Fréttablaðið - 28.08.2004, Page 49

■ LEIKHÚSMARAÞON
LAUGARDAGUR 28. ágúst 2004
„Þetta er hugmynd sem ég er búin
að ganga með í maganum í eitt ár,“
segir Hildigunnur Þráinsdóttir leik-
kona, sem í dag ætlar að gera sér
lítið fyrir og flytja sama einleikinn
sex sinnum í röð á Akureyrarvöku.
Einleikurinn er eftir Sigur-
björgu Þrastardóttur og heitir Mað-
ur, kona: egglos. Hildigunnur flutti
þennan einleik í fyrra í einleikjaröð
sem hét Uppistand um jafnréttis-
mál.
„Hann er mjög fyndinn en um
leið er hægt að kafa dálítið ofan í
hann. Þetta er með því skemmti-
legra sem ég hef leikið og vel skrif-
að hjá Sigurbjörgu.“
Einleikurinn gerist í framtíðinni
og fjallar um konu sem er í góðu
hjónabandi en er þó ekki orðin
ófrísk.
„Hún er orðin algerlega geggjuð
vegna þess og það endar með því að
hún ræðst á manninn sinn með of-
beldi, nauðgar honum eiginlega. Ég
stend ein á sviðinu með gínu, og
leik þau bæði. Þetta er mikill hama-
gangur.“
Einleikurinn verður fluttur í
Samkomuhúsinu á Akureyri frá
klukkan 16, og síðan á um það bil
hálftíma fresti þangað til maraþon-
flutningnum lýkur um þremur tím-
um síðar. ■
Ræðst á manninn sinn, sex sinnum
HILDIGUNNUR ÞRÁINSDÓTTIR
Flytur einleikinn „Maður, kona: egglos“ sex sinnum í röð á Akureyrarvöku.