Fréttablaðið - 30.09.2004, Blaðsíða 49
41FIMMTUDAGUR 30. september 2004
Tekur þátt í baráttunni gegn
krabbameini og gefur allan
hagnað af sölu bolanna til
rannsókna á brjóstakrabbameini.
Aldrei skildi ég hvað var svona
merkilegt við Peanuts. Þetta leit
ekki út fyrir að vera neitt annað
en hálf niðurdregnir krakkar á
leikvelli að velta fyrir sér tilgangi
lífsins. Þetta er eitthvað sem ég
hef nánast aldrei hlegið upphátt
að. Calvin & Hobbes og Garfield
voru alltaf í meira uppáhaldi. En
núna þegar Calvin & Hobbes eru
löngu hættir að frumflytja efni og
Garfield hefur ekki verið fyndinn
í tíu ár og ég er orðin tiltölulega
fullorðinn, get ég sagt með fullri
vissu að Peanuts sé eitt dýpsta
lesefni sem birst hefur á dag-
blaðapappír. Þegar ég nýlega fór
að pæla í dagblaðamyndasögum
rann svolítið upp fyrir mér: Ang-
ist Charlie Browns er kannski
ekki alveg jafn fyndin og sjálf-
hverfa Calvins, en þó hef ég
aldrei flett Mogganum án þess að
kíkja á Peanuts. Því að í þessum
litlu myndskreyttu haíkum má
finna sálfræðilega dýpt og hráar
tilfinningar sem slá hinum klass-
íska myndasögu-aulahúmor við
(með fullri virðingu fyrir mynda-
sögu-aulahúmor). Ég er ekki að
segja að Peanuts sé ekki fyndið
því að, trúið mér, Peanuts er
fyndið. Svo fyndið að ég gleymdi
að hlæja.
Charles M. Schulz hafði mjög
lúmska og grátbroslega kímni-
gáfu. Persónurnar tala eins og
einangraðir heimspekingar, sáttir
við hlutskipti sitt sem ósjálf-
bjarga börn. Sagt hefur verið að
allar persónurnar séu í raun brot
af sjálfi höfundarins, að hann
skipti vangaveltum sínum niður á
viðeigandi krakka. Charlie Brown
hlýtur þá að eiga stærstan hlut í
sálu Schulz, þar sem hann er aðal-
persónan. Charlie er viðkvæm
vera sem reglulega missir trúna á
lífið, en þarf þó lítið til að koma
sér aftur á strik. Mannlegra ger-
ist það ekki. Ég held að vinsældir
Peanuts eigi sér einmitt rætur að
rekja til Charlie Brown; barnsins
sem gerir sér grein fyrir hversu
litla stjórn við höfum á hlutunum.
Það er lítill Charlie Brown í okkur
öllum, við erum öll smáfólk. Á
síðari árum fóru sögurnar að
verða einhvern veginn brothætt-
ari og jafnvel þroskaðri. Þær hafa
alltaf endurspeglað sálarlíf
Schulz á vissan hátt. Reglulega
vottar fyrir einmanaleika, höfnun
og gífurlegri depurð í Peanuts. En
á sama tíma eru sögurnar bæði
einlægar og fallegar. Það er erfitt
að vera barn.
Nú er byrjað að endurprenta
allt Peanuts í þykkum bindum.
Fyrsta bindið spannar árin 1950-
52. Ég ætla mér að eignast hvert
einasta bindi. Good Grief.
Hugleikur Dagsson
PEANUTS 1950 - 1952
EFTIR: CHARLES M. SCHULZ
NIÐURSTAÐA: Ég held að vinsældir Peanuts
eigi sér einmitt rætur að rekja til Charlie
Brown; barnsins sem gerir sér grein fyrir hversu
litla stjórn við höfum á hlutunum.
[ MYNDASÖGUR ]
UMFJÖLLUN
Hálfrar aldar angist
■ FÓLK
Svo gæti farið að breska hljóm-
sveitin Oasis fái sjálfan Ringo
Starr, fyrrum trommuleikara
Bítlanna, til að spila á nýjustu
plötu sinni sem kemur út í byrjun
næsta árs.
Noel Gallagher, gítarleikari
Oasis, segir að sveitin hyggist
klára plötuna í Los Angeles og
þar sem trommuleikarinn Zak
Starkey er sonur Ringos muni
þeir jafnvel reyna að fá goðið til
liðs við sig en hann býr einmitt í
borg Englanna.
„Zak mun tromma grunnanna
en við munum reyna – finnst við
erum á leið til Los Angeles – að fá
pabba hans í hljóðverið,“ sagði
Noel. „Ástæðan er sú að eitt laga
okkar er mjög Bítlalegt. Við ætl-
um því að reyna fá þá feðga til að
spila saman. Það getur samt vel
verið að Ringo segi okkur að fara
til fjandans.“
Noel, og bróðir hans Liam,
hafa margoft lýst yfir aðdáun
sinni á Bítlunum og á plötum Oas-
is má vel greina áhrif frá Liver-
pool-sveitinni.
Noel sagði jafnframt að sveitin
hygðist fara í tónleikaferðalag
um leið og hún lýkur við plötuna.
Oasis hefur ekki farið í langt tón-
leikaferðalag síðan í júlí árið
2002.
„Ef ég á að vera heiðarlegur þá
verðum við að fara í fjögurra ára
tónleikaferðalag því við höfum
eytt svo miklu í gerð þessarar
plötu,“ sagði Noel og bætti við:
„Fyrir vikið verða allir komnir
með hundleið á Oasis þegar næsta
tónleikaferðalag hefst.“ ■
Oasis vill fá Ringo á nýju plötuna
RINGO STARR Sonur trommarans leikur
með Oasis.
OASIS Gallagher-bræður fá kannski
draum sinn uppfylltan ef Ringo Starr spilar
inn á plötu þeirra.
SÆTAR SAMAN Renee Zellweger og
Angelina Jolie voru sætar saman þegar
þær mættu til frumsýningar á teiknimynd-
inni Shark Tale í New York á mánudaginn
var. Þær ljá báðar raddir sínar í myndinni.
Poppsöngvarinn fyrrverandi Cat
Stevens er kominn aftur heim til
Bretlands eftir að hafa verið hand-
tekinn og sakaður um að vera
stuðningsmaður hryðjuverka-
manna þegar hann hugðist heim-
sækja Bandaríkin. Tónlistarmaður-
inn, sem gerðist íslamstrúar og
breytti nafni sínu í Yusuf Islam árið
1976, var handtekinn og yfirheyrð-
ur af bandarísku alríkislögreglunni
FBI þegar hann lenti í Washington á
þriðjudag. Islam var hafnað um
landvist í Bandaríkjunum af örygg-
isástæðum og var gert að snúa aft-
ur heim.
Handtakan vakti mikla reiði í
Bretlandi, þar á meðal hjá utanrík-
isráðherra Bretlands og hjá ís-
lömskum hópum beggja vegna Atl-
antshafsins. „Hann er sendiherra
friðar,“ sagði David Gordon, fjár-
málastjóri Islam, um leið og hann
fordæmdi ákvörðunina. ■
Handtöku Cats
Stevens mótmælt
YUSUF ISLAM Hann ræddi við blaðamenn þegar hann kom aftur heim til Bretlands.
FÖSTUDAGUR
FÖSTUDAGUR
FÖSTUDAGUR
- mest lesna blað landsins -
- um ýmislegt o.fl. á hverjum degi -
AUGLÝSINGASÍMINN ER 550 5000
■ TÓNLIST