendir allt til
þess að skipið hafi tekið niðri.
Kafarar hafa fundið merki um að
skip hafi rekist á sjávarbotninn á
siglingarleið Rocknes og segir
norska jarðvísindastofnunin að
titringur hafi mælst á jarð-
skjálftamælum í nágrenni Björg-
vin fáeinum mínútum áður en
skipinu hvolfdi. Allt þykir þetta
renna stoðum undir þá kenningu
að skipið hafi tekið niðri og vatn
hafi lekið inn í það með þeim af-
leiðingum að jafnvægi þess
raskaðist. ■
„Öxulstjórn hins illa“
Andstæðingar Bush Bandaríkjaforseta meðal demókrata gagnrýna stefnu hans harðlega og segja
hann stunda blekkingaleik. Þjóðin sitji uppi með óheyrilegan stríðskostnað og aukið atvinnuleysi.
BANDARÍKIN Stefnuræða Bush
Bandaríkjaforseta hefur fengið
mjög misjöfn viðbrögð í Banda-
ríkjunum. Andstæðingar hans
meðal demókrata saka hann með-
al annars um „einfarastefnu“ í ut-
anríkismálum. Flestir stjórnmála-
skýrendur eru sammála um að
ræðan hafi borið þess merki að
kosningar eru í nánd og hún hafi
markað upphafið að baráttu for-
setans fyrir endurkjöri.
Sumir stjórnmálaskýrendur
hafa lýst furðu sinni á því að for-
setinn hafi sett utanríkismálin á
oddinn en aðrir telja að þetta hafi
verið snjöll aðferð til að beina
þannig athyglinni frá efnahags-
vandanum heima fyrir. Sá hluti
ræðunnar hafi minnt á sunnudag-
spredikun og loforð forsetans um
varanlegar skattalækkanir því
fallið í stríðsskuggann. Skilaboðin
hafi verið: „Við eigum í stríði. Ég
er foringinn. Veriði ekki að flækj-
ast fyrir mér. Það væri glapræði
að skipta um mann í brúnni“.
Nancy Pelosi, leiðtogi
demókrata í fulltrúadeild þings-
ins, sakar forsetann um slæma
efnahagsstjórn og segir að Íraks-
stríðið hafi verið rekið á kostnað
mennta- og heilbrigðismála.
„Bush leiddi bandarísku þjóðina
út í stríð gegn Írökum án þess að
leggja fram haldbær rök og nú
sitjum við uppi með óheyrilegan
kostað sem lendir á skattgreið-
endum. Hann hefur kosið að fara
eigin leiðir með þeim afleiðing-
um að gjá hefur myndast í sam-
skiptum okkar við önnur lönd.
Við eigum að vera boðberar
frelsis en ekki ófriðar,“ segir
Pelosi.
Wesley Clark, sem berst fyrir
tilnefningu demókrata til forseta-
framboðs, líkir Bushstjórninni við
„öxulveldi hins illa“. Hann segir
að utanríkisstefnan ógni öryggi
þjóðarinnar og innanríkisstefnan
sé að sliga heimilin.
Howard Dean, sem leitt hefur
baráttuna um tilnefningu
demókrata, sakar Bush um blekk-
ingar. „Hann minntist varla á her-
kostnaðinn og það hljóta allir að
sjá í gegnum fagurgalann,“ segir
Dean.
John Kerry, sem vann óvæntan
sigur í fyrsta prófkjöri demókrata
í Iowa á mánudaginn, sakar Bush
um aðgerðaleysi í atvinnumálum
og bendir á að atvinnuleysi hafi
ekki verið meira síðan í krepp-
unni miklu árið 1929. Hann bendir
á að á valdatíma Bush hafi 2,3
milljónir starfa tapast og atvinnu-
leysi aukist úr 3,9% í 5,7%. „Hann
virðist ekki ennþá, eftir nærri
fjögur ár í embætti, gera sér
grein fyrir stöðunni hér heima,“
sagði Kerry og bætti við að á
sama tíma væri rætt um 40 millj-
arða dollara aukafjárveitingu
vegna uppbyggingarinnar í Írak
og Afganistan til viðbótar við þá
400 milljarða sem þegar séu á
fjárlögum.
erlingur@frettabladid.is
Drengur fæddur:
11 ára móðir
ÚKRAÍNA, AP Ellefu ára stúlka ól
dreng á sjúkrahúsi í borginni Khar-
kiv í Úkraínu. Drengurinn, sem var
tekinn með keisaraskurði, vó 3,8
kílógrömm, að því er frá er greint í
úkraínska dagblaðinu Fakty. Móðir
og barn eru við góða heilsu en verða
þó á sjúkrahúsinu í eina viku.
Faðir barnsins, 26 ára gamall ná-
granni stúlkunnar, lagði á flótta
þegar hann fékk fregnir af þungun-
inni af ótta við að verða ákærður.
Hann á yfir höfði sér allt að þriggja
ára fangelsi verði hann fundinn sek-
ur um að hafa átt í kynferðissam-
bandi við barnið.
Foreldrar stúlkunnar neituðu að
láta eyða fóstrinu og ákváðu „að
láta örlögin ráða“. Drengurinn mun
búa hjá móður sinni og ömmu. ■
Fyrrum forstjóri
Húsnæðisstofnunar:
Vann mál í
Hæstarétti
DÓMSMÁL Lífeyrissjóði starfsmanna
ríkisins ber, samkvæmt dómi
Hæstaréttar, að greiða Sigurði E.
Guðmundssyni, fyrrum fram-
kvæmdastjóra Húsnæðisstofnunar
ríkisins, lífeyri sem miðast við
launakjör núverandi framkvæmda-
stjóra Íbúðalánasjóðs,
Hæstiréttur staðfesti þar með
dóm Héraðsdóms Reykjavíkur frá í
fyrra.
Á báðum dómstigum var talið að
starf Sigurðar hefði verið sambæri-
legt að eðli, umfangi og ábyrgð og
starf framkvæmdastjóra Íbúða-
lánasjóðs. Því beri að miða lífeyrinn
við svonefnda eftirmannsreglu. ■
fasteignasala Íslendinga á Spáni
Kynning verður haldin í Gerðubergi
sal F, laugardaginn 24. janúar milli klukkan 13 og 17
Kynnt verða sumarhús á
Costa Blanca bæði til sölu og
leigu ásamt því að kynna
svæðið mjög vel.
Gloria Casa er
spænsk fasteignasala
sem er í eigu Íslendinga.
www.gloriacasa.com
info@gloriacasa.com
Upplýs. í síma 693 1596 Hallur Ólafur
FLAK ROCKNES
Flutningaskipið liggur á hvolfi í þröngu
sundi við vesturströnd Noregs.
BUSH MINNTIST VARLA
Á HERKOSTNAÐINN
Andstæðingar Bush meðal
demókrata saka hann um
„einfarastefnu“ í utanríkis-
málum og að hafa leitt
bandarísku þjóðina út í stríð
gegn Írökum án þess að
leggja fram haldbær rök.