Fréttablaðið - 01.10.2004, Side 64

SÍMANÚMER FRÉTTABLAÐSINS: 550 5000, fax: 550 5099 Ritstjórn: 550 5005, fax: 550 5006, ritstjorn@frettabladid.is
Auglýsinga- og markaðsdeild: 550 5010 - fax 550 2727, auglysingar@frettabladid.is Veffang: visir.is
VI Ð S EG J U M F R É T T I R SM Á A U G L Ý S I N G AS Í M I N N E R 550 5000
Útlaginn
Áþjóðveldisöld var löggjafar-valdið í höndum alþingis-
manna, en þá vantaði fram-
kvæmdavald – sem sé ráðherra og
tilheyrandi ríkisstofnanir handa
þeim að ráða yfir. Ef menn sýndu
sig í því að vera óalandi og óferj-
andi var hvorki hægt að vista þá á
Kvíabryggju né stinga þeim í fang-
elsi, svo að það var úr vöndu að
ráða.
EN ALÞINGI – þá eins og nú –
hafði ráð undir hverju rifi. Þetta
var löngu áður en ferðalög komust
í tísku sem afþreying og enginn
hafði nokkru sinni heyrt talað um
dagpeninga. Ferðalög voru skelfi-
legur hlutur. Ef menn gátu fleytt
sér lifandi milli landa á frumstæð-
um seglbátum máttu þeir bóka að
hjá framandi þjóðum væru þeir í
besta falli hafðir að féþúfu og í
versta falli drepnir af ræningjum
og stigamönnum.
EKKERT Í VERÖLDINNI var
jafn fyrirkvíðanlegt og að fara í
ferðalag. Þess vegna fann Alþingi
upp þá snjöllu refsingu sem nefnd
var „fjörbaugsgarður“. Hún fólst í
því að misindismönnum var út-
skúfað úr samfélaginu og gert að
ferðast til útlanda og dvelja utan
Íslands í þrjú ár til að hugsa ráð
sitt. Að öðrum kosti voru þeir rétt-
dræpir hvar sem til þeirra náðist.
Hinir útskúfuðu voru nefndir út-
lagar eða útilegumenn, og frægir
krimmar eins og Grettir Ásmunds-
son og Gísli Súrsson kusu heldur
að fara huldu höfði í óbyggðum Ís-
lands en hrekjast til útlanda.
Gunnar Hámundarson neitaði
meira að segja að fara út af land-
areign sinni. Þeir voru vitanlega
allir drepnir.
NÚ TIL DAGS þykir eftirsóknar-
vert að fara til útlanda. Þar eru
vínber ódýrari en hér, meira sól-
skin og útsölur góðar. Refsingin
fjörbaugsgarður glataði gildi sínu.
Það er því fagnaðarefni að þjóð-
ræknir alþingismenn skuli nýverið
hafa gert tilraun til að endurvekja
þá íslensku hefð að útskúfa saka-
mönnum. Kristinn H. Gunnarsson,
sem verið hefur til margvíslegra
vandræða – og var meira að segja
á móti því að Íslendingar færu í
heilagt stríð við Íraka – hefur nú
hlotið makleg málagjöld, og kallað
yfir sig skelfilegustu örlög sem
stjórnmálamenn geta hugsað sér.
Hann hefur verið útilokaður frá
því að sitja í nefndum! ■
BAKÞANKAR
ÞRÁINS BERTELSSONAR
SJÓNVARPSDAGSKRÁ
VIKUNNAR »