Fréttablaðið - 30.09.2004, Blaðsíða 21

21FIMMTUDAGUR 30. september 2004
fjölda. Þótt opinberar tölur liggi
ekki fyrir í þessum efnum þá hafa
sjálfstæðar stofnanir reynt að
meta stöðuna. Bresk stofnun sem
fylgist sérstaklega með mannfalli
í Írak, Iraqi Body Count, telur að
13.000-15.000 Írakar hafi látið
lífið síðan í mars 2003, en mat sitt
byggir stofnunin á fréttaflutningi.
Brookings-stofnunin í Washington
áætlar hins vegar að mannfall
í hernaðarátökum og árásum
glæpamanna sé á bilinu 10.000-
27.000. Al-Jazeera sjónvarps-
stöðin sagði frá því fyrir nokkrum
vikum að írösku samtökin Kifah
hefðu staðhæft að allt að 37.000
saklausir borgarar hefðu fallið
fyrstu sex mánuði hernámsins en
sú tala hefur verið dregin í efa
þar sem talsmenn samtakanna er
erfitt að finna.
Engar opinberar tölur til
Sú staðreynd að engar opinberar
tölur liggja fyrir um mannfall
óbreyttra borgara í Írak er at-
hyglisverð í ljósi þess hversu ná-
kvæmlega dauðsföll hermanna
eru skrásett og mikið fjallað um
þau í heimsfréttunum. Mannrétt-
indasamtök hafa gagnrýnt her-
námsöflin fyrir að hirða ekki um
umfang mannfallsins og segja að
með því gefi þau til kynna að líf
íraskra borgara sé ekki jafnmikils
virði og líf hermannanna. Tals-
menn þeirra segja nauðsynlegt að
rannsaka orsakir dauðsfallanna
þannig að sem skýrust mynd fáist.
„Getið þið ímyndað ykkur ef
bandarísk yfirvöld myndu ekki
grafast fyrir um hverjir létu lífið
11. september 2001? Það er alger-
lega óhugsandi,“ sagði John
Slodoba, forsvarsmaður Iraqi
Body Count, í samtali við BBC á
dögunum. Sérfræðingar í alþjóða-
rétti segja að Genfarsáttmálinn
leggi þær skyldur á herðar her-
námsríkja að skrásetja mannfall
óbreyttra borgara í þeim löndum
sem þau leggja undir sig.
Ótryggt ástand
Ástandið í landinu er augljóslega
afar ótryggt. Átök brjótast reglu-
lega út á milli bandarískra her-
manna og íraskra uppreisnar-
manna þar sem þungavopnum er
óhikað beitt. Mannréttindasamtök
benda á að Bandaríkjaher víli ekki
fyrir sér að varpa svonefndum
klasaprengjum á þéttbýl svæði þar
sem meintir hryðjuverkamenn
hafa aðsetur en slíkar sprengjur
fara ekki í manngreinarálit. Ótal
Írakar hafa orðið fórnarlömb
glæpamanna sem engu eira og
hryðjuverkamenn hafa jafnframt
orðið fjölda fólks að bana í árásum
sínum. Þar við bætist að líkam-
sárásir, nauðganir og mannrán eru
daglegt brauð. Flestir eru að
vonum afar óttaslegnir yfir ástand-
inu og hætta sér vart út fyrir
hússins dyr eftir myrkur.
Almenningur vantreystir setu-
liðinu til að vernda sig en tekur
þess í stað lögin í eigin hendur.
Samtök á borð við Rauða kross-
inn reyna hvað þau geta til að
hjálpa þeim sem sárt eiga um að
binda en takmörk eru fyrir því í
hversu mikla hættu starfsfólk
þeirra getur lagt sig í. Nokkur slík
samtök hafa hreinlega gefist upp
eins og þýska hjálparstofnunin
Örkin hans Nóa, sem í liðinni viku
kallaði allt starfsfólk sitt heim. ■
LANDBÚNAÐUR Kjaradeila sveitar-
félaga og kennara raskar hátíða-
höldum í tilefni af alþjóðaskóla-
mjólkurdeginum sem haldinn var
hátíðlegur í fimmta sinn í gær. Í
tilefni dagsins var boðað til teikni-
samkeppni meðal fjórðubekkjar-
nemenda landsins. Teikningum
átti að skila inn til umsjónarkenn-
ara og 25 þúsund króna verðlaun
fyrir hverja af 10 bestu myndun-
um áttu að renna til bekkjar vinn-
ingshafans.
„Verkfallið setur að sjálfsögðu
nokkurt strik í reikninginn,“
segir Sigurður Mikaelsson,
sölustjóri Mjólkurbús Flóamanna
og fulltrúi Markaðsnefndar
mjólkuriðnaðarins. „Við vorum
með dálítinn lúðrablástur í fyrra
þegar við tókum þátt í fyrsta
sinn, en að sjálfsögðu er ekki um
það að ræða í ár.“ Hann segir þó
að haldið verði áfram með
myndasamkeppnina og að vegg-
spjald þar að lútandi hafi verið
sent í skóla landsins. Frestur til
að skila inn myndum er fram að
jólafríi nemenda og sagðist
Sigurður hafa alla trú á að verk-
falli yrði lokið fyrir þann tíma.
„Menn hljóta að leita til þess
allra leiða,“ sagði hann.
Alþjóðaskólamjólkurdagurinn
var tekinn upp að undirlagi Mat-
vælastofnunar Sameinuðu þjóð-
anna í Róm í þeim tilgangi að
stuðla að aukinni mjólkurneyslu
um heim allan. ■
Alþjóðaskólamjólkurdagurinn í fimmta sinn:
Kennaraverkfall setur
strik í reikninginn
MJÓLK
Alþjóðaskólamjólkurdagurinn var haldinn hátíðlegur víða um heim í gær. Lítið var um
hátíðahöld hér enda fá börn í skóla til að teyga mjólkina.
FR
ÉT
TA
B
LA
Ð
IÐ
/E
.Ó
L.