Fréttablaðið - 14.05.2004, Side 59

FÖSTUDAGUR 14. maí 2004
Íslenska handboltalandsliðið:
Ellefu nýliðar
HANDBOLTI Guðmundur Guðmunds-
son, landsliðsþjálfari í handknatt-
leik, valdi í gær 19 manna leik-
mannahóp sem fer á Flanders Cup
í Belgíu síðar í mánuðinum. Flestir
atvinnumennirnir eru enn að spila í
sínum deildum og því er aðeins
einn atvinnumaður í hópnum að
þessu sinni, Róbert Gunnarsson
sem spilar í Danmörku. Athygli
vekur að Logi Geirsson úr FH er
ekki í hópnum en hann gaf ekki
kost á sér vegna meiðsla. Athyglis-
vert nafn á listanum er Kristján
Andrésson, sem er 24 ára miðju-
maður sem spilar í sænsku úrvals-
deildinni.
Ellefu nýliðar eru í hópnum að
þessu sinni en fastlega má búast
við því að hópurinn breytist mikið
23. maí. Þá velur Guðmundur nýj-
an hóp sem spilar tvo æfingaleiki í
Grikklandi sem eru undirbúnings-
leikir fyrir leikina tvo gegn Ítölum
en sigur í þeirri rimmu tryggir Ís-
lendingum sæti á HM á næsta ári.
„Þetta er kærkomið tækifæri til
að skoða alla þessa stráka en þeir
hafa allir staðið sig vel í vetur og
eru nú að uppskera með þessu
kalli,“ sagði Guðmundur í samtali
við Fréttablaðið í gær en andstæð-
ingar Íslands í Belgíu verða Túnis,
Danmörk og Serbía og Svartfjalla-
land. „Flanders Cup er sterkt mót
sem vel er staðið að og verður gam-
an að sjá hvernig strákarnir pluma
sig.“ ■
Kvennalandsliðið í handbolta:
Tekur stefnuna á EM
HANDBOLTI Stefán Arnarson,
landsliðsþjálfari kvenna í hand-
knattleik, valdi í gær leik-
mannahóp sem mun mæta Dön-
um í tveim æfingaleikjum um
helgina. Þeir leikir eru liður í
undirbúningi landsliðsins fyrir
tvo leiki gegn Tékkum um sæti í
úrslitum EM. Það er ekki ama-
legt fyrir íslenska liðið að fá
eins sterka æfingaleiki og þetta
en danska kvennadeildin er sú
besta í heimi og landslið Dana
eitt það besta í heiminum í dag.
„Það er alveg frábært að fá
þessa leiki og þeir eru í raun tákn
um breytta tíma,“ sagði Stefán í
samtali við Fréttablaðið í gær.
„Það er ekki hægt að kvarta yfir
þessum undirbúningi fyrir Tékka-
leikina þótt ég hefði gjarna viljað
fá meiri tíma til þess að undirbúa
liðið fyrir Danaleikina en það þýð-
ir ekki að kvarta yfir því.“
Stefán segir að stelpurnar
setji markið hátt og ætli á EM
en það verður enginn hægðar-
leikur.
„Við töpuðum fyrir þessu liði
með tveimur mörkum í október
þannig að við vitum að við get-
um sigrað þær. Það þarf samt
mikið að ganga upp því Tékkar
hafa verið inni á öllum stórmót-
um síðustu ár og eru með gott og
reynt lið.“ ■
Liðsstyrkur
frá Stoke
Þrír ungir og efnilegir leikmenn til liðs við Víkinga.
FÓTBOLTI Á næstunni mun Víking-
um berast liðsstyrkur frá Stoke í
formi þriggja ungra leikmanna
sem spila munu með þeim í Lands-
bankadeildinni í sumar. Leik-
mennirnir, sem eru allir undir tví-
tugu og hafa spilað með unglinga-
og varaliði Stoke í vetur, verða til-
búnir í slaginn með Hæðargarðs-
piltum í þriðju umferð mótsins.
Þeir eru Richard Keogh, sem er
varnarmaður, Jay Denny, miðju-
maður, og svo sóknarmaðurinn
Jermaine Palmer en sá er sonur
Carltons Palmer, sem garði garð-
inn frægann með mörgun enskum
liðum, var meðal annars í meist-
araliði Leeds 1992 og lék einnig
með Sigurði Jónssyni, þjálfara
Víkings, hjá Sheffield Wednesday
á níunda áratug síðustu aldar. Jay
Denny hefur leikið með U-17 ára
landsliði Bandaríkjanna með
undrabarninu Freddy Adu, sem er
rétt nýskriðinn á kynþroskaaldur-
inn en spilar engu að síður meðal
þeirra bestu í Bandaríkjunum, að-
eins 14 ára að aldri. Richard
Kreogh var kjörinn besti ungi
leikmaðurinn hjá Stoke í lok
keppnistímabilsins 2002-3 og
Jermaine Palmer var á dögunum
kjörinn besti ungi leikmaðurinn
hjá félaginu þetta tímabilið. Hér
virðist því um væna kosti að ræða
fyrir Víkinga og af þessu tilefni
sló Fréttablaðið á þráðinn til Sig-
urðar Jónssonar, sem hafði þetta
um málið að segja: „Við erum í
góðum tengslum við Stoke en
þetta kom nokkuð snöggt og
óvænt upp á. Þessir ungu strákar
fá að spreyta sig hjá okkur og er
það liður hjá Stoke í því að herða
þá og þroska með því að senda þá
á framandi stað þar sem þeir
þurfa að miklu leyti að standa á
eigin fótum. Það er töluvert mikið
í húfi fyrir þá því þeir eru að berj-
ast fyrir því að fá atvinnumanna-
samning hjá Stoke. Þeir hafa
staðið sig virkilega vel í vetur
með varaliðinu og þessi dvöl hér
á landi er vettvangur fyrir þá að
sanna sig enn frekar. Svo sjáum
við bara til hvar þeir standa. Það
er aldrei að vita nema að þeir
komi eitthvað til með að hjálpa
okkur en ég er aðallega að horfa
til aukinnar breiddar og það er
aðalmarkmiðið en breiddin í leik-
mannahópnum er mitt aðal-
áhyggjuefni. Við höfum ekki
peninga eins og önnur lið til að
spreða í leikmannakaup og ég er
ekki á sama báti og aðrir þjálfar-
ar í deildinni hvað það varðar. Ég
verð því að finna aðrar leiðir en
þetta er ein af þeim og hún er
ekki að kosta félagið neitt.
Grunnhugsunin í þessu dæmi er
sú að tryggja okkur ef við lend-
um í miklum meiðslum. Eins og
staðan er í dag erum við bara
með 18-19 leikmenn og það má
því lítið út af bregða til að ekki
fari illa. Þó að þessir strákar frá
Stoke séu ungir eiga þeir alveg
að vera í stakk búnir fyrir deild-
ina hér. Hjá mér eru leikmenn
einfaldlega dæmdir eftir því
hvernig þeir standa sig á æfing-
um og velja sig sjálfir í liðið, ef
svo mætti að orði komast. Við í
Víkingi ætlum að stóla á unga
stráka sem við höfum mikla trú
á. Meiri liðsstyrkur er ekki
væntanlegur en ég er bjartsýnn
á gengi liðsins og það býr mikið í
því,“ sagði Sigurður Jónsson,
þjálfari Víkinga. ■
LANDSLIÐSHÓPURINN
Markverðir
Berglind Íris Hansdóttir Valur
Helga Torfadóttir Tvis Holstebro
Hildur Gísladóttir Grótta/KR
Útileikmenn
Anna María Guðmundsd. Valur
Anna Úrsula Guðmundsd. Grótta/KR
Ásdís Sigurðardóttir Stjarnan
Dagný Skúladóttir Án félags
Drífa Skúladóttir Valur
Dröfn Sæmundsdóttir FH
Eva Björk Hlöðversdóttir Grótta/KR
Guðbjörg Guðmannsdóttir ÍBV
Guðrún Hólmgeirsdóttir FH
Gunnur Sveinsdóttir FH
Hafrún Kristjánsdóttir Valur
Hanna Guðrún Stefánsd. Tvis Holstebro
Harpa Vífilsdóttir Ydun
Hrafnhildur Skúladóttir Tvis Holstebro
Inga Fríða Tryggvadóttir Tvis Holstebro
Jóna Margrét Ragnarsdóttir Stjarnan
Kristín Guðmundsdóttir Tvis Holstebro
Rakel Dögg Bragadóttir Stjarnan
Þórdís Brynjólfsdóttir FH
SIGURÐUR JÓNSSON
Þjálfari Víkinga. Leikmannahópurinn er lítill og liðið stólar á unga og efnilega leikmenn
sem fá sína eldskírn í sumar. Strákunum frá Stoke er ætlað að auka breiddina.
FR
ÉT
TA
B
LA
Ð
IÐ
/H
AR
I
LANDSLIÐSHÓPURINN
Markverðir
Birkir Ívar Guðmundsson Haukar
Pálmar Pétursson Valur
Björgvin Páll Gústavsson HK
Ólafur Gíslason ÍR
Útileikmenn
Sturla Ásgeirsson ÍR
Baldvin Þorsteinsson Valur
Bjarni Fritzson ÍR
Þórir Ólafsson Haukar
Róbert Gunnarsson Aarhus GF
Vignir Svavarsson Haukar
Arnór Atlason KA
Ingimundur Ingimundarson ÍR
Heimir Örn Árnason Valur
Kristján Andrésson GUIF
Ásgeir Örn Hallgrímsson Haukar
Einar Hólmgeirsson ÍR
Hrafn Ingvarsson Afturelding
Vilhjálmur Halldórsson Valur
Valdimar Þórsson Fram
58-59 (38-39) Sport 13.5.2004 20:55 Page 3