Fréttablaðið - 14.05.2004, Page 64

14. maí 2004 FÖSTUDAGUR
Á tónleikum í Hallgrímskirkju íkvöld verða flutt verk eftir
Inga Garðar Erlendsson og Þóru
Gerði Guðrúnardóttur, sem bæði
eru að útskrifast úr tónsmíðanámi
frá tónlistardeild Listaháskóla Ís-
lands í vor.
Eftir Inga Garðar verða flutt
sex lög fyrir tvo einsöngvara og
kammersveit, en lögin eru öll
samin við ljóð úr bókinni Nei eftir
Ara Jósefsson. Bókin kom fyrst út
árið 1961 og er eina ljóðabók Ara,
sem lést langt fyrir aldur fram.
Eftir Þóru Gerði verða síðan
flutt tvö verk, annars vegar
konsert fyrir orgel, slagverk og
strengi, hins vegar minna verk
fyrir kór og slagverk.
„Konsertinn heitir Drottning,
sem vísar í orgelið sem drottn-
ingu hljóðfæranna,“ segir Þóra
Gerður. „Ég samdi það sérstak-
lega fyrir Klais-orgelið í Hall-
grímskirkju, sem er í miklu uppá-
haldi hjá mér.“
Konsertinn er í þremur þáttum
og fjallar um ævi einstaklingsins
alveg frá móðurkviði fram að
dauðastund.
„Hann er frekar svona í óm-
blíðari kantinum miðað við nú-
tímatónlist,“ segir Þóra Gerður.
„Hann er tileinkaður afa
mínum, Þorgeiri Jónssyni
lækni, sem lést fyrir ári. Við
héldum bæði sérstaklega mikið
upp á orgelið og fórum saman á
tónleika í Hallgrímskirkju.“
Hörður Áskelsson, organisti
Hallgrímskirkju, var henni til að-
stoðar við að finna út hvernig
hægt væri að láta orgelið hljóma
sem best og sýna hvað það hefur
upp á að bjóða.
„Hörður var alger engill. Það
fóru tveir dagar í að vinna sig í
gegnum þetta.“
Kórverkið er svo samið fyrir
Mótettukór Hallgrímskirkju, en
er í þetta sinn flutt af söngsveit-
inni Hljómeyki.
„Ég var líka í samvinnu við
Hörð með það og í raun og veru
eru bæði verkin samin fyrir Hörð
eða hljóðfærin hans, orgelið og
kórinn.“ ■
■ TÓNLEIKAR
Semur fyrir hljóð-
færin hans Harðar
LEIKURINN STENDUR
SEM HÆST
Vinningslíkur 1:15 Yfir 4200
vinningarSendu inn SMS skilaboðin sem finna má aftan á miðanum á
SS pylsupakkanum og þú veist strax hvort þú hefur unnið.
Vinningaskrá á www.pylsupar.is
www. i t ferd i r. i s
Fjöldi stórra og smárra vinninga eftir.
Miðasala sími: 662-5000 • www.100hitt.com
A›eins 1

s‡ning

eftir í

Rvk.
Í tónlistarhúsinu †mi, Skógarhlí› 20



me› Helgu Brögu
Næstu s‡ningar:
BANNAÐINNAN
16
Sýningin hefst kl. 20:00
fös. 21. maí. Rvk. Ýmir
SÍÐASTA SÝNING
Landsbyggðin Reykjavík
mið. 19. maí. Selfoss
lau. 29. maí. Blönduós
lau. 12. jún. Flúðir
SÍÐASTA SÝNING Örfá sæti eftir 21.maí

(Engar aukas‡ningar)
Málar lífsreyndar brúður
LISTSÝNING „Mér finnst þetta hafa
verið afskiptur hópur í portrettmál-
un og kominn tími til að sinna þessu
fólki,“ segir Sigrún Eldjárn, sem í
dag opnar sýningu í Ráðhúsi Reykja-
víkur á olíumálverkum af dúkkum,
böngsum og fleiri einstaklingum
sem allir hafa notið mikillar ástúðar
eigenda sinna.
„Þetta eru svolítið óvenjuleg við-
fangsefni í portrettmyndum en mig
langaði til að sýna þeim þessa virð-
ingu. Það er líka svo mikill karakter
sem skín út úr þeim.“
Brúðurnar og bangsarnir eru sum
hver komin býsna mikið til ára sinna,
jafnvel eldri en fimmtíu ára, og hafa
verið handleikin af ansi mörgum
börnum.
„Ég byrjaði á því að mála portrett-
myndir af þeim sem ég átti þegar ég
var lítil og sem börnin mín hafa átt.“
Sigrún er sennilega þekktust fyrir
barnabækur sínar, sem hún mynd-
skreytir jafnan sjálf, en hún hefur
einnig haldið myndlistarsýningar
reglulega í meira en tvo áratugi.
„Á þessari sýningu er kannski að
mætast svolítið það sem ég hef verið
að gera í bókunum og í myndlistinni,“
segir Sigrún, sem hefur nánast ekk-
ert fengist við portrettmálverk fyrr
en nú.
„Reyndar var ég einu sinni með
syrpu af portrettmálverkum, en þar
var fólkið andlitslaust þannig að það
voru ekki myndir af neinum sérstök-
um.“ ■
SIGRÚN ELDJÁRN
Sýnir portrettmyndir af brúðum og böngsum í Ráðhúsi Reykjavíkur.
FR
ÉT
TA
B
LA
Ð
IÐ
/G
VA
ÞÓRA GERÐUR
GUÐRÚNARDÓTTIR
Í Hallgrímskirkju verða í kvöld
flutt verk eftir hana og Inga
Garðar Erlendsson, sem bæði
eru að útskrifast úr tónsmíða-
námi við Listaháskóla Íslands.
FR
ÉT
TA
B
LA
Ð
IÐ
/H
AR
I
64-65 (44-45) Slanga 13.5.2004 20:36 Page 2