Fréttablaðið - 11.09.2004, Blaðsíða 4
4 11. september 2004 LAUGARDAGUR
EFNAHAGSMÁL Verðbólgan virðist
fara minnkandi. Vísitala neyslu-
verðs hækkaði um 0,43 prósent
milli ágúst og september. Þetta er
heldur minni hækkun en greining-
ardeildir bankanna gerðu ráð
fyrir.
Á ársgrundvelli er verðbólgan
3,4 prósent og hefur lækkað úr 3,7
prósentum í júlí. Hækkun vísitölu
neysluverðs í september er rakin
til þess að haustútsölum er lokið
með tilheyrandi hækkun á verð-
lagi á fatnaði.
Að mati greiningardeildar Ís-
landsbanka er hækkunin þó minni
milli mánaða en gert var ráð fyrir.
Ástæða þessa er sögð sú að hús-
næðisverð hafi hækkað hægar en
spár gerðu ráð fyrir.
Að sögn Arnórs Sighvatssonar,
aðalhagfræðings Seðlabankans, er
vísitöluhækkunin minni en gert var
ráð fyrir. „Þetta eru ekki slæm
tíðindi,“ segir hann.
Hann segir þó of snemmt að
segja til um hvaða áhrif þessi mæl-
ing komi til með að hafa á vaxta-
stigsákvarðanir Seðlabankans. „Við
ákveðum ekki vexti út frá eins mán-
aðar verðbólgutölum,“ segir hann.
Arnór segir að enn eigi eftir að
meta hvað liggi á bak við vísitölu-
breytinguna en hugsanlega hafi þar
áhrif að tímasetningar á útsölum
séu að breytast. ■
Mjög mikið ber á milli kennara og sveitarfélaga:
Niðurstaða ekki í sjónmáli
KENNARAVERKFALL Samningsnefnd
kennara og launanefnd sveitarfé-
laganna funda um helgina í Karp-
húsinu. Finnbogi Sigurðsson for-
maður Félags grunnskólakennara
segir á vef Kennarasambandsins
viðræðurnar hafa verið gagnlegar
en endanlega niðurstöðu ekki í sjón-
máli.
Fækkað hefur um tvo í hvorri
nefnd á síðustu fundum. Ásmundur
Stefánsson ríkissáttasemjari segir
það auðvelda mönnum að ræða
saman af hreinskilni og fara yfir
mörg ágreiningsefni.
„Það er ljóst að enn ber mjög
mikið á milli. Ég vona að ekki komi
til verkfalls en ég ætla ekki að full-
yrða um að það náist að semja fyrir
boðaðan verkfallstíma. Það einfald-
lega verður að ráðast,“ segir
Ásmundur.
Skólastjórnendur hafa rétt eins og
grunnskólakennarar sótt fundi ríkis-
sáttasemjara. „Það lýkur enginn
samningum við skólastjóra eina og
sér þar sem kjör þeirra tengjast
beint kjörum kennara. Margvísleg
mál snúa þó að skólastjórum einum
og þeim kröfum sem til þeirra eru
gerðar,“ segir Ásmundur og bætir
við: „Að mínu mati er æskilegast að
ganga frá samningum skólastjórn-
enda samhliða kennurum.“ ■
PARÍS, AP Spennusagan Da Vinci
lykillinn selst ekki bara eins og
heitar lummur heldur hafa
margir lesendur hrifist svo mjög
að þeir leggja á sig löng ferðalög
til að sjá staðina
sem koma við
sögu í bókinni. Nú
er svo komið að
nokkur fyrirtæki
bjóða upp á skipu-
lagðar ferðir fyrir
þá sem vilja komast að því hversu
mikið í bókinni á við rök að
styðjast.
Sagan segir að áður en Da
Vinci lykillinn eftir Dan Brown
varð að metsölubók hafi banda-
rískur ferðalangur í kirkjunni
Saint-Sulpice í París varað prest-
inn þar við því að bókin ætti eftir
að valda honum miklum vanda.
Það virðist hafa gengið eftir því
fjöldi gesta leggur leið sína í
kirkjuna til að mynda broddsúlu
sem kemur við sögu í einu af upp-
hafsatriðum bókarinnar.
Fyrir Paul Roumanet, prest
kirkjunnar, hefur þessi nýfengna
frægð síður en svo reynst blessun.
Hann fékk á endanum leið á því að
svara spurningum lesenda út frá
bókinni og setti upp skilti sem
hefst á orðunum: „Þvert á þær
stórfurðulegu staðhæfingar sem
birtast í nýlegri metsölubók...“
Aðrir hafa fagnað þessum
mikla áhuga lesenda, einkum og
sér í lagi fyrirtæki í ferðaþjón-
ustu sem hafa tekið vel við sér,
bæði í Frakklandi og Bretlandi. Í
það minnsta þrjú fyrirtæki bjóða
upp á sérstakar Da Vinci lykilis-
ins-ferðir í París, önnur fyrirtæki
bjóða upp á sams konar ferðir í
London og víðar í Bretlandi. Mjög
misjafnt er hvernig ferðaþjónust-
urnar taka á bókinni.
„Ráðgátur höfða alltaf til fólks,“
sagði Jason Doll-Steinberg hjá
British Tours sem bjóða hvort tveg-
gja upp á Da Vinci-ferðir og ferðir
til Stonehenge. Meðal þeirra sem
hafa farið í Da Vinci-ferðina eru
Madonna og eiginmaður hennar,
leikstjórinn Guy Ritchie.
Jean-Manuel Traimond, hjá
Escape í Frakklandi, er ekki jafn
sáttur og kallar ferð sína „Da
Vinci svindls-ferðina“. „Brown
býr til brýr sem eru ekki til, setur
tré þar sem engin eru,“ segir hann
og bætir við. „Hann heldur því
fram að Godefroy de Bouillon hafi
verið konungur Frakklands, sem
hann var aldrei.“ ■
Vandræði hjá Alcoa:
Hagnaður
minnkar
BANDARÍKIN, AP Verð á hlutafé í
álfyrirtækinu Alcoa, sem nú
reisir álver við Reyðarfjörð,
hröpuðu á markaði í gær. Þetta
var í kjölfar tilkynningar um að
rekstrarhorfur félagsins væru
verri en gert hafði verið ráð
fyrir.
Í tilkynningu frá Alcoa segir
að vandamálin megi rekja til
verkfalla starfsmanna og kostn-
aðar vegna lokunar á álveri í
Washington fylki.
Verð á áli hefur lækkað undan-
farið og eftirspurn hefur minnkað
meðal annars vegna veikrar stöðu
bílaiðnaðar í Evrópu. ■
deCode ræður
endurskoðendur:
Semur við
Deloitte
VIÐSKIPTI deCode hefur ráðið
Deloitte & Touche sem endur-
skoðanda félagsins.
Fyrirtækið hefur um hríð leitað
að nýjum endurskoðendum.
Pricewaterhouse Coopers sagði
upp samningi sínum við deCode
í lok ágúst.
Heimildir Fréttablaðsins
herma að deCode hafi þegar
verið byrjað að leita að nýju
endurskoðunarfyrirtæki þegar
Pricewaterhouse Coopers sagði
upp samningnum við fyrirtækið
en ekki var ágreiningur um
færslu bókhalds á milli þessara
aðila.
Verð á hlutabréfum í deCode
hækkuðu í gær. Um miðjan dag í
gær stóðu þau í 6,87 Bandaríkja-
dölum og höfðu hækkað um tíu
prósent. ■
Á að nýta hvalveiðibátana
til hvalaskoðunar?
Spurning dagsins í dag:
Á Sundabraut að koma á undan mis-
lægum gatnamótum Kringlumýrar-
og Miklubrautar?
Niðurstöður gærdagsins
á visir.is
42,44%
57,56%
Nei
Já
KJÖRKASSINN
Farðu inn á visir.is og segðu þína skoðun
visir.is
Hjallastefnan:
Án verkfalls
SKÓLASTARF Ekki kemur til verk-
falls í Barnaskóla Hjallastefn-
unnar við Vífilsstaðaveg í Garða-
bæ. Fulltrúar
Félags grunn-
skólakennara
og Hjallastefn-
unnar ehf.
f r a m l e n g d u
fyrri kjara-
samning með
grunnhækkun
á launum í gær.
M a r g r é t
Pála Ólafsdótt-
ir skólastjóri
segir skólann
og kennara hafa sameiginlegt
markmið. „Við í skólanum, kenn-
ara og skólayfirvöld vorum búin
að leggja upp hvernig við vildum
leysa málin með stuttum samn-
ingi. Kennarasambandið kom
síðan til okkar og við skrifuðum
undir. Við vildum vera viss um að
það kæmi ekki til röskunar á
skólastarfinu hjá okkur,“ segir
Margrét.
Tveir grunnskólakennarar
starfa við Hjallastefnuna og
kenna 40 börnum á fyrsta ári
grunnskólans. Álíka stór hópur er
í fimm ára bekk. Þeim kenna leik-
skólakennarar. ■
Síamstvíburar:
Vel heppnuð
aðgerð
BANDARÍKIN, AP Tveggja ára
gamlir síamstvíburar sem
fæddust með samvaxin höfuð
gætu farið að ganga einir fyrir
áramót. Tvíburarnir, sem eru
frá Filippseyjum, fóru í aðgerð í
New York fyrir fimm vikum og
heppnaðist hún mjög vel.
Læknirinn sem framkvæmdi
aðgerðina segir að tvíburarnir
hafi hlotið einstakan bata. Út-
litið sé því mjög bjart. Tví-
burarnir hafi þegar sýnt tilburði
til þess að vilja standa einir en
hálsvöðvar þeirra séu enn ekki
nægilega sterkir til að halda
höfðunum uppi. Þess vegna
þurfi enn að halda á þeim líkt og
ungbörnum.
Læknirinn segir tvíburana
reyndar tala óvenjulítið. Hann
segir það hins vegar ekki þurfa
að vera óvenjulegt því það sé al-
þekkt að tvíburar byrji seinna
að tala en önnur börn. ■
FORMLEGT TILBOÐ Í KREDIT-
BANKEN Íslandsbanki hefur gert
formlegt yfirtökutilboð í norska
bankann Kreditbanken. Öllum
hluthöfum hefur verið sent tilboð
sem gildir til 1. október. Tilboðið
er gert með fyrirvara um sam-
þykki níutíu prósent hluthafa og
að viðskiptin verði heimiluð af
lögbærum aðilum í Noregi og á
Íslandi.
ÚRVALSVÍSITALAN YFIR 3.500 Úr-
valsvísitalan fór í gær yfir 3.500
stig í fyrsta sinn. Úrvalsvísitalan
segir til um þróun hlutabréfa-
verðs í fimmtán fyrirtækjum í
Kauphöll Íslands. Vísitalan hefur
hækkað um 67 prósent frá árs-
byrjun. Af félögum í vísitölunni
hefur fjárfestingarfélagið Atorka
hækkað mest í ár, um 150 pró-
sent.
BORGARNES
Framsóknarmenn funduðu í Borgarnesi í
gær og hlýddu á ræðu Halldórs Ásgríms-
sonar, utanríkisráðherra og formann
flokksins.
Utanríkisráðherra:
Hagfræð-
ingar rugla
STJÓRNMÁL Halldór Ásgrímsson
utanríkisráðherra brást öndverð-
ur við sparnaðarhugmynd hag-
fræðings við Háskóla Íslands um
niðurskurð í utanríkisþjónust-
unni og bað kennara við við-
skipta- og hagfræðideild Háskól-
ans að „vera frekar í hagfræði en
pólitík.“
Ummælin lét Halldór falla í
Borgarnesi í gær vegna á-
bendinga Tryggva Þórs
Herbertssonar dósents í hag-
fræði og fyrri gagnrýni Ragnars
Árnasonar prófessors. Báðir
bentu þeir á að spara mætti víðar
en í velferðarkerfinu, til dæmis í
utanríkisþjónustunni.
Halldór sagði verið að kanna
auknar staðarráðningar starfs-
manna sendiráða, uppsagnir bíl-
stjóra og sölu húsnæðis. Hann
sagði meginkostnað ráðuneytis-
ins vera erlendis og ylli hann því
engum áhrifum í hagkerfinu hér.
„Hagfræðingarnir ættu að snúa
sér að hagfræðinni sem þeir
kenna nemendum og vera ekki
með þetta rugl í pólitík.“ ■
■ VIÐSKIPTI
VERÐBÓLGAN LÆGRI
Arnór Sighvatsson, aðalhagfræðingur
Seðlabankans, segir of snemmt að meta
hvaða áhrif nýjasta verðbólgumælingin
hafi á vaxtaákvarðanir Seðlabankans.
Vísitala neysluverðs:
Verðbólgan að minnka
VIÐ BRODDSÚLUNA Í KIRKJUNNI SAINT-SULPICE
Tveir ferðamenn virða fyrir sér broddsúluna þar sem albínóinn Sílas leitaði leyndardóms-
ins. Presturinn í kirkjunni er allt annað en sáttur við staðhæfingar bókarinnar og er orðinn
þreyttur á spurningum sem tengjast bókinni.
,,Ráðgátur
höfða alltaf
til fólks.
Fjölmenni á slóð
Da Vinci lykilsins
Lesendur falla hver um annan þveran fyrir bókinni Da Vinci lykillinn.
Nú ferðast þeir á staðina sem þar koma við sögu. Margir í ferðaþjónustu
fagna en aðrir eru allt annað en sáttir.
ÁSMUNDUR STEFÁNSSON
Ríkissáttasemjari segir ljóst að mikið beri á
milli krafna kennara og sveitarfélaga.
FR
ÉT
TA
B
LA
Ð
IÐ
/G
VA
MARGRÉT PÁLA
ÓLAFSDÓTTIR
Hefur samið og
afstýrt verkfalli.
FR
ÉT
TA
B
LA
Ð
IÐ
/V
IL
H
EL
M