Fréttablaðið - 14.05.2004, Side 62

42 14. maí 2004 FÖSTUDAGUR
AP
/M
YN
D
AP
/M
YN
D
AP
/M
YN
D
AP
/M
YN
D
Æsileg sviðsframkoma
vakti athygli
Undankeppni Eurovision-söngvakeppninn-
ar fór fram í Abdi Apekci-höllinni í Istanbúl
í fyrrakvöld. Tíu þjóðir af 22 komust áfram
í lokakeppnina sem haldin verður annað
kvöld. Frændur vorir Danir voru á meðal
þeirra sem féllu úr keppni þrátt fyrir góða
takta íslenskættaða flytjandans Tómasar
Þórðarsonar.
Kynnarnir Meltem Cumbul og Korhan
Abay stóðu sig með prýði sem og þjóðirnar
sem tóku þátt. Var öll umgjörð Tyrkjanna
hin glæsilegasta og greinilegt að mikill
metnaður hefur verið lagður í keppnina
þar í landi. Sviðsframkoma margra kepp-
enda vakti athygli og sérstaklega þótti
söngatriði Deen frá Bosníu og Herse-
góvínu vera í svæsnari kantinum. Það virk-
aði engu að síður alveg eins og til var
ætlast því hann var einn hinna lukkulegu
sem komust áfram í lokakeppnina. Þar
mun hann meðal annars etja kappi við
Jónsa okkar, sem stígur á svið á eftir
gríska goðinu Sakis Rouvas sem einnig
komst áfram úr undankeppninni. ■
ÞJÓÐIRNAR SEM
KOMUST ÁFRAM
Serbía Svartfjallaland
Malta
Holland
Albanía
Úkraína
Króatía
Bosnía-Hersegóvína
Makedónía
Grikkland
Kýpur
GRÍSKA GOÐIÐ
Grikkinn Sakis Rouvas var goði lík-
astur þegar hann söng lagið Shake
It, eða Hristu það. Aðstoðarkonur
hans létu hann ekki í friði á sviðinu
og rifu hann úr fötunum.
MARGAR HENDUR
Hendur virtust vaxa á Tose Proeski frá Makedóníu þegar hann söng lagið Angel Si Ti af mikilli innlifun.
SVALIR HOLLENDINGAR
Hollenski dúettinn Re-union söng lagið Without You og fórst það vel úr hendi.
SVÆSNAR STELLINGAR
Deen frá Bosníu-Herzegóvínu syngur lagið In the Disco í Abdi Ipekci-höllinni í fyrrakvöld. Eins og sjá má var
sviðsframkoma hans æsileg svo ekki sé meira sagt.
■ JÚRÓVISJÓN
62-63 (42-43) Fólk 13.5.2004 20:32 Page 2