Fréttablaðið - 14.05.2004, Side 61

41FÖSTUDAGUR 14. maí 2004
Markús Máni
Michaelson:
Hefði viljað
kveðja
með titli
HANDBOLTI Markús Máni Michaels-
son Maute var að leika kveðjuleik
sinn fyrir Val, í bili að minnsta
kost, en hann er á förum í atvinnu-
mennsku til Þýskalands.
Hann stóð sig frábærlega í leikn-
um og skoraði 11 mörk en hefði auð-
vitað viljað enda á betri nótum:
„Það hefði verið gaman að
kveðja með titli en það bíður betri
tíma – ég kem einhvern tímann
aftur. Mín spilamennska var ekki
nógu góð í tveimur fyrstu leikjun-
um og er í raun ekki kominn í
neitt sérstaklega gott form eftir
þessi meiðsli. Það var stígandi í
mínum leik en því miður var ég
ekki tilbúinn í tveimur fyrstu
leikjunum á móti Haukum. Við
vorum á toppnum í allan vetur og
því er það gríðarlega svekkjandi
að missa þetta niður, bæði í deild-
inni og svo nú.
Við erum búnir að vera virki-
lega óheppnir með meiðsli í vetur
sem settu stórt strik í reikninginn
og við eigum töluvert mikið inni
og ég veit að Valsmenn koma
sterkir til leiks á næsta keppnis-
tímabili,“ sagði Markús Máni sem
nú hverfur á braut. ■
Einfaldlega langbestir
Haukar Íslandsmeistarar í handbolta annað árið í röð. Sópuðu Val í einvíginu um titilinn, 3-0.
HANDBOLTI Það þarf enginn að efast
um það lengur – Haukar eru með
langbesta handboltaliðið á Íslandi
í dag. Þeir urðu í gær fyrsta liðið í
sögunni til að vinna úrslitaeinvíg-
ið um Íslandsmeistaratitilinn, 3-0.
Lokatölur í þriðja leik liðanna
voru 33-31 en sigurinn var örugg-
ari en lokatölurnar gefa til kynna.
Haukar eru svo sannarlega verð-
ugir meistarar því þeir bera öll
karaktereinkenni sanns meistara-
liðs.
Leikurinn á Ásvöllum í gær var
hin besta skemmtun. Valsmenn
ætluðu greinilega að selja sig dýrt
því þeir mættu vel stemmdir og
náðu 2-0 forystu. Haukarnir voru
fljótir að svara og liðin skiptust
síðan á að halda forystunni fram
að hlé. Þegar gengið var til bún-
ingsherbergja höfðu heimamenn
eins marks forystu, 16-15.
Sama barátta var í byrjun síð-
ari hálfleiks en þegar tæpar tíu
mínútur voru liðnar af síðari hálf-
leik stigu Haukarnir á bensínið –
skoruðu fjögur mörk í röð og náðu
fjögurra marka forystu, 25-21.
Þarna kláraðist leikurinn í raun
því Valsmenn náðu aldrei að ógna
Haukum eftir þessa rispu. Annað
skiptið í röð hafði slæmur kafli í
byrjun síðari hálfleiks fellt Vals-
menn. Minnti reyndar um margt á
íslenska landsliðið sem hefur tap-
að ófáum leikjum vegna slæms
kafla.
Lið Hauka var frábært í þess-
um leik, og reyndar allt einvígið.
Vörnin var til mikils sóma þar
sem turnarnir þrír – Shamkuts,
Pauzuolis og Vignir – réðu ríkjum.
Vignir átti einnig stórleik í sókn-
inni – opnaði vel fyrir félaga sína
og var duglegur að koma sér í
færi. Ásgeir Örn var frábær enn
eina ferðina. Sá strákur verður
betri með hverjum leiknum og er
leitun að betri leikmanni en hon-
um á landinu. Ekki skemmir fyrir
hversu mikið honum hefur farið
fram sem varnarmanni. Allir aðr-
ir stóðu vel fyrir sínu og það er
þessi frábæra liðsheild sem hefur
fleytt Haukum alla leið á toppinn.
Það er hvergi veikan hlekk að
finna í þessu liði og hver einasti
leikmaður skilar sínu til liðsins.
Svo má ekki gleyma markverðin-
um Birki Ívari sem hefur farið
hamförum og engin breyting varð
á því í gær. Það verður verulega
erfitt fyrir Guðmund landsliðs-
þjálfara að ganga fram hjá honum
fyrir Ólympíuleikana.
Allir voru sammála um að ef
Valur ætti að eiga möguleika í
þessum leik þá yrðu Heimir Örn
og Markús Máni að rífa sig upp.
Það gerðu þeir en því miður fyrir
Valsmenn þá voru flestir félagar
þeirra meðvitundarlausir á með-
an. Heimir og Markús héldu sín-
um mönnum á floti lengi vel, biðu
eftir félögum sínum en þeir komu
aldrei. Tvö mörk á aðra leikmenn
utan af velli er einfaldlega of lítið
þegar lið eru að keppa gegn Hauk-
um um Íslandsmeistaratitilinn.
henry@frettabladid.is
Halldór Ingólfsson, fyrirliði Hauka, vann sinn fjórða Íslandsmeistaratitil á fimm árum í gærkvöld:
Væri óneitanlega gaman að hætta á toppnum
FÓTBOLTI Halldór Ingólfsson var að
taka á móti Íslandsmeistaratitlin-
um í fjórða skiptið á síðustu fimm
árum og segist ekki kominn með
leið á því:
„Við vorum gríðarlega vel
stemmdir í þessu einvígi og algjör-
lega tilbúnir frá A til Ö í öllum
leikjunum. Þetta var kvöldið sem
mátti ekki klikka því þetta var í
fyrsta skiptið sem lokaúrslit vinn-
ast 3-0 og í fyrsta skipti sem við
tökum á móti titlinum hér á Ásvöll-
um og af þessu vildi ég alls ekki
missa – það kom því ekki til greina
neitt annað en sigur í þessum leik.
Það er ekki leiðinlegt að taka á
móti þessum titli en ég ætla að
skoða mín mál í rólegheitunum. Þó
að óneitanlega væri gaman að
hætta á toppnum finnst mér ég
ekki vera búinn sem leikmaður.
Liðið verður án efa með þeim
bestu á næstu árum og nóg af ung-
um strákum sem eru tilbúnir í
slaginn en ég ætla að sjá til,“ sagði
Halldór, sem fór gríðarlega vax-
andi í úrslitakeppninni eftir erfið
nárameiðsl í vetur.
Erum langbestir
Andri Stefan er einn allra efni-
legasti leikstjórnandinn sem við
eigum og hann var brattur eftir
leik enda varð honum að ósk sinni
– Haukar komust í frí fyrir helgi:
„Það er frábært að vera búinn að
klára þetta og tilfinningin er ynd-
isleg. Nú verður bara gott Júró-
visjonpartí á laugardaginn en það
hefði óneitanlega skemmt aðeins
þá stemmningu að þurfa að spila
við Valsmenn daginn eftir það,“
sagði Andri og hló dátt og bætti
við: „Núna er þetta bara fullkomið,
það gekk eftir það sem við ætluð-
um en það var að verða fyrstir til
að klára lokaúrslit 3-0 og við erum
búnir að sanna hér í eitt skipti fyr-
ir öll að við erum langbestir hér á
Íslandi – ég ætla ekkert að segja
meira,“ voru lokaorðin hjá Andra
Stefan í sigurvímu. ■
MEISTARARNIR FAGNA
Það var mikil gleði á Ásvöllum í gær þegar Halldór Ingólfsson lyfti bikarnum annað árið í
röð. Halldór sést hér með markverðinum Birki Ívari Guðmundssyni og hornamanninum
Jóni Karli Björnssyni.
Stefán Logi Magnússon:
Samdi við
Þrótt
FÓTBOLTI Markvörðurinn Stefán
Logi Magnússon skrifaði í gær-
kvöld undir samning við 1. deildar
lið Þróttara.
Stefán Logi lék með Víkingum
í fyrra en spilaði ekki einn einasta
leik. Hann var á mála hjá enska 1.
deildarliðinu Bradford veturinn á
undan.
Stefán Logi, sem er 24 ára
gamall, á einnig að baki dvöl hjá
þýska stórliðinu Bayern Münch-
en.
Hann lék þrettán leiki með
U-19 ára landsliðinu og átta leiki
með U-17 ára landsliði Íslands. ■
ANDRI STEFAN LYKILMAÐUR HAUKA
Sáttur með sigurinn enda kemst hann í
gott Júróvisjónpartí á laugardaginn.
Mörk Hauka:
Ásgeir Örn Hallgrímsson 9
Halldór Ingólfsson 7/3
Þorkell Magnússon 5
Vignir Svavarsson 4
Þórir Ólafsson 3
Andri Stefan 3
Aliaksandr Shamkuts 1
Robertas Pauzuolis 1
Varin skot:
Birkir Ívar Guðmundsson 19/2
Mörk Vals:
Markús Máni Michaelsson 11/1
Heimir Örn Árnason 7
Baldvin Þorsteinsson 5/3
Bjarki Sigurðsson 2
Hjalti Gylfason 2
Hjalti Pálmason 1
Freyr Brynjarsson 1
Sigurður Eggertsson 1
Brendan Þorvaldsson 1
Varin skot:
Pálmar Pétursson 10
Örvar Rúdolfsson 5
Roland Eradze 1/1
FR
ÉT
TA
B
LA
Ð
IÐ
/V
AL
LI
60-61 (40-41) Sport 13.5.2004 22:22 Page 3