Fréttablaðið - 30.09.2004, Blaðsíða 6

6 30. september 2004 FIMMTUDAGUR
Þingflokkur Framsóknar:
Vestfirðingar áhrifalausir
STJÓRNMÁL Sveinn Bernódusson,
formaður Framsóknarfélagsins í
Bolungarvík, segir að þingflokkur
Framsóknarflokksins hafi svipt
Vestfirðinga eina talsmanninum
sem þeir hafi átt í þingliðinu. „Þetta
er afar ólýðræðislegt. Með því að
svipta Kristin völdum hefur þing-
flokkurinn dregið úr áhrifum fólks-
ins sem kaus flokkinn hér á Vest-
fjörðum. Hann hefur verið ófeim-
inn við að tala okkar máli þó að það
hafi ekki hlotið hljómgrunn í þing-
flokknum.“ Sveinn segir að sam-
skiptavandamál innan þingflokks-
ins hafi menn átt að leysa á ein-
hvern hátt því þótt Kristinn sé harð-
ur í horn að taka sé hann ekki ósann-
gjarn, ósvífinn eða illa gerður.
Sveinn segist líta svo á að verið
sé að vara fleiri en Kristin við og nú
viti menn að þeim verði refsað sem
þori að láta skoðun sína í ljós. Hann
segir að forysta Framsóknarflokks-
ins hafi fjarlægst Vestfirðinga und-
anfarið. „Hún hefur ekki sést hér
undanfarið til að hitta grasrótina í
flokknum.“ ■
Morðrannsókn:
Fundu höfuð
í poka
HELSINKI, AP Lögreglan í Helsinki í
Finnlandi hóf morðrannsókn eftir
að ung stúlka sem var úti að ganga
með hundinn sinn fann afskorið
höfuð konu í ruslapoka. Fleiri lík-
amshlutar fundust í kjölfarið en
aðrir hafa enn ekki fundist.
Tveir menn hafa verið teknir til
yfirheyrslu en lögreglan neitaði að
greina frá því hvort þeir væru
grunaðir um morðið eða hvort
önnur ástæða væri fyrir því að þeir
væru yfirheyrðir. Talið er að fórn-
arlambið sé 36 ára kona sem bar
vitni í morðmáli fyrir átta árum.
Fórnarlambið í því máli var einnig
bútað í sundur. ■
VEISTU SVARIÐ?
1 Í hvaða bæjarfélagi varð stórbruni á þriðjudag?
2Hvað heitir fjármálaráðherra Bretlands?
3Með hvaða liði leikur Wayne Rooney?
Svörin eru á bls. 50
KRISTINN H. GUNNARSSON
Formaður Framsóknarfélags Bolungarvíkur
segir að í Framsóknarflokknum sé þeim
refsað sem þori að láta skoðun sína í ljós.
Framsókn:
Slæmt fyrir
kjördæmið
STJÓRNMÁL Magnús Ólafsson, for-
maður kjördæmissambands
framsóknarmanna í Norðvestur-
kjördæmi, segir að það sé slæmt
fyrir kjördæmið að Kristinn H.
Gunnarsson missi áhrif innan
þingflokksins. Kristinn situr á
þingi fyrir flokkinn í
Norðvestur-kjördæmi.
Magnús segir að sér hafi verið
tilkynnt þessi ákvörðun þing-
flokksins fyrir fram og hann
hafi lýst yfir óánægju sinni með
hana. Hann segir að hins vegar
valdi aldrei einn þegar tveir
deila og gerir ráð fyrir að eitth-
vað búi að baki ákvörðun
þingflokksins sem almenningur
hafi ekki fengið að vita.
Magnús segist búast við því
að málið verði tekið upp á kjör-
dæmisþingi Framsóknarflokks-
ins sem haldið verður í nóvem-
ber. ■
STJÓRNMÁL „Stjórn þingflokksins
lagði ekki upp í veturinn nema
sýna tennurnar á þennan hátt,“
segir Guðni Ágústsson, varafor-
maður Framsóknarflokksins.
„Kristinn hefur auðvitað
nánast verið utan við flokkinn í
mörgum stórum málum og haft
sérskoðanir á flestum hlutum,“
segir Guðni.
Þingflokkur Framsóknar-
flokksins ákvað á þriðjudag að
útiloka Kristin H. Gunnarsson
þingmann frá öllum fastanefnd-
um þingsins.
Albertína Elíasdóttir, formað-
ur Félags ungra framsóknar-
manna á norðanverðum Vest-
fjörðum, segir að margir Vest-
firðingar hafi orðið orðlausir við
fregnirnar. „Ég veit ekki hvernig
hægt er að bregðast við þessu.
Þetta verður mikill missir fyrir
Vestfirðinga. Þótt Kristinn til-
heyri enn þingflokknum er ljóst
að erfitt verður fyrir hann að
koma að málum innan þingflokks-
ins því hann hefur ekki aðgang að
neinum nefndum,“ segir hún.
Albertína segir að Kristinn
hafi sterkt bakland á Vestfjörð-
um, sérstaklega í Bolungarvík.
„Þetta á eftir að hafa neikvæð
áhrif á flokkinn.Við vonumst til
þess að forusta Framsóknar-
flokksins muni mæta vestur og
útskýra fyrir fólki hvernig hún
ætli að byggja flokkinn upp hér á
svæðinu. Þeir hafa ekki útskýrt
ákvörðun sína nægilega vel,“
segir hún.
Spurður hvort hann vildi sjá
Kristin í öðrum flokki segist
Guðni hafa bundið mikla trú við
Kristin þegar hann kom yfir í
Framsóknarflokkinn úr Alþýðu-
bandalaginu fyrir sex árum. „En
einhvern veginn hefur þetta því
miður farið á annan veg og
miklar deilur risið í kringum
vin minn, Kristin. Hann hefur
sterkar skoðanir á flestum
málum og gætir kannski ekki
meðalhófs,“ segir Guðni. Spurður
í framhaldi af því hvort ekki sé
leyfilegt innan Framsóknar-
flokksins að hafa sterkar skoðan-
ir segir hann að svo sé. „En menn
verða að gæta trúnaðar við flokk-
inn og félaga sína,“ bætir hann
við. „Þingflokkur er auðvitað
vinnustaður þar sem menn hafa
skiptar skoðanir en í meginatrið-
um verða menn að vinna saman
svo lífið gangi sinn gang í sátt.“
Halldór Ásgrímsson forsætis-
ráðherra sagðist í samtali við
Fréttablaðið styðja ákvörðun
þingflokksins. „Það hafa verið
samstarfserfiðleikar og trúnaðar-
brestur hefur orðið,“ segir Hall-
dór. Spurður um gagnrýni flokks-
manna á það að ekki sé rúm fyrir
nema eina rödd innan flokksins
segir hann að alla tíð hafi verið
fullt skoðanafrelsi í Framsókn.
sda@frettabladid.is
GUÐNI ÁGÚSTSSON
„Einhvern veginn hefur þetta því miður farið á annan veg og miklar deilur risið í kringum
vin minn, Kristin. Hann hefur sterkar skoðanir á flestum málum og gætir kannski ekki
meðalhófs.“
Þingflokkurinn
sýnir tennurnar
Guðni Ágústsson segir að stjórn þingflokksins hafi ekki lagt í veturinn nema að sýna tennurnar á
þann hátt sem hún gerði er hún útilokaði Kristin H. Gunnarsson frá fastanefndum Alþingis.
Vestfirðingar eru orðlausir. Vilja að forystan útskýri hvernig byggja eigi flokkinn upp á ný.