Fréttablaðið - 30.09.2004, Blaðsíða 46
38 30. september 2004 FIMMTUDAGUR
FÓTBOLTI Íslands- og bikarmeistarar
KR-inga í 3. flokki karla eiga
merkilegt tímabil að baki. Það er
ekki nóg með að þeir séu eini
flokkur þessa sigursæla félags í
karla- og kvennaflokki til þess að
vinna stóran bikar í sumar heldur
kláruðu þeir sumarið á eins glæsi-
legan hátt og hugsast getur með
fullt hús og 103 mörk í plús í
markatölu sinni.
KR-ingar sigruðu í öllum 16
leikjum sínum á Íslandsmótinu og
í öllum fjórum bikarleikjunum.
Þeir skoruðu 117 mörk á Íslands-
mótinu og í bikarkeppninni en
fengu aðeins 14 á sig. Liðið er
óvenju vel mannað og örugglega
eitt efnilegasta lið sem KR hefur
átt. Fimm leikmanna liðsins léku
með U17-landsliðinu sem lék til úr-
slita á Norðurlandamótinu í sumar.
KR vann Fjölni 1-0 í úrslitaleik Ís-
landsmótsins. Skúli Jónsson skor-
aði sigurmarkið á 34. mínútu með
skoti af stuttu færi eftir horn-
spyrnu. Þjálfari KR-liðsins er
Pétur Pétursson og hann var sáttur
með strákana sína.
Einstakt sumar
„Þetta var einstakt sumar og það
er alveg ótrúlegt að ná að vinna
alla leiki sína með markatölunni
117-14. Stundum myndast frá-
bærir árgangar hjá félögum og
þetta er einn af þeim. Þessir
strákar eru afskaplega duglegir að
æfa og einstaklega ljúfir og þægi-
legir að eiga við,“ segir Pétur, sem
þjálfaði strákana ásamt Birni
Rafnssyni en þeir léku einmitt
saman í sókn KR-liðsins á sínum
tíma. „Styrk liðsins tel ég vera að
þessir strákar eru allir góðir vinir
og það er góð samstaða í hópnum.
Síðan hafa þeir fengið góðan undir-
búning í gegnum tíðina og eru
mjög góðir fótboltamenn. Ég tel að
margir þessara stráka séu hugsan-
lega tilbúnir inn í meistaraflokk
KR, jafnvel á næsta ári eða eftir
tvö ár. Mér finnst þeir vera það
teknískir og skilja fótboltann það
vel. Þessir strákar þurfa að fá
tækifæri næstu árin og ég vonast
eftir að þeir fái þau,“ segir Pétur
en stærsti hluti liðsins er að ganga
upp úr 3. flokknum í haust.
„Ég er alveg fullviss um það að
KR-ingarnir uppi í stúku munu
skemmta sér mjög vel að horfa á
þessa stráka þegar það kemur að
þeim að spila fyrir félagið. Við
þjálfarar, og þá undanskil ég mig
ekki, erum svolítið hræddir við að
gefa þessum ungu strákum tæki-
færi en þegar þeir fá að koma inn
þá standa þeir sig alltaf. Bestu
liðin sem koma upp á Íslandi sem
og annars staðar eru liðin sem
blanda saman rótgrónum leik-
mönnum við unga stráka og það
eru skemmtilegustu liðin sem
maður horfir á í fótbolta,“ segir
Pétur, sem leggur greinilega mikla
áherslu á að strákarnir hans fái
tækifæri í meistaraflokki félags-
ins í næstu framtíð og hann líkir
þessum árgangi við 1969-árgang-
inn í félaginu sem innihélt leik-
menn eins og Rúnar Kristinsson,
Heimi Guðjónsson, Hilmar Björns-
son og marga fleiri.
Minnir á 69-kynslóðina
„Ég sé alveg tíu til ellefu leikmenn
í þessum hópi sem geta farið alla
leið upp í meistaraflokk. Þetta
minnir mig á 69-kynslóðina sem
kom upp hjá KR með Rúnar og
Heimi í fararbroddi,“ segir Pétur
en þeir Rúnar og Heimir voru ekki
mikið eldri en hans strákar þegar
þeir fengu sín tækfæri. Grímur
Björn Grímsson gekk til liðs við
KR frá Fram fyrir tímabilið og
náði þeim einstaka árangri að
verða Íslandsmeistari í 3. flokki
þriðja árið í röð. Grímur varð Ís-
landsmeistari í 3. flokki með Fram
bæði sumarið 2002 þegar hann var
enn í 4. flokki og svo í fyrra þegar
hann var á yngra ári í flokknum.
KR vann Grindavík 4-1 í undan-
úrslitum en Fjölnir vann 3-2 sigur
á Val sem varð reyndar dýr-
keyptur því tveir leikmanna liðs-
ins fengu að líta rauða spjaldið og
voru því í leikbanni í úrslitaleikn-
um. Brynjar Orri Bjarnason skor-
aði tvö mörk fyrir KR gegn
Grindavík en hin mörkin skoruðu
Björn Ívar Björnsson og Ásgeir
Örn Ólafsson.
Atli Jónasson er fyrirliði og
markvörður liðsins og hann á að
baki frábært tímabil. „Atli er einn
efnilegasti markvörður Íslands,
hann hefur mjög skemmtilegt hug-
arfar og er orðinn vítaskytta liðs-
ins líka,“ segir Pétur, sem segir að
eftir að Atli hafi fengið að taka eitt
víti hafi ekki verið hægt að taka
vítaskyttuhlutverkið af honum
aftur. Það er gaman að hlusta á
jafn reyndan knattspyrnumann og
Pétur tala um strákana sína því
þar er maður með mikla reynslu
og þekkingu.Það er því full ástæða
fyrir Magnús Gylfason, nýráðinn
þjálfara meistaraflokks KR, að
skoða þessa stráka vel því eitt af
því mikilvægasta til að ná burt
þeim doða sem var yfir meistara-
flokksliði KR í sumar er að fá unga
og fríska stráka inn og það er
greinilega að koma upp nóg af
þeim í Vesturbænum.
ooj@frettabladid.is
UPPSKERA SUMARSINS 3. flokkur vann alla leiki og alla titla í boði í sumar. Hér eru þeir samankomnir með bikara sem þeir unnu undir stjórn þeirra Péturs Péturssonar og
Björns Rafnssonar. Hér er liðið fyrir framan stúkuna á KR-vellinum þar sem Pétur þjálfari telur að þeir eigi eftir að skemmta stuðningsmönnum KR í framtíðinni.
Munu skemmta KR-ingum
3. flokkur KR vann tvöfaldan sigur og lauk fullkomnu tímabili með því að vinna Fjölni 1-0 í
úrslitaleik Íslandsmótsins. KR-ingar unnu alla 20 leiki sína í sumar og skoruðu 117 mörk í þeim.
ÓDÝRAR
GÆÐA
ÞAK-
SKRÚFUR
Ál
Ryðfríar
Galvaniseraðar
Heitgalvaniseraðar
Söðulskinnur
í úrvali
Stórhöfða 33
Sími: 577 4100
ATLI FYRIRLIÐI MEÐ BIKARINN Atli Jónasson er fyrirliði og markvörður liðsins og
hann á að baki frábært tímabil. Hér tekur hann við bikarnum í sumar.
Æfingabúðir Toronto hefjast á þriðjudaginn og Sam Mitchell er nýr þjálfari liðsins:
Vongóður um að Carter verði áfram
KÖRFUBOLTI Vince Carter, leikmaður
Toronto Raptors í NBA-deildinni,
lýsti því yfir fyrr í haust að hann
vildi segja skilið við liðið eftir sex
tímabil með liðinu.
Raptors hefur ekki komist í úr-
slitakeppnina síðustu tvö ár og
fékk nýlega þriðja þjálfarann á
jafn mörgum árum. Sá heitir Sam
Mitchell og er vongóður um að
geta snúið dæminu við í Toronto.
Hann er sannfærður um að Vince
Carter verði með í vetur, þrátt
fyrir að kappinn hafi óskað eftir
því að vera skipt til annars liðs.
„Þetta á ekki að vera neitt mál,“
sagði Mitchell. „Vince hefur átt í
útistöðum við Raptors og við
gerum okkur grein fyrir því. En
við viljum öll að hann gefi nýjum
stjórnarháttum tækifæri þegar
æfingabúðirnar hefjast á þriðju-
daginn.“
Vince Carter á fjögur ár eftir
af samningi sínum við Toronto
Raptors. Hann er frægastur fyrir
háloftaflug sín en hefur misst
töluvert af sprengikrafti sínum
vegna meiðsla í hnjám.
Carter vildi að Julius Erving
yrði ráðinn sem framkvæmda-
stjóri Raptors en þegar forráða-
menn liðsins hunsuðu óskir hans
og réðu Rob Babcock, áður hjá
Minnesota Timberwolves, óskaði
Carter eftir að vera skipt. „Við
sögðum að við myndum hugsa
okkur um ef liðið fengi gott tilboð.
Það hefur enn ekki gerst,“ sagði
Mitchell.
Æfingabúðir Raptors-liðsins
hefjast á þriðjudaginn í næstu
viku. ■
HVAÐ VERÐUR UM CARTER Vince
Carter vill ólmur fara frá Toronto sem er að
fara á ný í gegnum uppbyggingarfasa.
Carter vill spila með betra liði.
Jónas Grani ekki með
FH-ingum í Þýskalandi:
Fékk botn-
langakast
FÓTBOLTI Margur sparkáhugamað-
urinn hefur eflaust undrað sig á
því að Jónas Grani Garðarsson fór
ekki með liði FH til Þýskalands til
að leika seinni leikinn í Evrópu-
keppni félagsliða við Aachen.
Jónas fékk botnlangakast og
þurfti því að fara í uppskurð.
„Nóttina fyrir brottför var ég
mjög slappur, taldi fyrst að um
magakveisu væri að ræða en
kom svo á daginn,“ sagði Jónas í
samtali við Íþróttadeild Frétta-
blaðsins.
Læknir liðsins kveikti strax á
perunni og sagði einkennin senni-
lega vera eymsli í botnlanga. „Ég
fékk svo kast sem varð til þess að
ég fór í aðgerð. Ég verð frá í 2-3
vikur,“ sagði Jónas Grani sem
hefur skorað eitt mark í fimm
evrópuleikjum FH-inga til þess á
tímabilinu. Það mark skoraði
hann í fyrri leiknum gegn skoska
liðinu Dunfermline. ■
MEÐ ÍSLANDSBIKARINN Jónas Grani
Garðarsson, leikmaður FH, mun ekki leika
með liðinu í Þýskalandi í kvöld.