Fréttablaðið - 13.11.2004, Blaðsíða 56
Líkur eru á að Steve Wigley, þjálf-ari Southampton, geti loks stillt
upp sómasamlegu liði þegar félagið
leikur gegn
Portsmouth í dag.
James Beattie, Gra-
eme Le Saux og
Fabrice Fernandes
eru allir leikfærir á
ný. Ekki er vanþörf á
þar sem starf þjálf-
arans er að veði
enda liðið leikið langt undir getu í
allan vetur.
Svínn Marcus Grönholm er efstureftir fyrstu sérleiðirnar í Ástral-
íurallinu en rallið er hluti af heims-
meistarakeppninni í rallakstri.
Keppnin er jafnframt sú síðasta á
þessu ári en Frakkinn Sebastian
Loeb hefur fyrir margt löngu tryggt
sér titilinn og liði Citröen titil bíla-
framleiðenda. Hann er engu að síður
rétt á eftir Grönholm og ætlar greini-
lega ekkert að gefa eftir enda helsti
keppinautur hans, Norðmaðurinn
Petter Solberg, dottinn úr leik.
Dallas Mavericks batt enda á 14leikja sigurgöngu Miami Heat í
fyrrakvöld og er meginástæðan stór-
leikur Þjóðverjans
Dirk Nowitski sem
lauk leik með 41
stig. Skyggði hann
algjörlega á stjörnu
Miami, Shaquille
O´Neal, sem þó
skoraði 22 stig. Lið
Miami, sem hefur
unnið leiki sína að undanförnu með
talsverðum mun, komst aldrei yfir í
leiknum.
Fyrsti hluti frægustu hjólreiða-keppni heims, Tour de France,
mun að öllum líkindum hefjast í
London árið 2007 ef áætlanir ganga
eftir. Hafa forsvars-
menn keppninnar
leitað leiða til að fá
fleiri áhorfendur og
er þetta eitt af þeim
skrefum sem talin
eru vænleg í því til-
liti. Danir lögðu
einnig fram boð en
yfirgnæfandi líkur eru á að Hringur-
inn um Frakkland hefjist í London.
ÚR ÍÞRÓTTAHEIMINUM
44 13. nóvember 2004 LAUGARDAGUR
Við hrósum …
… Viggó Sigurðssyni, þjálfara íslenska landsliðsins í handbolta, að
ætla ekki að vera með neitt væl og afsakanir þrátt fyrir að nokkrir
af lykilmönnum liðsins verði ekki með á World Cup í Svíþjóð.
Viggó segist vera með gott lið í höndunum og krefst árangurs á
mótinu.
„Við vitum það allir að ef við skorum ekki mörk þá
vinnum við ekki leiki.“
Rio Ferdinand, leikmaður Manchester United, er búinn að greina vandræði liðsins og
hefur væntanlega sagt Alex Ferguson, stjóra liðsins, frá greiningu sinni.
sport@frettabladid.is
HVAÐ? HVENÆR? HVAR?
10 11 12 13 14 15 16
Laugardagur
NÓVEMBER
FÓTBOLTI „Við tókum góðan fund í
gær þar sem við hreinsuðum loft-
ið svo um munar og það er miklu
léttara yfir okkur nú,“ segir Ásta
Árnadóttir, einn leikmanna ís-
lenska kvennalandsliðsins í fót-
bolta. Í dag mætir liðið Norð-
mönnum öðru sinni í umspili um
sæti í lokakeppni Evrópumótsins
sem fram fer í Englandi á næsta
ári.
Leikurinn fer fram í Noregi og
eftir rasskellingu hér heima á
miðvikudaginn í fyrri leik liðanna
þar sem Ísland tapaði 2-7 verður
að telja möguleika Íslands á að
komast áfram því sem næst enga.
Ásta er hins vegar ekki alveg á
þeim buxunum.
„Við höfum legið yfir upptök-
um af fyrri leiknum og teljum
okkur vita hvaða mistök við gerð-
um. Nú er hugur í stelpunum að
láta þær norsku að minnsta kosti
hafa fyrir hlutunum og hver veit
nema við getum komið þeim á
óvart og unnið leikinn. Ég held að
þær muni vanmeta okkur eftir
stórsigurinn á miðvikudaginn og
það mun hjálpa.“
Ásta segir engar stórvægilegar
breytingar fyrirhugaðar á leik-
skipulagi liðsins. „Fyrst og fremst
er ætlun okkar að standa í lapp-
irnar og gera betur. Engin okkar
var að gera neinar rósir síðast en
það er annar og breyttur andi í lið-
inu nú og ég verð hissa ef okkur
tekst ekki að spila miklu betur
fyrir vikið.“
Ásta var ein af fáum leikmönn-
um Íslands sem gáfu þeim norsku
lítið eftir í fyrri leiknum og tókst
henni að mestu að halda einni
skærustu stjörnu norska liðsins,
Dagny Mellgren, í skefjum mest-
allan leikinn. Hún á von á að mæta
Mellgren aftur. „Ég á ekki von á
öðru og mun reyna mitt besta. Við
þurfum að vera á tánum að trufla
miðjuspil Norðmanna en það er
stór hluti þess hve vel gekk gegn
okkur. Hvort það tekst verður að
koma í ljós en draumurinn er að
hafa sigur í þessum leik og jafn-
vel þó að það dugi ekki til að kom-
ast til Englands þá getum við að
minnsta kosti vel við unað eftir
skellinn heima.“ albert@frettabladid.is
ALLT ANNAR ANDI Ásta Árnadóttir, sem sést hér hlusta á Helenu Ólafsdóttur, þjálfara
íslenska kvennalandsliðsins, á æfingu fyrir leikinn gegn Norðmönnum á miðvikudaginn,
segir allt annan anda vera í hópnum fyrir leikinn í dag. Fréttablaðið/Pjetur
Allt annar og breyttur
andi fyrir þennan leik
Eftir afar slaka frammistöðu kvennalandsliðsins gegn Norðmönnum á
miðvikudaginn er almenn samstaða um það innan hópsins að sýna
norsku stelpunum í tvo heimana í seinni leik liðanna sem fram fer í dag.
■ ■ LEIKIR
14.00 ÍBV og Grótta/KR mætast í
Vestmannaeyjum í 1. deild
kvenna í handbolta.
15.00 Höttur og Breiðablik
mætast á Egilsstöðum í 1. deild
karla í körfubolta.
16.15 FH og KA/Þór mætast í
Kaplakrika í 1. deild kvenna í
handbolta.
16.15 Valur og Haukar mætast í
Valsheimilinu í 1. deild kvenna í
handbolta.
16.15 Víkingur og Fram mætast í
Víkinni í 1. deild kvenna í
handbolta.
■ ■ SJÓNVARP
11.30 Upphitun á Skjá einum.
Hitað upp fyrir leiki dagsins í
ensku úrvalsdeildinni í fótbolta.
12.00 Enski boltinn á Skjá einum.
Bein útsending frá leik
Tottenham og Arsenal í ensku
úrvalsdeildinni í fótbolta.
12.30 Íslandsmótið í Galaxy
Fitness á Sýn.
13.50 Landsleikur í fótbolta á
RÚV. Bein útsending frá leik
Noregs og Íslands í umspili um
sæti í lokakeppni EM
kvennalandsliða í fótbolta.
14.00 Á vellinum með Snorra Má
á Skjá einum.
15.00 Enski boltinn á Skjá einum.
Bein útsending frá leik Fulham
og Chelsea í ensku
úrvalsdeildinni í fótbolta.
15.00 Meistaradeildin í
handbolta á Sýn. Bein útsending
frá leik Sävehof og Hauka í
meistaradeildinni í handbolta.
15.40 Handboltakvöld á RÚV.
16.05 Íslandsmótið í handbolta á
RÚV. Bein útsending frá leik Vals
og Hauka í 1. deild kvenna í
handbolta.
16.50 Inside the US PGA Tour
2004 á Sýn.
16.50 Enski boltinn á Skjá einum.
Bein útsending frá leik
Birmingham og Everton í ensku
úrvalsdeildinni í fótbolta.
17.50 Motorworld á Sýn.
18.20 Spænski boltinn á Sýn. Sýnt
frá leik Real Madrid og
Barcelona í spænsku
úrvalsdeildinni í fótbolta árið
1997.
20.00 Íslandsmótið í Galaxy
Fitness á Sýn.
01.30 Hnefaleikar á Sýn. Sýnt frá
bardaga Michael Grant og
Andrew Golota.
Staðreynd: Íslenskir knattspyrnumenn
hafa löngum talið sjálfum sér og flest-
um öðrum trú um að þeir séu aðeins
áhugamenn í íþróttinni, spili aðeins
vegna ástar á leiknum og þiggi mála-
myndaupphæðir fyrir.
Staðreynd: Albert Sævarsson, mark-
vörður Grindvíkinga, kom rækilega
upp um sjálfan sig og félaga sína í
grein í Morgunblaðinu í september
þar sem hann tjáði alþjóð að hann
fengi 200 þúsund krónur á mánuði á
ársgrundvelli, mun hærri laun en byrj-
unarlaun kennara sem standa í verk-
falli og í það minnsta tvöfalt hærri
laun en hjá almennum verkamanni
sem þó vinnur fjórfalt fleiri tíma – að
minnsta kosti. Ef Albert Sævarsson,
sem er einungis miðlungsmarkvörður
á Íslandi og hefur aldrei leikið lands-
leik, er með þessi laun, þá eru ansi
margir leikmenn í Landsbankadeild-
inni með mun hærri laun.
Staðreynd: Íslenskir knattspyrnumenn
eyða ekki níu hundruð tímum á ári í
æfingar eins og einn góðkunningi fjöl-
miðla úr knattspyrnuheiminum hefur
haldið fram. Þá þyrftu þeir að æfa
tæpa þrjá tíma á dag alla daga ársins,
nokkuð sem er langur vegur frá miðað
við vitneskju mína af æfingum liða í
efstu deild. Réttara væri að lækka
þessa tölu í það minnsta um helming.
Staðreynd: Íslensk knattspyrnufélög
laumupúkast með laun leikmanna.
Þau ættu að koma þeim upp á borðið
og þá myndu knattspyrnuáhugamenn
loksins sjá hversu mikill hluti af pen-
ingum þeim sem þeir láta í félagið fer
í vasa misgóðra leikmanna. Þetta
myndi líka auðvelda félögum samn-
ingsgerð við leikmenn því hver og
einn samningur yrði með óbeinum
hætti lagður undir dóm stuðnings-
manna liðsins.
Staðreynd: Stjórnarmenn knattspyrnu-
félaga eru ekki metnaðarlausir eins og
einn góðkunningi fjölmiðla úr knatt-
spyrnuheiminum hefur haldið fram.
Þeir leggja mun meira á sig en leik-
menn, mestur tími fer í að afla fjár til
að borga laun leikmanna og moka
undir ofdekraða leikmenn og þeir
þiggja ekki krónu fyrir, svo mik-
ið er víst. Flestir borga þeir
með sér. Þessum mönnum
ber að hrósa en ekki lasta
og öll orð um metnaðar-
leysi stjórnarmanna eru í
besta falli vanþakklæti og í
versta falli argasti dónaskap-
ur.
Staðreynd: Laun íslenskra leikmanna
hafa að flestra mati staðið í stað eða
hækkað á und-
anförnum
árum jafnvel
þótt þveröfug
þróun hafi verið á
Norðurlöndunum
og á meginlandi Evrópu. Gæði ís-
lenskrar knattspyrnu hafa minnkað á
undanförnum árum jafnvel þótt æf-
ingaaðstaða hafi batnað og menntun
þjálfara hafi aukist. Leikmenn telja sig
að vísu bara vera „áhugamenn“, líta á
knattspyrnuna sem aukavinnu en sú
aumingjasálfræði á stóran þátt í því að
menn eru ekki betri en þeir í raun og
veru eru. Stór hluti íslensks launafólks
gæfi hægri höndina fyrir að vera með
þau laun fyrir fulla vinnu sem margir
knattspyrnumenn fá í „aukavinnunni“.
Staðreynd: Mörg félög eiga erfitt með
að ná endum saman á ári hverju
vegna óhóflegs launakostnaðar. Önnur
félög hafa einfaldlega siglt í strand og
þurft að standa í stórræðum til að
komast á réttan kjöl á nýjan leik.
Tekjupóstar meistaraflokka félaganna
á Íslandi eru af skornum skammti,
auglýsingar, miðasala, tekjur af sjón-
varpsrétti og síðan árangurstengdar
greiðslur eins og til dæmis Evrópu-
keppni eða greiðslur frá Lands-
bankanum. Ef áhorfendum
fækkar og
árangurinn er slakur eru tveir af fjór-
um tekjupóstum í uppnámi og það
segir sig sjálft að það er lítið gull að
hafa úr slíkum kistum.
Samt koma leikmenn ár eftir ár og
reyna að skara eld að eigin köku burt-
séð frá frammistöðunni. Þeir telja sig
vera áhugamenn en vilja fá borgað
eins og atvinnumenn. Furðuleg frekja
og það er kominn tími til að leikmenn
ákveði sig hvort þeir ætli að halda
áfram að vera áhugamenn og lækki
laun sín í samræmi við það eða verði
atvinnumenn á þeim launum sem þeir
eru á dag. Kæru leikmenn! Þið verðið
að velja því að sá tími rennur upp að
þanþol félaga, á að gefa eingöngu en
þiggja ekkert, brestur. Ef leikmenn
ætla að halda áfram að þiggja há laun
þurfa þeir líka heldur betur að breyta
hugarfarinu hjá sér. Það hefur enginn
neytt þá til að spila fótbolta. Einhvern
tíma fyrir löngu spiluðu þeir af því að
þeir höfðu gaman af því. Nú vilja þeir
helst grafa eftir gulli, gulli sem ekki
finnst í kistum félaganna, að minnsta
kosti ekki í þeim mæli
sem leikmennirnir
vilja.
Atvinnu- eða áhugamenn – farið að velja
ÓSKAR HRAFN ÞORVALDSSON
ÍÞRÓTTAFRÉTTAMAÐUR
UTAN VALLAR
ÍSLENSKIR KNATTSPYRNU-
MENN, LAUN OG HUGAR-
FAR