Fréttablaðið - 25.11.2004, Blaðsíða 41

F2 12 25. nóvember 2004 FIMMTUDAGUR
Ég fæ
innblástur
alls staðar
E
lma Lísa Gunnarsdóttir leikkona vekur athygli hvert sem hún fer fyrir
ævintýralegan og flottan klæðaburð. Hún er þó alls ekki að eyða of mikl-
um peningum í föt og finnst skemmtilegast að ná sér í notuð föt á mörk-
uðum erlendis þar sem hún getur gramsað. „Ég er búin að vera með æði
fyrir notuðum fötum síðan ég var 15 ára. Ætli þetta sé ekki tilkomið
vegna þess að mér finnst svo leiðinlegt að eiga fatnað eins og allir aðrir
og svo finnst mér þessi gömlu föt hafa mikinn sjarma. Mér finnst langbest að vers-
la notaðan fatnað erlendis því þar er betra úrval og svo er verðið mun betra en hér
heima. Ég var í Kaupmannahöfn á dögunum og þar var ég svolítið dugleg að vers-
la. Ég hef líka gert góð kaup í Berlín og svo missti ég mig alveg í Ameríku fyrir
mörgum árum þegar ég fór með vinkonu minni til San Francisco og LA. Ég er nú
samt alger alæta á föt, kaupi bara það sem mér finnst fallegt. Hvort það sem það er
hjá Hjálpræðishernum, í Kolaportinu, Sautján eða H&M. Mér finnst mjög gaman
að blanda þessu öllu saman,” segir Elma Lísa. Hún vill alls ekki viðurkenna að hún
eyði miklum peningum í föt á mánuði. „Mér finnst ég vera frekar praktísk þegar
kemur að fatainnkaupum. Ég er svona týpa sem vil kaupa mér mikið af fötum. Þeg-
ar ég fer til útlanda kaupi ég frekar margar ódýrar flíkur heldur en eina dýra. En ef
þú myndir spyrja vinkonur mínar eða manninn minn þá myndu þau örugglega
segja að ég eyddi rosalega miklu,“ segir hún brosir út í annað. Tískuáhuga sinn
sækir hún þó alls ekki í tískublöð. „Ég fæ innblástur alls staðar. Mest þó af götu-
tískunni og úr bíómyndum. Annars klæði ég mig bara í það sem mér finnst flott.
Ég hef alla tíð þorað að klæða mig í það sem mér finnst fallegt.“
Unaðslegt gyllt veggfóður
Heimili Elmu Lísu og eiginmanns hennar er álíka ævintýralegt og fataskápurinn
hennar. „Ég er alveg jafn geðveik þegar kemur að heimilinu. Þar er heldur enginn
einn stíll og mörgum þykir heimili mitt örugglega mjög púkó. En ég er mjög
ánægð með það því það er lifandi og litríkt. Þegar við komum í fyrsta sinn inn í
íbúðina til að skoða hana féll ég alveg í stafi því á veggjunum er þetta upprunalega
gyllta veggfóður, ljósir þykkir vegglistar og rósettur sem mér finnst svo fallegt.“
Talið berst að myndlist. „Myndir listakonunnar Dóru Emilsdóttur eru í mestu
uppáhaldi hjá mér. Við eigum þrjár myndir eftir hana. Þetta eru litríkar og stórar
myndir sem njóta sín óskaplega vel á gyllta veggfóðrinu. Ef ég er leið horfi ég á
myndirnar því þær eru svo glaðar. Svo á ég líka mynd eftir frænda minn, Árna
Sverrisson. Hún er alveg frábær og er í svipuðum stíl og myndirnar hennar Dóru.“
Semur vel við eiginmanninn
Um þessar mundir er Elma Lísa að leika í verkinu Faðir vor eftir Hlín Agnarsdótt-
ur en hún framleiðir sýninguna ásamt Arndísi Hrönn Egilsdóttur og Þrúði Vil-
hjálmsdóttur. Hjálmar Hjálmarsson leikur einnig í sýningunni sem er leikstýrt af
Agnari Jóni Egilssyni. Faðir vor fjallar um þrjár systur og föður þeirra og hefur
fengið frábæra dóma. Þetta er sýning sem snertir fólk djúpt. Elma Lísa leikur
yngstu systurina sem er ofdekruð, drykkfelld og frekar týnd í tilveru sinni.
„Agnar Jón Egilsson valdi í hlutverk eins seint og hann gat og því bjóst ég við hvaða
hlutverki sem er. Eftir á að hyggja held ég samt að það hefði ekki verið hægt að
hafa þetta öðruvísi.“
Þó svo að sýningar á Faðir vor gangi fyrir fullu húsi er Elma Lísa strax farin að
huga að næsta verkefni. Hún er að fara að leika í stuttmyndinni Töframaðurinn eft-
ir Jón Atla Jónasson sem eiginmaður hennar Reynir Lyngdal leikstýrir. Þetta er þó
ekki í fyrsta skipti sem þau vinna saman.
„Ég lék í stuttmyndinni Kissing sem Reynir gerði fyrir Evrópsku kvikmynda-
verðlaunin og svo höfum við unnið saman að hinum og þessum verkefnum. Okk-
ur finnst voðalega gott að vinna saman og það kemur alls ekki niður á hjónaband-
inu. Við eigum óneitanlega mjög lík áhugamál og getum talað um leikhús og bíó-
myndir út í eitt. Ég hlakka mjög mikið til að leika í þessari mynd hans,“ segir hún.
Eftir að tökum lýkur á stuttmyndinni er ferð hennar heitið í Hafnarfjarðarleikhús-
ið. „Ég er að fara að leika í nýju íslensku verki eftir Þórdísi Bachmann sem heitir
Brotið. Mér finnst það mjög spennandi. Við erum fjögur sem leikum í því og kynja-
hlutfallið er algerlega jafnt. Þetta er ástarsaga þar sem þunglyndi kemur við sögu,
sem sagt mjög dramatískt verk,” segir hún og heldur áfram: „Þegar ég útskrifaðist
hélt ég að ég myndi bara leika dramatísk hlutverk. Raunin varð þó önnur og þetta
eiginlega fyrstu dramahlutverkin sem ég er að leika á ferlinum. Mér finnst það
mjög gaman og tel mig vera mjög heppna að hafa fengið að leika svona ólík hlut-
verk. Það hefði ekki átt sér stað ef ég hefði verið fastráðin við stóru leikhúsin. Í dag
er ég hinsvegar ofsalega ánægð að vera á þeim stað sem ég er því ég hef verið að
gera svo fjölbreytta hluti. Ég hef haft mjög gott af þessu sjálf,” segir Elma Lísa.
Hún neitar því þó ekki að eflaust myndi hún stökkva ef hún fengi gott boð frá stóru
leikhúsunum.
Þolir ekki jólageðveiki
Þegar viðtalið er tekið er búið að skreyta miðbæinn og jólalögin óma í útvarpinu
þrátt fyrir að það sé rúmur mánuður til jóla. Hún segist þó alls ekki vera mikið
jólabarn.
„Eg missi mig alls ekki í neinum skreytingum. Mér finnst alveg nóg að hafa
bara kerti og eina og eina jólaseríu,“ segir hún og viðurkennir að hún baki ekki einu
sinni fyrir jólin. „Ég á ekki einu sinni hrærivél,“ segir hún hálf skömmustulega og
bætir við:
„Kertaljós, að labba um miðbæinn og kíkja í búðir og hlusta á jólalög kemur mér
í jólastemningu. Ég þoli samt ekki þessa neysluhyggju og græðgi sem verður oft hjá
fólki fyrir jólin. Jólin eru svo stuttur tími og mér finnst fólk eigi bara að njóta þess
að hafa það gott saman í stað þess að missa sig í eyðslu. Mér finnst ömurlegt þeg-
ar jólin snúast upp í neysluhyggju og græðgi. Ég fór t.d. í Smáralind um síðustu
helgi og þessi jólageðveiki var strax byrjuð. Ég náði að vera þarna inni í hálftíma,
þá fékk ég alveg nóg. Þó að mér finnist gaman að versla þá má maður ekki tapa sér
í þessu,“ segir Elma Lísa. ●
Leikkonan Elma Lísa Gunnarsdóttir
hefur hlotið lof fyrir leik sinn í sýning-
unni Faðir vor sem er sýnd í Iðnó. Það
eru þó fullt af öðrum spennandi hlut-
um framundan hjá henni og auk þess
er ekki laust við að hún sé komin í ör-
lítið jólaskap. Marta María Jónasdóttir
spjallaði við Elmu.